ماحصل لي مع شركة الحمراني ؟؟؟؟؟؟

[أفق]

حصل لي موقف اليوم السبت 11/4/1428 هـ وليس بأول موقف
دخلت الى الوكالة الموجودة في الخرج وهي كبيرة جدا
في تمام الساعة العاشرة صباحا وذلك لتغيير البطارية لانها امضت سنة واربعة اشهر تقريبا والوكالة تتحمل خمسين بالمائة من قيمتها حسب ما دون في الضمان
فقال لي المهندس لايوجد بطاريات حاليا الا نطلب لك طلبية بعد خمسة ايام فحصلت بيننا نقاش طويل فذهبت لتشغيل سيارتي ولم تشتغل لضعف البطارية فقال المهندس نسويلك اشتراك ودبر نفسك
فقلت له بالحرف ( انا ماني زعلان لكن اكتب لي ورقة ان السيارة تحتاج بطارية ولا يمكن توفيرها الا بعد خمسة ايام ) ونا بتصرف مع المركز الرئيسي فكان الجواب هو ما توقعته
( لا استطيع ) وانتظر بحاول ادبرك وكل موظف يرميني على الثاني حتى اني فهمت اني لو بدفع المبلغ كامل بتتوفر خلال ثواني يعني تطفيش ما يبون يدفعون الخمسين اللي عليهم
لكن هين رفضت اخراج سيارتي الا ببطارية لو تجلس عندهم عشرة ايام
في الاخير كان ماتوقعته ايضا دبــــــــــرو بطارية ولم ادفع سوى نصف قيمتها لكني جلست عندهم حتى اخرجوها بعد ساعتين !!! ساعتين لاجل بطاريه بالله وش تسمون هذا : استغفال للناس وسوء معاملة
وعدم اهتمام بالعميل لا ويقول مدير الفرع المحترم حنا مالنا دخل هذا خطأ قطع الغيار وحنا تجملنا معك ودبرنالك بطارية يعني يحاول يخلي نفسه راعي فضل وهو حق لكل من يحمل ضمان
والله ياخــــــواني انها مهزلة بمعنى الكلمة وهذه مشكلة الاحتكار للوكالات خلتهم يتحكمون فينا وكأننا اصحاب الحاجة لهم وكانهم ليسو اهل تجارة ليرغبوك بما عندهم بل هم يعلمون انه لايوجد غيرهم ( يعني وين بتروح)
طولت عليكم اخواني بس من الحرة اللي بقلبي حسبي الله عليهم
واتمنى كرما لا امرا سماع ردودكم وارائكم

[abufahad2008]

اخوي أفق

طول بالك هذا حال الوكالات

[Abo Nader]

هلا أخوي...

الصراحه ذله لو أنك جاي أول شي بأخلاق ثم شفت أنهم يستغفلونك شد عليهم و أنفخ..ذولا نصابين و الله العظيم...

[هاوي الله]

يالله صباح خير .... يازين الطق زيناه >>> بعض الأوقات :D:D

مشكووور ,,

[ابو محمد 200]

الحمد لله على السلامة

و ش السيارة اللى معك

[escape_man]

مهيب قضية احتكار وبس

ابو الشباب الحراني مسلم الوكالة للمصارية الي مافي انصب منهم وانت خابر مايصدق انه يستفز العالم ويحقرهم

اجل لو تجي فرع خريص ( فرع رئيسي ولا يستقبل فيه الا مهندسين وواحد منهم مصرف العالم بحجة انه يتصل

على العملاء) ولا جاله واحد من البهاوات والكاش قام وفز له وخلاك ماسك سرا ومشخص بالرقم.

فساد .. وعسى الله يعطينا طولة البال

[shaheenshah]

السلام عليكم

يا مالك من الاشياء وكل وكلاء السيارات نصابين وحراميه الا من رحم ربي
والمشكلة ان حنا ما نشتكيهم لان كل واحد منا يقول ايه لو كتبت شكوى فيهم وش بيصير

اقتراح:

ياخي اذا انت اشتكيت وانا اشتكيت والثالث والرابع و...... اكيد لازم يصير شي

انا اقول اي واحد يصير له زي هالمواقف مع الوكالة لازم يشتكيهم على وزارة التجارة

[نعمان الفهمان]

سجل عندك واحد ناصبين علية الحمراني


دخلت باترول عندهم فية رجة اخذو 10000 ولا راحت الرجة

[الوفي]

والضحية دائماً هو المستهلك

[أبـو فـايـز]

يا اخوان
لا اقصد الاساءة لأي احد
لكن البعض مايعرف يتصرف
يعني انتم تعرفون هذا واقع الوكالات
قال مانقدر مو تقتنع وتقول مشكور وتمشي لا
قل له الغلطة غلطتكم
لاتطلع من عندهم الا وهم حالين لك المشكلة
وان اقتضت الضرورة طول لسانك
وحاول تسوي هوشة اهم شي تكبر الموضوع اذا رفعت صوتك الناس راح تبدا تناظر وهذا اللي يخافون منه وهنا ضربة في الصميم للوكالة

