اخواني اعضاء مكشات ممكن تدخلون الموضوع وتوضحون [الأرشيف]

فتى شنه

01/05/2007, 02:07 AM

بسم الله الرحمن الرحيم

السلام عليكم ورحمه الله وبركاته

اخواني لاحضتوا ان اكثر الفكسارات تقريبا من 2005 وطالع بدوا يكثرون التماتيك عن القير العادي سواء فل كامل

او اقل ماادري السبب اللي خلا التماتيك ارغب من العادي ممكن سبب وجيه بغض النظر عن راحه التماتيك

بالزحمه وما الى ذلك

يعني هل التماتيك افضل في الرمل اي طلع اقوى من العادي سواء في الرمل او الخط

لاتقولولي من السواق ملينا من ذا الكلمه اقصد اقوى وافضل للي يستخدم

ماتنصحون به العادي والى التماتيك ايهما افضل للي بيستخدم بر وديره

وهل تنصحون بالنوع اللي يجي شاشه وهل لها مشاكل الشاشه اقصد ان كل شي مربوط فيها سواء مكيف او مسجل

الخ

لاني حصلت قير عادي ونش وهزاز مخمل ولا حصلت قل كامل قير عادي

الكوسه

01/05/2007, 02:38 AM

القصه الله يسلمك ان الناس لازالت تبحث عن الراحه والكثره اللي تكلمت عنها انت
هي اغلبيتهم شيبان الشيبان مب راعين علك وتكسير ومب شرط الشيبان فيه ناس تدور الراحه وتاخذ تماتيك ماااااااااااااااااله دخل بالقوه القير العادي احسن من نواحي جانبيه ومب كل وقت يخرب التماتيك

شامخ ألهيلا

01/05/2007, 03:07 AM

شوري عليك تاخذ تماتيك حنا يالسعوديين كنا ضالمين انفسنا في العادي مير تبنا هالحين من العايدي شف دول الخليج اكثر السيارات تماتيك حتى الددسن و 200 ال والجيوب القديمه تماتيك ولي عندهم قير عادي يضحكون عليه يعتبرونه غبي صارت معي في زياره للكويت
والتماتيك قليل خرابه واريح لسياره قبل السواق وفيه مواصفات لاهل البر تساعد على المطامر في البران

شوري عليك لاتغامر ترا الجيب القير العادي ماينبغا في البيع في الوقت الحالي وسيارتن ماتريحك في البلد والبر ماهيب سياره
لالالالالالالالا للعادي نعم لتماتيك .........مع تحيات الاداره العامه لمكافحة القير العادي

وتقبل تحياتي

ابوعبدالهادي

01/05/2007, 06:08 AM

تدفع مبلغ بحدود مئة الف وتاخذ قيرعادي أنتبة بعد ماتشتري ما ينفع الندم

هاوي الله

01/05/2007, 06:24 AM

وعليكم السلام ورحمة الله وبركاته

لأن القير الأوتوماتيك في الــ VXR أثبت جدارته وقوة تحمله وفي الإستعمال أريح من القير العادي

من ناحية إن القير الأوتوماتيك اقوى من القير العادي = هذا الكلام غير صحيح , مهما كان يصير القير العادي أقوى

ومن ناحية الشاشه = توها نازله قبل سنه تقريباً , يعني ما امداها تخرب وتطلع مشاكلها حتى نعلمك . وإسأل أهل اللكزس .

موفق .

altargay

01/05/2007, 07:54 AM

باختصــــــــــــــــــــــــــــــــــــار
كانك راعي بر ( ولا اي بر ) بر تواجه فيه صعوبات فلا تشـــــاور احد ( القير العـــــــــادي )
الا اذا كان برك قريب و سهل فاغنــــم الراحه ( التماتيك )
يقول المثل ( اسئل مجرب ولاتسئل طبيــــب )
ودمتم سالمين

ديرتي

01/05/2007, 08:08 AM

القير عادي ممتع في البر ومتعب في الديرة بس خذلك تماتيك ان كان منتاب راعي ير بقوة

فتى شنه

02/05/2007, 12:24 AM

شكرا لكم ننتظر باقيه الاخوه اللي جربوا النوعين

عبدالرحمن

02/05/2007, 12:41 AM

معي باثفايندر قير عادي وفتحه

ما تحسفت على شي في السياره مثل القير ليتني اخذ اوتوماتيك , تقعد 10 شهور وانت تتهاوش مع القير عشان تطلع كم مره في شهرين للبر مع ان القير التماتيك تقريبا بقوه القير العادي , تنقهر اذا شفت واحد في الزحمه معه قهوه والا عصير ومروق وانت ترفس في الكلتش و تبقس في القير .

