المساعد الشخصي الرقمي

مشاهدة النسخة كاملة : لكل من يملك Gxr جير اوتوماتيك


وقيان
20/04/2007, 02:15 AM
السلام عليكم..

اخواني سيارتي Gxr 2006 جير اوتوماتيك...

و من يوم طلعتها من الوكالة عبداللطيف جميل و انا ماني مرتاح من الجير.... سيء جدآ و ثقيل في التبديل...

و الأهم واللي مسبب لي ازعاج... لما تكون السيارة واقفة وبعد ماتحمى طبعآ... لما تعشق الجير...تسمع صوت

طقة قوية.... بصراحة الامر مزعج جدآ جدآ جدآ....

رحت للوكالة وشيكوها مرتين.. وقالوا السيارة مافيها شي.. والصوت طبيعــــي...

سؤالي للي يملكون جير اوتوماتيك... ياليت كل واحد يذكر موديل سيارته.. ومصدرها.....ويذكر اداء الجير عنده....

الرجاء المشاركة من الجميع....

لأني افكر اراسل الشركة في اليابان و اشرح لهم المشكلة .
شامخ ألهيلا
20/04/2007, 02:42 AM
السلام عليكم
انا معي جي اكس ار 2002 الحمد لله مافيه شي
بس لما اعشق احيانا مو دايماً اسمع صوت دقه خفيفه احيانا ماتنسمع واحيانا ماتطلع
بس للمعلوميه وانا اخوك ترا الجيوب التايوتا كلها فيها صوت وكل الناس يقولون عادي انا جربت في المعارض في يومين اكثر من 6 جيوب
والله كلها فيها طقه وبعضها عليه طقه تقومك من النوم وبعضها طقه خفيفه
بس اكثرهم يقولون والله العالم انه من صليب العمود وبعضهم يقولون من الدفرنس
وترا القير التماتيك وسوسه وانا اخوك
عاد شيكه في ورشه صح وترك الوكاله تراهم اكبر خراطيييين

وتقبل تحياتي اخوك محيميد الروقي
ربوع نجد
20/04/2007, 02:54 AM
اكثر الجيوب فيها كذا

واولهم جيبي :)
غالي
20/04/2007, 05:49 AM
والله ثم والله يااخوان
اني اشك في زيت عبداللطيف جميل
موتري شاريه من البازعي
والقير مافيه الا عيب واحد وفيه بعض الجيوب كذا
ان قيره بالرمل والمطناج يفضي ( هذا اذا مانسمت الكفرات ، اما اذا نسمت الكفرات مافضى)
لكن
لكن
غيرت زيت القير عند عبداللطيف جميل
ومن عقبها احس القير عندي صار غيييييييييييييييييير جدا جدا
1-ترتفع حرارة الزيت للقير على طريق سفر وان كنت مسرع
2- التغيير اختلف.

فا اشك في الزيت الي يستخدمه
اتوقع انه تجاري جدا
وانا انتظر امشيء عليه ان كتب الله حول 30 الف او 40 الف
ثم اغيره عند البازعي
مارشال
20/04/2007, 07:05 AM
الشي هذا طبيعي
على حسب حالة وقوفك اللي قبل تعشيق القير ..............




مثلا وانت تمشي ووقفت والقير في وضع D وانت ماسك فرامل وفضيت السيارة N ورجعت عشقت D (طبعا مافكيت الفرامل ابد) ما راح تسمع صوت طقه ابداً. ولو سمعت صوت ترى القير عندك خربان.

اما اذا فكيت الفرامل يرجع وضع القير الى التحرير ومن يوم تعشق D طبيعي بتسمع صوت طقه.


ثقل التبديل هذا طبيعي في السته سرندل اما الثمانية تحس انك تسوق سيارة صح.

بسألك بجد, وش في بالك انك لو راسلت اليابان ؟ وش ردة فعلهم وش تتوقع وش اللي انت مأمل عليه بالعربي.

بإنتظار ردك
وقيان
20/04/2007, 02:46 PM
اخواني محيميد و ربوع نجد و غالي ومارشال... مشكوووووووووورين على الاضافات الجميلة... و واضح ان فيه مشكلة في التصنيع للجير الاوتوماتيك..الله يعين...

