اللي مهوب من اهل الجيوب لايدخل

[سامر]

أعزائي الكرام الموضوع باختصار أني عندي طفسة دراهم ومتحسف بهن وودي باحد عنده علم ويفيدني علشان اني ودي اشتري لي جيب اما باثفايندر او اكس راي وهو اصغر منه شوي او تيوتا مثل البرادو بس ابي لي سياره حلوه شكلا للبر والديرة و قوتها ينتحزم بها والسرعه معقوله وابيها تمضمض بالبنزيم يعني ماتصرف والسعر مناسب يعني من ال70 إلى ال85 ألف ومشكله الباثفندر انه يبلع البنزيم بلع يعني مايمشي بريال ولا ثمان كيلو والاكس راي توه طالع ماله الا موديلين والدبل حقه تماتيك مهوب ارضي يعني مهوب مضمون اما البرادو فاشوف الناس ماتمدحه وباقي الجيوب الاخرى مثل الهونداي والسوزو والسوزوكي وجيب وووووو فخبرتي فيها قليله لكن الظاهر انها كسر عراقي اللي عنده اي معلومه او نصيحه فلا يبخل علي بها رجــــــــــــــــــــــــــــــــــــــــــــــــ ـــــاء ودمتم سالمين والسلام

[mohamad1121]

الاخ سامر مع التحيه

وحسب رأيي الشخصي الانواع غير المجربه فهي تخوف مثل الهونداي والسوزو فهي تخوف وقطع غيارها غالي يعني لاقدر الله ووقفت يبيله كيسة دراهم وقطع غيار غاليه واعطالها متكرره ولا لها الا الوكيل عليك بالسيارات المجربه من نيسان وتويوتا السيارات الصغيره واعرف الباثفندر فهو عملي وان كنت لاتسرع ولاتسرع مع قومة السياره فصرف البنزين عادي مثله مثل السيارات اليابانيه الاخرى ولايوجد له اعطال والحافظ الله والبرادو عيبه ارتفاعه مع صغر الحجم وغير مضمون مع البنشر بسبب ارتفاع البدي وصغر الحجم .

اخوك ابوكاسر

[ولد روضة سدير]

السلام عليكم ....
الصراحة انة الموتر اللي عندي سفاري والسفاري لا يحتاج الى مدح بس انة يشرب بالبنزين ومع انة يقولون انة الجديد تترس الخزانين 90 \100 ريال يمشيك بحدود 650كليو .......بس والله يمدحون التيوتا البرادو
مكينة 4000 وحجمة صغير وشكلة زين وسعره طيب طبعا هذا 6سلندر ....والسياره الثانية اللي انصحك فيها هي الفورد اكسبلورر الجديد يمدحونة وسعره ما يقارب 70000ريال وفية دبل الكتروني وثلاث صفوف مقاعد اما السوزو والدايو .......الخ ما يعمر معك وعمر موبطويل ...............................ولك اجمل تحيتي والله يوفقك بالشراء ...............استخير

[ابو راشد]

اخوي سامرسلام الله عليك وبعد ,,,,, احب اخبرك اني من اصحاب السيارات ذات الدفع الرباعي ومجرب اكثرها كانك من اصحاب البر وتحب تسير للطيبين ومن مطلاع الى منكاس ومن مزيون الى مزيون وعرقوب الى عرقوب ,,,,, وبعد تراه يصلح للمدينه وانا اقولك ومن واقع خبره لايسار ولايمين عليك بالنيسان باترول تراك تنسى البنزين حين يبيض وجهك وسلمت

[ابو راشد]

اخوي سامرسلام الله عليك وبعد ,,,,, احب اخبرك اني من اصحاب السيارات ذات الدفع الرباعي ومجرب اكثرها كانك من اصحاب البر وتحب تسير للطيبين ومن مطلاع الى منكاس ومن مزيون الى مزيون وعرقوب الى عرقوب ,,,,, وبعد تراه يصلح للمدينه وانا اقولك ومن واقع خبره لايسار ولايمين عليك بالنيسان باترول تراك تنسى البنزين حين يبيض وجهك وسلمت ,,,,واذا تريدنا نشوفلك نوع نظيف ابشر ونا خوك

[Y&Y_4X4]

انا اتفق مع اخوي mohamad1121 الباث فايندر مهوب شين ومن ناحية صرفية البانزين كل الي انت ذكرت حول بعض ماهنا ذالك الفرق الي يتعب علية .

او هايلوكس دفرنسين تراها ماهيب ردية.

