المساعد الشخصي الرقمي

مشاهدة النسخة كاملة : وش الحل يا جماعة مع الدبجة اللي تجي مع الفرامل في الباترول التوماتيك


راعي المستوي
26/04/2007, 04:15 PM
السلام عليكم و رحمة الله وبركاته
وش الحل يا جماعة مع الدبجة اللي تجي مع الفرامل في الباترول التوماتيك

اذا جيت تهدي وانت مسرع ثم وقفت ثم تركت الفرامل او وضعت القير في البي او الـ ان يعنى فضيته تطلع صوت دبجلة وتحسها بالقير ؟؟؟
اذا فيه احد يعرف حل للمشكلة او سببها
طبعا الموديل باترول 2005 قير اوتماتيك مكينة 4800
وشكرا
سفاري نجد
27/04/2007, 01:01 AM
اخوي راعي المستوي



السلام عليكم ورحمة الله وبركاته



ههههههههههههه



أعجبتني كلمة الدبجه وكنت اسميها النتعه يوم جيت اوصفها للوكاله ،،،



المشكله وانا اخوك بعمود الكردان لانه صار معي نفس الشي موديل 2003 سوبر سفاري قير اوتوماتيك



وتطلع بالقير التوماتيك فقط القير العادي ما تطلع فيها الدبجه وتراها تطلع بكل الجيوب الاوتوماتيك مع ولد عمي VXR وفيه الدبجه خفيفه واليوكن مع اخوي اشد من السفاري و VXR .



مجربها وتختلف قوتها ،،،



انا غيرته على الضمان والحين تمام الحمدلله ،،،



إذا كانت سيارتك على الضمان انشب بالوكاله يغيرونه لك ،،، وقيمته بالوكاله حدود 2300 ريال ،،،



والا انقز وجس النبض عند ميزان العضيب لعل وعسى يحصلون حلّ إذا هي قويه مرره وشيك عليه بالمره ،،،



المهم ان (( الدبجه )) مو من القير من عمود الكردان ،،،



تحياتي لك وللدبجه :D



أخوك سفاري نجد
عرش السفاري
27/04/2007, 02:07 AM
بس هل هي تأثر؟؟؟؟؟؟؟؟؟؟؟؟؟؟؟

لأني ما أشوف فيها ذيك المشكلة اذا تأثر علموني الله لا يهينك!!
راعي المستوي
27/04/2007, 02:28 AM
شكرا اخوي عرش السفاري
كنت متوقع انه من عمود الكردان لأنه باين عليه انه يتحرك
وهي قوية شوي ولكن من زمان وهو على هالحالة ولم يتغير ولكن احيانا وانا مشي ودعسة البنزين ثابته تطلع وقوية
عموما الف شكر لك و على سرعة الرد

وبالنسبة للوكلة ماعندهم سالفة يقولون انه بالقير وانه شي عادي ما يأثر .... والضمان انتهى الله يخلف على
راعي المستوي
28/04/2007, 09:45 PM
طيب اخوي عمود الكردان سعره غالي
ما فية ورشة تصلحة..او مخرطة