المساعد الشخصي الرقمي

مشاهدة النسخة كاملة : من الافضل؟؟؟؟


البضيع
30/04/2007, 09:56 AM
السلام عليكم اخواني اعضاء وزوار منتدى مكشات

لي صديق يبي يشري له ونيت ومحتار مابين الهايلكس والدي ماكس

ايهما اقوى للبر والمطامر وله قدرة على التحمل وقطع غياره مو غاليه ومتوفره


اتمنى انكم تفيدونني



ودمتم سالمين,,,,,,,,,,,,,,,,,,,,,,
بدوي جنوبي
30/04/2007, 12:52 PM
عليكم السلا ورحمة الله وبركاته


يا هلاوالله


بما اني نصراوي .. :D


اقول لا يبعد عن الهايلوكس بشرط يكون موديل 2005 تحمل وقوة وقطع متوفره وسعر معقول


كله واحد له رأى

الله يوفقك :good:






http://www.al-yamama.com.sa/images/fendt_rot.gif






برنامج القرآن الكريم بصوت 45 مقرئ و بأصغر حجم ممكن

إنه أصغر من أغنية و أصغر من صورة و أصغر من صفحة ويب

حجمه 28 ك.ب http://waham2002.googlepages.com/QurAn.rar

@@أجزاء الدفرنس والفرق بين الخلفي والامامي بالصور@@ (http://www.mekshat.com/vb/showthread.php?t=68903)

@@موسوعة الدوف لوك (الهزاز)شرح كامل بالصور (http://www.mekshat.com/vb/showthread.php?t=74154)

ايميلي :a.1y@hotmail.com
عندك يابعدي
30/04/2007, 01:03 PM
ياخوي اشتر هايلكس وريح بالك أو اثره خويك الي يبي يشري قله اجل ولاتفوت الفرصة


http://altallal.googlepages.com/endek.gif
سيد النشاما..
30/04/2007, 01:25 PM
الهايلكس ذو سلاسة ومتانة جيدة وابن كريم من قبيلة محترمة
مهب يقصر ولاتنسى الإستخارة
البضيع
02/05/2007, 08:57 AM
مشكورين يااخوان على الردود الطيبة

والحقيقة هو يبي الموديل الجديد كرت والهايلكس ماهوب داخل راسه شكله تقل صندوق برتقال.

لكن السؤال هو وش الفرق بينهم وماهي المميزات التي تميزهم

وانا سالت كذا واحد عن الديماكس ومدحلي ياه واشوفه منتشر كثير هل لانه اقتصادي او لقوته او ماذا لااعلم
الدرندس
02/05/2007, 10:15 AM
السلام عليكم ورحمة الله وبركاته

فمن وجهت نظري الهالوكس كايفه اذا دفرنسين اما المكس اذا دفرنسين فا الدبل ازرار يعني كرهب فا انصحك با لابتعاد عنه قدر الامكان

والري الاول والاخير لك

والسلام ختام
بدون لوحات
02/05/2007, 08:37 PM
لاتشا ور تايوتا وبس...........وش جاب لجاب
الطـرقي
03/05/2007, 02:52 PM
نصيحة اخ مجرب كلها التويتا والديماكس


كلها ميب زينه انا كان معي هلي 2006 وبعته وشريت ددسن دفرنسين والله انه موتر شي غير طبيعي من راحه وقوة لكن فيه عيب واحد انه دفرنسين يعني عزمه لك عليه شوي لكنه ازين من الهلي الدفرنسين بكثير من راحة وقوة وعزم وبالنفود يعجبك



لكن انا اقوله اذاه بيشتري شي فيه دبل لا ياخذ غير الشاص او جيب اما اذا يبغاه دفرنس ياخذ الددسن ولا يفكر بغيره ترا النسيان حلو مره بس عيبه وكيله موب ذاك الشي والا تحمل وقطع غيار رخيصة فهو افضل من كل النواحي
عاشق السيل
03/05/2007, 02:56 PM
أنا أؤيد أخوي الطرقي

الددسن وبس ،،،



عاشـقhttp://www.mekshat.com/pix/upload/sign/images/mk49539.gifالسيل
البضيع
12/05/2007, 09:22 AM
ترا النسيان حلو مره بس عيبه وكيله موب ذاك الشي والا تحمل وقطع غيار رخيصة فهو افضل من كل النواحي

هل الددسن يصبر مع الايام ومايهربد ويتفكك ولامثل التويوتا لاني سمعت ان كل سيارات نيسان حدها ثلاث سنوات وتبدأ مشاكلها اللي مالها نهاية


شاكر لكم مروركم .


