المساعد الشخصي الرقمي

مشاهدة النسخة كاملة : ابي رايكم يا اصحاب الباثفيندر ويا اهل الخبرة


ابو_عزام2005
25/04/2007, 03:16 PM
السلام عليكم ورحمة الله وبركاته ... يالله حييهم ...

يا جماعة الخير انا معي باثفيندر وابي ارفعه من الخلف ، طبعاً الموتر شد بلد ، فعندي سؤالين ولا عليكم امر ابي تجاوبوني عليها ، وش احسن رفعه معقوله للخلف ؟ وكم تكلف اذا تعرف .
و هل لازم ارفع وجهه علشان يتناغم مع الخلف ؟

ابي رايكم ، لاني ما استغني عنه . واسفين على الاطالة .
salehhd
25/04/2007, 05:41 PM
السلام عليكم

ايش سبب الرفع اذا كان قصدك علشان ماينزل اذا حملته

فالحل موجود هنا ان شاء الله

http://www.mekshat.com/vb/showthread.php?t=83435
باثفاندر 2005
25/04/2007, 06:03 PM
إذا الرفع علشان ما ينزل مع التحميل فعليك بـ (( اليايات )) الاسترالية ..
ابو_عزام2005
25/04/2007, 07:30 PM
الله يعطيكم العافيه لى الرد السريع ، و سبب الرفع عندي سببين ، الاول ابيه يكون ركزه ، والسبب الثاني هو اني اذا حملته نزل وصار يلطخ مع المطبات ..
اخوي salehhd (http://www.mekshat.com/vb/member.php?u=16463) انا اطلعت عى موضوعك من فتره ، بس مدري ما خشت الفكره براسي .. احس بالون !! مدري احسه مهب شي حقيقي غير ان لونه فضيه .. اعذرني بس وجهة نظر وتحتمل الصحه والغلط ، غير اني منب خبير بهذا المجال ، ومشكور ع النصحيه الله يخليك.
و يا " باثفيندر 2005 " مشكور على النصيحه لكن ودي اعرف كم سعرها وهل تركيبها سهل ، وهل تركب لى مساعدات شد البلد ؟
ومشكورين الله يجزاكم خير.
Abo Nader
25/04/2007, 10:21 PM
السلام عليكم..

هلا أخوي..بالنسبه للرفع من ورا..شف لك ياي أسترالي..بس ترا ما راح يفرق واجد لأنه تقريبا نفس المقاس..و ذا تبي تزيد حط لك كعكه أستراليه..بالنسبه لموتر ياي أسترالي +2 كعكه..

وناوي أخذ أشري البالونات من أخوي صالح..

و الله يوفقك..و أي خدمات أنا حاظر..
ابو_عزام2005
25/04/2007, 11:07 PM
والله شكلي بشتري بالونات !!

كلكم تمدحونها !! ، بس عاد ان تفقعت بدفعكم قيمتها ههههه ..لكن انا مساعداتي والياي شد بلد ، لو اركب بوالين يرتفع ؟

طيب اخوي صالح ، لو بطلب وحده مت توفرها ؟
Abo Nader
26/04/2007, 12:37 AM
أخوي...بالنسبه لي أنا مركب يايات أستراليه...و مساعدات لاند..وناوي أركب البالونات..

متى ينفقع البالون؟إذا كان الهوا بالبالون قليل..يقرص عليه الياي..
salehhd
26/04/2007, 05:03 AM
السلام عليكم
اليوم وصل طقمين وارسلت واحد الي القصيم والثاني صاحبة راح يستلمة بكرة ان شاء الله

في طقمين راح يجون خلا اسبوعين ان شاء الله واحد محجوز لابونادر واذا لك رغبة في الثاني احجزة لك
وتقدر تحط طلبك في الموضوع الخاص فيهم

اخوك
صالح
باثفاندر 2005
26/04/2007, 03:37 PM
أنا مركب يايات استراليه والمساعدات شد بلده ومرتاح أحمل خزان 100 لتر مليان وعزبه وكل الأغراض ويركبون 4 ولا تنزل الى شي بسيييط قبل ما أركب اليايات بس أحط الخزان يبقى ملي وتحك الكفرات .. !
بواردي الدلم
27/04/2007, 12:35 AM
اقول بالله ياشباب انا ابي اشتري باثفايندر وشرايكم فيه زين ولا لا
يعني يكد ويمد ولا خرابات وقلق
بعدين كم يسوى الفل كامل النظيف 2003----2005
وممكن اعرف وش سالفه الحراره يقولون انه يسخن صحيح ولا خرابيط
وحتى لو اشيل البلف او اضيف له مراوح تبقى المشكله المزعومه ولا تروح
ارجو التفاعل مع الموضوع بكل ماتملكون من خبره
خلال الاسبوع هذا راح اخذ واحد
الحقوا علي قبل ماتورط :j :o
ابو_عزام2005
27/04/2007, 12:59 PM
يعطيكم العافيه يا شباب ،، والله ما قصرتوا .

و انا بدور واحد مركب بالون وبركب معه واشوف ،، اذا هي مريحه ركبتها .

و مره ثانيه اقولكم مشكووورين يالنشاما .