سؤال بخصوص فزة البـــــــــــــــاتــــــــــــــرول

[المميـز]

السلام عليكم

صباح/مساء الخير عليكم جميعا

سؤالي هو عن فزة الباترول بالقومه

ما اقصد القوه لكن اقصد قومته من قدام ومن ورا مع بعض

يعني يفز كامل

مهب مثل باقي الجيوب يرتفع من قدام بس

الجيب الوحيد يفز من قدام وورا هو الباترول

الســـــــــــــــــــــؤال

وش اللي يخليه يفز كذا ؟؟

الصراحه شيء محيرني

والغريب انك اذا دقيت ريوس نزل كله !!!!!!!!!!!!!!!!!!!

وشلوووووووووووووووووون ؟؟؟؟

وش سر هذا الشي؟؟؟؟؟؟؟

منتظر اجاباتكم ؟؟؟

[أبو أسامة]

وعليكم السلام ورحمة الله وبركاته

أتوقع والله أعلم ............
1 _ لأن المكينه قويه .
2_ لأن وزنه خفيف.
3_ لأنه دفرنسات .

[المميـز]

الله يجزاك خير يا ابو اسامه على الرد السريع

وتشكر على التوقعات

وننتظر من باقي الاعضاء اذا كان عندهم توقعات اخرى ؟؟!!!

[abufahad2008]

يكفيك انه

VTC 4800

فطبيعي للقوة هيبة

[قسوره2006]

نعم اخي >>> المميز <<<<

نعم انت مميز حق وحقيقه ونضرتك دقيقه


الباترول إذ رجعت للخلف = ((( ينزل ))) وذا مشت امام = (( يرتفع ))

نعم شي محير

ولا كم انا اقول نضام التعليق فيه مختلف عن باقي الجيوب

طيب هل لا حضت شي الباترول كله مساعدات ويايات صح

التويوتا الربع والشاص واخص الموديلات الجديده كلها سست في الخلف ومساع

وياي امام ومساعد

ولو نضرت للباترول القديم نضام السست لو جدته يرتفع وجهه فقط مثل نضام التويوتا الان صح كلامي

ولا انا غلطان

ونترك المجال لمن هو اخبر

وشكر متواصل للجميع

[.أبوعبدالرحمن]

الاحظ هذي الحركة في جميع الباترولات الجديدة والقديمة اي من موديل


1988 الى 2007 وليست مجرد انها 4800 حتى 4500 تسوي الحركة هذي


واعتقد ان المكينة مالها اي دخل والله اعلم

[ملك المقناص]

لانه طيب قوي وخفيف الجير العادي والتوماتيك

[فكسه]

اقول كيفكم ان شاء الله بخير يفز الباترل لان السواق يمتله_اي يرفع رجله من الكلتش بسرعه_بجد اتوقع لانه خفيف البدي واليايات ولي عنده علم يقول؟

[المميـز]

مشكووووووورين على توقعاتكم

لكن الى الحين حنا بحيره !!!!!!!!!!

وش سر الفزه هذي ؟؟

قد يكون كلامكم صحيح ولكن نبي علم اكيد


ننتظر باقي الاعضاء ؟؟؟

[غضنفر]

السر في القير

[حنوش]

انا اقول هذي خلطة سر ية تمتلكها شركة نيسان فقط

[القويعي]

انا اقول هذ يخلطة سر ية تمتلكها شركة نيسان فقط

حلوه ذي خلطة سر ية

[بدوي جنوبي]

طيب سوي هالاختبار اكيد بعضكم يعرفه
حط القير بواحد وامسك فرامل وحاول انك تمشي ولا تفك الفرامل تشوف الموتر يرتفع

ونفس الطريقة للريوس بينزل معك

اما سبب فزة الجيب هو من اليايات لانها ليّنه وخفيفه

ومثل ما قال الاخ فكسه يرفع رجلة بسرعه عن الكلتش وهذا عامل مهم ...


