صوت ونه بالدفرنس للباثفندر [الأرشيف]

مشاهدة النسخة كاملة : صوت ونه بالدفرنس للباثفندر

عبدالرحمن السالم

25/04/2007, 12:39 PM

السلام عليكم .. اسعد الله اوقاتكم بكل خير ..

أخواني انا معي باثفندر 2005 فيه صوت ونه اذا مشيت ميه واذا شلت رجلي عن البنزين يروح ولا دعست رجع واذا تعديت الميه راح .. سويت كشف على الموتر بورشه من الورشات وقال هذا الدفرنس فيه مشكله .. وديته للوكاله بشوف هل هو على الضمان ام لا .. جيت للوكاله عشان اسوي كشف عادي وهذا الكلام الثلاثاء قالو دخلها اليوم وتطلع الاثنين ولا دخلتها .. قلت ابى اشاوركم هل فيه احد طلع له هالصوت ام لا ..؟ وهل له حل غير الوكاله ..!

اخوكم / دحيم

taas2079

25/04/2007, 03:17 PM

اخوي دحيم معاي اكسبلور 2003 نفس الصوت طلع معي مافي ورشة او مركز بالرياض الا وديته وكلهم يقولون الونه هذه سببها الكرونه والبنيون اللي في الدفرنس الخلفي لكن طبعا الدفرنس مو اي واحد يفكه ويلعب فيه دخلتها الوكاله التوكيلات وكلفت علي قطع الغيار 1100 ريال وشغل يد 1000 ريال وضمان سنه عليها او 20000 كم وشغلهم زي الحلاوه لذلك انصحك بوكالتك لا تروح للنصابين ولا يقولون ورشة شلنجر يسرقون القطع من السيارة او يوضبون الدفرنس ويقولون لك غيرناه وصف الورش ذيك مثلها لذلك انصحك بوكالة السيارة وزيادة 500 او 1000 او 2000 بس اضمن الشغل والوكالات ما عندهم توضيبات وكلام فاضي عندهم يغيرون القطع كلها
والله يوفقك
كتبت لك هذا الرد لاني حسيت بمعاناتك مع الورش والونه اللي تفقع راسك وتوسوس فيك

salehhd

25/04/2007, 05:40 PM

السلام عليكم
دام الموتر على الضمان ودة الوكاله وخلهم يصلحونه

ولا تعور راسك وقلبك

والله يعينك

الكوسه

25/04/2007, 08:08 PM

مايصدر صوت الونه الا من الكارونه

غضنفر

25/04/2007, 10:14 PM

وش الكفرات الي على الموتر
انا اذكر ركبت على باثفندري سابقا 255\65
ولاحطت ان الدفرنس يبدى يون اذا رقيتبه كم مرقى في النفود

عبدالرحمن السالم

29/04/2007, 09:40 AM

هلابك عزوتي taas2079
والله انا واحد من اخوياي معه زي موترك بس مديله 2004 ونفس الحكايه يطلع له الصوت .. وابى اقوله عن سالفتك اغديه يصلح ..
بالنسبة لى بأذن واحد احد بدخله للوكاله وراح اسمع مشورتك والله ينطيك ألف عافيه ..

لاهنت ابوي

عبدالرحمن السالم

29/04/2007, 09:41 AM

هلابك يالغلا salehhd

مشورتك هي الهدايه بوديه للوكاله وربنا يسهل

لاهنت على مرورك وعلى ردك وعساك دوم سالم

رقبة حاشي

29/04/2007, 09:43 AM

السلام عليكم
الموتر الان على الضمان رح به الوكاله يصلحونه

والله معاااااااااااااااااك

عبدالرحمن السالم

29/04/2007, 09:43 AM

هلابك يالطربه الكو899سه

والله اضاهر انه منه بس والله اني محافظ على الموتر ما اقولك اني ما اطعس به اطعس بس بعقل ولاني بمطفوق وراعي دعس

ولاهنت وعساك دوم سالم على مرورك يالغالي

عبدالرحمن السالم

29/04/2007, 09:44 AM

هلا والله black path

كفراتي نفس كفرات الوكاله ولا اعتقد ان الصوت من الكفرات .. لكن بشوف الوكاله
ومشكور ألف شكر ولاهنت

أبـو فـايـز

29/04/2007, 09:48 AM

يمكن الزيت ناقص "زيت الدفرنس"

هواي البر

29/04/2007, 10:06 AM

عبدالرحمن السالم

29/04/2007, 01:58 PM

السلام عليكم
الموتر الان على الضمان رح به الوكاله يصلحونه

والله معاااااااااااااااااك

بأذن الله بوديه للوكاله رغم انه ماشي 42 ألف ولا يندري هم يقبلون الضمان او لا ..

لاهنت ابوي رقبه الحاشي على مرورك الكريم

عبدالرحمن السالم

29/04/2007, 01:59 PM

يمكن الزيت ناقص "زيت الدفرنس"

لا ياجدي انت ابو شنب فسفوري زيت الدفرنس ما امدانن مشيك عليه ومزود عليه زيت ما اعتقد انه منه

لاهنت وعساك دوم سالم ومشكور على مرورك

عبدالرحمن السالم

29/04/2007, 02:04 PM

هلا اخوي (( اخر لفة ))

انا معي باثفندر بس الصوت يصدر من الطبلون مهب من الدفرنس !!!

لان موتري يطلع صوت اذا اسرعت على الموتر يطلع صوت ونه ومحلها كني اسمعه في الطبلون العدادات !!!