اخوي مارشال... انا قد قابلت واحد قطري عند وكالة ابو جميل... عنده 2006 اوتوماتيك.. وسألته عن الجير... قالي فيه طقة... وانه راسل اليابان... وقالوا له فيه جلدة اعتقد يبي لها تغيير... راح قطر وشاف الوكالة زحمة.. جابها عند ابو جميل بيغيرها على حسابه ب 1400 ريال....

انا دخلت على موقع الشركة الرسمي على النت... عجزت ابي احصلهم رقم ولا ايميل....

و ان شاء الله اني بلقـــى....


و بارك الله فيكم جميعآ على اثراء الموضوع....
وقيان
20/04/2007, 02:49 PM
و هذي نصيحة مني للكل..... gxr اوتوماتيك.... مااااااااااااينفع ابد... والله ان الجير حقه يكررررهك في السيارة.... تقول مصمم في جدة ماهو صناعة ابو عيون ضويقة...


مشكلتي متعود على الالماني ( مرسيدس )....آآآآآآآآآه يا الالماني..... والله تضغط المكينة حدها واذا جا يبدل الجير ماتحس فيه ...
aflaj12
21/04/2007, 11:45 PM
عندي نفس مشكلتك وان كانك راع بر فعليك بالقير العادي
نجد 2007
22/04/2007, 03:39 AM
اخي رومانسي السلام عليكم ورحمة الله
أنا معي جي اكس ار 2005
احياناً اسمع الصوت الى تقول في موترك
بس اعتقد انه طبيعي خاصه بعد ما قريت ردود الاخوان
أسير مكشات
22/04/2007, 03:41 AM
مشكور اخوي رومنسي على الموضوع







وتقبل تحياتي
اخوك الأسير
ابو بندر2000
22/04/2007, 02:33 PM
اخي الكريم انا عندي 2003 جي اكس ار .......... ونفس الشي
واخو عندة لكزس 2001 ................... نفس الشي
وولد عمي عندة جي اكس ار 2007 ............... ونفس الشي
الدحبول
22/04/2007, 03:52 PM
أنا عندي فيكسار 1997 (شكل القديم ) 6 أسطوانات مكينة مشابهة لمكينة الجيوب الجديدة
جير أوتومتيك
عيوبة :
التاخر في التبديل (مغير فلتر قير وزيت قير )
(لان عند الوالد جمس يوم إسوقة إحسن الجير الاوتومتيك في الياباني فاشل فشل ذريع )
الاتومتيك حلو فقط في
الاماني يلية الامريكي
ابومعاذ
23/04/2007, 12:44 AM
زاد غلى اليوكن عندي .... اشوي اني ماشريت جي اكس ار
وقيان
23/04/2007, 12:48 AM
السيارة في البر تهووون... لكن في المدينة لما الواحد يبي يحس بالفخامة وينصدم بهالجير المصيبة... والله انه مصيبة..... احيانا ادووووووووووس الدووووسة كلها اذا عصبت من غبائه....
قرناس هوى
26/04/2007, 10:05 PM
يمكن الجكسارات كذا قير ثقيل..