بالتوفيق
[line]

[أبو عزوز]

السبب بيسط
تركيب المساعدات الأمامية في الباترول عمودي على الشاصي بينما في باقي السيارات تكون بشكل مائل قليلاً

[المميـز]

مشكورين شباب على تعليقاتكم وارائكم

لكن انا الى الحين ما اقتنعت

ابي واحد يفسر لي على شان اقتنع وافهم

والا على الاقل يجيب لي صبوره وطباشير على شان افهم ^_^

[عرش السفاري]

لأنة >>>>>>>>>>> كنـــــــــــــــــــــــــــــــــــــــق الصحــــــــــــــــــــــــــــــــــــــاري!!!!! !!!!!!!!!

[فايز العامر]

فوائد الفزّة تحصلها هنا:


(فيديو)... تحدي بين باترول و لاندكروزر (واحد يسحب الثاني) ... (http://www.mekshat.com/vb/showthread.php?t=83323)




وفيه تعرف الفرق بين الفزّة والثبات...

[هاوي الله]

السبب بيسط
تركيب المساعدات الأمامية في الباترول عمودي على الشاصي بينما في باقي السيارات تكون بشكل مائل قليلاً

أعجبني هذا الكلام مشاءالله .

وإضافه إلى ذلك أنا أتوقع أن قوة تماسك أجزاء شاص الباترول هو السبب والله أعلم .

[المميـز]

مشكورين على التوضيح وماقصرتوا

ما اقول الا الله يخلي الباترول لنا

الجمس والتايوت والفرد الاخرق كلها مع البترول خاقن وخقيا
كنج الصحاري دق دق خشومهم دق دق دق خشوم اللي تريد السبقيا

صح لسانك يالجربا...

[باثفندر]

http://www.mekshat.com/pix/upload/sign/images/mk41765.gif




لا افتي

بس اتوقع انه عمود التوازن له اكبر دور بهذه المسأله .

[المميـز]

باثفندر

مشكور على مرورك

وقد يكون توقعك هو الصحيح !!

والله اعلم

[bmw_07450]

انا اتوقع انه من القير بل أجزم
والدليل على كلامي من فتره خرب عندي صحن القير
وغيرته وصار يرتفع الموتر في النمره الأول بشكل غير طبيعي
وفي الريوس ينزل.

[القناص]

وانتم الصادقين من قوة العزم
او ما يسمى التورك
عازم عالي والموتر غالي
الله يبارك لراعيه

[باترول 4×4]

ماعندي سبب لهذه الظاهرة لكن
هذي الفزة تنفع كثير في النفود ، واللي جرب الباترول يعرف هذي ، لذلك الباترول هو السيارة الوحيدة - فيما أعرف - اللي إذا ثولث يطلع نفسه بنفسه بدون الحاجة لمساعدة سيارة أخرى ، - أقول هذا من واقع تجربة - .

[المميـز]

مشكووورين على مروركم الكرريم

وهذا ماعرفناه عن الباترول

[هاوي الله]

على فكره معي Gx >>> وأشوفه ذالايام يسوي ذالحركه يعني يفز نفس الباترول !!؟ ولكن من الأمام فقط .

[الثويرات]

السبب هو المكينه
وجرب انت وشوف

فك مسامير كراسي المكينه

وخل واحد يشوف
جرب ارجع وشف المكينه تقوم لجهت السواق
وقدم وشف المكينه تقوم لجهت الراكب

[راعى_الهدد]

طبعن العلم عند صنااعة لانه أسطورة ابدع فى صنعه اليابانى

وهاذى صورة من موقع الشرق الاوسط شف الهيكل ومعداتة والله انه موتر ماندور بديلة الحى يحيك والميت يزيدك غبن
http://nissan-me.com/ar/patrol/patrol_performance.htm#

