المساعد الشخصي الرقمي

مشاهدة النسخة كاملة : اريد ان اخذ رايك انت نعم انت


.أبوعبدالرحمن
27/04/2007, 05:10 AM
...






...






...



..

السلام عليكم ورحمة الله وبركاته اتمنى ان تعطيني رايكم بالنسبة لليوكن الـ 2006 وش رايكم فيه طبعا دفرنسين وابغى رايكم من جميع النواحي



وهل فيه احد قد اشتكى من شاشته وهل هو يبيض الوجه بالبر



ولا تنسون رد السلام
المميـز
27/04/2007, 06:22 AM
وعليكم السلام ورحمة الله وبركاته

بالنسبه لليوكن 2006 الشكل القديم وليس الجديد طبعا

انا اعرف واحد معاه واحد وماشاء الله تبارك الله ماعليه كلام وقوه وهيبه وتحمل

ولا يصرف بانزين ومريح بالمطبات

لكن بخصوص الشاشه ما ادري هل تقصد الشاشه اللي بالطبلون اللي تبين لك ضغط الكفرات و الابواب المفتوحه ؟؟

اذا كانت هي اللي تقصدها الرجال اللي اعرفه ماقد اشتكى منها ابد

والله يكتب لك اللي فيه الخير
باترول للأبد
27/04/2007, 01:05 PM
انا بالنسبة للي معاي يوكن 2001 ولا علية كلام موتر لا يعلى علية
ابو درع
27/04/2007, 01:13 PM
شكل جميل جداً .. اعتقد اجمل سيارة صنعتها جي ام وقيمتة معقولة جدا مقارنه بباقي السيارات الدفع رباعي

اذا عزمت فتوكل على الله .. الله يوفقك
القويعي
27/04/2007, 02:38 PM
مثل ما قال ابودرع

توكل على الله
((( الحر)))
27/04/2007, 02:45 PM
اليوكون افضل الامريكي

لكن عليك بالتويوتا ... واذا نزلت لا تعدى النيسان

وكل له رايه وقناعاته..... بالتوفيق يالغالي

لك تحياتي
هاوي الله
27/04/2007, 05:07 PM
وعليكم السلام ورحمة الله وبركاته

اليوكون موديل 1999 (دبل قير) هو أفضل سياره عائليه صنعتها شركة جنرال موتورز >>>> مجرد رأي

في آمان الله
((الخالدي))
27/04/2007, 05:31 PM
يابو عبد الرحمن اليوكن مايبيض الوجة بالبرأنصحك أنك تاخذلك شاص أو لاند كروزر أو سفاري
abufahad2008
28/04/2007, 01:46 AM
وعليكم السلام


اخوي ابوعبدالرحمن الصفان (http://www.mekshat.com/vb/member.php?u=36760)

اذا كان يوكن سعودي فهو زين لان واحد من الشباب معه 2007 سعودي يمدحه .


بس نصيحتي عليك بالهدد ولا الفتك .
.أبوعبدالرحمن
28/04/2007, 03:05 AM
الله يعطيكم العافية


اخترت البوكن لان الوالد معه لاند 2001 جي اكس ار وصراحة فية دفعة كبيرة نزلت عند احد الوكالات ناسي اسمها يوكن موديلات 2006 والمقصد هو بيع الاند وزيادة شيء بسيط عليه واخذ يوكن جديد فقط وسعر اليوكن في هذي الدفعة رخيص حول التسعين وهو جديد


والمقصد من الشاشة هي شاشة موجودة بمحل المكيف لموديلات ال 2005 وهذه الشاشه مانزلت الا بال 2006 فقط حتى ال2007 مافيها وهذه الشاشة اللي اقصد



والف شكر لك من شارك بالموضوع


ولا نستغني عن بقية الاراء ولا يهونون اللي ردوا
§©¤ راشد ¤©§
28/04/2007, 05:33 AM
وعليكم السلام ورحمة الله وبركاته
الروض
28/04/2007, 06:52 AM
أخي
ترى لك نظرة وللناس نظرات ولولا اختلاف الاذواق لبار مافي الاسواق
أحد يمدح اللاند واحد الباترول واحد.....الخ
لتشتري سيارة حدد هدفك
للعائلة للكرف للتكسب
ثم قرر حيث أن السيارة لاتشترى إلا بقناعة وليس لان فلان مادحها او ذامها
وقمة الدفع الرباعي عندنا على حسب نظر الجمهور اللاند ثم الباترول وانا عشيق باترول
واليوكون مثل دينالي صراحة روعة جدا من حيث الشكل والقوة واظنه ذيب على السريع لكن
سيارة عملياتية على الطرق الوعرة يمكن مايسبع وهذا بحسب ماهو سائد
بثقافة الجمهور ويا قربه من الصح
والله يدلك على الصالح
بدوي جنوبي
28/04/2007, 02:16 PM
شف ابو عبدالرحمن دام انك ما طريت البر

توكل علي الله واستخر وخذ اليوكن والله ما عليه كلام

سؤالي باقي متوفر 2006 جديد وكم لقيت سعره ؟

لا تروح بعيد عن الدينالي افخم شي

الله يوفقك

يا هاوي هدد موديل 99 عاجبني شكله احسن من موديلات 2000 والظاهر انه اخف ال99 اذا انت مجرب الوعين

قل رأيك

اتوقع الفل منه ما فيه فتحه سقف شد بلد

بالتوفيق
الشقردي
28/04/2007, 02:54 PM
لازم تحدد أنت وش تبيه له

اذا هو للوالد لحاله وهو راعي ديره ممكن يمشي حالك واذا ماتبي صرفية البنزين لا تقرب الدينالي لأن مكينتة أكبر من اليوكن العادي وزيادة على كذا الدفع رباعي مستمر ولا تقدر تتحكم بالدبل نهائيا (يعني دبل تماتيك).

من وجهت نظري اذا الجكسار اللي عندكم مافيه مشاكل عض عليه بسنونك ولا تفرط فيه ترى التماسك وعدم التفكك والهرقله ما تلقاها في اليوكن مقارن بالتايوتا بشكل عام. وهذا من واقع تجرب وما تصدق لو أقول لك ان اللي جربته vxr 98 ويوكن 2005 وكان الفرق واضح لصالح التايوتا.
مفتاح الفرج
28/04/2007, 03:27 PM
وعليك السلام ورحمة الله

اخي انا معي يوكن 2006 دبل ........

السيارة جيده جدا ... ولم اندم على الشراء ... ولكن تذكر ان السيارة ثقيلة ... فذا كان هذا الشيء على بالك فسوف تقدر تتواكب معها لكون محركها قوي ايضا