[القماري]

بحسب قروشك أقول أفضل شيئ أن تشتري (نيسان باثفايندر2003) وإذا كان ودك بشكل مختلف فأنتظر موديل 2004 .
باثفايندر سيارة عملية وشكلها مقبول جدا ومجربة من الكثير وأصبح لها ثقل بالسوق بسبب كثر المستخدمين وسعرها معقول جدا مقارنة بشبيهاتها ( برادو - باجيرو - جيب شيروكي )

[سامر]

اعزائي الكرام سلام مني عليكم جميع واشكر لكم اهتمامكم ومعلوماتكم القيمه حول الموضوع وهقوتي اني بعد هذا ابا استخير واشتري باثفايندر اما 2003 او 2004 -------------------------------------------------------------------- ابو كاسر= ولد روضه سدير=ابو راشد=y&y 4x4=القماري اشكر لكم ماقدمتموه من معلومات ونصايح عن الجيوب ---------------------------------------------------------------------------------------------------------------------------------------------------------- ولد روضه سدير الفرد اكسبلورر داج وقد وهقنا في البر وجينا نمشي وصرت اتعوذ بالله من اسمه ومن بليس بس يمكن المديلات الجديده احسن ---------------------------------------------------------------------- ابو راشد النيسان سياره حلوه بس الجديد غالي ----------------------------------------------------------------------------- y&y 4x4 الهايلكس الدفرنسين صجه ولا يعرف الراحه وشكله لك عليه

[نجمة سهيل]

حياك الله اخوي.
الباثفايندر ممتاز جدا. قبل مايشتريه اخوي كنت خايف منه . قلت اخاف يفشلنا بالشعبان والبر ويخرب واجد.
بس بعد التجربه ولله الحمد طلع الجيب ممتاز ومايحتاج.
صرفية البنزين في الديره كل 520 كيلو يعبيه اخوي فل تقريبا ب60ريال او70 ريال.
وفي الصمان قبل فتره كنت اول مره اطلع معه بالجيب للبر.
وقفنا في بطحا. نطلع دتسن مغرز. وكنت اول مره اجربه . وفعلا اول ماعطيته واحد ودعست له شوي ماوقف ولا قال لا. مشى زي سلام عليكم. فيه قوه مناسبه لحجمه.
ومكينة ال2003 مكينة انفينتي .
الي موجود معنا شارينه من معرض الفلاح ب82الف ريال. فل ((مخشب+فتحه+سيدي))بدون جلد.

[عاشق ربع 2000]

الله حي الغالين يا الربع اشكركم على المعلومات الطيبه لكن انا ابي منكم خدمه بسيطه واحب اشكر اللي بدى با الموضوع وهوسامر والله يوفقه ويوفق الشباب الثانيين
انا يا شباب موجود با الكويت وعندي مشكله وعساكم تقدرون تحلونها معاي
انا يا شباب ادور جيب سفاري موديل 91-92 بحدود اللي وياي واهم شي الموتر يكون نظيف واللي معاي اخر شي20000الف ريال سعودي تكفون المده قربت تنتهي وانا مالقيت جيب .
الفزعه يا النشامىوهذا رقم جوالي6753169


ود متم سالمين

[ولد روضة سدير]

السلام عليكم ....اخوي عاشق ربع ...انت تبي سفاري بحدود 1600دينار ||| يعني 20000ريال ......في موتر سفاري سلوقي 91 ابيض معروض بالصباحية على الدوار نظيف وسعره طيب ....وبعدين تحصل واجد بمبلغ مثل اللي طلبتة .........وانصحك اشتر بالصيف لأن بالشتا ترتفع الاسعار موسم الجيوب والوانيتات ...وروح حراج امغره ..........ولك اجمل تحياتي

[بـــدر]

بسم الله الرحمن الرحيم
السلام عليكم ورحمة الله وبركاته،،،
أخوي خذ النصيحه مني عليك بالباثفايندر الجديد يعني موديل 2003 لان مكينته أقوى بكثير من الموديل الي قبله، بعدين اذا ناوي تشتري عليك بوكيل الامارات لانهم يبيعون الباثفيندر مواصفات كامله مع نظام الفرامل (ABS)، و عدد أثنين إيرباك 2 ( AIR BAG)، بنفس سعر وكيل (الدجه الي عندنا الحمراني واشباهه)، وكل القطع الي فيه يباني أصلي .
من ناحيه صرف البنزين بنسبه لماكينته الموديل 2003 ماتصرف كثير اذ قارناها بالموديل القديم
3.5 لتر حجم سعتها يعني القوه اقوى والصرف اقل شوي.

[المغامر]

الاخ سامر

السلام عليكم ورحمة الله

انا رايي من راي الاخ ابوراشد
السفاري هو موتر البر والديره عزالله الي يبي يزبنك باذن الله
تراي اتكلم عن تجربة. والله يفقك

[شبوب]

الاخ سامر.....السلام عليكم ورحمة الله وبركاته
والله انت
انا رايي ونا خوك عليك بالنيسان الجديد الباترول الي قوته 4800لك انت وعيالك صالون يشيل جيرانكم ان بغيت ...ان بغيت برأو داخل المدينه ممتاز بالحيل مع اخوي واحد صرفية بنزينه معقوله جدا اضافه الى ذلك سعره معقول موديل 2003تاخذه بحدود 90000الف ريال جديد اااا كيد به اسم. وعليه قوه تهول شفه عند معرض نجد بالنسيم مالك ومال لاربعه سلندر خل عنك الخرابيط برادو وما برادو لو به خير ماشفة هذا اسمه رااااااااااااادو كل السيارات بها روادو. واستخر لله... ههههههههه