الونيت التايوتا الصيني

[الحاكم الأول]

السلام عليكم ورحمة الله وبركاته





شباب مثل ما تعرفون نزل شبية (تايوتا ) بس انه صيني طبعاً اللي شفتها ونيتات .

بس اللي ابعرفه وشلون جودتها وهل هي تصلح للاستخدام البري يعني تصلح اروح فيها البر وتتحمل الجلد ولا لا.

صراحه اللي رغبني فيها اسعارها مرة رخيصة مقارنه بعبد اللطيف جميل[line].

[القويعي]

انت قلتها بنفسك صيني

[w5070]

لاتشتري وناخوك الصيني صحيح انة قوي ولاكن مايتحمل الكرف نصيحتي خذلك هايلكس ولا ددسن .

وتقبل مروري.

[الحاكم الأول]

شباب نسيت اقولكم ان نوعها أو ماركتها Deer


القويعي

شاكر مرورك والله يبارك فيك (( بس ترى ما هو كل صيني مثل اللي على خبرك ))

ترى الصيني درجات وبعض المنتجات تعتبر منافسة لغيرها في الاسواق .


A.k.h

جزاك الله خير
تسلم على المرور نصيحتك في اهتمام محاكيك وأكيد الهايلوكس والددسن ما يعلى عليهم في الونيتات ، بس بعد أذنك ودنا نشوف اذا كان احد له خبره فيها لعلي استفيد اكثر .

[بو مشعوفان]

[quote=a.k.h]لاتشتري وناخوك الصيني صحيح انة قوي ولاكن مايتحمل الكرف نصيحتي خذلك هايلكس ولا ددسن .

أنا مع كلامة 100%

[سلطان العوني]

والله يصلح له استخدام سنه او سنتين وبعدين خلاص ينتهي

[w5070]

حياك الله أخوي الحاكم الأول ونا ماسويت شي بس أنا من الواجب علي أني أفيد وأستفيد.
ويمكن بعض الأخوان عنده خبرة أكثر. وشاكر لك .
وأشكر أخوي راعي القتا.

[القويعي]

كانك بتشتريه للبر مايصلح ابد

[راااعي بررر]

وعليكم الــــــسلام ورحمة الله وبركاته

من خلال تجربة DEER فمن وجهة نظري أنها غير عملية من حيث التحمل فهناك فرق كبير بينها وبين الونيت الياباني:alarm: فلا يغرك الــــسعر وسلامتك .

[شبح الصحراء]

الفرق هائل والشبه فقط في التصميم لأن بعض الشركات الصينية أشترت عدة تصاميم من تويوتا منها الهايلوكس واللاند كروزر الشكل القديم أما المحركات وكافة القطع الداخلية صيني ولك أن تتخيل أن السيارات الكورية لا تصلح للبر والكرف فمابالك بالصيني!! .

[دحيم العبود]

اخي تذكر هذه الحكمه

ياشاري الدون بدون ....... تحسبك غابن ونت امغبون

[عبدالرحمن]

تبغى العلم الصحيح و الأكيد شف اي واحد في الشارع من حقين الشركات الي معهم الموتر ووقفه واستفسر من مجرب ومعه من فتره , اذا كان على اسم صيني حاليا كل شي يصنع في شرق اسيا من الاكل الين الطيارات شي واحد بس الي ما ينتجونه النفط .

جاهل الشيء عدوه ولا يغرك الشكل او الاسم , خذ بالتجربه وفكر فيها اذا كان بنص السعر تقريبا ويخرب في 3 سنوات وهي نفسها اذا شريت ياباني وخرب في 6 سنوات .

هذا رأيي في الموضوع

[الحاكم الأول]

اشكر الجميع وبارك الله فيكم

وبيض الله وجيهكم على الاهتمام ، رجال مكشات ما قصرتوا كلاً باسمه .



اخوي عبدالرحمن كلامك عين العقل ، وبسوي اللي قلت لي عليه إن شاء الله.

[salman]

[quote=a.k.h]لاتشتري وناخوك الصيني صحيح انة قوي ولاكن مايتحمل الكرف نصيحتي خذلك هايلكس ولا ددسن .

أنا مع كلامة 100%

وشلون قوي ومايتحمل ودي اعرف هاللغز
على العموم المحركات المركبه على ال (deer) وبالتحديد المكينه هي مكينة تويوتا الوارده في الهايلوكس من موديل (84) الى(86) مع بعض التعديل على سعتها حيث زادوا في السعه الحجميه (CC ) من 2000سي سي الى 2200سي سي والله أعلم

[هاوي ستلايت]

بصراحة احسن بيك اب قوي جدا انا عندي واحد صارله سنة

[شبح الصحراء]

وانيت دير من شركة جريت وول الصينية

http://www.great-wall.com.ru/greatwall/greatwall_photo.php?image=/greatwall/deer/g4/photo/greatwall-deer-g4-2.jpg

وهذه طرازات أخرى من شركة جريت وول ( السور العظيم ) الصينية :

وانيت دير دفع رباعي

http://www.great-wall.com.ru/images/greatwall/deer/g3/greatwall-deer-g3-10i.jpg

جيب سيف من من شركة جريت وول الصينية

http://www.great-wall.com.ru/greatwall/greatwall_photo.php?image=/greatwall/suv/safe/photo/greatwall-suv-safe-19.jpg

جيب سينج من شركة جريت وول الصينية

http://www.great-wall.com.ru/images/greatwall/ruv/sing/greatwall-ruv-sing-13i.jpg

جيب هوفر من شركة جريت وول الصينية

http://www.great-wall.com.ru/greatwall/greatwall_photo.php?image=/greatwall/cuv/hover/photo/greatwall-hover-10.jpg

وانيت سوكول من شركة جريت وول الصينية

http://www.great-wall.com.ru/greatwall/greatwall_photo.php?image=/greatwall/socool/sokol/photo/greatwall-socool-sokol-6r.jpg

وانيت سايلور من شركة جريت وول الصينية

http://www.great-wall.com.ru/images/greatwall/sailor/extra-long/greatwall-sailor-long-4i.jpg

وانيت بيج مونستور دفع رباعي من شركة جريت وول الصينية

http://www.great-wall.com.ru/greatwall/greatwall_photo.php?image=/greatwall/monster/photo/great-wall-pickup.jpg


الصينيون قادمون بقوة ! .