والفتحه من اشتريته الى اليوم ما استفدت منها ولا شيء .

altargay

02/05/2007, 07:27 AM

يا رجال ترى الفتحه في السياره عندنا مالها داعي نهائي , ان فتحت الفتحه في السياره كانك في الصيف فابشر بالعج والشمس اللي تفضخ الراس , الفتحه تلاقيها عند اهلها اهل الطبيعه الخلابه
ودمتــــــم سالمــــــين

القبقب

02/05/2007, 11:07 PM

أنا متأكد أذا أنت استخدمت الجير الاتوماتيك
راح تندم ....... على كل لحظة قضيتها مع الجير العادى
والجير الاتوماتيك هو الافضل والاقوى في الوقت الحالى
وسابقا كان العادى أقوى .

M o b d a

03/05/2007, 12:50 AM

أخوي

الشباب أفادوك

لاكن بعض الناس يبغى الفل كامل يعني

تلقاه شاري هذا عشان ما يعاتبونه الناس

ولا تلقى وده بالعادي

ويكون بعلمك اللى يتعلم على القير العادي قبل التماتيك

إقسم لك إنه يقدره العادي تقدير

أما اللى متعلم على الأتومتيك وجاي يبي يسوق عادي والله اللى يبطي ويبطي يخش مزاجه

كل واحد وحسب رغبته أنا معي واحد قير عادي

شف الجيب بتمل منه إن كنت بالرياض

خل معك موتر صغيير لو تأخذ بموديلات الخمسين أهم شيء صغيره

عشان لا كنت طفشان تأخذها ولا صرت مروق إركب الجيب

والله يوفقك إن شا لله

Abo Nader

03/05/2007, 01:11 AM

و الله أخوي كلن و هواه...

أنا موتري باث قير عادي...و مستانس الحمد لله فيه..و أبدا ما كان لي رغبه بتغيره..سبب الإختيار للقير العادي..أنك أنت الي تتحكم فيه+بالنفود الحراره ما أعرفها(مشاء الله)+الوناسه:)..
و بالخط عطه خامس و سلملي عليه...لكن الصراحه مع الزحمه شوي قلق...

dc55s

03/05/2007, 01:27 AM

طيب .... هل الاداء ممتاز في الرمال (البر)؟ او يكون متعب للقير ويتعشق كثير؟؟؟
او يفضل وضعة على 2 او L في الرمال (التطعيس) وبيمشي مثل القير العادي ؟؟؟؟
افيدونا يا اهل الخبرة؟

فتى شنه

03/05/2007, 02:04 AM

طيب .... هل الاداء ممتاز في الرمال (البر)؟ او يكون متعب للقير ويتعشق كثير؟؟؟
او يفضل وضعة على 2 او L في الرمال (التطعيس) وبيمشي مثل القير العادي ؟؟؟؟
افيدونا يا اهل الخبرة؟

نفس السوال ننتظر بقيه الاعضاء اللي لهم تجربه

هاوي الله

03/05/2007, 07:23 AM

طيب .... هل الاداء ممتاز في الرمال (البر)؟ او يكون متعب للقير ويتعشق كثير؟؟؟
او يفضل وضعة على 2 او L في الرمال (التطعيس) وبيمشي مثل القير العادي ؟؟؟؟
افيدونا يا اهل الخبرة؟

طبعاً كما هو معروف إن القير الأوتوماتيك للفكسار من موديل 2003 إلى 2007 يحتوي على 5 سرعات D432L.