يعطيك العافيه على الموضوع..
بو مشعوفان
26/04/2007, 10:14 PM
أخوي أنا معاي Gx.r موديل 2004 من وكلة الساير في الكويت وهو زي الفل ما أسمع منه صوت
عبدالرحمن2007
26/04/2007, 10:19 PM
اسمع نصيحة اخوك
انا اخي بجده طلع سيارة هوندا جيب ...جديد 2004 المهم كان يقول فيه صوت مثل صوت الجير حقك والمهم كل مرة يروح لهم يقولون هذا صوت عادي ويشيك فقط عندهم ....المهم بعد انتهاء الضمان حق الوكالة .....وقع الفاس في الراس وخرب مرة واحده المهم راح لهم طلبوا مبالغ خيالية ..تعادل نصف سعر السيارة جديده للتوضيب ....لانهم محتكرين القطع في هوندا .....المهم في الاخير باعه بثلث فقط من سعرة بعد ما حاول مرارا ان يسويه خارج الو كالة والللي طلب 12000 واللي طلب اقل واو اكثر عاد الرجال باعه ب 20000 فقط بعد ان اشتراه بملبغ وقدرة 53 الف ....وقتها ......
المهم روح ارميه عندهم واطلب الضمان .....واذا رفضوا سوي فاكس للشركة الام ...واحتج واكتب في الجريده ....
arar98sa
26/04/2007, 10:32 PM
اخواني انا عندي جي اكس ار 2003 وارد السايردفع رباعي مستمر وماخذه وكاله والان ماشي فوق مئة الف ومالاحظت شي من الي ذكروه الاخوان .واغيرزيت القيربدون فلتركل 20000 ومع الفلتر كل 40000 والحمدلله الى الان لم اشتكي من اي خلل بالقير
خادم تميم
26/04/2007, 10:51 PM
اخواني القير الاوتوماتيك مااااااااينفع بالجي اكس ار مره لان الماكينه ماتناسب بس ينفع با لفي اكس ار لان المكينه تناسبه . والقير العادي ماينفع بالفي اكس ار بس ينفع بالجي اكس ار
الأبرق2006
26/04/2007, 11:31 PM
أخي العزيز / romance202 معي نفس موديل سيارتك اقسم بالله


العظيم نفس اللي صار معي في


المره الأولى قالوا المنظم وغيروه والمره الثانيه يقولون طبيعي

والصوت مازال موجود عزيزي إذا حصّلت نتيجه بلغني ولك اشكر

الجزيل وتقبل احترامي
صلحه644
27/04/2007, 01:28 PM
مرحب اخوي رومنسي
ابغاء اقولك شى انت واصحاب التماتيك
انك اتحمل الثقل القير
يعني اذا وقفت حط الموتر بnثم الجلنط وشف تبي تدعيلي
M o b d a
27/04/2007, 02:32 PM
يا أخوان


أنا معي 2006 جي إكس أر
قير عادي

أسمع صوت طقات لاكنها طبيعيه

أحس كل ما غير الزيت


يصير القير خفيف من ناحية التعشيق


ما احس فيه مشكله عادي


بين كل فتره أحس القير يتحرك أسرع من أول ..
w5070
27/04/2007, 02:39 PM
أشكرك اخوي على هذا الموضع .

ونا بعد مثلك gxr2006بريمي قير اتوماتيك نفس المشكلة وديته للوكاله ويقولون هذا الشي طبيعي.

واما أذا كانت الصوت قوي فهي على حسب الوقفة .

ولا تنسون اذا وقفتو في اي مكان الارض فية غير مستوية لا تنسون الجلنط.
بدرالبيان
27/04/2007, 04:50 PM
.
ونا بعد مثلك gxr2006بريمي قير اتوماتيك نفس المشكلة وديته للوكاله ويقولون هذا الشي طبيعي.
.
يعني هل تنحوننا ام لابشراءgxr2006بريمي
هاوي الله
27/04/2007, 06:04 PM
يامريح الأوتوماتيك فكسار وبس
* Storm *
27/04/2007, 11:52 PM
أنا عندي 2006 نفس الصورة بالضب بس عليه خط احمر تر الخط انا حاطه عشان اعلمك جير تماتيك وداني كل مكان مريح خلك عليه وراح تدعيلي

http://www.mekshat.com/pix/upload/images33/mk42127_2006landcruiser.jpg

ترى اللون الاحمر انا مركبه علا الصورة عشان يطلع نفس حقي
بدرالبيان
28/04/2007, 12:24 AM
يامريح الأوتوماتيك فكسار وبس
يعني الجي اكس ار ما هو مريح افيدونا
ملاحة
28/04/2007, 09:00 AM
vx-r وبس سعي للكمال لايعر ف الكلل
مشغول
28/04/2007, 11:37 AM
يامرحبا يا مرااااحب


كان معي gxr2001 واستخدمته سنتين ونصف وبعدين شريت 2002 أتوماتيك واستخدمته سنتين رحت عليه كل مكان حتى النفود الكبرى شمال حائل والحمد لله تمام التمام .. واللي ما يعرف للصقر يشويه ..