و http://nissan-me.com/ar/patrol/print/print_patrol_performance.htm

وهاذى هدية
http://nissan-me.com/ar/patrol/images/patrol_per_ats.jpg

يجمع باترول بين القدرات القيادية المتقدمة والأداء الرياضي العالي. فنظام تعليقة المعدلكل أنواع الطرق والمسالك ATS قادر على نقلك عبر الدروب الوعرة مهما بلغت صعوبتها في راحة تامة. وبفضل هذا التعليق المبتكر المدعوم بهندسة دقيقة جداً, يمكنك الاعتماد على سهولة وإمكانات قيادة باترول والتحكم به إلى أقصى الحدود.

[المميـز]

هاوي الله
الباترول يفز من قدام ومن ورا يعني يقوم كامل اما الجي اكس بس من قدام وهذا امر طبيعي
ومشكور على مرورك

الثويرات
مافهمت وش تقصد؟؟ افك بس المسمار ؟؟ مايطيح الكرسي ؟؟

راعى_الهدد
مشكووور اخوي على المعلومات المفيده
ومشكور على المرور الكريم



وفعلا هذا ماعرفناه عن الباترول,,,

[قرناس خلوي]

هذي يالغالي عشان ياياته رياضيه والدليل على كذا غير يايات استراليه وإنس إنه يفز ،،،،















لا شاف حمر النفد أرقب ودنق = ثم ألقمه نمره وأنطلق وانزرقيا

من يركب البترول ماراح يزهق = ولايعرف التهميز هو واللزقيا

[NISSAN 94]

انا معي نيسان ينشامى واتوقع سبب ارتفاعه وانخفاضه ان الاربع جهات للجيب الباترول فيها مساعدات وياي وليست سست

ونلاحظ في التيوتا ان في الامام مسامير لرفع والتنزل والخلف ياي بعكس النيسان وانوقع هذا هو السبب

[مقلع الرمث]

اخوي سبب ارتفاعه عند التعشيق امام بسبب القير لانه هدروليك

[mmsmm]

اقول بس يا اخوان
معليش لكن النيسان مهوب مووتر تحطه على الشنب
وتضمنه بأي مكان مثل التويوتا هو سياره بديله لتايوتا يعني اذا ما قدرت
على الهلي خذ ددسن وهكذا
ياما غربلنا بخراباته
طاحن مسامير الثلاجه بالمكينه
ودايم خراابااته النيساان والحمد لله بعناه وارتحنا
تايوتا وبس يا بعدي
وااسف على الاطاله
تحياتي

[عاشق الرفاليو]

اعتقد السبب ان نظام التعليق لين اوناعم مو نظام صحراوي صلب مثل الشروكي والتويوتا

[saif46]

الله اعلم0000000000000000

[ابوريما99]

لأنه مثل الطير للصيد مطلاع
ينهض بـ كله على الهد حامي
بالشكل والمنظر يخليك ترتاع
وبالفعل يروي من كان ضامي
جيب نيسان عـ الكيف مطواع
ماني بتايب عنه لو تبرا عظامي

كيبوردي

[المميـز]

لأنه مثل الطير للصيد مطلاع
ينهض بـ كله على الهد حامي
بالشكل والمنظر يخليك ترتاع
وبالفعل يروي من كان ضامي
جيب نيسان عـ الكيف مطواع
ماني بتايب عنه لو تبرا عظامي

كيبوردي


صح الســـــــانــــــــكـ

:good:

[مكرم الضيف]

من يركب النيسان ينسى بديله*******لافز فزة حــــــر شــــــــــاف الحباري
بالبر يـــشفي كـــل نفس عليله******* واسباب صنعه بس قهر الصحاري

[ساري 111]

ههههههه

بعض التحاليل والتوقعات داااجه

اللي يقول انه يفز على قدام من قوة المكينه
طيب واذا نزل بالريوس يدل على ضعف المكينه يعني ؟؟


السالفه ومافيها ان بدي الموتر خفيف مامسكوه حديد
والامر الثاني لين اليايات
والأمر الثالث ضعف المساعدات والدليل ركب رله مساعدات تويوتا وتخف هالفزه بشكل كبير

[مركزالعبد]

!!!!!!!!!!!!!!!!!!!!!!!!!!!!!