مع رفع الصوت راح يجي المدير اللي اكبر من هذا علشان يهدي الموقف وغالبا تلاقيه يحل لك المشكلة

[غضنفر]

للامانة
انا حصلي مثل موقفك
في فرع خريص بالرياض
وغيروا البطارية فورا بعد دفعي لنصف قيمتها

[تنوم]

من امن العقوبه اساء الادب وبعدين من تروح تشتكي له من يبي يعطيك وجه بهالديره

[Swordfish]

ودي تتقشع كل الوكالات وتخلي الشركات تجي بأم عينها
سوردفيش

[شبح الصحراء]

وكالات النصب والإحتيال ، وينهم من الله؟ خلها تنفعهم فلوسهم!!! .

[صديقهم]

السلام عليكم ...

وهذا واحد من الربع دخل سيارته للحمراني (((طبعا بعد موعد اسبووووووع)))
كانت فيه طقه بالدفرنس وحذف لليمين ,,,و
ويوم طلعها الطقه الي بالدفرنس على ما هي عليه و الحذفه راحت لليسار...

واخذو علليه 700 ريال...

والله يعطينا طولة البال...

[هولوكس2005]

الحين أنتم وش تبون بالوكالت يقال عندهم دبره من زين بطارياتهم ركب يمال الغنيمه اسديلكو 80 امبير لك ولزمن وضمان وأكترونيه


مره واحد من اخويايي دخل بالغلط <<ممنوع تدخل>> لم الصيانه حقت تيوتا الي بالسالميه ببريده يقول شفت فلبيني يقول قام و ركب الجيب اللكزس وشغله على طول دوس عليه شحطبه يقول والسياره بارده وبشتاء ويعني مركونه على جنب مو تقول توهم مطفينها وش رايكم ؟؟
طيب لو أنت لاسمح الله رحت وقالو حتى فيه عندك مشكله بتروس المكينه
وش راح تسوي صدقني مابيدك حليه تطاطي ولا تهايط



شفت هذا شغل الوكاله أنا والله مطرى علي ادخلها الوكاله


عندكم ورش ازين بألف مره من الوكاله ومو يغيرون كل شي يشوفون فيه نص عمر



مو معرفلها غير جنرال موتورز لأنه مافيه له وكالات يعني الجميح العيسى بالبيد كلهم موزعين

يعني سيارك من العيسى تدخلها الجميح وهنه يالي يتكلم على طول فاكس يكرشهم كرش

[الأجردي]

السلام عليكم ورحمة الله وبركاته
أود أن أضيف للموضوع التالي:
1- كان لدي سوبر سفاري وهو علي وشك إنتهاء الضمان وظهر حنه بسيطه بالقير فذهبت بها للوكاله بطريق خريص وعاينها الفني وأوضح لي أن المشكله في الكلتش وهو تحت الضمان فتم إدخالها الورشه وأخذت النسخه الخاصه بي من التقرير الفني ومذكور فيه أن الإصلاح داخل الضمان وعندما حضرت لإستلام السياره قدم لي المهنس ورقه للذهاب بها للصندوق ودفع مبلغ(800) ريال فاعترضت واوضحت له أن ذلك داخل في الضمان وكما هو موضح بالنسخه التي لدي
من التقرير فرد علي بأن الفني أخطا في ذلك وأنه ظهر أن الكلتش محترق وذلك غير داخل في الضمان فرفضت الدفع لأن ذلك خطأهم وسألني ربما أني إستعملتها في الرمال فأجبته بأني لم أشتريها إلا للرمال وليس لقيادتها علي الإسفلت وإلا لاشتريت سياره بدون دفع رباعي وعندما لم يجد حجه قال بأني إذا لم أدفع المبلغ فسيتحمله الفني الذي أدخل السياره فقلت له بأنه لايهمني من سيتحمل تكاليف الإصلاح إذا لم أقم بالدفع فطلب من مقابل مدير الورشه وإذا لديه نفس الأسطونه التي لدي المهندس وعندما لم يجدوا نفعا بمحاوالتهم أن أدفع أعطوني ورقه بإخراج السياره بدون دفع أي مبلغ.

آمل أن لاأكون أطلت بالسرد,,,,,,,,,,,,,,,,,,,,,,,,,,,,,,,,,,

[هولوكس2005]

الاجردي والله بانك جيد


لأن من شروط الضمان اي شي فيه احتكاك من الزمن مايشمله الضمان فحمات كلتش كفرات وماشبهها

غير المكينه والقير والكارونه ذولي يشملهن الضمان

[أفق]

اشكر جميع اخواني على تفاعلهم مع الموضوع وردودهم الجميلة والموضوعية والواقعية

لكن مانقول الا حسبي الله ونعم الوكيل سبحانه (ماخاب والله من اتكل عليه)

[باثفاندر 2005]

حسبي الله عليهم ..