يا صاحب الموضوع اذا انت في الرياض وتبي واحد يفحص موترك ما عندي مانع ارسل لك رقمه ووصف مكانه ..
ولكل من يرغب ..

(( طبعا أنا وضبت قير موتري والسبب الوكاله )) للأسف ... وسوف اطرح موضوع بهذا الخصوص
روثان
28/04/2007, 11:40 AM
السلام عليكم ..


عندي لاند كروزر 2006 ونفس الحال بالنسبة للطقه


والسبب هو الأستعجال بالتغير مشكلتنا متسرعين ومستعجلين بالتغيرات


تبي راحة السيارة وما تبي االطقه حط القير على n قبل اي تغير


والله الأتوماتيك روعة انا مجربها بالطلعات البرية والمرتفعات تبارك الله


لكم التحية ..
وقيان
28/04/2007, 04:35 PM
نصيحـــــــــــــــــــــــــة لجميع الاخوان....ااااااااااااااااابعد عن gxr اوتوماتيك... اااااااااااااابعد ... ترى جـــيره ولا بريـــال....

و عشان لاتقولوا اني ابالغ اقـــرأوا الردود وشوف الناس اللي مجربة...

اخوي الأبـــرق صار لي اسبوعين ادور ايميل الشركة عجزت احصله.....واذا ماحـــلوا مشكلتي...

ان شاء الله بسوي موقع كامل اسمه www.notoyota.com

الفلوس ماحنا بلاقينها في الشارع عشان يسحب فينا ابو جميل وطقته .
هاوي الله
28/04/2007, 09:54 PM
السلام عليكم ..



عندي لاند كروزر 2006 ونفس الحال بالنسبة للطقه


والسبب هو الأستعجال بالتغير مشكلتنا متسرعين ومستعجلين بالتغيرات


تبي راحة السيارة وما تبي االطقه حط القير على n قبل اي تغير


والله الأتوماتيك روعة انا مجربها بالطلعات البرية والمرتفعات تبارك الله


لكم التحية ..




هذا هو الحل للي يشتكون من القير الأوتوماتيك GXR .

يعطيك العافيه أخوي الصلعي .

وعلى ماقال أخي مشغول : اللي مايعرف للصقر يشويه - اللي مايعرف للأوتوماتيك ليش يشتري أوتوماتيك !؟

ما أقول إلا الله ييسر أموركم ولاتخرب سياراتكم والحمدلله على كل حال .

تحياتي .. هاوي هدد
وقيان
29/04/2007, 02:29 PM
اخـــوي هاوي هدد...

المشكلة حتى الجير لما يجي يبدل.. سيء جدآ....ماتحس فيه سلاسة...شكلك ماعمرك جربت الألمـــاني....

جرب الألمـــاني وبتعرف معنى سلاسة الجيـــر في التبديل .
القبقب
01/05/2007, 09:27 PM
عندى نفس مشكلتك والحل
طلع بسيط غيرت زيت وفلتر الجير
تويوتا الاصلى وراحت الطقة .
وقيان
01/05/2007, 09:29 PM
اخوي القبقب سيارتي 2006... و الى الحين ما مشت 20.000
asd2007
01/05/2007, 10:54 PM
بالنسبه للطقه عند التعشيق
هذا سهل امرها

نصحني واحد من الشباب ( قلة خبرة بالتوماتيك )

