المساعد الشخصي الرقمي

مشاهدة النسخة كاملة : مشكلة الحراراة ياشباب في الباث فندر .. أقلقتني فزعتكم


القابوعة
22/04/2007, 02:32 PM
حيا الله الجميع .. شباب .. عندي مشكلة في الباث فندر علماً بأن سيارتي وكالة موديل 2005 توماتيك ماشيه 16000 الف فقط (( عندي سياره أخرى)) يعني ما استخدمها كثير .. المهم رحت لمكه ويوم رجعت لاحظت الحرارة فوق النص شيكت على الاديتر تمام (مويه خضراء أصلية) والسيور كلش تمام .. ووصلت الرياض ثم ذهبت الى الدمام والمشكلة هي هي اذا زادت السرعة عن 110 بدأت في الارتفاع طبعاً مع تشغيل المكيف وبدون المكيف توصل النص والمشكلة هذي حديثه .. واذا وقفت والسيارة مشتغله والمكيف يشتغل ترتفع ..
فززززعتكم يا شباب المكشات ... لا تطنشوووووووون تكفون ترى تكفى تهز الرجاجيل !!
كاشت شمال
22/04/2007, 03:13 PM
ماراح يقصرون معك الشباب :)

http://www.mekshat.com/vb/showthread.php?t=77211
Abo Nader
22/04/2007, 03:18 PM
أخوي...شيك على الخراطيش...
الباثفايندر3
22/04/2007, 05:24 PM
الاخ القابوعه السلام عليكم عندك حاجتين صلحهن قبل اي لخبطه بالسياره ولايكلفن الا 180 ريال غير البلف 80 ريال وكاله حرارته 75 وصيخ الراديتر ولاتقولي ماشي 15000 مايمديه لان الراديتر رصه وحده ما يتحمل واياني واياك :no2: تفلسف وتركب رصتين من النحاس انا مجربه اولا شكله غلط لان المكان مهيئا لرصه ثانيا النحاس يحتر بسرعه ويرفع عليك الحراره واذا بغيت تصدقني بالتصييخ خله يصيخ وانت عنده لاتروح وشف الوساخه اللي تنزل منه الله يهنيك بسيارتك ويردها مثل ما كانت وعلى فكره ترا والله ماصحصحت الا بعد ما انتهيت من الكتابه انت تقول ما مشى الا 15000 يعني على الضمان وده للوكاله وشف وش يقولون وشد عليهم بالموضوع قل هاذي حراره اذا ماضمنتو الحرا ره وش تضمنون تضمنون الاستبنه :D
فتى سدير
22/04/2007, 07:33 PM
اخوي صيخ الراديتر وتنتهي المشكلة انا مجرب
ابوطاقية
22/04/2007, 07:40 PM
مجرد فحص بسيط
اظغط على الخرطوش اذا السياره محتميه واذا الخرطوش قاسي عندك مشكله بالبلف قافل
والا اذا انت مركب سير موب اصلي
والا المروحه ضعيفه
لاتفك اي شي الا بعد الكشف وسلامتك
بواسامه
22/04/2007, 11:20 PM
الاخ القابوعه السلام عليكم عندك حاجتين صلحهن قبل اي لخبطه بالسياره ولايكلفن الا 180 ريال غير البلف 80 ريال وكاله حرارته 75 وصيخ الراديتر ولاتقولي ماشي 15000 مايمديه لان الراديتر رصه وحده ما يتحمل واياني واياك :no2: تفلسف وتركب رصتين من النحاس انا مجربه اولا شكله غلط لان المكان مهيئا لرصه ثانيا النحاس يحتر بسرعه ويرفع عليك الحراره واذا بغيت تصدقني بالتصييخ خله يصيخ وانت عنده لاتروح وشف الوساخه اللي تنزل منه الله يهنيك بسيارتك ويردها مثل ما كانت وعلى فكره ترا والله ماصحصحت الا بعد ما انتهيت من الكتابه انت تقول ما مشى الا 15000 يعني على الضمان وده للوكاله وشف وش يقولون وشد عليهم بالموضوع قل هاذي حراره اذا ماضمنتو الحرا ره وش تضمنون تضمنون الاستبنه :D

مهوي0000:D غير الخراطيش والبلف
القابوعة
23/04/2007, 10:28 AM
بصراااحه ما قصروتوا قدها وقدود يا شباب مكشات وخاصة الاخ باثفندر جزيت خيرا
salehhd
23/04/2007, 10:48 AM
السلام عليكم

الموتر دامه على الضمان وده الوكاله وقولهم على المشكلة ولاتخسر فلوسك برى على الفاضي

واحتمال بلف الحرارة فيه مشكلة
بني يعرب
23/04/2007, 10:58 AM
سبب ارتفاع الحرارة مايلي
1- ان يكون هناك سدد في مواسير الرديتدر او اي صداً في مجاري المياة داخل المكينة اوخارجها
2- عدم شد السير
3- كمية الزيت هل هي مضبوطة ماتكون زائدة ولاناقصة
4- اصعبها رأس المكينية يكون ارتفعت عندك الحرارة في احد المرات ولاانتبهت ممادى الى انبعاج الراس
الرحال الحزين
23/04/2007, 11:01 AM
صيخ الرديتر

كانت المشكله عندي قبل 3 ايام

والحين تمام

وعلى فكره صاحب المحل قالي ان الوسخ في الرديتر هذي اكبر مشكلة في النيسان عموما

ونصيحه صيخ اول
الباثفايندر3
23/04/2007, 06:00 PM
بصراااحه ما قصروتوا قدها وقدود يا شباب مكشات وخاصة الاخ باثفندر جزيت خيرا
وفقك الله وبارك لك في ما تملك
الباثفايندر3
23/04/2007, 06:01 PM
الاخ بو اسامه شكرا لك على حسن ردك اللطيف
قناص الوشم
23/04/2007, 09:44 PM
شف حساس المروحة الاضافية يمكن يكون خربان.

لان واحد من الشباب غير الاديتر من الوكالة ولا زالت الحرارة ترتفع فوق النص وراح لم كهربائي وغير الحساس والحين ابشرك الحرارة على الربع.
القابوعة
25/04/2007, 02:25 PM
اشكر الشباب اللي شاركونا في هذه المشكلة اللي بصرااااحه ضيقت صدري .. ولا ودي اروح للوكالة اخاااف يلعبون في حسبته .. ونيسان وانا خابرينهم .. ماعندك أحد .. والآن غيرت الحساس وشيكت على الخراطيش وكذلك سيخت الاديتر والآن الحرارة ممتاااااااازه الربع .. الله لا يهينكم .. وآمل من اللي يدخلون يستفيدون من مشكلة الحرارة وذلك للاطلاع على ردرد الاخوة الأعزاء .. ياحبيلكم:D

اشكر كل من قناص الوشم ، الرحال الحزين ، ابو اسامه ، بني يعرب ، الفاثندر
;)


شكر لكم شكر لكم
شكر لكم شكر لكم
شكر لكم شكر لكم
شكر لكم شكر لكم
شكر لكم شكر لكم
شكر لكم شكر لكم
الباثفايندر3
28/04/2007, 10:28 PM
الاخ القابوعه وين توصل الحراره عندك بالظبط يعني على اي خط سوا من الخطوط الكبيره او من الخطوط الصغيره وكم كلفت الشغله للفائده وشكرا لك
A.B.A
16/08/2007, 02:55 PM
أخواني حساس المروحة وين ألقاة وويليت تفيدوني بالصور لاني بصراحة مليت من الباث ودى أبيعة لو ماصلحة الحرارة معي تكفون يالرجاجيل