يهل الجنوب كيف الجموس معاكم ؟

[التسعه شفر]

السلام عليكم
جلست البارح اتناقش مع زميل وهو من المنطقة الجنوبية الباحة تحديدا
ويقول الجموس هناك ما تنفع بريال لان الديار هناك طلعات ونزلات 90 درجه وما يبي لها الا شاص والا جيب ..
ما ادري وش رايكم .. وودي هالصيفيه اصيف بالباحة لما رايتة من مدح لها وطبيعة خلابه ..

[Eng.3beed]

شف يالزين انا اقولك اذا كان الجمس تماتيك فهو ماتوقع انه ينفع بريال لان مع كثر بط الفرامل بتحتمي الهوبات والجنوط بتصير حمراء وهذا الشيء مو خاص بالجمس كل الشيارات التماتيك في النزلات بالذات مع ربط الفرامل الواجد تحتمي لكن لو الجمس عايدي والله لو ينابط راعي الشاص والجيب يعجز يجيب اداء الجمس لكن المشكله وانا اخوك اذا الجمس اللي معك مهوب حوض فهذا معناه ياطويل العمر انه مامنه عايدي وهذي هي المصيبه لكن زي ماقلت في البدايه الجموس الحوض العايدي انا اشهد انها طرب وتطرب راعيها وسلامتك

[التسعه شفر]

جعلك سالم .. وبيض الله وجهك .

[الكوسه]

ايه بس الشاص والجيب لهن عيوب بعد زي سرعه الانقلاب

[عسلوف]

الاخ العزيز سؤالك اجاوبك عليه بما يلي
1 - اولا الاخوان الي قالوا الجمس الاتماتيك مايصلح بتاتا بالباحه مع احترامي لهم غير صحيح يا اخي العزيز اي سيارة تمشي هناك وماعندك اي مشكله اذا انت سواق سيارة اماتيك فعلا بمعنى تعرف كيف تتصرف اذا واجهت نزول شديد وهذا ليس على طول تواجهك هذه النزلات المهم اي سيارة اتماتيك تنفع اذا السائق يعرف كيف يتحكم في القير يعني اذا فيه نزول يجب وضع القير في التعشيق الاول مع التاشير على الفرامل بشكل غير مستمر ولو تبي تمشي نهارك كله بالهطريقة ترا ماعند ك مشكله واعقلها وتوكل
2 - للاسف بعض الناس ينقل صوره مبالغ فيها وخاصة اذا طلب منه مشوره فاهلا بك يا اخي سواء في الباحه او في ابها وترا اذا جيت بتشوف صحة كلامي واتمنى لك مصياف ممتع 0 والسلام

[بدوي جنوبي]

كلامك يا اخ مهلهل صحيح

لا تنسي العقاب اللي شديدة في الانحدار والله ما ينفع معها الا الجيوب

ولازم يشتغل الدبل وعلي الثقيل وفرامل بعد...... طبعا اثناء النزول

اما وقت الطلوع انا بعض الاحيان اشغل الدبل يصير الموتر اخف وما يسخن وترتاح السياره

فيه ناس ما يشغلون الدبل وهذا غلط


اخوي تسعه شفر بالنسبه للتصييف في الباحه يكفيك الجمس ما عندك اي مشكله

اهم شي اذا جيت عقبه عاديه مثل عقبة الباحه اثناء النزول حط القير في ال D الثقيل

مع تأشير لفرامل علي خفيف وبأن الله تحمي نفسك وسيارتك

وللحديث بقيه

بالتوفيق للجميع :d

[كشات الجنوب]

اخوي الغالي التسعه شفر تحية طيبة والله يحيك بالمنطقة الجنوبية ردعلى استفسارك كثير من اهل المنطقة يملكون جموس ولايعنون من مشكلة في ذلك ولكن يفضل ان يكون الجمس دفع رباعي لكثرة الأودية والشعاب وفي حالة رغبتك بالنزول من عقبة فيوجد عقبة الباحه ينزل معها اي موتر......

[Eng.3beed]

للتوضيح بس انا ماقلت ااتماتيك مايمشي ابد بيمشي بس بيعذبك وانت وش لك وللعقااااااااايب مدام على قولك على حسب مافهمت انك محتار بين جمس وجيب خذ جيبك معك وريح عمرك

[التسعه شفر]

الله يجزاكم خير . علي الحرام ما قصرتم .
بالحقيقه انا ما قد زرت الباحة
ولكن من حديث زميلي بالعمل عنها وصف لي الطرقات هناك وغاباتها الامازونيه قررت اصيف بها هالسنه ..وانا بالحقيقه توجست منها خيفه بسبب المنحدرات الخطيرة والمرتفعات القويه (على وصفه)
صحيح ان المواتر كلها تمشي بالباحة واكيد مافي منطقه مافيها زفلت.
ولكن ودي بالاودية والشعاب الي هناك ماودي بالمدينه .. ولا ودي اتعب الموتر والا اضره
لذالك طلبت منك النصح والشور .. وانتم ما قرصتم الله يجمعنا بالجنه .

[بدوي جنوبي]

الله يحييك وان شاء الله تقضي اجمل الاوقات

طبعا المناطق الخاصة بالسياحه كل طرقها بسيطه وسهله سواء كان طلوع او نزول

نعم يوجد اماكن ما يجيها الا الدبل بس اغلب من يرتادها اهل المنطقة

الله يوفقك




http://img454.imageshack.us/img454/6332/41593595sx6.jpg





برنامج القرآن الكريم بصوت 45 مقرئ و بأصغر حجم ممكن
إنه أصغر من أغنية و أصغر من صورة و أصغر من صفحة ويب
حجمه 28 ك.ب http://waham2002.googlepages.com/QurAn.rar
@@موسوعة الدوف لوك (الهزاز)شرح كامل بالصور (http://www.mekshat.com/vb/showthread.php?t=74154)
@@أجزاء الدفرنس والفرق بين الخلفي والامامي بالصور@@ (http://www.mekshat.com/vb/showthread.php?t=68903)
ايميلي :a.1y@hotmail.com