لما توقف السيارة و تحط القير على P لاترفع رجلك عن الفرامل حتى تسحب البريك للاخر

كذا اللي يكبح السياره البريك وليس القير ,

لما تجي تعشق , عشق اول و بعدين افتح البريك

قد تكون المعلومه لدى الكثير لكنها للفائده
القبقب
02/05/2007, 01:06 AM
اخوي القبقب سيارتي 2006... و الى الحين ما مشت 20.000
وأنا أيضا سيارتى 2006 كنت أعانى نفس مشكلتك
وأنتظرت لين مامشيت 40 الف وغيرت زيت الجير مع الفلتر وأنحلت المشكلة
أنا أدرى أنت مومصدق أنا كنت غير مصدق لين ذكر لى هذا
الحل أحد الاصدقاء ولكن التجربة خير برهان والسلام فى الختام .
المميـز
02/05/2007, 03:24 AM
شكل القير مافيه زيت ابد
وقيان
02/05/2007, 08:46 AM
وأنا أيضا سيارتى 2006 كنت أعانى نفس مشكلتك
وأنتظرت لين مامشيت 40 الف وغيرت زيت الجير مع الفلتر وأنحلت المشكلة
أنا أدرى أنت مومصدق أنا كنت غير مصدق لين ذكر لى هذا
الحل أحد الاصدقاء ولكن التجربة خير برهان والسلام فى الختام .

ان شاء الله في تشييك الوكالة لل 20000 بخليهم يغيرون زيت الجير مع الفلتر.. و ان شاء الله تنحل هالمشكلة اللي والله كرهتني في السيارة....


و شكرآ لجميع مشاركات الاخوان وردودهم...
وقيان
18/08/2007, 01:14 AM
شكرآ لجميع الاخوان اللي شاركوا في الموضوع.....


و ياليت نسمع اراء بقية الاخوووووووووان عشان يستفيد الجميع...

وبارك الله فيكم جميعآ
سرابوه
18/08/2007, 05:52 AM
اخوي يمكن الصوت يجي مثلا انت واقف على نزله وكان على الدي وحطيته على البي طبعا الى جيت تحطه مره ثانيه وعلى الدي لازم تسمع الصوت

لانك كنت مثقل السياره على البي بس الى تبي هذي الصوت تروح وهو الافضل

الى جيت توقف السياره في اي مكان اول شيء حطه على الان واسحب جلنط كامل بعدين على البي

والى جيت بتطلع شغل السياره وحط القير على الان وفك الجلنط وحطه على الدي وتوكل على الله
مطفوووق
18/08/2007, 12:12 PM
الاخ اللي سال عن ( صوت الطقه بالقير )

خذ علمي وانا اخوك لاني رحت للوكاله ورحت للبازعي ورحت كذا محل متخصص وكل اجابتهم وحده يقولون الصوت عادي .
س/ طيب اذا الصوت عادي ليه مايكون شد بلد ليه جيوب تطق وجيوب ماتطق ونفس الموديل ؟
ج / مع الاستمال يطلع الصوت وعادي .
س / طيب وش سببه ؟
ج / الصوت عادي ( تورط مايعرف الاجابه ).

الوكاله والبازعي عملهم فقط فك قطعه وغيرها وعلى ظهرك ياراعي السياره لان اللي يروح للوكاله يحسبهم هم اللي صانعين السياره مايدري ان اللي بالوكاله او بالشركات سوريين او مصريين بالواجهه لابسين لبس دكاتره ( بس لون ازرق ) واللي يفك ويربط فلبيني ـ بنقالي ـ باكستاني .
وانا اتحدى احد راح للوكاله وعدلو الخلل بالصيانه يعني ماغيرو القطعه كلها . ولو يغيرون مسمى صيانه ويخلونه تغيير قطع ابرك .

ماعلينا

اخوي تبي حل هالصوت رح للعضيب لاندكروزر ( الصناعية القديمه بجنب شالنجر وطقته )
يعني اذا جاي من مخرج (17) ونزلت من تحت الكبري اول اشاره تجيك رح يسار لحد ما تجي التقاطع الكبير رح يسار وتلاقي العضيب لكزس وبعده باخر الشارع رح تلاقي العضيب لانكروزر
وسال عن سوداني اسمه ابو اشرف وقله المشكله بيقولك وقف على الرافعه اللي هي طبعا يسار المدخل وبينادي فلبيني ( نسيت اسمه ) وبيقولك فيه فضاوه بالعامود .واذا تبي تتاكد ارفع موترك على اي رافعه وفر العامود بيدك يمين ويسار وارفعه فوق وتحت وتعرف مصدر (الطقه ).

