المساعد الشخصي الرقمي

مشاهدة النسخة كاملة : ياجماعة شريت جراد واريد طريقة طبخهم الفزعة الفزعة الفزعة بسرعة قبل ما يموت


مكشاتكم
30/04/2007, 02:13 PM
السلام عليكم ورحمة اللهوبركاته وبعد ........................
انا شريت جراد من السوق ارجوكم اريد الطريقة والوقت
انا جديد عليهن
مكشاتكم
30/04/2007, 02:14 PM
ان حصل صور كان احسن
أبرق الشقيقة
30/04/2007, 02:24 PM
هلا اخوي مشكاتكم

بالنسبه لشرح ابشر لكن الصور والله ماعندي لكن امس فيه موضوع طارحه الظاهر ولاني متأكد اخونا راعي الهدد ومدعوم بالصور واسف ان كان مهب راعي الهدد عشان مااسلب حقوق النشر

لكن الي عندي ياطويل العمر
جب لك قدر كبير يعني ياسع الجراد وزياده قدور الذبايح وحط به ماء نصه تقريباً طبعاُ علي كمية الجراد الي معك
وشب علي الماء وخله يطبخ اذا بداء يطبخ(( سم بالله)) ونزل الجراد بكيستهن و خلك فاتح الكسي عشان اا ذا نزلت الجراد تربص الكيس شوي بحيث كلهن يطبن بالماء بعدين اسحب الكيس واملح الماء وخلهن يطبخن لمدة نص ساعه الى ساعه الى ربع وخلك شره بالطبخ شوي يعني مايضر لو تزد عشر دقايق مايضر بعدين طلعهن واحفظ الماء لأنه مفيد للعيون بعدين انشر الجراد لحد ماييبس وفيه طريقه بعد ناس طاحو به وهي انهم يطلعونه من القدر وعلي طول للفرن هذا شغل العجلين طبعاً بالفرن علي نار هاديه .

هذا الي عندي وانشالله اني افدتك واذا احد يشوف نص او شي فالمعذره . وبالتوفيق اخوي بالهني والعاااااااافيه (( بالعافية اللذيذه))
أبرق الشقيقة
30/04/2007, 02:28 PM
اخوي لقيت لك الموضوع هذا رابطه
http://www.mekshat.com/vb/showthread.php?t=84111

صار صح علي اخونا راعي الهد الله لحفظه
مكشاتكم
30/04/2007, 02:56 PM
اشكرك على تفاعلك معي واسعدني مرورك
راعي الهـــدد
30/04/2007, 03:05 PM
هلا والله بالغالي

ومبروك عليك الجراد

وتآكله بالعافية

شف ونخوك طريقة طبخه سهله جداً جداً

شف هالرابط يبي يفدك في طريقة الطبخ وبالصور

واذا ماكفى ارسل لي بالخاص رقم جوالك اشرح لك بالصوت هههههه

خذ الرابط

الجـــراد يا أهل الجـــراد صور تعرض لأول مرة طبخ ونفخ تقرير مصور مع ... راعي الهـــدد (http://www.mekshat.com/vb/showthread.php?t=84111)

وهذي روابط زيادة تبي تفيدك ان شاء الله

لايفوووووتك الجراد يباع الآن في سوق الرياض الحق على قسمك .. راعي الهـــدد (http://www.mekshat.com/vb/showthread.php?t=84494)

وهذا بعد وسع صدرك عليه وقرمش عليه وشف الرجال الي يآكل الجراد وهو حي هههههه

أول مرة في عالم النت ... قد لاتصدق ... صور عالمية .. سوق الجراد اليوم .. راعي الهــدد (http://www.mekshat.com/vb/showthread.php?t=84589)



واذا ما اتضح لك الطريقة مثل ماقلت لك رقمك واشرح لك صوتي ههههه