لا 2 ولا L ولا شي ! ماعليك إلا إنك تحط القير في 4 وتضغط زر PWR وتدعس .

ويمشي بنسبة 90% بالنسبه للقير العادي إذا إفترضنا إن العادي 100% .

لا لا مايتعشق كثير ! إلا مع الغشيم في القير الأوتوماتيك .

ملاحظه : VXR 2007-2003 فقط

تحياتي ,, هاوي هدد

فتى شنه

03/05/2007, 06:04 PM

اخوي هدد ممكن توضح زين ولا عليك امر يعني اللي اقل من 2003 موب خمس تعشيقات ياليت توضح زين اخوي

عاشق السيل

03/05/2007, 07:10 PM

أخوي الغالي : قتى شنه ،،، بعد التحية :

أنا فهمت سؤالك بالضبط وخذ الإجابة :

أنت تبي تعرف الأفضل بالبر بإستثناء الراحة وماأدري إيش ،، صح ؟!!

أما العادي أفضل في العزم والدعسة وماتخاف عليه خاصة بالدبل الثقيل وسحب السيارات ..
أما التماتيك أفضل برقي النفود الطويلة لأنه يرد نمرة بسرعة بدون مايطيح العزم كما هي عند العادي أثناء دعسة الكلتش ..
أما التمشيات العادية في البر بين الشعبان والضلعان والنفود السهلة وفياض الربيع ،، ماتفرق بين العادي أو التماتيك اللهم التماتيك يريحك من كثرة دعسة الكلتش ...
( اسأل مجرب ولا تسأل طبيب )
والله أعلم ،،،

عاشـقhttp://www.mekshat.com/pix/upload/sign/images/mk49539.gifالسيل

هاوي الله

03/05/2007, 07:12 PM

Vxr من موديل 1998 إلى 2002 = 4 تعشيقات
Gx-gxr من موديل 1998 إلى 2007 = 4 تعشيقات

مهيب مره ولا مرتين ولا ثلاث مرات ! كم مره وحنا نوضح بالتفصيل في مواضيع سابقه ولكن لاتشره علي يافتى شنه . شرهتك على مشرف المنتدى بسبب عدم تثبيت أو إضافة المواضيع المُهمه اللي تُفيد الأعضاء .

هاوي هدد

فتى شنه

04/05/2007, 04:34 AM

عاشق السيل ماقصرت هذا هو المطلوب

هاوي هدد شكرا عل التوضيح وفعلا نادرا تلقى المواضيع المثبته بمكشات مدري ليش السبب

فتى شنه

05/05/2007, 05:08 PM

شكرا لك اخي الكريم

فتى شنه

11/05/2007, 01:08 AM

شكرا لك اخي الكريم

دحيم العبود

11/05/2007, 01:58 AM

هذا الي مخلي السفاري ملك الدفع الرباعي ( 2 في 1 )

GMC79

11/05/2007, 04:36 AM

انا جربت العادي والتماتيك في الرمل والطعوس بس بدون دبل دفرنس واحد يعني

العادي رائع جدا وممتع وتتحكم في السير على كيفك تشد وترخي حسب الظروف

اما التماتيك علة هو يتحكم بك يشد على كيفه يعني احيانا بالعادي حاطه بالثاني وتجيك طلعه خفيفة تكتم له و ترقى لكن التماتيك تكتمله يرد بالاول مع ان ماله حاجه بالاضافة ان التماتيك سهل الخراب قليل التحمل وغير عملي مثل العادي

والعادي مهوب متعب للدرجة اللي يتصورها البعض الا اذا كان متعلم على تماتيك

فتى شنه

12/05/2007, 12:22 AM

دالق الكشره ماظنيت هاذا سبب

Gmc79 شايف كذا اخوي

ساري15

12/05/2007, 12:33 AM

عليك بالتماتيك ولاتشااااااااااااور

إسأل مجرب ... والله لو إنك تطلع كل يوم للبر

طع شوري وشور اغلب الأخوااااااااااان تراك ماراح تندم

فتى شنه

12/05/2007, 08:50 AM

جربت النوعين اخ ساري 15

مشغول

12/05/2007, 09:09 AM

هلا باخوي فتى شنه

انا جربت ..

