المساعد الشخصي الرقمي

مشاهدة النسخة كاملة : صور من شعيب السهل في اليوم الخميس 19\10\1422


راعي عنيزة
03/01/2002, 11:07 PM
السلام عليكم

الصور هذي طازه وتوها ملتقطه اليوم وصراحة المنطقه خياااااااال ولا تفوتكم

http://130.94.173.239/22/3.jpg

http://130.94.173.239/22/2.jpg

http://130.94.173.239/22/1.jpg
ابوسكسوكه
04/01/2002, 12:01 PM
اخي العزيز راعي عنيزة
السلام عليكم ورحمة الله وبركااته

بيض الله وجهك وما قصرت فعلا معلومة طازة وتفاعلك وارسالك لهذه المعلومات بهذه السرعة يدل على حبك لهذا المنتدى واعضاءه الله يعطيك العافية وجزاك الله خيرا


:cool: :cool: :cool:
أيمن
04/01/2002, 12:46 PM
صور جمييييلة بالفعل ..
واللي زاد جمالها كونها طازجة ..
الله يعطيك العافية يا راعي عنيزة .. ياليت تعلمنا مكانها بالضبط، أو غحداثياتها .. لا هِنت ..

تحيتي
نجم سهيل
04/01/2002, 01:10 PM
يعطيك العافية اخوي راعي عنيزة على هالصور المميزة بأنها طازجة على قول اخوي ايمن.

اخوي راعي عنيزة ممكن تزودنا ببعض المعلومات عن شعيب السهل مثل الموقع والأحداثيات الله لا يهينك.

وسلامي للجميع.
أبوسليمان
04/01/2002, 02:46 PM
تسلم أخوي راعي عنيزه
على هالصور الزينه
ومثل ماقالو الأخوان أيمن ونجم سهيل
لاتبخل علينا بأحداثيات الشعيب وبعض المعلومات


أبوسليمان
سنجار10
04/01/2002, 04:46 PM
السلام عليكم :
راعي عنيزه الله يبيض وجهك على هالصور الزينة ومثل ماقالوا الاخوان ......
نبي احداثياتها او وين مكانها بالضبط الله يعطيك العافيه ولايهينك..

اخوك سنجار10
السمح
04/01/2002, 05:00 PM
ما قصرت ياراعي عنيزة ..

وزدنا من هالصور الحلوة ..

شكراُ ..

تقبل تحياتي ..
هواوي
04/01/2002, 05:03 PM
راعي عنيزه بيض الله وجهك على هالصور صراحه شي مميز وخاصه انها طازه يعني يمدينا نسير عليها

اذا ما تعرف الاحداثيات عطنا العنوان ولك تحياتي
راعي عنيزة
04/01/2002, 06:37 PM
ابو سكسوكه ايمن نجم سهيل سنجار10 ابو سليمان (خالي السمح) هواوي

مشكورين ولا قصرتو على التشجيع الحلو وابشرو بسعدكم

شعيب السهل
الموقع : شرق قبه بحوالي 12 كيلو
المنطقه كلها شعبان صغيره تتفرع من السهل وتستاهل الدوران فيها لانك تحصل مناطق ممتازه بس انتبهو من الطين والزمو الطرق المسلوكه (ترا الا غرزتو ما اعرفكم ولا تعرفونن;) )

احداثيات الشعيب
n 27 31 090
e 044 23 340

وقريبه من شعيب ابو مراكي وامغط شوي توصل شعيب الحسكي بس الصراحه السهل ازين ربيع منهن واقل زحمه
الوراد
05/01/2002, 11:29 AM
وعليكم السلام اخوي راعي عنيزه

اشهد انك جبتها يا خوي

ماشاء الله عليك شغلك حار بحار :)

رحت للبر وصورت وحطيتها لنا هنا

ابسميك مراسل مكشات لشؤون الربيع في منطقة لينه وماجاورها

راعي عنيزه

ابنشدك عن بعد شعيب السهل عن الحسكي كم المسافه بينهم

ومن وين احسن طريق

لأني العام رحت للحسكي من شمال وكانت المسافه من المسفلت للشعيب 54 كلم وقطعناها باربع ساعات تقريبآ لوعورة المنطقه

وعرفت من ناس كثيرين ان الوصول لهالمنطقه من الجهه الجنوبيه ((القصيم ))افض واسهل

اذا ممكن تعطينا رايك الله يكثر خيرك
أيمن
05/01/2002, 11:34 AM
عافاك الله يالوراد ..
سؤال بالفعل جميل، نحتاج إليه عزيزي "راعي عنيزة" ..

