منين الواحد يجيب خروف طيب بري للضيف او ...

[camel]

السلام عليكم ورحمة الله وبركاته ...

الحقيقه دائم تواجهني مشكله في شراء اللحم ..مااعرف وين المصدر المناسب للخرفان البريه الطيبه ...

الشراء من السوق ...مشكلته الخرفان ماهي بريه ولايمنكك التأكد من ذلك ..

الشراء من المحلات ...جربتها ...السوق افضل ..

هل من الممكن تدلونا منين ممكن يجيب الواحد خروف طيب للضيف او للثلاجه :d

أرجو المساعده ..وشكرا

[كشته 111]

اخي كامل ممكن تلقي خرفان برية اذا طلعت من الرياض شوي مناطق مثل رماح والرمحية والرعاة حقين رماح تلقاهم يمين ويسار طريق رماح ,,,واذا تبي الرعاة اللي علي طريق الرمحية اذا وصلت محطة خزام لف يمين مع لوحة الرمحية بعد 40 كيلو تلقاهم عندهم غنم طيبه تبيض الوجه ,,, او الرعاة اللي علي طريق الدمام من 70 كيلو الي 130 تلقاهم الراعي ومعه غنمه ,,

واذا تبغي اغنام طيبه ومضمونه بس ماهي بريه عندك اغنام شركتي نادك والوطنية .

مع وافر التقدير ,,,


http://www.7mml.com/uploads/52ac188b22.jpg (http://www.7mml.com/)

[سلطان العوني]

اطلع القرى اللي حول الرياض تلقا اللي يطيب خاطرك ويبيض وجهك عند ضيوفك




تحياتي

[camel]

بيض الله وجيهكم ، كفيتوا ووفيتوا ...

[camel]

ياشباب باانتظار اي افكار جديدة زيادة الخير خيرين ..

[ساقان]

الي بالسوق اذا كان تحته شوك فهو بري ..
اما اللي تحته خضر فهذا ربوة حوش الله من الزخمه .. وانا معاملي واحد بالسوق القى عنده هرافي بريه يغلبني مره واغلبه مره بالسعر ,,

[camel]

ياسلام عليك ياابو ملاك تسلم على التنبيه على مثل هذه الامور...وعموماً مواصفات البري

من الاشياء التي تساعدنوعاً ما في التعرف على الخروف الطيب ..

1- الشوك .......لكن فيه بعض الشريطيه يحطون شوك في موقعهم ويخلون الخروف يتسدح فيها ...
2- أضلايف الخروف ...أذا كانت قصيره وطبيعية فهو عادةً يكون بري لأنه يمشي ويخفف هاذا من طولها ، ربوة الحوش ...تكون طويله وغير طبيعية ....بس يجب الاشارة الى ان خرفان النفود .تكون ايضاَ ..فيجب التفريق .
3- تكون العيون والانف والفم بدون افرازات وطبيعية .
4- الانتباه الى بطن الخروف ، يمكن يكون منفوخ ، بسبب بعض الشريطيه (اجانب) يقومون بتسقية الخروف ماء مع الملح لكي ينتفخ ويظهر انه كبير وسمين ....فاأذا كان بطنه منتفخ اكثر من اللازم ..اتركه .
5-البائع ...الذي ياتي بها من البر يكون واضح علامات السفر والسياره تكون سيارة تقطع الطريق وليس من سيارات الحوشه المتكسره ...
6- الشراء من السعوديين ما امكن لأنها ستجد عناية عنده اكثر من غيره ، ولكن لايعني هذا انها بريه ..
7-لازم يكون الخروف نشيط ، وفيه حركه طبيعيه ومتنبه ، وليس متراخي او ما يرفع راسه ..قد يكون مريض او مجهد او ماشابه ...
وعدة امور اخرى لاتحضرني ...

[ماطور]

تحية طيبة إخواني

إذا كنت من سكان الرياض وتبي لحم نيء يمكنك شراءه من مطابخ معروفة (لا أدري إذا كان مسموح أذكر بعض الأسماء أو لا)
وأنا أضمنها لك والدليل اشتر منهم الذبيحة جاهزة مع الرز وشف طعم اللحم الخيالي

لكن وللأسف راح يبيعها لك بنفس سعرها مطبوخة لكن في نفس الوقت تضمن جودة اللحم لأن المطبخ يبي يحافظ على سمعته

تحياتي للجميع

[camel]

السلام / زي ما قلت ياغالي اللحم راح يكون مرتفع سعره ...

[اسير الغربة 1]

اقووووووول ارخ الريال وتلقاء شى طيب
يالذيب وعليك بالهجر اللى حول الرياض

[camel]

رحت يم ...الرمحيه

اقولكم القصة بعدين ..هالحين مشغول ...

[عبدالحفيظ]

خبرتي المتواضعة تلقاها في السويرقية قبل مهد الذهب ،والله اعلم .

عبدالحفيظ

[قانون الجذب]

موضوع مفيد






رحت يم ...الرمحيه

اقولكم القصة بعدين ..هالحين مشغول ...



نحن بالانتظار

[ابوعبدالهادي]

بارك الله فيك موضوع ممتاز ويستحق البحث

[الصل الأسود]

أنا من سكان الرياض

وإذا أردت ذبيحة ومنيب عجل <<< عجل من العجله وليست من البقر :p ، على طوووووووووول يوم الجمعة في تمير ؛ لأن سوقهم يوم الجمعة

وأنا أشهد ان ذبايحهم تصنفر الوجه <<< الصنفره تعني من زود البياض :D

علماً !! أني لست من تمير ولا أعرف أحد هناك ، وجرّب وأنت الحكم

[عرقوب]

احسن لحم .. تيس من لبون بسعر 430 ريال ويوصلونه لك للبيت

مممممممممممممممممممممممممممممممممممممتاز جربوا وبتذكروني بالخير

اتصل عليهم ويجيبونه جاهز ومقطع للثلاجة بكرتونه ..

[sasasasas]

الاخوان ما قصرووووووو

وبيض الله وجيهم

[الأثربي07]

الله يجزاكم خير

[ابورايف]

من عندي انا اذا بغيت ذبيحة عليها الكلام وانا لست عجل اروح للسوق بعد صلاه الفجر يوم الخميس القاء الجلابه جيين من البر واشتري
واذا ماحصلت شي يصلح عندي القرى مثل العيينه معامل فيها واحد سوداني يشتغل بمزرعة
او اروح لسلطانة من الخلف وبرضه معامل فيها واحد راعي اذبح الخروف عنده او ادور اي شجره وذبحة وجيك راجع لامن شاف والامن دراء
وتقبل مروري

[مدمن مرقوق]

اشتر من الرعاة خارج المدينة

السوق ماش


ولا الماقفة الفجرية يوم الخميس والجمعة تلقى راعين الحلال يجلبون للماقفة

وبالتوفيق لك