ارتفاع الحرارة في الباثفيندر

[متعب القويعي]

السلام عليكم
سيارتي باثفيندر2005تماتيك الحرارة ترتفع عندي الى فوق النصف وتوقف ماتروح الىh رحت الى مكانيكي قالي على النصف عادي
ومكيانيكي باكستاني قال لي أن فية جيوب باثفيندر كثير غندهم نفس المشكلة هل كلامه صحيح؟؟؟؟؟

المروحة دايم تشتغل باللة عليكم وش السوات ؟

[العيد]

حياك الله
اذا كان القير تماتيك الامر عادي جدا وملاحظه انا من موديلات 2000 وطالع

[Abo Nader]

أخوي الموتر وهو بالشارع ترتفع حرارته ولا بالنفود...

[سلطان العوني]

غير لك رديتر خذ لك صناعه سعوديه تراه طيب بالحيل

[الباثفايندر3]

حياك الله اخوي القويعي قبل كذا صارت مع اكثر من واحد الا وهي صيخ الراديتر وغير البلف وتوكل على الله

[متعب القويعي]

العيد
تسلم ياغالي بس الحرارة تاصل الى فوق النصف


ابو نادر
لاء ياالغالي ترتفع بالديرة أذا ماكنت ماسك خط طبيعة بس بوسط الديرة تاصل فوق النصف وبااليل بعد والحر ماجاء بعد وشلون لاجاك(مربعانية القيظ)


العوني
الموتر يوم كان ماشي 30ألف طلعت الصبح ولقيتة منشق الرديتر وأنا قبلة مانزلت صحراء ولا أخبر ضربة شيءقمت ولحمتة وانشق مرة ثانية وشريت رديتتر جديد وكلة وغيرت البلف طبعا لانة أنقفل


الباثفيند3
هلا وغلا بك أخوي الرديترات التالية المنيوم ولو تصيخة خطير ينشق وعلى فكرة هو جديد مركبة من كرتونة واللة أني عفت الموتر الردتيتر شريتة جديدب1300ريال

[الباثفايندر3]

رايي لك وانا اخوك اركب موترك وعلى الوكاله وقل شيكو على الحراره ترا التشييك ب100 ريال وقل لاتصلحون اي شي الا بعد ما تخبروني وبعدين اتخذ القرار يا تصلح عندهم يا برا وانا اقولك من واقع تجربه هذا شي بسيط ولا يكلف وتشوف ورد لنا وشكرا

[قرم]

اخي اللي فهمته منك إن السياره طبيعيه بالخط,,وغيرطبيعيه في البلد,وإنك غيرت البلف ,وغيرت الراديتر ومانفع. إذاً قديكون كلتش المروحه هو السبب!! تأكد منه عند الميكانيكي او الشركه افضل
ورد علينا الله يوفقك ليكون حل هالمشكله مرجع لأخوانك اللذين سيعانون منها مستقبلاً . والله معك

[.أبوعبدالرحمن]

اخي الكريم معي باث 2003 والموتر كان ماشي معي قرابة الـ 20000 كم وكانت تتعدى النصف فلما رحت للوكالة اول مرة قالوا لي مافيه شيء ورحت لهم مرة ثانية وقلت بتغيرونه ولا خذوا الموتر ورجعوا لي فلوسي وتهاوشت مع المصري وقال لي امش نركب بالموتر ونمشي عليه ونشوف واصفق به الـ 200 وقام المصري يستغفر ويسبح وصار كل معدل دقيقة يذكر الله عشرين مرة وصار وجهه كل عرق و راح فيها بعدين رجعنا للوكالة وركبوا لي رديتر جديد والان ما شاء الله عليه ما يتعدى الربع

[أبوناصر]

ممكن تقولي وش الموية الي حطيتها في الرديتر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



بإذن الله بيكون الحل عندي

[خلفهم]

أخوي أنا صار لي مثل المشكله وغيريته وشريت جديد بــ900

وهالأيام ملاحظ عليها ترتفع قبل النص

لكن شيك عند الوكالة يمكن ينفع

[الدحبول]

يمكن يكون زيت المكينة ناقص أن عندي فيكسا 1997 في تهريب في المكينة أذا نقص الزيت
ترتفع الحرارة إلى فوق النص
شيك على زيت المكينة

[باثفاندر 2005]

عزيزي ما عليك من كلام الناس اللي يقولك الى النص طبيعي ..

الطبيعي فوق الخط الصغير بشي بسيط ..

وأنا كان عندي نفس المشكله وكل الناس يقولون طبيعي وصارت كل مالها ترتفع ترتفع الين صارت توصل فوق النص ..

وديته للوكاله وغيرو الرديتر كاامل على الضمان والآن كل شي تمام الحمد لله ..

[مكحل الحنشان]

انا يا خوك عندي مشكلة بالحرارة ولا ادري وش السواة
بس مشكلتي عكس مشكلتك بالديرة الحرارة تمام التمام
بس على الخط ترتفع الى النصف
اللي بسويه ان شاء الله اني بغير البلف لاني شاك فيه لان الحرارة ترتفع وتنزل بصورة سريعة
وبصيخ الرديتر وبغير موية الرديتر
وعلى الله يظبط
والله يعين ملاك الباث على سالفة الحرارة يعني لازم نوصل لحل جذري لهمشكلة

وشوكرنن

[باثفاندر 2005]

يا جماعه اللي سيارته على الضمان يقطه على الوكاله يغيرون الرديتر كله ...

[نمر 33]

نفس مشكلتي
صيخت الأديتر وضبط ..

[باثفندر 2005]

اقول اخوي عليك بمراوح الكهرب واحرص على شد مساير الثلجه فقط لتومتيك .
وشكراً ..

[abc-00-abc]

اذا الاديتر جديد المنيوم
ركب بلف حراره يفتح اسرع من البلف الموجود
مثال اذا البلف يفتح على 120 ركب بلف يفتح على 60
و ان شاء الله راح تضبط معك