أيهما أفضل ( في كول ) & ( زيبارت ) ؟؟

[أبوغمارة]

السلام عليكم ورحمة الله وبركاته

أريد أن أسأل عن محلات التظليل ( في كول ) و ( زيبارت ) أيهما أفضل من ناحية الجودة والسعر .

وهل يوجد لهما فرع في شمال الرياض وأين يوجد ؟؟



ولكم الشكر جميعاً

[بدوي جنوبي]

عليكم السلام ورحمة الله وبركاته

بتكلم عن الفي كول لان اخوي مجربه بسيارته بجده ما شاء الله تدخل السياره تحس انه الحراره اقل طبعا في الظهر

وعاد لون السياره اخضر عشبي يعني تمتص اشعة الشمس

وعليه ضمان واللون ما تغير وميزته انه يعكس اشعة الشمس

واذا شغلت المكيف تبرد السياره بسرعه

اكيد لهم فروع في الرياض ما اعرف محلهم

بالتوفيق

[ملاعب الريح]

وعليكم السلام ورحمة الله وبركاته


بأتكلم عن شي مجرب وهو الفي كول مجربينه في موتر الوالد موديله 2001 ومن جدته مظللين تظليل شفاف كامل الموتر سعره غالي

3700 ريال تقريباً لاكن هالكلام قبل 5 سنوات لاكن بصراحه تركب الموتر بالظهر وتحس أنه مقبول جداً والسياره تبرد على طول بعد تشغيل المكيف



زيبارت الظاهر إنهم أرخص لاكن ما أعرف أحد جربه..........



أتمنى إني أكون أفدتك



تحياتي (ملاعب الريح)

[القويعي]

والله زيبارت زين يمشي الحال

[أبوغمارة]

بدوي جنوبي / علمك غانم وما قصرت ومشكور على المعلومات

ملاعب الريح / حياك الله اخوي وما قصرت والف شكر على المعلومات الله يجزاك خير

القويعي / مشكور اخوي وما قصرت



لكن نتمنى من احد الاعضاء الكرام يدلنا على فروعهم في شمال الرياض الله يجزاكم خير

[اخونوره]

بالنسبه لزيبارت
تلقاه عند تقاطع طريق الملك عبدالعزيز مع طريق محمد بن سعود
او تمسك الدايري الشمالي وانت متجه شرق يجيك طريق الملك عبدالعزيز اطلع معه ورح يمين
ثاني اشاره رح معها مين يجيك محل زيبارت على يمينك

[asd2007]

الاخوة الكرام

السلام عليكم ورحمة الله وبركاته
يسعدني ان تكون هذه اول مشاركه بهذا المنتدى الرائع

بخصوص السؤال عن في كول او زيب ارت

انا مركب حاليا زيب رات بحوالي 2300 ريال ( قبل اقل من شهر)

زيب ارت ما هو بطال , وقت الظهر تدخل السيارة تلقاها دافيه نوعا ما , تبرد بعد تشغيل المكيف بسرعة

بخصوص السعر , زيب ارت سعره واحد للشفاف و للملون بدرحاته اما في كول فسعر الشفاف مثل ماقالو الاخوان حوالي 3700 اما الملون فسعره اعلى من زيب ارت بشي بسيط

بصراحه اعجبوني زيب ارت بشغلهم اثناء التركيب

:cool:

[احمد بارشيد]

أيهما أفضل ( في كول ) & ( زيبارت ) ؟

[بواسامه]

الفي كول من طيبته يعزل حتى القارمن اذا ظللت الامامي

كلام من واقع تجربه مب مبالغ فيه