كيف طريقة تصفير العداد الكتروني

[شامخ ألهيلا]

ياشباب قبل فتره كنت في المعارض ابيع سيارتي وكل ماجاني واحد قال لي هذا ممشاء السياره صحيح ولا منقص ولا مصفر وقلت لهم هذا اكتروني مايمكن يغير:cool:
وضحكوا علي :p

ياشباب الي عنده معرفه عن الطريقه ذي يعلمنا

[abufahad2008]

اللي اعرف انه يغير الطبلون كامل

من الوكالة فيجيك مصفر

[شامخ ألهيلا]

حياك الله اخوي الفتك مشكور وماقصرت

[هولوكس2005]

وشوله ميحتاج إنشاءلله إلى كان تقول بصفره علشان موترك تزيد دراهمه فهذا وأنا اخوك غش حرام زياده دراهمه


وعني أنا مأعرف والله بس أعرفه الإلكتروني يصفر والعداد العادي يرجع يدوي

[الساهر2003]

والله اللي سمعت ان فيه محلات متخصصه لمثل الشغلات هذي ويحط الرقم اللي تبي ,,

والظاهر انه يسوي الشغله هذي بحدود الـ 700 ريال وفيه ..

لكن الغش مافيه بركه ..

لان لو تغش اليوم بكره تنغش وهذا حال الدنيا .

[شامخ ألهيلا]

هولوكس2005
حياك الله اخوي بس الغش مانيب غاشن احد انا استفسر علشان اعرف وماصير غشيم واستفيد انا والشباب في المنتدى علشان يكون فيه معرفه بشي هذا ولايغشنا احد

ومشكور وانا اخوك على مرورك ونصيحتك الطيبه

[شامخ ألهيلا]

الساهر2003

اخوي حياك الله يعني ان فيه كهربايين يضبطون الشغله هذي
يعني ماعاد الواحد اذا شراء سياره يهتم في الممشى

[بيت طين]

اهتم بنظافة السيارة والممشي ماعليك منه ولا تشترى من الشريطيه والله سبحانه الموفق

[شامخ ألهيلا]

ببت طين
والله انك صادق وانا اخوك انحش عن الشريطيه

[ملك المقناص]

يعطيكم العافيه على النصائح

[شامخ ألهيلا]

حياك الله اخوي كنج المقناص

[romanic]

فعلا في ناس ترجع الكيلو بالكمبيوتر وحتى الوكاله مايقدون يعرفون.
والله يغنينا بحلاله عن حرامه

[طح طوح]

إلا غشيت الخلق
ماتقدر تغش الخالق
وإلا لجاب لك قيمه ما تباركت دراهمك
قل لله يزيدنا فيها جهل

[shaheenshah]

اهتم بنظافة السيارة والممشي ماعليك منه ولا تشترى من الشريطيه والله سبحانه الموفق
مثل ما قالك
اهتم بنظافة الموتر وما عليك من ممشاه
الموتر ما صنع الا عشان يمشي وبعدين المشي ما يضره اللي يضر طريقة الاستخدام وبعدين يمكن تلقى لك سيارة ماشيه 200 الف انظف من سيارة ماشية 50 الف

[khalid 6]

هذا الشي منتشر عندنا في الامارات وبشكل كبير ويحطون العداد على الرقم اللي تبغيه ومعظم معارض السيارات عندنا مرجعين العداد بشكل كبير بس عشان يطلعون ربح اكثر وانا احذر السعوديين اللي يشترون سيارات من الامارات من الغش اللي حاصل في المعارض وترى رد العداد مايكلف عليهم 200 درهم..
تحياتي للجميع
بومريم

[فايز العامر]

عن عقبة بن عامر قال "سمعت النبي صلى اللّه عليه وآله وسلم يقول المسلم أخو المسلم لا يحل لمسلم باع من أخيه بيعا وفيه عيب إلا بينه له". رواه ابن ماجه.



عن واثلة قال "قال رسول اللّه صلى اللّه عليه وآله وسلم لا يحل لاحد أن يبيع شيئا الا بين مافيه ولا يحل لأحد يعلم ذلك الا بينه"... رواه أحمد.



عن أبي هريرة "أن النبي صلى اللّه عليه وآله وسلم مر برجل يبيع طعاما فادخل يده فيه فإذا هو مبلول فقال من غشنا فليس منا"... رواه الجماعة إلا البخاري والنسائي.

[بدوي جنوبي]

http://img175.imageshack.us/img175/6432/342jzaakaao6.gif

يا رعاد

[aflaj12]

فعلا الممشى مايعيب السيارة مع المحافظة عليها والرازق رب العالمين

[شامخ ألهيلا]

romanic
طح طوح shaheenshah
khalid 6 رعاد aflaj12



اخواني اشكركم على مروركم ونصائحكم
ومن ابداء رايه له مني كل التقدير والاحترام


اخوكم محمد الروقي

[rehaam88]

من غشنا فليس منا

[شامخ ألهيلا]

من غشنا فليس منا
الاخت او الاخ rehaam كلامك صحيح
وشكرا على مرورك

[صلهامه]

السلام عليكم ورحمة الله


معروف أن الطبلون الألكترونى ياخذ الكهرباء حقه من بطاريه ليثيوم تشحن عن طريق بطارية السياره وتخزن المعلومات فى شريحة صغيره مثل بطاقة الذاكرة بحيث انها تكون مثل الكمبيوتراللى اذا طفيته وأعدت تشغيله تشوف المعلومات اللى خزنتها على الجهاز مره ثانيه ,

اللى يصير أنهم يقدرون يدخلون للشريحه هذى عن طريق الكمبيوتر العادى وتعديل البيانات الموجوده .

هذا اللى أعرفه

والسموحة على الإطالة

[شامخ ألهيلا]

صلهامه
مشكووووووووووووووووووووووور على مرورك
وبيض الله وجهك على المعلومات الطيبه ياطيب

[حنوش]

من غشنا فليس منا

[شامخ ألهيلا]

حنوش

حياك الله

[شامخ ألهيلا]

لرفع ليعم الفايده للجميع مو يصير الهندي والبنقالي افهم منا حنا نبي نفهم بعد
للفهم
وليس للغش

[سنافي وبس]

السلام عليكم :
جهاز يباع في امريكا بقيمة 300 دولار اي 1100 يصفر العداد للرقم اللي تبيه ولاتفك ولامسمار وابن امه يعرف انك مصفر العداد ... فتحو عيونكم لمواتلركم ولاتعتمدون كليا على قراءة العداد ويصبح مقياسك في شراء السيارة هو العداد قلب وشف وقارن بين العداد والسيارة .......

[شامخ ألهيلا]

سنافي وبس

مشكور وماقصرت على المعلومات