الوكالات للأسف ما يمشون إلا بالعين الحمراء والا بيسرقونك !

[أفق]

هل من المعقول ان وكالة نيسان لم تصلها الشكاوي على الحمراني
فعلا ( ان كنت تدري فتلك مصيبة ، وان كنت لاتدري فالمصيبة اعظم )

[باترول للأبد]

يارجال وسعك صدرك كل الوكالت كذا نصابين ومواعيدهم كذب في كذب ... ويازين الورش والله

[معدي الطويله]

أخوي أفق ماحصل إلى الخير وترى الوكالات هذا

طبعهم إبو طبيع مايخلي طبعه وأسعيد أخو مسعود وحتى فالعطال ياكلون دراهمك مير الشكوى لله:)

[بواسامه]

يازين والله دبغته وسط الوكاله###حتى يعرفون وش قهرالرجاجيل


امزح تعوذ من ابليس
وثاني مره سد بوابتهم بالموترك ونسم الكفرت:D

[شامخ ألهيلا]

ابو الحمراني للجنه هو والمصاريه الي عنده عن عبداللطيف جميل والشوام والسودانيه الي عنده مربيهم على الكذب اسبوع سيارتي كامري عندهم واقفه واخر شي يتصلون يقولون تعال خذها وجبها بعد يومين القطعه في جده واذا جات نتصل عليك وقلت ليش تخلونها عندكم هل المده قام كل واحد يهاوش الثاني واخر شي قمت وخذتها على ورشه في اصناعيه ولقيت القطعه عند النهدي وركبوها في يوم وريحت بالي بلا ضمان بلا هم كان الخراب الثرس الثالث خل فلوسك هي الي تخدمك
بس للمعلوميه اكثر سيارات نيسان حسب تجربتي في مكسيما والبترول انا الخربات الفنيه مايعرفونها مالها الاوكالتها
بعدين وانا اخوك ترى شارع الريل في الغرابي البطاريات هناك رخيصه من 70 الي 140 ريال جميع الانواع تلقاهم قالولك البطاريه قيمتها 200 وخلوها لك 100

[ابو فضلي]

أقترح أخوي أفق إذا تقدر تدبر رقم جوال مدير الحمراني في المنطقة الوسطى وترسل له رابط الموضوع خله يعرف وش رأي الناس في وكالتهم المتهالكة ....

دخلت سيارتي لهم وكانت كراسي القير متكسرة وتعمدت أني ما أقول لهم أبشوف يدرون عنها أو لا ..

قلت أبغى صيانة كاملة للسيارة .. دقو علي بعد ثلاثة أيام قالوا تعال خذ سيارتك أنها سليمة ولا فيها شي بس غيرنا السيور والفلاتر ,, ويوم فاجأتهم بالخبر نادوا موظف قدامي وقامو يهزئونه يقالك بيراضوني !!!!

بالله هذي وكالة وإلا قلة حيا ,,,,

حسبي الله على وكالة الحمراني إن كانوا ظالمينا ...


أبو فضلي ............................................

[آبو غلآ]

مر11حب بالجميع ،،
والله انهم كرهوني في النيسان كله وخاصه الباترول هالوكاله الفااشله
اعوذ بالله منهم صدق ومادري وكالة عبدالطيف مثلهم او لا لاني ماجربتهم

[المميـز]

الله يصبرنا على الحمراني

[شبح الصحراء]

شارب فينتو كل الوكالات في الهوى سوى بس عبد اللطيف جميل ارحم الف مرة من الحمراني وكذلك الوعلان وكيل هيونداي أما الحمراني وكيل نيسان فقد بلغت شهرته المدى في تطفيش الزبائن وتكريه الناس في نيسان رغم انها شركة عريقة لا تقل عن تويوتا ولا ننسى وكيل جيب شيروكي ووكيل بيجو ووكيل هوندا كلهم في القائمة السوداء .

[القويعي]

ما أقول الا

الله لايبارك بالأسلوب

الي كذا

[أفق]

حقيقة اشكر جميع اخواني على تفاعلهم مع الموضوع
ويبدو ان الجميع يشتكون من الوكالات وطريقتهم وستغلالهم للناس واكل اموالهم بالباطل

[ابو ســــاره]

ما اقول الا يا حليلهم الحمراني ويا حبني ليهم بعد حسرتبهم حسر هقوتي أني ادبتهم للناس كلها موتري كان باثفندر سياحي خليته فل كامل وجنوط كروم وشغل على كيفك بس عشان رجه خفييفه لا تذكر ،،،
وكل هاذا على حساب الوكالة بس يبيلهم من يعرف وشلون يسوطهم ويئدبهم صح ا لتفاهم وشغل الادب والاحترام يزيدهم تسلط عليك وديرتنا هاذي الي ما له لسان يضييييييييييع .

[أفق]

ابو ساره ممكن تعطينا تفاصيل اكثر عن قصتك معهم الله لايهينك