تركيب درج للاندكروزر

[وقيان]

مساء الخير جميعــآ...

اخواني اصاحب الجيوب انتم عارفين ان الجيب عالي شوي على الشيبان وبصعوبة يركبونه ...

ابي محل متخصص في الشرقية او في الرياض يركب لي درج مساعد للركوب للجهة الامامية اليمنى...

نبي محل شغله نظيف ومحبوك وقوي في نفس الوقت.. ولا يخرب شكل السيارة لأنها جديدة.....

الرجاء ذكر اسم المحل وموقعه ورقم تليفونه... وان امكن صور لشغلهم يكون افضل .


ياليت المساعدة يا اخوان...

[سلطان العوني]

والله صوره ورقم تلفون ما اعرف بالضبط
لكن روح للغرابي يمدحون الشغل هناك

واتمنى افدتك

[bmw_07450]

ياطويل العمر فيه محلات العليان في الرياض وأكبر فرع لهم على طريق خريص
عندهم أنواع الدعَاسات(الدرج على قولتك) وعندهم فنيين متخصصين
واذا تبي تتأكد قبل ماتروح أتصل على 905 أستعلامات الدليل وقولهم العليان لزينة السيارات.
والله يطولك في عمر شيبانك ويخليك لهم.

[وقيان]

اخواني انا اشهد انكم ماقصـــرتوا...

و اذا احد من الاخوان عنده اضافة نحن بانتظاره ...

[أقلط]

هلابك يالغالي

اولا..مبروك السيارة الله يبارك لك فيها

ثانيا.. الله لايحرمك اجر البر بالوالدين ..الله يحفظهم

ثالثا..الجيب اللاندكرورز.. يجي فيه درج شد بلد..واظنها كافيه..

الا ان كان لك وجهة نظر اخرى..

لانه مهما كان المتخصص راح يكون منظرها شاذ..

وفقك الله

[وقيان]

الله يبارك فيك ويكثر من امثالك...

اخوي اقلط....

للأسف ماهي كافية...

و انا ودي واحد يحبكها بحيث انها تنسفـــط فوق الدعاسة الاصلية... وتفتحها اذا بغيتها... اتمنى ان الصورة وضحت... ويكون طولها نصف متر فقط... وتكون قويــة....

يبي لها واحد فنان... بس وين اللي يدلنا عليه...


على العموم مشكورين جميعـــآ... و بارك الله فيكم..

[مشغول]

أنا رايي انك ما تغير شكل الموتر ولا تلعب فيه .. والحل لهذه المشكلة ..خذلك مركى اللي يتصفط الحديد اللي يباع عن كثير من محلات الرحلات وخله معك دايم في شنطة الموتر ومتى مابغيت تركب الشيبان طلعة من الشنطة وحطة درجة مع اي باب بغيت ويكون استفدت 3في 1 درج ومركى وتركاب

وهلا بك

[الشقردي]

كلام مشغول عين العقل

ولا يحتاج تخريق بالموتر

[العقيلي]

تحية طيبة للجميع
كنت أبحث عن حل لمشكلتي في قوقل
وأرسلني لهنا .

أنا عندي الوالدة كبيرة بالسن ومريضة
الله يشفيها ويشفي مرضى المسلمين
ودعاسات السيارة بعيدة عن الأرض
وبحاجة إلى درج أو دعاسات إضافية
وسمعت أنه في جدة يركبوها ويكون إنزالها ورفعها عبر زر موصل بكهرباء السيارة
فممكن تسجلوا لي إحداثيات هذا المحل بجدة
وأكون لكم من الشاكرين أحبتي

[دروب غامضة]

هلا حياك الله انا قد شفت شخص مركبها
, مالك الا داعسة هيدوليك من شركة ستاب امبير
اذا فتحت الباب تنزل واذا سكرته تقفل
وتجي منها مقاسات كثيره في عريض واخف وفي اعلى
ميزتها سهولة الطلوع والنزول للسياره وايضا مفيده لكبار السن
ومفيدة جدا لسيارات الدفع الرباعي وغيرها من السيارات المرفعه

http://im36.gulfup.com/SX2tA.jpg

تركيبها عن طريق الشاصي تحت السيارة ويحتاج تخريم بالبودي السياره
وانصحك تطلبها من بره

فيديو

http://www.youtube.com/watch?v=qKjLpJhSOUM

موقع الشركة
هنـا (http://www.amp-research.com/products/truckaccessories/powerstep/)
وسلامتك

[حبيب الامس]

نفس مشكلتك
وفكرت افصل درج خشب عند االنجار واخليه بشنطة الموتر
لاجو يركبون حطيته
لكن باقي للحين مانيب متاكد من نجاح الفكره

[العقيلي]

هلا حياك الله انا قد شفت شخص مركبها
, مالك الا داعسة هيدوليك من شركة ستاب امبير
اذا فتحت الباب تنزل واذا سكرته تقفل
وتجي منها مقاسات كثيره في عريض واخف وفي اعلى
ميزتها سهولة الطلوع والنزول للسياره وايضا مفيده لكبار السن
ومفيدة جدا لسيارات الدفع الرباعي وغيرها من السيارات المرفعه

http://im36.gulfup.com/SX2tA.jpg

تركيبها عن طريق الشاصي تحت السيارة ويحتاج تخريم بالبودي السياره
وانصحك تطلبها من بره

فيديو

http://www.youtube.com/watch?v=qKjLpJhSOUM

موقع الشركة
هنـا (http://www.amp-research.com/products/truckaccessories/powerstep/)
وسلامتك

الله يسلمكم
صراحة حركة مرة حلوه
ياليت يتوفر في جده فرع لهذه الشركة
أو على الأقل منتوجاتها.
.
.
مشاركة رائعة منكم ..
:good2:

[العقيلي]

نفس مشكلتك
وفكرت افصل درج خشب عند االنجار واخليه بشنطة الموتر
لاجو يركبون حطيته
لكن باقي للحين مانيب متاكد من نجاح الفكره


سوف أطرح لكم تجربتي ولعلكم تستفيدوا منها
أنا قبل عام اشتريت
فور شنر 2012 ذهبي
عن طريق الراجحي

المهم كانت المعضلة عند صعود الوالدة ونزولها
.
.
ذهبت لأقرب محل أدوات طبية
واشتريت سلم صغير عبارة عن درجتين
بمبلغ 250 ريال تقريبا
مثل الموجود تحت الأسرة بالمستشفيات
.
.
صحيح حل المشكلة هذه واستراحت الوالدة.
لكن ظهرت مشكلة أخرى
وهي أنه أخذ حيز من داخل السيارة
وأصبحت لا أستطيع أركب إحدى المقاعد في الصف الأخير من السيارة
اللي هي المرتبة أو المقعد رقم 6
.
.
وهنا أخبرنا بعض الأحبة نه في جدة يركبوها ويكون إنزالها ورفعها عبر زر موصل بكهرباء السيارة

.
.
فالذي أريده أن تسجلوا لي إحداثيات هذا المحل بجدة
.
.
ومشكورين مقدما

[ابويزيد75]

فكرة جداً رائعة والله يوفق الجميع

[المهاجر انا]

اخوي مجرد ري خل معك كرسي في السيارة للوالد الله يمتعه على طاعة ولايحرمك بره اذا بغى يركب حط له الكرسي يرقى عليه احسن من تركيب دعاسه قد تفسد عليك السيارة وتسبب لك احراج لزيادة منها اثناء السير والوقوف مثل ماقلت مجرد ري انا حطه وتقدر تفصله من خشب مكونه من درجتين تدخل مع بعضها