غريبة يالربع كنكم ما شفتوا اسفل الموتر وشلون مربوط الدفرنس ومثبت بالشاص؟؟؟!!!!!

الدفرنس من قدام مثبت على زي المقصات كأنها ملعقة
الجهة المقوسه من يم الدفرنس
الجهة الصغيرة من يم الشاص .........(( اذا ما خاب ظني ، او العكس))
من ورى مدري والله.

عند الدفع للأمام ،، مجرد ما يتحرك الدفرنس ويدوّر الكفرات ويضغط على اتجاه الارض ،، ينتج عنه دفع معاكس للأعلى ويرفع البودي.
والعكس صحيح بالنسبة للرجوع

ودمتم سالمين.

[شمالات نجد]

يا قدم الموضوع ههههههه


عموماً انا ركبت يايات استرالية وراحت الفزه :(

سلام

[طربان على صوت]

يااخي بغض النظر عن القوه ومع اني لو تخيرن بين باترول ولاند قلت لاند ,الا ان الفزة تهيض

[عفط]

غير اليايات الخلفية والأمامية وحط أستراليات مقاس قوي شوي
راح يفز موترك فز
مو زي الوكاله لاعشقت البدي يرتفع قبل ماتمشي السيارة
وعلى الخاص إذا بتستفسر أكثر

[دل البحار]

الاختلاف بنظام التعليق فقط

[مدمن فتك]

اقول بس يا اخوان
معليش لكن النيسان مهوب مووتر تحطه على الشنب
وتضمنه بأي مكان مثل التويوتا هو سياره بديله لتايوتا يعني اذا ما قدرت
على الهلي خذ ددسن وهكذا
ياما غربلنا بخراباته
طاحن مسامير الثلاجه بالمكينه
ودايم خراابااته النيساان والحمد لله بعناه وارتحنا
تايوتا وبس يا بعدي
وااسف على الاطاله
تحياتيياعمي لاتعكس السير وهل تقارن كنق الصحاري بجيب ملصق صيني وقيمته بربع مليون والبدل زر مو قير شوي شوي علينا ياخوي

[sgl2002]

عاد حركة الباترول هذي فادتني في أكثر من مكان ...

مره عندنا بالجنوب نزلت بوادي بتهامة ... كل أحجار كبيرة لازم تنقزها .. كان معي الباترول حقي ربع 98 وخويي مع لاند GX 89 ،،، ماشاء اللله الباترول يناقز فوق الصخور بدون دبل وكل ماجيت بنقز صخره رفعت رجلي بسرعه من الكلتش فتشوفه فوقها تقول غزال ... اللاند حق خويي كل ماجات صخره والا شي لازم يعشق الدبل وكل شوي نخاف على السست ووزنه ثقيل

[sgl2002]

اقول بس يا اخوان
معليش لكن النيسان مهوب مووتر تحطه على الشنب
وتضمنه بأي مكان مثل التويوتا هو سياره بديله لتايوتا يعني اذا ما قدرت
على الهلي خذ ددسن وهكذا
ياما غربلنا بخراباته
طاحن مسامير الثلاجه بالمكينه
ودايم خراابااته النيساان والحمد لله بعناه وارتحنا
تايوتا وبس يا بعدي
وااسف على الاطاله
تحياتي


معليش ياخوي ....

أنا جربت الشاص2009 وجربت الباترول 98...