ياليت تبلغني بالنتائج ...
صصعفق
18/08/2007, 12:41 PM
و هذي نصيحة مني للكل..... gxr اوتوماتيك.... مااااااااااااينفع ابد... والله ان الجير حقه يكررررهك في السيارة.... تقول مصمم في جدة ماهو صناعة ابو عيون ضويقة...


مشكلتي متعود على الالماني ( مرسيدس )....آآآآآآآآآه يا الالماني..... والله تضغط المكينة حدها واذا جا يبدل الجير ماتحس فيه ...

بس مايطلع البر
واذا كانه جيب
الله يخلف اول مطب والمقصات طايره
ههههههه
امزح عليك
المرسدس موتر بس على خط
كنك بغرفه نوم
رحال7
18/08/2007, 01:35 PM
الاخ اللي سال عن ( صوت الطقه بالقير )



خذ علمي وانا اخوك لاني رحت للوكاله ورحت للبازعي ورحت كذا محل متخصص وكل اجابتهم وحده يقولون الصوت عادي .
س/ طيب اذا الصوت عادي ليه مايكون شد بلد ليه جيوب تطق وجيوب ماتطق ونفس الموديل ؟
ج / مع الاستمال يطلع الصوت وعادي .
س / طيب وش سببه ؟
ج / الصوت عادي ( تورط مايعرف الاجابه ).


الوكاله والبازعي عملهم فقط فك قطعه وغيرها وعلى ظهرك ياراعي السياره لان اللي يروح للوكاله يحسبهم هم اللي صانعين السياره مايدري ان اللي بالوكاله او بالشركات سوريين او مصريين بالواجهه لابسين لبس دكاتره ( بس لون ازرق ) واللي يفك ويربط فلبيني ـ بنقالي ـ باكستاني .
وانا اتحدى احد راح للوكاله وعدلو الخلل بالصيانه يعني ماغيرو القطعه كلها . ولو يغيرون مسمى صيانه ويخلونه تغيير قطع ابرك .


ماعلينا


اخوي تبي حل هالصوت رح للعضيب لاندكروزر ( الصناعية القديمه بجنب شالنجر وطقته )
يعني اذا جاي من مخرج (17) ونزلت من تحت الكبري اول اشاره تجيك رح يسار لحد ما تجي التقاطع الكبير رح يسار وتلاقي العضيب لكزس وبعده باخر الشارع رح تلاقي العضيب لانكروزر
وسال عن سوداني اسمه ابو اشرف وقله المشكله بيقولك وقف على الرافعه اللي هي طبعا يسار المدخل وبينادي فلبيني ( نسيت اسمه ) وبيقولك فيه فضاوه بالعامود .واذا تبي تتاكد ارفع موترك على اي رافعه وفر العامود بيدك يمين ويسار وارفعه فوق وتحت وتعرف مصدر (الطقه ).



ياليت تبلغني بالنتائج ...


اذا المشكله تتعلق بعمود الكردان...انصحك تجرب اولا قبل الذهاب الى الورشه تشحيم العمودين الدبل والعادى ولكن والسياره مرفوعه ليس على الكفرات بل على الحديد..ربما تنحل مشكلتك! والله اعلم!!
fassad
18/08/2007, 02:09 PM
يااخوي مشكله الطقه طبيعيه في موديل 2006-2007
arar98sa
18/08/2007, 10:11 PM
ياخوان انا عندي Gxr جير اوتوماتيك دفع رباعي مستمريعني الدبل مايفصل الا عندسرعه معينه ويرجع يشبك بعدوقوف السياره تماماً .لاحظت ان الصوت يظهر معي اذا وقفت السيارة والدبل فاصل ولايظهرالصوت الاعندتعشيق القير, فأعتقد ان الصوت هوصوت تعشيقة الدبل مع تعشيقة القير ,,,,,والله اعلم
رجل كريم
18/08/2007, 10:20 PM
أنا عندي فيكسار 1997 (شكل القديم ) 6 أسطوانات مكينة مشابهة لمكينة الجيوب الجديدة
جير أوتومتيك
عيوبة :
التاخر في التبديل (مغير فلتر قير وزيت قير )
(لان عند الوالد جمس يوم إسوقة إحسن الجير الاوتومتيك في الياباني فاشل فشل ذريع )
الاتومتيك حلو فقط في
الاماني يلية الامريكي



لا تعمم ماهو كل الياباني .. جرب جير الميتسوبيشي بتشوف الفرق ..
روثان
18/08/2007, 10:42 PM
السلام عليكم ..

