المساعد الشخصي الرقمي

مشاهدة النسخة كاملة : ممكن مساعده يا أهل الشيصان؟؟


أبو علي 444
23/04/2007, 08:54 AM
السلام عليكم ورحمة الله وبركاته


حيا الله الاخوان..


واحد من الشباب معه شاص وفيه ونش وخرب عليه الونش ....


وين أصلحه فيه ؟؟



مع العلم أني في الرياض..


وياليت الي عنده اسم ورشه يوصفلي الورشه بالضبط...

ويأيضا ياحبذا لو تطرقتم للأسباب الي تجعل الونش يخرب؟
برنس777
23/04/2007, 10:06 AM
أخوي أبو علي السلام عليكم ورحمة الله وبركاته :

أما عن موضوع من يصلح الونش فأنا من أهل بريده ولاقدر أفيد في الرياض

وأما عن أسباب خراب الونش فهي كاتال :-

1- الوزن الزائد في السحب والحد الاقصى لسحب ونش الشد بلد هو 3طن مع دبل الواير وطريق دبل الواير كان تجعل بكر في السياره المسحوبه وأيضا بكر في السياره الساحه ومن ثم تمرير الواير على البكره الاولى التي في السياره المسحوبه وبعد العوده به إلى بكرة السياره الساحبه ومن إرجاعها على هوك السياره المسحوبه وكل هذه العمليه من شا تخفيف وزن السياره المسحوبه على الونش

2- ومن أسباب الاعطال أيضا ضعف الكهرب يؤثر على الدقمه

3- قلة التشحيم
ممتر البران
23/04/2007, 04:17 PM
رح لورشه الراجحي اللي بالصناعيه اللي قبال حراج ابن قاسم القديم ويفيدونك هم حقين ونشات وسطحات بس
هاوي الله
23/04/2007, 04:52 PM
هل تسمع له صوت دقه بعد الضغط على الريموت , ولكن مايشتغل ؟

هل صاحب الشاص يغسل المكينه بالماء ( بستم ) ؟

إذا كان الجواب نعم = شيك على الدقمه قد يكون فيها حلى ( صدأ ) من تحت .

أيضاُ شيك على التوصيلات الكهربائيه .

إستبدل الريموت لتشغيل الونش .من أحد الأفارب .
سلطان العوني
23/04/2007, 06:18 PM
الصنا عيه القديمه تلقا طلبك عندهم
أبو علي 444
23/04/2007, 07:27 PM
برنس777

مشكور على التوضيح


ممتر البران

ممكن الوصف لاهنت لاني منب أدل بالرياض زين((

هاوي هدد

مشكور على التوضيح بس أبسأله وأشوف


سلطان العوني

حدد أي ورشه؟
أبو علي 444
24/04/2007, 02:45 PM
الرفع للأهميه
الدرندس
24/04/2007, 08:56 PM
السلام عليكم


عليك بورشه النويصر في الصناعيه القديمه او ورش المواهب او السليماني في الغرابي :good:

والسلام ختام
أبو علي 444
25/04/2007, 11:58 AM
مشكور وماقصرت أخي الكريم