اللي يقول تايوتا خرابات مافيه .. أقوله التايوتا كل 5 مرات تعشق الدبل لا زم تغير صوفه ... طمرت مويه بوادي وطلعت وعلى طول رحت غيرت رمان سير المكيف ... ثقيل جدا ومافيه أي نظام تعليق ( بس مربطين البودي على الشاص وهذا اللي يخليه يعلق دايم )



اللي يقول نيسان خرابات .. أقوله النيسان يخرب وخله يصلح نفسه ( تجيه خمات بعض الأحيان وتروح ) وإذا خرب يمشي بك و لا يقطعك . وإذا غرز ماغرز ( يعني مافيه أمل يغرز إلا بطين تغرز به الشيولات ) وجهه ممرتفع وانسيابيه مع اللفات تقول كرولا .... الخ







وهذي عن تجربة وكلن يشوف اللي يزين له

[دل البحار]

<<<<
انا طلعت وأخوياي طعس في باترول وماشاء الله صاحبه سواق وباترول نظيف ، ويوم جينا وسط الطعس بلش يطلع صار تقول انه واقف وماسك بريك سلامات اش فيه وشوي الا وجايك صوت يرج رج وحنا بالباترول سفاري ويجيك من جنبنا ما ادري صاروخ ارض جو او باتريوت المهم طلع كبسوله ومن قوة الزحفه غطى على الباترول بالرمل دفنه وهو حي لاحول وش ذا قالو كبسوله من تويتا كيف السالفه قالوا لاتسأل
هذا قاهر الارض ،وفعلا والله من طوفته فعلا عرفت ليش تويوتا بالقمه ولا يسأل اي واحد يرمي فلوسه في ربع تويوتا او شاص او جيب مادام الشغله ارض جو فليش اقعد في الغراز والبهذله والحراره وصرفية البنزين ووجع الراس ، المهم الجماعه وقفوا براس الطعس وبتو فرشتهم والشاي والقهوه وشبة الضو وحنا رادين ريوس الين اخرالطعس بعدها خوينا طق باللثمه ومن طريقه الي جابته وحنا نزلنا عند سياراتنا وكل اخذ سيارته وكانت اخر مره لي اطلع في عالم الطعوس اسف ربع الطعوس ،
الكبسوله """ كل شيء وله حدود الا ربع كبسوله ماله حدووووووووووووووووووووووووووود.

[Abo gssar]

السلام عليكم



صباح/مساء الخير عليكم جميعا


سؤالي هو عن فزة الباترول بالقومه


ما اقصد القوه لكن اقصد قومته من قدام ومن ورا مع بعض


يعني يفز كامل


مهب مثل باقي الجيوب يرتفع من قدام بس


الجيب الوحيد يفز من قدام وورا هو الباترول


الســـــــــــــــــــــؤال


وش اللي يخليه يفز كذا ؟؟


الصراحه شيء محيرني


والغريب انك اذا دقيت ريوس نزل كله !!!!!!!!!!!!!!!!!!!


وشلوووووووووووووووووون ؟؟؟؟


وش سر هذا الشي؟؟؟؟؟؟؟


منتظر اجاباتكم ؟؟؟


مع ان الموضوع قديم جدا
ولكن

مازال سبب الفزة غير معروف...
وانا اعتبره سر تميز واعجاب عشاق نيسان لهذه السيارة لان الفزة غير متوفرة في جيب اخر..............

[مدمن فتك]

