اريد اركب مكيف في العراوي.

[المري]

السلام عليكم ورحمة الله وبركاته ,,, وبعد


اخواني الاعزاء عندي مشكله بسيطه واريد منكم الحل:


انا شتريت لي عراوي 2002 بدون مكيف وذا الايام جاءنا الحر وانا اريد اركب فيها مكيف


فهل تركيب المكيف سهل؟؟وكم يكلف؟؟ وكيف طريقة تركيبه؟؟


في انتظار ردودكم....


اخوكم المري

[Y&Y_4X4]

السلام عليكم

س 1 - وش نوع العراوي ( ؟؟؟؟؟؟؟ ) الي انت شريت الله يهديك تقولنا الموديل وتنسى النوع ؟

س 2 - في اي بلد انت موجود ؟

في انتظار الاجابات !

[mohamad1121]

الاخ المري مع التحيه

اولا التركيب ليس بالعمليه السهله ولكن موجوده والافضل تغير السياره من والى المكيفه ، فعملية الترهيم لها مساوئ كثيره فسوف تجد مشاكل انت في غنى عنها .

ثانيا لقد رايت اشخاص بالمصادفه وكانت اخر مره لي كانت لسياره عراوي م1986 وجلب المكيف من تشاليح الكويت بسعر مغري جدا ولم يتجاوز الف ريال وكان تركيبه في صناعية الخرج بـ600ريال ، فان وجدت المكيف بسعر رخيص فهو الاهم من قيمة التركيب .
وان كنت في الرياض فهناك مهندس سعودي (كهربائي سيارات) واسم محله ورشة الجابري وهو في صناعية الرياض وهو مشهور جدا ومتواضع وسبق لي التعامل معه لمشكله غير مشكلة سيارتك ووجدت لديه النصح واسعاره ليست بالرخيصه .


ابوكاسر

[Y&Y_4X4]

الله يهديك استعجلت خله يرد !

[المري]

مرحبا والله بااخواني محمد 1121

والاخ Y&Y 4X4

وشكرا لك يااخ محمد وماقصرت

اما اخي 4X4

السياره ددستن غماره وحده موديلها 2002 , ماركة نيسان


ها ه تبي شي بعد تراك راعي المعروف..


وانا في انتظار اجابتك؟؟؟؟


وانا من سكان ضواحي الاحساء


اخوك: المري

[Y&Y_4X4]

اية ابي شي بعد ماذكرت هي بخاخ ولا كلبريتر ولون السيارة بعد مهم للمكيف لون السيارة ؟


اما وقد اوضحت الله يعافيك ولا يهون اخوي mohamad1121

نعم يأخي ممكن تركب مكيف وعندك حل من ثلاثة؟

الاول انك تجيب من التشليح لنفس السيارة ونفس الموديل علشان اسلاك الكهرب ما تختلف,
1- الكمرسور مع القاعدة .
2- بكرة شد السير .
3- المواصير مع الليات حقت الحار ( مهوب ضروري اذا ما تبي هواء حار في فصل الشتاء ).
4- الثلاجة مع المروحة .
5- وحدة التحكم مع اسلاك الكهرب.
6- خراطيش توزيع الهواء الداخلي ( الي تحت الطبلون ).
7- جهاز الكهرب الي يزود دعست البانزين ( على كل حال ماهوب مهم مرة اذا كانت السيارة بخاخات)
8- اديتر المكيف مع دبة تخزين الغاز.
9- انشاء الله اني مانسيت شي.

الحل هذا يبي يكلف قروش واجد ناهيك عن تكلف شغل اليد بس انه ممكن ومضمون بأذن الله يصير مثل شد بلد.

الثاني انك ترهم مكيف مختصر فيه انواع واشكال واحجام مختلفة صحيح شكله يبي يصير غلط شوي بس اذا ما يهمك يبي يصير ارخص واجد من الحل الاول وعملي جدا بنفس الوقت .

فية نوع الاديتر مع الكوندنسر يركب فوق التندة والكومرسور تحت الكبوت والمروحة مع فتحات التهوية تحت التندة.
فية نوع الاديتر مع الكومرسور تحت الكبوت والمروحة مع فتحات التهوية فوق الطبلون.
وغيره ,,,,,,,,,,

واذا بغيت المحل الي يرهم مكيفات في الرياض علمتك وممكن الشباب الله يعافيهم يشاركون و يضيفون للموضوع.

والثالث مثل ماقال أخونا mohamad1121 تبيع السيارة وتزود القروش الي انت تبي تصرفها على هالمشاكل وتشتري سيارة مثلها مكيفة والله يوفقك .