ودمتم سالمين,,,,,,,,,,,,,,,,,,,,,
سمي الزعفران
12/05/2007, 04:15 PM
الهايلكس افضل .
ناوي نيه
12/05/2007, 07:46 PM
يعني بلعقل تيوتا
الطـرقي
12/05/2007, 10:20 PM
هل الددسن يصبر مع الايام ومايهربد ويتفكك ولامثل التويوتا لاني سمعت ان كل سيارات نيسان حدها ثلاث سنوات وتبدأ مشاكلها اللي مالها نهاية


شاكر لكم مروركم .


ودمتم سالمين,,,,,,,,,,,,,,,,,,,,,

والله شف يالطيب انا كان معي هايلكس 2006 والحين بعته واستخرت وشريت الددسن ما شا لله حلو بالحيل لكن انا اقولك اذا خويك يبي دفرنسين خل يبعد عن 4 اسلندر ترا ميب شي ثقل على غير فايدة اما اذا يبي دفرنس فانصحه بالددسن اما من ناحية ان النيسان يتفكك فواحد من اخوياي معه ددسن دبل 2004 ما شالله تقل جديد بس قبل كل شي لازم تحافظ عليه على شان يعيش يعني الاشياء الضرورية اول باول وان شالله ما يضره
وبعدين ترا كل السيارات تتفكك لكنه يصبر وخير دليل شف الدداسن موديل 85 وحولها عاشية الى الحين وتكرف وما ضرها ماشالله

وانا اقولك بالنهاية هذا رايي شخصي للي مجرب السيارتين موديل 2006

وخل خويك يستخير والله يوفقه لكل خير

الطــــــرقــــــــــــي
شبح الصحراء
12/05/2007, 11:20 PM
الديماكس الديزل انتشر عند الناس يوم كان البنزين غالي 90 هللة ولكن الحمد لله البنزين رخيص 45 هلله الله يخلي ابو متعب لنا قولوا آمين .
الهايلوكس أفضل من الديماكس الف مرة قطع غيار رخيصة ومتوفرة في كل مكان وسهولة صيانته عند اقرب ميكانيكي بعكس الديماكس فقطع الغيار غالية (طرنبة البنزين 3500 ريال!!!) وغير متوفرة إلا في الوكالة وبعض المحلات أما المناطق النائية فالله يعينك وأيضاً يحتاج لفني ديزل ماهو أي واحد يصلحه ولا تنسى مشاكل الديزل فهو يتعبك في التسخين بالشتاء أما في الصيف فكثير ما ترتفع حرارته خاصتاً في النفود وعلى الخطوط السريعة كما يجب المحافظة على تنظيف الفلاتر وإلا فسوف تظهر الأدخنة السوداء من العادم كما أن صوته مرتفع ومزعج ، أما من ناحية القوة فلا أعلم عن قوته .
أما النيسان الداتسون الدبل فمصيبتها الكبيرة هو المرتبة الخلفية صغيرة جداً والباب فتحته صغيرة فهو مزعج عند الركوب والنزول أما من ناحية القوة والعزم والراحة فهو متقارب مع الهايلوكس ولكن هو أكثر هربدة وتفكك من الهايلوكس .
البضيع
14/05/2007, 08:20 AM
مشكورين وماقصرتو والله يعطيكم العافية على الردود الطيبة

والحقيقة انكم بينتوا لي اشياء كانت غايبة عن بالي


شاكر لكم مروركم ودمتم سالمين,,,,,,,,,,
alkongrs
14/05/2007, 12:51 PM
خذلك هلي وبس 2007 التانكي داخل الحديد فيه فيبر أنس ينكسر التانكي