<<<<
انا طلعت وأخوياي طعس في باترول وماشاء الله صاحبه سواق وباترول نظيف ، ويوم جينا وسط الطعس بلش يطلع صار تقول انه واقف وماسك بريك سلامات اش فيه وشوي الا وجايك صوت يرج رج وحنا بالباترول سفاري ويجيك من جنبنا ما ادري صاروخ ارض جو او باتريوت المهم طلع كبسوله ومن قوة الزحفه غطى على الباترول بالرمل دفنه وهو حي لاحول وش ذا قالو كبسوله من تويتا كيف السالفه قالوا لاتسأل
هذا قاهر الارض ،وفعلا والله من طوفته فعلا عرفت ليش تويوتا بالقمه ولا يسأل اي واحد يرمي فلوسه في ربع تويوتا او شاص او جيب مادام الشغله ارض جو فليش اقعد في الغراز والبهذله والحراره وصرفية البنزين ووجع الراس ، المهم الجماعه وقفوا براس الطعس وبتو فرشتهم والشاي والقهوه وشبة الضو وحنا رادين ريوس الين اخرالطعس بعدها خوينا طق باللثمه ومن طريقه الي جابته وحنا نزلنا عند سياراتنا وكل اخذ سيارته وكانت اخر مره لي اطلع في عالم الطعوس اسف ربع الطعوس ،
الكبسوله """ كل شيء وله حدود الا ربع كبسوله ماله حدووووووووووووووووووووووووووود.
يقولون اسأل مجرب ولاتسأل طبيب انا مجرب شيروكي وشاص وفتك وعرفت معنى القوة فعلا وللحق فان القوة كالتالي فتك ثم شيروكي ثم شاص اما ماحصل لك مع صاحبك فتأكد ان قل خبرته لاتعني ان الباترول سيء .. وقديما قيل الخيل من خيالها والفتك من سواقه:p

[مدمن فتك]

مع ان الموضوع قديم جدا
ولكن

مازال سبب الفزة غير معروف...
وانا اعتبره سر تميز واعجاب عشاق نيسان لهذه السيارة لان الفزة غير متوفرة في جيب اخر..............
فعلا فعلا فزة الباترول لاتتوفر في دفع رباعي غيره على مستوى العالم فلاتلوموا من عشق النيسان ولكن لوموا من اعجب بغيره بلاميزة تذكر:)

[دل البحار]

يقولون اسأل مجرب ولاتسأل طبيب انا مجرب شيروكي وشاص وفتك وعرفت معنى القوة فعلا وللحق فان القوة كالتالي فتك ثم شيروكي ثم شاص اما ماحصل لك مع صاحبك فتأكد ان قل خبرته لاتعني ان الباترول سيء .. وقديما قيل الخيل من خيالها والفتك من سواقه:p

وين ماله خبره الادمي ولد في طعس
والحوش عنده كله من فتك في باترول في شيروكي
قلت له ليش ماشريت لك تويوتا قال خفت من واحد من الجيران عنده
شاص ابو شنب ولو عرف اني صبأت عن النيسان وتعديت ألى التويوتا ومالي خبره ومعرفه فيها
بيقشني بالشنب وألا ودي اطير مع الريح وأسبح مع الغيوم وأشم الجو العليل الخالي من ريحة بانزين النيسان والشيروكي وما خف صنعه وألتحق بالتويوتا يوم اشوفها تطير بالطعوس وترقى على متن الهوى ..لكن هذا الوضع مع الجاروقال قصيدته المشهوره ياجاري اين حقوق الجار والجار للجار مهما جار .

اخذتنا السوالف قا تعرف بيت الشعر هذا وين قريته
قلت وش بيت الشعر قال>>>

مكر مفر مقبل مدبر معا كجلمود صخر حطه السيل من عل ،
(http://www.d1g.com/qna/show/26504)


قلت يا اخو العربان من تقصد قال ايييه ذاك الي مكتوب عليه في القزاز الخلفي
نفس بينت القصيد الي قلته الان مكر مفر مقبل مدبر معا
الي طافنا واحنا بالطعس قلت تقصد شلنجر قال هوه شلنجر المتحدي رصاصة تويوتا
وترى محدثك ماله اي علاقه بالطعوس والمطامرات الا مره شفت مقطع كبسوله دافن باترول سفاري حليله ، تقول عذوق ظربه الهبوبي:p

[الزامل الاول]

هذه الحركه فعلا موجوده بس لليايات تاثير كبير من فزت الموتر ونزوله والثقل له دور

ولا فيه مقارنه بين الباترول والتيوتا وخاصه الشاص والربع
ولا gxr يفرق شوي لذالك لليايات دور مهم في توازن الموتر من الامام الى الخلف وشكرا على موضوعك

