ودي أفتح فتحه بالسقف

[M o b d a]

السلام عليكم ورحمة الله وبركاته




يا أخواني

أنا ودي

أفتح لي فتحه بالموتر


للمعلوميه لاندكلوزر 2006


سألت بعض الشباب ودلوني على محلات

وقالوا لي

إن الكابرس والومينا والمواتر الأمريكيه تجيء أكثر شيء بدون فتحه ويفتحونها

عند السليماني ؟..


سؤالي

هل هالفتحه لها مضار ؟

بعد فتره من تركيبها ؟


كم بتكلف .؟

أخاف لا جاء مطر ولا عج ألقى داخيه الموتر طآلع فيها ربيع من كثر الماء ( الله يجيب المطر )


تنصحوني أسويها ولا لا أفتح على نفسي باب سالمين منه ..



ودي أشوف أراء اللى مجربين الفتحه ..


أبي واحد معه موتر قديم

يعني لا يصير 2006 / 2000



من تحت هالموديلات ..

لان الخراب مو طالع هالحين

بعدين يبين كل شيء ؟

[الذيب الابيض]

اخوي انا معي لاند gx وركبت له فتحه للصيد والى الان هي تمام تمام طبعا فتحة الشد بلد اكبر من اللي عندي شوي
انا مسويها عند السليماني وعليها ضمان ولها هي من عام 2000 الى الان ماتعطلت ولا تخر ماء مع المطر


وبالتوفيق

[المميـز]

اخوي صح كلام الشباب الي قالوا لك ان السيارات المريكيه تفتح فتحات عند السليماني

واحد من الشباب راح وسأل السليماني وقالوا له نفس الكلام

ويعطون ضمان 10 سنوات وقيمة الفتحه تكلف من 4000 الى 5000

[Barq al7'eel]

مجرد اقتراح
اعتقد افضل محلين للفتحات هو السليماني وزيبارت محل زينة السيارات شغلهم ممتاز ويعطونك ضمان بعد ونصيحتي يا حلاة الموتر شد بلد والله يوفقك

[شامخ ألهيلا]

اخوي لاتوجد اي مشكله في ترهيم الفتحات بس يبقى عليك عمل ديكور داخلي لسياره مثل لمبات وحامل نظاره وزرار الفتح والقفل للفتحه في السقف ولاتخليهم يشتغلون
الا لين تامن هذي القطعه يركبونها هم صح لكي يطلع موترك زي شد البلد

[مران]

عليك بالسلام في المنطقه الشرقيه شغل مرتب ويهتمون بالديكور الداخلي جدا ومجرب ويعطوك ضمان مدى حياة السياره

[هولوكس2005]

وش لك بالترهيم ترى بالدعوه شق تنده وحتى إذا بغيت بتيع موترك بعدين تبي تصير نقمه عليك لأنه راح يكون علتن عليك
يعني الفتحه زي ماقالو الشباب راح تكلف 5000ألاف راح ينزل من موترك له 5000 ألاف وفر القيمه هذي بخلفيه لكزز فتحه

وكان استعمالك نظيف راح يمسك الموترقيمته لأن التايوتا شيك بالمخبات

[سلطان العوني]

السليماني فيه محترفين ولكن لم اجربهم

[مهندس الكشتات]

للمعلوميه لاندكلوزر 2006



حرام عليك تلعب بالموتر ...:no2:

[beznas]

اقوووول روووح والقلب داعيـلك.. :) :)
والموتر انت ما شريـته ((تخزنه للي بعدك)) انت شاريه تتونس به الله يونسك بالحلال..
بس اهتم بالديـكورات الداخليــه زي ما قالو الشيوخ وأنصحك لا تجلس عندهم وهم يقصوون الموتر :) دورلك شغله ثانيـه.

** وللمعلوميـه اكثر الفتحات الي تجي من الوكاله سواءا ً امريكي او ياباني دائما ً تخرب وتعلق بعد 5 سنوات او ازود.
وان كانك نويـت لاتنسا تخبرنا بالجديد.
والسلالالالالالالالام

[شامخ ألهيلا]

اقوووول روووح والقلب داعيـلك.. :) :)
والموتر انت ما شريـته ((تخزنه للي بعدك)) انت شاريه تتونس به الله يونسك بالحلال..
بس اهتم بالديـكورات الداخليــه زي ما قالو الشيوخ وأنصحك لا تجلس عندهم وهم يقصوون الموتر :) دورلك شغله ثانيـه


هذا الكلام المضبوط لخوي beznas وازيدك ان الفتحات الي تركب هنا افضل من شد البلد لان عندي انا مجرب في كامري وجيب لاند تجيك مزعجه حقت شد البلد ولي يركبونها الشباب في الهوندا مالها اي صوت واحسن من الوكاله و ترا الفتحه والقير التماتيك ترفع سعر السياره في البيع مو مثل اول خاصه في الجيب والسيارات الصغيره بس زي ماقلتلك رح اشتر الديكور الي زي حق شد البلد تاخذه من التشليح ارخص الي فيه لمبات و وازرار الفتحه وحامل النظاره والله ماحد يجيب خبر على الترهيم

وللمعلويه ان عبد اللطيف جميل هو الي يقص الفتحه في جده وتذكروا Gx-r g
والكورلا و الكامري تورنقا كلها قص في جده
حسب الي افادوني الشباب في شركة عبداللطيف جميل

[مدور ربيع]

حسب توقعي انه مهما كان الشغل مزبوط ,, مارايح يكون زي شد البلد

ولعلمك ترى الفتحه بتملها بعد فتره ,, لانك كل مافتحتها بتهلهل عليك تراب وغبار ,, حتى لو انك ماطلعت للبر

وكان معي فكس ار 2003 فيه فتحه ,, واذكر اني مافتحتها اكثر من عشر مرات , وبعته وتلبيسة التنده مليانه خرايط مائيه
والان معي فكس 2005 بدون فتحه واشوفه افضل واهداء , والتلبيسه تقول توها مركبه

بختصار الفتحه مشاكلها اكثر من نفعها وخصوصا باجوأنا الحالمه العجاج

[M o b d a]

والله إني محتار



لاكن أنا أبيها للزينه فقط

ما هي للقنص

ننتظر بأقي الشباب

[هاوي قصيده]

اذا تبي تركب فتحه

فيه بالشرقيه محل اسمه (السلام)

متخصص للفتحات ..

والجميح والتوكيلات ... تذبط سياراتهم عندهم ..شغل ميه ميه وضمان وكل شي


ركب اخوي فتحه على هدد 2007

هي صح صغيره بس فيها مواصفات افضل من شد البلد وهي/

حساس للمطر ..يعني اذا انت فاتحها وجا مطرر ..تقفل توماتك..

فيها عازل حراره (مظلله)

فيها ميزه اذا طفيت الموتر تنزل الفتجه دايركت ..واذا ما تبي تضغط زر ..وتبقى مفتوحه او مرفوعه


ماعليك الا انك تروح للوكاله قسم القطع وتطلب حق المرايات مع اللمبه ..


وللمعلوميه تراهم يغيرون لك سقف السياره الداخلي كامل ..

وهو يختلف عن شد البلد ..بس اعقلها وتوكل


سالنا قبلك والكل قال ما عليك ..شغلهم مضبوط


وسعرها ..يوم سويناها كان في رمضان ومسوين عرض ..الفتحه بـ 3500 ريال

اما الان بـ 3800 ريال