كان معي جي كس ار 2001 قير عادي وقعد معي سنتين والله ممتاز وعزم قوي ولا تخاف منه ..

وبعدين بعته وشريت 2002 أوتوماتيك وقعد معي سنتين تقريبا والحقيقة تحسفت ان كان معي قير عادي .. الحقيقة ان التماتيك ممتاز مررررة ..

وبعدين شريت في اكس ار 2005 أوتوماتيك .. واقولك الحين اللي مامعه في اكس ار ما معه موتر ..

في اكس ار وبس

فتى شنه

13/05/2007, 01:25 AM

اخوي مشغول شكرا لك لكن انا اقصد الفرق بين التماتيك والعادي لللفكسار الثمانيه سرندل

القبقب

13/05/2007, 11:35 PM

أنا فى الاتوماتيك أرقى أكبر طعس وفى يدى اليمين كاسة شاى
وحاط رجلى اليسار خارج الشباك أتحدى أى واحد عنده قير عادى يسوى مثلي .

هاوي الله

14/05/2007, 01:46 AM

أنا فى الاتوماتيك أرقى أكبر طعس وفى يدى اليمين كاسة شاى
وحاط رجلى اليسار خارج الشباك أتحدى أى واحد عنده قير عادى يسوى مثلي .

شكلك خطير يالقبقب :D , كاسة شاهي !! أكيد مافيها إلا النص :D :D

س/ موترك VXR ؟

س/ هل يوجد إختلاف في العزم بين الـ GXR أوتوماتيك و الـ GX أوتوماتيك ؟

الصراحه إني مليت من القير العادي GX ( اليوم في الرياض الله لايوريك أنواع الضغط :no: :D ) , بس اللي مخوفني من الأوتوماتيك هو العزم فقط

تحياتي ,,

هاوي الله

14/05/2007, 11:53 PM

يُرررفع لعل وعسى يرد أخونا القبقب لأنه أكيد مادخل المنتدى إلى ألحين , وأيضاً عشان يكون الموضوع عام للأعضاء وإذا مانفع برسل خاص لأخي القبقب

القبقب

15/05/2007, 09:42 AM

شكلك خطير يالقبقب :D , كاسة شاهي !! أكيد مافيها إلا النص :D :D

س/ موترك VXR ؟

س/ هل يوجد إختلاف في العزم بين الـ GXR أوتوماتيك و الـ GX أوتوماتيك ؟

الصراحه إني مليت من القير العادي GX ( اليوم في الرياض الله لايوريك أنواع الضغط :no: :D ) , بس اللي مخوفني من الأوتوماتيك هو العزم فقط

تحياتي ,,
هلا بهاوى هدد
طال عمرك موترى هدد gx كامل الزيادات أتوماتيك موديل 2006
ولايوجد اختلاف بين gx ,gxr فى العزم لانه الجير والمحرك والهيكل
واحد لكن gxr فيه كماليات (مزيون أكثر).
والموتر اول ماخذته كان ثقيل ولكن بعد ماحكيت الموتر
فى البر فتح وأصبح خفيف وقوى عزمه توكل على الله خذ أتوماتيك
وماراح تندم أنا متاكد من ذلك.

هاوي الله

15/05/2007, 02:23 PM

مشكووور أخي القبقب ومشاءالله تبارك الله والله يعطيك خير موترك ويكفيك شره .

طيب بعد عندي سؤال :

من ناحية العزم أنت تقول قوي , طيب ومن ناحية السرعه يعني يجيب 190 على طول ولا يتأخر شوي ؟

وإذا جاب 190 كم يكون مؤشر (إنبير) ضغط الزيت ؟

الله لايهينك ,,

القبقب

17/05/2007, 01:57 PM

جواب السوال الاول يتاخر شوى .
بالنسبة لعداد الدورات يكون المؤشر على نفس رقم القير العادى
وأنا مرة وحده جربته على 190 من سنة تقريبا والان لااستطيع
لانه جميع شوارعنا فيها رادارات ثابته.