المساعد الشخصي الرقمي

مشاهدة النسخة كاملة : إلى كل من ركب الفرار...تعال و حط تجربتك...


Abo Nader
19/04/2007, 10:29 PM
السلام عليكم و رحمة الله و بركاته...

أخواني المكاشيت...كيف الحال:p...

كثرت هاليومين مواضيع الفرارات و هل تصلح ولا لا...

أتمنى على من ركب الفرارات يحط تجربته و يفيدنا و يفيد الأخرين...

تكون المشاركه كالتالي:
1-ذكر نوع السياره و مديلها..
2- ذكر نوع الفرار الي مركبه..
3- تعليقه على التجربه..(يعني ينصح فيه ولا لا)..
4- ما هي الفوائد و ما هي السلبيات...

أتمنى من الجميع المشاركه لكي تعم الفائده....
مترس
20/04/2007, 02:45 AM
والله فعلا نرجو الافاده لاني ناوي اركبه على طير شلوى الفتك

ولاعندي اي فكره عن سعره والفرق قبل وبعد التركيب .
Abo Nader
20/04/2007, 03:43 AM
هلا مترس...و الله أنا ودي أركبه على الباث...ليت أحد يفيدنا...
الضرغام
20/04/2007, 04:14 AM
هلا بالغالي
بخصوص أستفسارك هذا موضوع
به الكثير حول الفرارات وأنواعها
تفضل من هنا (http://www.mekshat.com/vb/showthread.php?t=8291)
Abo Nader
20/04/2007, 12:33 PM
هلا أخوي الضرغام...

أخوي الموضوع شايفه لكن ما أحد جط تجربته و تعليقه على الموضوع...

شاكر لك مرورك...
الدرندس
20/04/2007, 01:27 PM
السلام عليكم

اخوي ابو نادر انا مركبه على هايلكس 2005 4*4والحمد لله زي الحلاوه اما النوع فهو البرازيلي من عند السليماني الي في الغرابي

وسعره مع التركيب 480 بدون ضمان وله معي الان حوال السنتين

والسلام ختام
ملك الغضى
20/04/2007, 01:50 PM
انا ركبته على باترول 2003 ومن ابدع مايكون النوع اللي يجي تماتيك بالجيوب الاستعمال ياباني
الفهد11
20/04/2007, 02:30 PM
طيب الله لايهينكم

السليماني وين بالضبط بالغرابي ؟
وهل عنده انواع متعدده من الفرارات للباترول الفتك قير عادي

ارجو الافاده مع خالص الشكر .
Abo Nader
20/04/2007, 02:40 PM
الدرندس...شكرا لك..ما قصرت...بس ويش فرقت بالموتر؟..

ملك الغضى..ممكن تعطينا معلومات عن الفرار الأتوماتيك...؟

الفهد..إن شاء الله تحصل إجابه.....

شكرا لكل من شارك و نريد زياده معلومات عن الفرارت....:)...
ابو روته
20/04/2007, 02:51 PM
السلام عليكم ورحمة الله وبركاته
كان عندي لاندكروزر 91 مركب عليه فرارات الأمريكية (warn) والحمد لله حسيت بفرق كثير أولا في خفت الموتر اذا فصلت الدبل وفرق في الصرفبة وبعته وركبته كذلك في هايلكس 2004 والحمد لله تقول تسوق كامري من خفتها وانصح فية بشدة ، ويحفظ عليك عمود الدبل من ربلات واستهلاك في غير محله .
اما سلبياتها :
1- اذا ركب لك الفرار واحد ماهو فهمان فيها بيخرب عليك سنة الدبل .
2- التعب من نزول عند التحضير وفك التحضير .
ودمتم سالمـــــــــــــــــين"""""
Abo Nader
20/04/2007, 03:07 PM
أبو روته...وعليكم السلام...الله يجزاك خير...توضيح مفصل..ما قصرت...

نحتري باقي الإخوان...
Abo Nader
20/04/2007, 06:56 PM
يا أخوان وين أحصل الفرارات بالشرقيه...

بأي محل....
الرهدن
20/04/2007, 07:34 PM
وعليكم السلام ورحمة الله وبركاته00
يعطيك العافية أبو نادر00
الأهم لايقربكم البرازيلي لأنه بلاستيك عليكم بالشركة المتخصصة Warn

ولايفوتكم الرابط العلوي اللي وضعه الأخ الضرغام00
لكن ماحد جرب الأوتوماتيك ؟
.
Abo Nader
21/04/2007, 12:41 PM
هلا أخوي الرهدن...

ما قصرت...بس وين أحصلها بالشرقيه..
مقلب
21/04/2007, 01:04 PM
انا ركبت الفرارات عند السليماني من نوع البرازيلي
على باثفندر وسفاري والحمدلله ماراح التركيب خساره
لانه صار فرق صار الموتر خفيف +تقليل الصوت+تقليل الصرفية
بس العيب عند التركيب مايحط شحم كثير قليل جداً علشان مايصير تهريب
من الفرارات ,,

تحياتي
(أبوزيـــــد)
21/04/2007, 01:17 PM
هلابك اخوي ابو نادر..
الموتر:هايلكس دفرنسين.
النوع:warn
ممتازه جدا..
تحس بخف في الموتر.. وتقلل شوي في صرفية البنزين.. وتحافظ على العمود وتريح الموتر..

