وين اروح

[الفرعاوي]

رحاااال و قتال

أولا المنزل المبارك

ثانيا

انا من الناس اللي دايم اروح في الصيف للشرقية ، اول كنت اروح لقرية الخليج عند نص القمر و مع الاسف كثر فيها الفساد ...

و كثرت كذلك المخلفات في الشواطئ المفتوحه (قزاز و قواطي ... الله المستعان بس)

عاد طحت في كورنيش راس تنورة .. الشاطي مهوب شين و نظيف ...

لكن مهوب اللي انا ابي ... انا ابي شاطئ بالموصفات التاليه :-

1. نظيف نظيف نظيف.
2. رملي (واذا رمل ابيض يكون ازين).
3. مايكون صاد مره و لا زحمه ( حنا يا اهل الوسطى شوي ما نحب الزحمة
;) )
4. ما يكون العميق قريب مرة ولا بعيد مره .
5. ما فيه ذوليك اللي يتلازقن (الشفافات اللي ينفعن ثريات)
6. يكون زين لو فيه سمك للصيد
7. يكون زين لو منور .

و يالله الجنه ...

هل ممكن يكون حلمي حقيقه ؟

[أيمن]

عز الله لمست الجرح وآلمت أخوي الفرعاوي ..
هذا عز الله المطلوب لو هو 1000 كيلو ..

تحيتي

[راعي النحل]

وين اهل الشرقيه ....
وين مثل هذه الشواطئ اللي ذكرها الفرعاوي
ترانا ننطر الجواب .....

[الباهي]

مرحبا ياشباب كيف الحال
المطلوب موجود بنفس المواصفات المطلوبه وافضل,, عندك شاليهات شاطي الغروب حاجه بمواصفات عالميه
بس ما أعرف اذا فيه تأجير ولا لا بتستانس فيه مره واذا مابغيت الزحمه رح له بوسط الاسبوع
وازيدك من الشعر بيت قريب مره من الخبر

اخوك
الباهي

[الفرعاوي]

الاخوان راعي النحل و الباهي

مشكورين و ما قصرتوا ... بس سألت عن شاليهات شاطىء الغروب ... يقولون فيها شوي ... امور ما تصلحلي ...


اخوي ايمن

اشكر لك دعمك للموضوع .... لكن اظاهر ما فيه اللي نبي . ؟؟

[راعي النحل]

السلام عليكم ورحمة الله وبركاته

اخوي الفرعاوي...
العام الماضي طلعت لشاليهات في السفانيه مقابل طريق القاعده ...
تتجه شرقا مع منتزه الامير سلطان البحري ( طريق مزفلت )...
وكنت من اول الناس الذين سكونوها يعني نظيفه مرررررره
لكن الان ما اعرف عن مستواها ... لكنها بالمواصفات المذكوره..
ورقم التلفون 0252185133 احجز قبل ما تروح وعلمنا النتيجه .
اخوك راعي النحل .

[القماري]

المواصفات المطلوبة غير متوفرة بالشرقية إلا في الشاليهات الخاصة والمكلفة أو في الشواطي الخاصة بالشركات (كشاطي أرامكوا بهافمون أو شاطي جامعة الملك فهد بهافمون ... الخ ) وهي مقصورة على الموظفين وذويهم فقط.
الخيار الثاني وهو مفتوح للجميع ويكثر به الرواد خصوصا بأيام العطلات وتوجد فيه معظم الخدمات ( لا يناسبك بحسب زعمك) والقريب من مواصفاتك شاطي الجعيمة ( رحيمة يعني أو راس تنورة ) بعيد نسبيا عن الإزدحام ورمله أبيض ونظيف نوعا ما وفيه بعض الخدمات بحره عميق نوعا ما وخطر (ملوحة زائدة ) فيه صيد جيد ومنور .
ما فيه ذوليك اللي يتلازقن (الشفافات اللي ينفعن ثريات)

[ابو ســــاره]

up up up



مطلوب عاجل نفس الطلب المذكور اعلاه

[Swordfish]

5. ما فيه ذوليك اللي يتلازقن (الشفافات اللي ينفعن ثريات)


يخوي حرام عليك تراهم حليلات وما يلسعا (ن)
:D
:mad: أسأل مجرب :mad: