القير االأوتومتك في البترول هل فعلا يحول عادي

[الروض]

ياشباب مكشات الكرام
هالحين القير التماتيك للباترول 4800vtc هل يحول فعلا على عادي
وش فايدته ومميزاته وعيوبه
أفيدونا أفادكم الله

[saaqaar]

مرحبا
نعم يحول الى العايدي بس ماهو نفس العايدي 100%
مميزاته اتوقع في التطعيس او البر على شان تتحكم اكثر من التماتيك يعني رياضي :)
http://www.mekshat.com/pix/upload/images34/mk31702_patrol_per_5.jpg

يجمع نيسان باترول بين متعة القيادة الرياضية وقدرة نقل السرعات يدوياً ونعومة نقل النسب في النواقل الأوتوماتيكية في علبة تروس أوتوماتيكية من خمس سرعات بقدرة نقل يدوة ( 5M-Atx ). استغل القوة الناتجة عن محرك سعة 4800 سم 3 مع ناقل الحركة الذي يمكن التحكم به يدوياً وتمتع بالقيادة في المدن والصحاري أو تحول إلى النقل الأوتوماتيكي المريح وخفض استهلاك الوقود خلال القيادة على الطرقات السريعة.

[هاوي الله]

واحد من الربع عنده 2003 أو 2002 على حد كلامه يقول الورعان ( أطفاله ) يحركون القير على الطريق السريع ويرجع نمره . الظاهر بدون قفل .

[باترول للأبد]

صحيح يتحول عايدي بس أكيد مو مثل العادي الأصلي

[سنبل]

السلام عليكم ورحمة الله

يا اخوان بالنسبة لقير جيب النيسان

الأصل فيه التماتيك ولا يوجد فيه قير عادي ولا غيره

لأنه من المستحيل ان يركب بالمكينة قيرين !!!

وزي ما قلت الأصل قير تماتيك ولكن..

الشركة روجت الدعاية هذي لشئ في انفسهم

وكل ما في الأمر انك بدل ما تخلّي القير يغير لنفسه

تقوم انت بالتحكم فيه بيدك...كأنك بسيّاره امريكية او سيارة قيرها تماتيك...غيّرها من الدي الى رقم واحد او اثنين او ثلاثة يعني انت تحكم بالقير..

وبعدين القير العادي لا بد يكون معه ( دزق وكلتش ) ودعسة للكلتش

ياليت الصورة وضحت الحين

ولا يروح بالكم بعيد تراي من أشد الناس حباً لجيب النيسان

بس حبّيت أوضح للأخوان.

تحياتي

أخوكم " سنبل "

[المميـز]

لا يكون تحسبه ينزل كلتش تحت جمب الفرامل مثل واحد من الشباب الله يذكره بالخير

كان يحسب اللي فيه وضع رياضي والي يسميه البعض عادي يحسب ينزل كلتش
هههههههههههههههههههههههههههههههههههههه

[الروض]

الاخوة
saaqaar
هاوي هدد
باترول للأبد
سنبل المميز
جعلكم تسلمون لاحبابكم وما قصرتوا على الافادة

[بدوي جنوبي]

لا يكون تحسبه ينزل كلتش تحت جمب الفرامل مثل واحد من الشباب الله يذكره بالخير

كان يحسب اللي فيه وضع رياضي والي يسميه البعض عادي يحسب ينزل كلتش
هههههههههههههههههههههههههههههههههههههه

والله جالس اضحك علي ردك يا المميز اجل ينتظر خويك ينزل الكلتش هاه هههههههههههههههههههههههه :D

[أبو أسامة]

السلام عليكم ورحمة الله وبركاته

نعم يوجد قير عادي مع التماتيك ويسمى بالتيبترونيك ................... وأستخدامه داخل البلد تماتيك وبالبر عادي ................ وهو مثل السيارة اللي قيرها عادي تماماً .......... ينقصه كلتش وأنت معك جيب يعني ماتحتاج تمرجح الموتر عشان يطلع من الغراز الله لايهينك شغل الدبل الخفيف أو الثقيل أو حتى الهزاز إذا كان موتوفر ............

بالنسبه ......... لما تقوله أخوي هاوي هدد ........ تذكر أن حتى الشركة اللي أخترعت القير التيب ترونيك ....... وهي شركة بي أم دبليو مصممة القير بنفس طريقة البترول .. أو بالأصح البترول مقلدهم .............وأصلاً السيارة التماتيك لو البزر صقع القير بتتغر النمره أو حتى العادي بيفضى ........... يعني اللي قلته ما هو عيب بقير البترول ........


والسلام عليكم ورحمة الله وبركاته

[بدوي جنوبي]

السلام عليكم ورحمة الله


يا اخوان بالنسبة لقير جيب النيسان
الأصل فيه التماتيك ولا يوجد فيه قير عادي ولا غيره
لأنه من المستحيل ان يركب بالمكينة قيرين !!!
وزي ما قلت الأصل قير تماتيك ولكن..
الشركة روجت الدعاية هذي لشئ في انفسهم
وكل ما في الأمر انك بدل ما تخلّي القير يغير لنفسه
تقوم انت بالتحكم فيه بيدك...كأنك بسيّاره امريكية او سيارة قيرها تماتيك...غيّرها من الدي الى رقم واحد او اثنين او ثلاثة يعني انت تحكم بالقير..
وبعدين القير العادي لا بد يكون معه ( دزق وكلتش ) ودعسة للكلتش
ياليت الصورة وضحت الحين
ولا يروح بالكم بعيد تراي من أشد الناس حباً لجيب النيسان
بس حبّيت أوضح للأخوان.
تحياتي


أخوكم " سنبل "
كلامك :good: اخوي سنبل
لكن عند تحويل القير لعادي مو انت تتحكم فيه كانه قير عادي تحط نمره قدام او نمره ورا

وتقدر تشد علي نمره معينه ..... وهذا يسمي قير عادي