المساعد الشخصي الرقمي

مشاهدة النسخة كاملة : لأصحاب الاند كروزر اسبير تحت


نجد 2007
22/04/2007, 02:48 AM
السلام عليكم ورحمة الله

الموضوع وما فيــــــــــــــــــــه
8
8

8
8

8
8
مره من المرات طلعت انا وزميل لي على موتر زميلي جيب لاند كروزر جي اكس ار سبير تحت طلعنا الى النفود وكان الموتر محمل بالعفش( العزبه وبعض الاغرض ) ومع ذاك الخط داخل النفود وسط الخط كان مرتفع شوي واذا بالاستبنه تحك بالرمل شوي سمعنا صوت طقه قوي إلا والاستبنه طايحه على الطريق وضربت الصدام الخلفي واثرت عليه شوي صار فيه شق في الفيبر 00
انا كان في بالي اشتري جيب خلفية لكزس وبعد ذالك الموقف غيرت رأيي وقلت ابي اخذ اسبير علاق
ولكن قدر الله وما شاء فعل وشرت جيب خلفية اسبير تحت ؛؛؛؛
الزبده
زميلي صاحب الموقف عرض عليه فكره أو حل حتى اتلافى مثل هالموقف
قالي ببساطه غير الجنط حق الأسبير الى جنط جيب لاند جي (يجي نحيف شوي )
وركب عليه كفر دينه طبعا جنط الدينا (الشاحنه الصغيره )مقاسه 16نفس جنط الجيب000 والسبير استخدامه قليل خاصه اذا انت مطقم كفرات جديد؛؛؛
هنا نبي رأيكم في الفكره ماهي افضل من الياي والمساعدات وسلبياتها من عدم توازن ومطبات 000الخ0
ودمتم في حفظ الله
شامخ ألهيلا
22/04/2007, 02:59 AM
كلام صحيح :good2: ومشكور على الفكره الجيده
زي السيارات الاستعمال الامريكي مايجي معها الا استبنه صغيره لطواري فقط يعني لازم تروح اقرب بنشر وتصلح بنشرك
وصراحه الاستبنه الكبيره مالها اي داعي دام الواحد يهتم بكفراته ياخذ صغيره لطواري او انه يربطها في السله العلويه ويرتاح

وتقبل تحياتي
مرقاب
22/04/2007, 03:19 AM
اخوي انا صارلي نفس موقفك واضف انه له عيب اخر وهو الانقلاب لا قدر الله عند انفجار الاطار حيث ان الاستبنه السفليه تبطل وظيفة المساعد وبالتالي اختلال توازن السياره فالاسبير العلاقي افضل.
أسير مكشات
22/04/2007, 03:23 AM
اخوي نجد مشكور على الفكره

وتقبل تحياتي
اخوك الأسير
هاوي الله
22/04/2007, 06:06 AM
معلومه مهمه :

الموضوع / لاندكروزر

بالنسبه للكفر الإحتياطي إذا كان حجمه يختلف عن حجم الكفرات الأربع الرئيسيه للسياره وتم تركيبه ( بدل كفر مبنشر ) فهذا يؤثر سلبياً على تشغيل الدبل الخفيف . ويؤثر سلبياً بشكل أقوى إذا كان اللاندكروزر دفع رباعي مستمر . ويسبب أيضاً تلف للترس المانع للإنزلاق ( هذا الترس المانع للإنزلاق يأتي مع فئة VXR وطريقة تشغيله أوتوماتيك ) ومُمكن أنه يأتي مع فئة GXR-GX لا أعلم لأن لايتم معرفة وجود هذا الترس إلا عن طريق الفنيين المُختصين في الوكاله ( الكاتلوج ) .

وحجم الكفر = قياس دائرة الكفر الخارجيه من منتصف الجنط . وليس عرض الكفرات .

وبالنسبه لتأثيره على تشغيل الدبل الخفيف , كانت لي تجربه GXR 2003 قير عادي + دبل قير :

بنشر الكفر الخلفي الأيسر وركبت كفر الإحتياط ( سبير صغير في الحجم ) وعشقت الدبل الخفيف H4 , ولما جيت أرجع الدبل إلى الوضع العادي H2 ( على الزفلت ) لم يفصل الدبل ولازالت اللمبه مُضيئه , ووقفت ورجعت إلى الوراء وكذلك لم يفصل .
ونزلت من الزفلت بوضع مائل 45 درجه وتم الفصل .

والسلام ختام ’’
سلطان العوني
22/04/2007, 10:23 AM
ما قصرو الاخوان
aziz2727
22/04/2007, 11:12 AM
هذا حل
بس انا عندي حل ثاني
انك تركب ياي استرالي ومساعدات وولد مان
انا مركبها
شار بها علي احد الاخوان الله يجزاه خير ،، طبعا" كان قبل اركبها الاستبنه تحك في الرمل ولا يمدي اني اركب حتى ولو العزبه الا والسياره تهزع ( تنزل ) بس من يوم ركبت الياي والمساعد والحمد لله ما عد شلت هم شي طبعا" فيه مقاسات للياي مرتفع ومتوسط ومتساوي انت وحاجتك بس اشور لا تشتري المرتفع عليك بالضغط المتوسط وتحصله عند محلات الرمايه الي في شارع التخصصي بالرياض
وسلامتكم
نجد 2007
22/04/2007, 11:05 PM
اخواني ،،،،

محيميد2005
مرقاب
اسير مكشات
سلطان العوني
عزيز
اشكركم على الاطلاع على الموضوع ومنكم نستفيد
هاوي هدد،، أضافه وأفاده ومعلومه

دمتم في حفظ الله
شامخ ألهيلا
23/04/2007, 01:37 AM
له عيب اخر وهو الانقلاب لا قدر الله عند انفجار الاطار حيث ان الاستبنه السفليه تبطل وظيفة المساعد وبالتالي اختلال توازن السياره

اخوي مرقاب كلام عدل
مـدحـدر
23/04/2007, 01:46 AM
اخوي السبير الارضي مشلكه وحصل لنا نفس المشكله وقام يحك مع الخطوط الرمليه

ولما شيكنااااا علي السبير لقينااااه مرتخي مررررره

ولا فيه احلى من السبير التعليق لا صرت راعي طلعات كثيره

والله يوفق الجميع
ابومعاذ
23/04/2007, 09:46 AM
له عيب اخر وهو الانقلاب لا قدر الله عند انفجار الاطار حيث ان الاستبنه السفليه تبطل وظيفة المساعد وبالتالي اختلال توازن السياره

اخوي مرقاب كلام عدل



ماني قادر افهم علاقة الأستبنه بالانقلاب
ابرق الكبريت.
23/04/2007, 09:59 AM
صبحكم الله بالخير

انا عندي جي اكس هدد خلفية لكزس الاسبير اللي تحت مقاس 6.5 انتش مركب علية كفر بالون مقاس 16*900 ورافع الموتر من وره اصبعين بربل ولله الحمد ولقد شكيت ولكم تحياتي.......
اطلال نجد
23/04/2007, 06:20 PM
الاسبير الخلفي فيه ميزه انك تستطيع تركيب خزان ماء اسفل السياره 0