تحيتي
راعي عنيزة
05/01/2002, 03:56 PM
اخوي الوارد ولا يهون مشرفنا ايمن

بعد السهل عن الحكسي حوالي 100 كيلو والطريق وعر

لكن الافضل انك تروح للحسكي عن طريق قبه
شف يا طويل العمر
اذا صرت جاي لقبه من القصيم قبل ما تدخل قبه ب 5 كيلو الخط يمشي على نفود اسمه
عرق المظهور وبعد ما ينتهي العرق بتشوف الارض منبسطه وقبه تشوفها قدامك
هناك فيه محطتين بنزين وقف وعب منهم ترا الطريق طويل ;)
همين يا طويل العمر ادخل يسار الخط وانحر عرق المظهور وامش بموازاته لان
الطريق هناك سهل ورمل ممهد وتقدر تسرع
بعد تقريبا 40 كيلو تجيك هجرة البعيثه وبعدها ب 60 كيلو تجيك هجرة الزبيره
وبعد الزبيره ب 15 كيلو الحسكي يعني الحكسي عن الخط تقريبا 115 كيلو
لكن شوري عليك وانا اخوك خلك مباري العرق طول الطريق تراه رمل وزين
ولا تروح شرق ترا الارض هناك حصا وفروش تقطع الكفرات
<<<<< تقطع عليه كفرين :(:(

ولمزيد من التفاصيل دخلت لكم خريطة المنطقه بالسنكر

http://130.94.173.239/22/5.jpg
سنجار10
05/01/2002, 07:24 PM
السلام عليكم:
اخوي راعي عنيزة اشهد انك كفيت ووفيت الله يبيض وجهك ويكثر من امثالك ..وخوه شرواك لشعيب السهل وغيره تنشرا..الله لايهينك على الصور والتوضيح الزين يالغالي ...

سنجار10
أيمن
06/01/2002, 02:08 AM
ماقصرت يا خلفهم ..
بس يا ليت تعلمنا عن الطريق الترابي الرملي، هل هو وعر بمعنى أنه لا يمكن أن يمشي معه إلا الجيوب فقط، أم أنه بالإمكان وصوله عبر غيره من السيارات ..

تحيتي
راعي عنيزة
06/01/2002, 06:00 AM
سنجار تسلم اخوي من طيبك وهاه متى تبي نتخاوى ;)

مشرفنا ايمن ما قصرت يا بعدهم والطريق سهل بالحيل ومندك وتمشيه الهيلوكس الغمارتين بالراحه ;) واوله تقدر تسرع به وتمشي 120 بالراحه
الوراد
06/01/2002, 08:33 PM
يا عصابة راسي يا ولد ديرتي

انا اشهد انك كفيت ووفيت

وجزاك الله خير

ماقصرت وتراي مستحي منك
راعي عنيزة
08/01/2002, 07:39 AM
هلا بك اخوي الصادر والوارد :D

تسلم يا خلفهم واشوا الي صرت من الديره ولا طلعت من بريده ;)
(والنعم والله باهل بريدة) <===== من خاف سلم :) :D :)
راعي كيف
11/01/2002, 02:10 PM
أحسنت داري إنك متقط من الوناسه لاكن معزور:D :D :D
المهم الوعد يوم الخميس بالمغيسليه على القنات 147500 ابو ناصر زين



تحياتي وأشواقي
ابوخالد
11/01/2002, 03:26 PM
دايم عنيزة وهله وراعيه مايجبون الا العم الغانم تسملم ياراعي عنيزه على الصور الجميله
راعي عنيزة
12/01/2002, 08:48 PM
بو خالد تسلم يا غالي ما سوينا الا الواجب :)


راعي كيف اكيد بستانس هماك معي ;)

الخميس اخاف اني اطمر لقبه خلها يوم الاحد (بكرا) ازين احتريك 9 على ذي القناة
هاه تمام ؟؟
راعي كيف
13/01/2002, 12:20 AM
غدين منسى الساعة تسع على القناة على العموم :rolleyes:
147500
زيــآدِ
13/01/2002, 01:03 AM
السلام عليكم
ياراعي عنيزة
بس حبيت اسئل عقب المحطتين به محطات إلا الشعيب
ومشكور وماقصرت ياخلفهم ;)
راعي عنيزة
13/01/2002, 01:26 AM
فيه محطتين او ثلاث بقبه وعموما المسافه قريبه بين قبه والشعيب ما تجي 12 كيلو يعني السالفه ما تستاهل تعبي وتغث عمرك ;)
الحارث الأول
13/08/2002, 07:08 PM
الصور ما طلعت عندي وإن كانت هذة المشاركة متأخرة عن الموضوع لكن أنا توي أشوفهر ياحبيبي
السرحان
16/08/2002, 11:22 AM
ما قصرتم
مشاركه جميله