[الزامل الاول]

بس فيه تعليق من ناحية الثقل النيسان اثقل من التيوتا طبعا اتكلم عن الباترول مقارنه بالشاص والربع وبعض النظر عن الجي اكس ار والفاكس ار

[بدوي جنوبي]

يغلق الموضوع

[البرنس 1]

السلام عليكم ورحمة الله وبركاته ........ السبب هو المساعدات واليايات فقط ....... غيرها وتروح الفزه .... معي سوبر 94 فيه فزه ماشاء الله عجب ...... غيرت المساعدات جبريل غاز ..... نسيت الفزه في مكانه ..... واحد من الشباب كان يطلع مع يقول لي سيارتك وش فيها تمغط .... الان راحت التمغط خذ نشاط على طول .......... السبب الاكيد الياي والمساعد حق الباترول لين وضعيف ...تحياتي للجميع ... على فكره فيه ردود مالها داعي ..

[العتيبي 88]

الفزه السبب .. على ماأعتقد خفة البدي .. ولانه يايات..

يالبيه يالباترول .... الي مايركب باترول انا اقول ماعرف معنا الجيب ،،،،،، انا اشهد انه سياره ،، ولا فيه مجادل ...

[سعد العامري]

وين ماله خبره الادمي ولد في طعس
والحوش عنده كله من فتك في باترول في شيروكي
قلت له ليش ماشريت لك تويوتا قال خفت من واحد من الجيران عنده
شاص ابو شنب ولو عرف اني صبأت عن النيسان وتعديت ألى التويوتا ومالي خبره ومعرفه فيها
بيقشني بالشنب وألا ودي اطير مع الريح وأسبح مع الغيوم وأشم الجو العليل الخالي من ريحة بانزين النيسان والشيروكي وما خف صنعه وألتحق بالتويوتا يوم اشوفها تطير بالطعوس وترقى على متن الهوى ..لكن هذا الوضع مع الجاروقال قصيدته المشهوره ياجاري اين حقوق الجار والجار للجار مهما جار .

اخذتنا السوالف قا تعرف بيت الشعر هذا وين قريته
قلت وش بيت الشعر قال>>>

مكر مفر مقبل مدبر معا كجلمود صخر حطه السيل من عل ، (http://www.d1g.com/qna/show/26504)
(http://www.d1g.com/qna/show/26504)


قلت يا اخو العربان من تقصد قال ايييه ذاك الي مكتوب عليه في القزاز الخلفي
نفس بينت القصيد الي قلته الان مكر مفر مقبل مدبر معا
الي طافنا واحنا بالطعس قلت تقصد شلنجر قال هوه شلنجر المتحدي رصاصة تويوتا
وترى محدثك ماله اي علاقه بالطعوس والمطامرات الا مره شفت مقطع كبسوله دافن باترول سفاري حليله ، تقول عذوق ظربه الهبوبي:p

ههههههههه تعرف تنكت .. اقول بدري عليك وعلى التويوتا تصف عند الفتك والا تاصل مواصيله وشكل موتر خويك دبله مش خربان الا مافيه دبل نهائي أما تقول سواق وعنده باترول ويغرز أسمح لي أبي اصدقك بس قووووووية ،، بعدين أنا محاكيك جربت الاثنين اللاند والباترول ياخي مافيه مقارنة طبعاً الباترول يتفوق خصوصا في الرباضات والعروق واذا نزلت من قص الى قص اما اللاند لاطاح في رباضة والا نزل من قص الى قص ممكن يتوهق لأنه ثقيل ومجرد مقارنته بالفتك صعبه ياولدي عموماً إذا تبي آخذ بك فرة بموتري في ذا البران عشان تعرف وش معنى الباترول ترى ماعندي مانع أبداً لا وبخليك تسوق بعد مع إني عارف وش بداخلك تجاه وحش الصحراء بس من باب عط الحر فرصة .