معي Gxr 2006 اتوماتيك والحمد لله تمام التمام ماشاء الله تبارك الله

بالنسبة للطقة فهي فعلا طبيعيه

ولكن عليك أخي الكريم أن لا تستعجل عند التغير فلتجعل اولا القير على الـ N وبعد ذلك غير للنمرة

ولك التحية ..
رجل كريم
18/08/2007, 10:42 PM
اذا كان قصدك صوت الطقة لما تعشق السيارة من الدي او الآر الى البي فهذا طبيعي لانك بهذي الحالة تقفل تروس الجير .. اما ان كان قصدك شيء آخر فلا علم لي .. من ناحية ثقل الجير يمكن السبب زيادة او نقص زيت الجير .. انصحك انك تشتري الزيت من الوكالة وتأكد من نوعية الزيت من كتيب السيارة لانهم ممكن يعطونك زيت الفي اكس آر وهو يختلف ولايناسب سيارتك وغير كذا اشتر فلتر جير اصلي وغيره برا الوكالة في ورشة شغلها نظيف وتحت شوف عيونك ..

تحياتي ..
بريد5
20/08/2007, 09:12 AM
اخوي وحبيبي ويابعدي


لاتشيل هم وانا اخوك

ووسع صدرك .. هذي المشكلة

من موديل 99 الى 2007

شي طبيعي ..

انا كنت اشتكي منه ... لاكن لقيت حل وبسيييييييييط


بس يبيلك صبر لا اكثر ولا اقل


من واقع تجربتي ..

متى يطلع طقة في القير

في حالتين بس ...

1_ اذا غير من نمرة ذ R الى D ..بسرعة ..بيطلع لك الصوت ..

لاكن حله سهل ..انك تغير من R الى N وتنتظر ثانية بس.. همن غير الى D

باذن الله ماتسمع هالصوت وهالكلام من واقع تجربة

2_ من N الى D بدون ماتظغط على الفرامل ...



جرب اللي قلت لك عليه..ثم جرب..ثم جرب..

.. وباذن الله تدعيلي..

وتفتك من ابو جميل وطقته ونصبهم ..
رحال حائل
20/08/2007, 10:20 AM
انا مع من يقول ان القير الأوتماتيك على الست سرندل ما يصلح ابدا ويخلي بالسياره ثقل بعكس لو انه قير عادي تشوف خفت السيارة لاكن الثمان سرندل العكس صحيح الأوتماتيك يمشي تمام والعادي ثقل ودبلت كبد وهاذا من واقع تجربه ,,,, تحياتي وتقديري
f7d
27/05/2010, 10:58 PM
اخواني المشكله حلهـــا بسيط للغايه وقيمته 500 ريال فقط لااكثر

المشكله اساسا هي في تماتيك الدبل لان الدبل اساسا ماايفصل الا بعد سرعة 80

عموما انا مستعد لخدمتكم وبدلكم على الورشه اللي اشتغلت عندهم في الرياض

جوالي بعد اذن الاداره

0509474525
بنز560
28/05/2010, 12:50 AM
سبب الطقه من الرباعي المستمر يطق الدبل وايضا لانه 6 سلندر القير تقدر تقول خنبقه لاكن شف قير 8سلندر اطلق من الالماني فيه سلاسه غير طبيعيه
سيد القصر
28/05/2010, 02:31 AM
انا موتري 2007 جي اكس ار اوتو
عادي جدا يوجد صوت طقة بعض المرات اذا قمت بالتغييرات او بعض المرات اذا هديت مره عند المطب وبغى ياخذ الموتر عزمه اسمع له طقة
سألت زميلي معه نفس الموديل فقال انه عنده نفس المشكله وراح للوكاله وقالوا له عادي لا تخاف
عبدالحليم
28/05/2010, 11:27 AM
انا عندي gxr 2006 البريمي
عندي طقة اثناء التعشيق لاكن ليس دائما فيه ناس نصحوني تغيير الفلتر
وعندي مشكلة ثانية المسجل يطفي بعد دقيقة من التشغيل ويشتغل مرة ثانية
تشكيلي والااشكيلك
aboudi
28/05/2010, 12:26 PM
انا جربت عدة سيارات وسالت كل من عندة جيب وقالولي طبيعي