هل انت تقصد كيذا ؟؟

وشكرا

لا ياخوك من الدفرنس من تحت ما اعتقد انه من الطلبون .. الطبلون مابه شى ابد .. ونه من تحت تجي وخفيفه ماهي قويه واذا قرب عداد الطبلون لـ 80 طلعت واذا زدت وتعديت 100 راحت .. رحت لورشه اعرفه زين ودايم نتعامل معه مكانه بالشفاء اسمه ورشة نوفـا وقالي ان الصوت هذا من الدفرنس رح للوكالة وخلهم يغيرونه على الضمان .. بس المشكله ان زحمه عندهم ولو ادخله اليوم ماراح تطلع الا الاسبوع الجاي عشان بس كشف .. خله على ربك ..

ع العموم مشكور ألف شكر على مرورك الكريم وعساك دوم سالم

بدوي جنوبي

29/04/2007, 06:05 PM

Abo Nader

29/04/2007, 07:04 PM

الظاهر أن موترك عادي...

إذا كان عادي..ترا بكل الباثفندرات هالصوت...و خصوصا ونت حاطه بالخامس...

غضنفر

29/04/2007, 07:10 PM

ايه ايه
نسيت اسألك عن حاجة مهمة
هل انت رافع الموتر
سواء بكعكات او ياي
اذا كان الجواب بنعم
فارقد آمن
الصوت طبيعي
من عمود الكردان

Abo Nader

29/04/2007, 07:45 PM

هلا أخوي بلاك باث..

طيب و السبب من الصوت إذا رفعت..

غضنفر

29/04/2007, 09:55 PM

عمود الكردان تتغير وزنيته اذا رفعت الموتر من الخلف
شف اصحاب الشروكيات وش يزينون اذا رفعوا مواترهم
ينزلون القير كمن سانتي
للمزيد
انظر الى موضوع اخينا زيزوم عن حرة الشروكي المرفوع

شـهـاب

29/04/2007, 10:44 PM

ابو سالم تبي الصوت يروح

تعال لمي بحايل

وان شاء الله يروح الصوت :)

عبدالرحمن السالم

30/04/2007, 11:17 AM

اخوي دحيم كيف حالك

بعض السيارات تشكي من هالمشكله اعر ف واحد معه جيب 2006 ونفس المشكله

اذا وصل سرعة من 80 الي 100 واذا رفع القدم عن الابنص راح الصوت الله يكرمكم

خله مثل ما هو صدقني ما يأثر علي الموتر

بالتوفيق

بنعمه الله يرضي عليك وبصحه وعافيه شلونك انت يالغالي .. صحيح هذا اللى حاصل اذا مشيت 80 طلع الصوت واذا شلت رجلي من الابنص راح الصوت .. الله يسلمك وربي يرحتني والله ولاهنت اخوي بدوي على مرورك الكريم

عبدالرحمن السالم

30/04/2007, 11:18 AM

الظاهر أن موترك عادي...

إذا كان عادي..ترا بكل الباثفندرات هالصوت...و خصوصا ونت حاطه بالخامس...

هلا والله ابونادر صحيح الموتر قير عادي وصحيح الونه ماتطلع الا اذا حطيته بالخامس

ولاهنت على مرورك الكريم

عبدالرحمن السالم

30/04/2007, 11:19 AM

ايه ايه
نسيت اسألك عن حاجة مهمة
هل انت رافع الموتر
سواء بكعكات او ياي
اذا كان الجواب بنعم
فارقد آمن
الصوت طبيعي
من عمود الكردان

هلا والله بلاك باث ياهلا والله بالغالي .. فعلاً انا رافع الموتر مركب يايات استراليه وكعكه وحده بالخلف ..
يعني طبيعي هالصوت من الرفعه ؟

الله يجزاك ألف خير اخوي بلاك ولاهنت يالغالي

عبدالرحمن السالم

30/04/2007, 11:21 AM

ابو سالم تبي الصوت يروح

تعال لمي بحايل

وان شاء الله يروح الصوت :)

هلالالالالالالالا ابوعبدالله هلا بالغالي ابشر ابى اجيكم لحايل بالعطله ان شاء الله .. والحمد الله ارتحت يوم قريت رد الاخوان وقسمن بالله كنت شايلن هم ..

لاهنتوو يالاخوان وعساكم دوم سالمين

قرم

30/04/2007, 11:50 AM

السلام عليكم
دحيم آخر لفه
ماعليك خلاف . لكن حبذا تجنب رفع السياره سواء من الأمام او من الخلف والإكتفاء بالأدوات اللتي تزيد قساوة السياره بدلاً عن الأدوات اللتي ترفعها ..فالرفع له مساؤه . تحيه طيبه للجميع

Abo Nader

30/04/2007, 12:56 PM

هلا أخوي..

أنا موتري قير عادي و حاط يايات و كعكتين..و بديت ألاحظ الصوت تقل طياره تبي تقلع :)...

و ترا و ديته للوكاله و قالو مافيه شي سليم...و شكرا...

ابوجمعة1

18/10/2015, 04:10 PM

يا اخوان وانتم ابخص لازم يركب فرارات وانا مانب متأكد يادحيم انت مركب فرارات ؟

AL-OTAIBI

18/10/2015, 04:29 PM

ههههه ابو جمعه، الموضوع ذا له ٩ سنين، يمدي الرجال باع الموتر و شرا عشرة غيره.