[RW7..ALBDAWA]

لو تلاحظهآ ترى بتلاحظهآ بالموديلات 88 97 يرتفع بقوهـ

حتى من موديلات من 98 وطالع بسس مآهي قويه مثل 97 ونازل

[سلسيف]

اتوقع ان سبب فزه الباترول خاصه 97 و تحت اذا كان نضيف يعني مكينته و قيره و دفرنساته و جلد البدي و الرباطات و كراسي المكينه و القير و مساعداته كلها نظيفه و الموتر مربط ما فيه هو ان توزيع قوه السياره على جميع انحاء السياره مع الاخذ بالاعتبار ان بديه خفيف يعني القير و المكينه و الدفرنس متساويه بالقوه فتعطي السياره نهوض كامل للسياره بعكس بعض السيارات تحصل شي من العناصر الاساسيه الثلاثه اللي ذكرتها اقوى من الباقي مثلا التايوتا مكينته اقوى من قيره و هكذا هذا و الله اعلم

[سفااري]

لانه خفيف من وراء وثقيل من قدام إذا ريوست ونزل من وراء ثقلته عليه المكينة ترسيه والكعس للامام اذاكر انه تعلق معي وانا لحالي وتعليقته من وراء حطيته في واحد مع الدبل ونزلت انا تحته ورفعته برجولي من التانكي القوقود ونزل على عطول وسلامتك والحاضرين

[خبايا انسان]

عن تجربه < < موتري اول كان عليه يايات بلد ومساعدات بلد وكانت فيه الارتفاع في الفزه , وكذلك لما تدعس بنزين والسياره واقفه تتحرك يمين ويسار << تحركها المكينه ,,

وبعد ماركبت مساعدات قويه ويايات استراليه ماصار يرتفع الموتر ف الفزه ولا صار يلعب الموتر وهو واقف مع دعس البنزين ,,, والله اعلم

[ابوعبدالله 93]

الباترول النظيف تبي تعرف من فزته زي ماقال اخونا الغالي يعني الموتر نظيف بمعنا الكلمه

[محب الهيف]

بلى والله من طيب اصله ومعدنة

[sgl2002]

السبب

ان بديه خفيف
مساعداته وياياته لينه

[ابوسند9]

مع ان الموضوع نصه غبار
فا السبب معروف
نظام الربطات والياي اي نظام التعليق
والاشياء الثانيه مالها دخل بتتا
واللي معه فتك قير تماتيك يجرب الاتي وشوف كيف يرتفع كم سنتي
عشق القير ب d بعدين خلي رجل على البنزين ورجل على الفرامل ودوس بنزين بحيث تدوس والسياره ثابته لاتتحرك بعدين شوف كيف يرتفع , واذا ارتفع شيل رجلك عن البنزين وبعدين فض القير وارفع رجلك عن الفرامل وشوف الهبوط والكلام ينطبق على الريوس بس تكون العمليه نزول من الامام
والكلام ينطبق على جميع موديلات الباترول من 88 الى 2012
وتقدر تستفيد من ها الحركه لو تعلق بحجر او اي شي اخر

[درجلان الشمال]

الله وااعلم ان القير له دخل بالموضوع والمعروف ان قير النيسان قوي جدا واسال عنه اهل الترهيم فالملاحظ ان فزته محتكره بالباترول فقط وبعدين الموضوع استفسار عن فزه الباترول ليه العصبيه الوكاليه ترى الفخر للي صنعه مهو اللي ركبه واما من ناحيه القياده فالخيل من خيالها والنار من شبابها من ناحيتي اشوف كلا السيارتين اللاند كروزر والباترول سياره تقضي اللزوم

[111333]

الموضوع من 2007 وللحين ماعرفنا وش السر هههههه