وزي ماذكروا الاخوان.. احرص جيدا في تركيبها..
ارجوا ان اكون افدتك..

وتقبل خالص تحياتي...
(أبو زيـــــد)
salehhd
21/04/2007, 02:14 PM
السلام عليكم

فكرة الموضوع ممتازة

وهذا تسجيل حضور للمتابعة

ويعطيكم العافية
Abo Nader
21/04/2007, 02:21 PM
السلام عليكم...

أخوي مقلب..ما قصرت..و تراك جزمتني أركبها على الباث..

أبو زيد..الله يجزاك خير..كفيت و وفيت...


salehhd شكرا لك للمشاركه... (member.php?u=16463)


ما فيه أحد من الشرقيه يفيدنا؟...:)...
عرش السفاري
21/04/2007, 05:22 PM
طيب وين المحل اللي يركبة<<<<<<<<<<أفضل فني؟؟؟؟؟؟؟؟؟


ودمـــــــــــــــــــتم بود
الحضرمي2006
21/04/2007, 06:06 PM
طيب وين المحل اللي يركبة<<<<<<<<<<أفضل فني؟؟؟؟؟؟؟؟؟


ودمـــــــــــــــــــتم بود



السليماني بالغرابي
Abo Nader
21/04/2007, 06:41 PM
عرش السفاري...الحضرمي2006...ما قصرتوا...
أبومطلق
21/04/2007, 07:17 PM
أنا كان عندي لند كروز وركبت فررات الشركه والحمد لله زينه مافيها كلام من ناحية خفت الموتر وخاصه القومه وهالحين معي سفاري وحصلت فررات تماتيك يعني مهو لازم تنزل وتفرهن بس تاقف وتبدل يشبك الدبل وياباني وذا مشيت يفصل الدبل سراحه كل خوياي ركبوهن ماشكو منهن وسلامتكم عرضً طول
Abo Nader
21/04/2007, 08:16 PM
حياك الله أخوي أبو مطلق...ما قصرت...بس الأتوماتيك بكم ركبتهن...و هل ألقا للباث...
هاوي الله
21/04/2007, 09:17 PM
معلومه مهمه :

الفرار الياباني ( الأوتوماتيك ) له طريقة تشغيل موجوده في كاتلوج اللاندكروزر .

الظاهر في القسم 7 - 1 من الكاتلوج .

شكراً .
Abo Nader
22/04/2007, 02:08 AM
هاوي هدد.. ما قصرت...يعطيك العافيه..
ا بو بندر
22/04/2007, 10:06 AM
يا جمعه ان ركبته على السفاري 99
ونوع برزيلي ولقية فرق في السياره
وتقبلوتحياتي
ابو ســــاره
22/04/2007, 10:42 AM
ركبتهن على باثفيندر نوعية ورن الامريكية من السليماني رجعت وركبتهن مره ثانيه على الاندكروزر كلهن على 550 الباث والاند الصراحة تخفف على الموتر 25% في الباثفيندر لانه عكوس اتوقع ولكن في الاندكروزل الفرق واضح وقوي 35 او 40 % يخف الموتر .
وترى حقات الباثفيندر موجوده الي يبيهن تراهن معروضات لاني بعت الباثفيندر.
هاوي الله
22/04/2007, 11:14 AM
ركبتهن على باثفيندر نوعية ورن الامريكية من السليماني رجعت وركبتهن مره ثانيه على الاندكروزر كلهن على 550 الباث والاند الصراحة تخفف على الموتر 25% في الباثفيندر لانه عكوس اتوقع ولكن في الاندكروزل الفرق واضح وقوي 35 او 40 % يخف الموتر .
وترى حقات الباثفيندر موجوده الي يبيهن تراهن معروضات لاني بعت الباثفيندر.

يعني اللاندكروزر اللي عندك دفرنش أمامي صح ؟

لازم تذكر إنه دفرنش الله يعطيك العافيه .
مقلب
22/04/2007, 11:35 AM
ترى عندي فرارات باثفندر
نوع برازيل انا شاريها من عند السليماني
استخدام بسيط نظيفة جداً
افتحوا السوم يالله ياشرايه
تحياتي
ابو ســــاره
22/04/2007, 01:08 PM
صحيح الاند دفرنس يا هاوي هدد وعلى طاري الدفرنس ازين ما في الاند الشكل الجديد الديزل يجي له دفرنسات مهوب عكوس .
أبومطلق
22/04/2007, 03:00 PM
أخواني أنا لقيت الفصالات الأتماتيك في السفاري الي يجي من اليابان سكان يمين مركب شد بلده ويركب على جميع السفاريات ومتوفر عندنا في الكويت لأنهم يجيبونه مقصوص ويبيعونه في السكراب
Abo Nader
22/04/2007, 09:07 PM
أبو بندر...ماقصرت...

أبو ساره...بيض الله و جهك...أعجبتني بالنسب الي حطيتها:p...

هاوي هدد..حياك الله...وفعلا الي موتره دفرنس قدام يبي يفرق واجد...

مقلب..الله يرزقك البيعه الزينه..

أبو مطلق...الله يعطيك العافيه...و فكرة الفرار الأتماتيك ممتازه,,