بس نصيحة توكل على الله اولا ثم غير زيت القير كل 30 او 35 الف بانتظام
ساري 111
28/05/2010, 02:00 PM
يمكن يفيدكم موضوع الأخ

http://www.mekshat.com/vb/showthread.php?t=276100


موتري قير عادي والحمدلله اموره تمام
بنز560
28/05/2010, 08:19 PM
بخصوص مسجل الاخ عبدالحليم اكيد عندك البلوتوث شغال
طريقه الاطفاء علق على الزرين حقت البلوتوث ثم يطفا
سكراب الشاطر
28/05/2010, 11:34 PM
السلام عليكم..

اخواني سيارتي Gxr 2006 جير اوتوماتيك...

و من يوم طلعتها من الوكالة عبداللطيف جميل و انا ماني مرتاح من الجير.... سيء جدآ و ثقيل في التبديل...

و الأهم واللي مسبب لي ازعاج... لما تكون السيارة واقفة وبعد ماتحمى طبعآ... لما تعشق الجير...تسمع صوت

طقة قوية.... بصراحة الامر مزعج جدآ جدآ جدآ....

رحت للوكالة وشيكوها مرتين.. وقالوا السيارة مافيها شي.. والصوت طبيعــــي...

سؤالي للي يملكون جير اوتوماتيك... ياليت كل واحد يذكر موديل سيارته.. ومصدرها.....ويذكر اداء الجير عنده....

الرجاء المشاركة من الجميع....

لأني افكر اراسل الشركة في اليابان و اشرح لهم المشكلة .

السلام عليكم ورحمة الله وبركاته

الدقة تروح ولا يكون لها وجود ان شاء الله
اول شيئ
تاكد من كراسي البككس الامامي
ثانيا شيك على فضاوة الدبل جير
ثالثا الكرونة الخلفية يكون بها فضاوة
وان كان الدبل 4wd راح تكون الدقة قوية واكثر حاجة تكون منه
وان لم تجد حل للمشكلة يمكنك الاتصال علي على رقمي 0096597502896 جاسم يوم الاحد بأذن الله
LiLiiibcJI
14/03/2012, 11:54 PM
راجع هالموضوعين وان شاء الله تفيد وتستفيد من تجربتك

http://www.toyota4arab.com/forum/t225363.html

http://www.assayyarat.com/forums/pos...ml#post2775357 (http://www.assayyarat.com/forums/post2775357.html#post2775357)
o0oدوسريo0o
15/03/2012, 11:11 AM
والله ثم والله يااخوان
اني اشك في زيت عبداللطيف جميل
موتري شاريه من البازعي
والقير مافيه الا عيب واحد وفيه بعض الجيوب كذا
ان قيره بالرمل والمطناج يفضي ( هذا اذا مانسمت الكفرات ، اما اذا نسمت الكفرات مافضى)
لكن
لكن
غيرت زيت القير عند عبداللطيف جميل
ومن عقبها احس القير عندي صار غيييييييييييييييييير جدا جدا
1-ترتفع حرارة الزيت للقير على طريق سفر وان كنت مسرع
2- التغيير اختلف.

فا اشك في الزيت الي يستخدمه
اتوقع انه تجاري جدا
وانا انتظر امشيء عليه ان كتب الله حول 30 الف او 40 الف
ثم اغيره عند البازعي

تهقووووون ان ابو جميل حاط زيت عافية :D:D:Dههههههههههههه
hamido
15/03/2012, 01:01 PM
انا معي 98 تماتيك والحمدلله مافيه شي ابد بس تراه دفع خلفي ... انا متأكد انه من الدفع الرباعي المستمر
ابونبيل
15/03/2012, 01:21 PM
شحم العامود تروح صوت الدقه