الي يفيدنا بحراره الشروكي <<<

[abo lafi]

السلام عليكم ورحمه الله وبركاته


السياره جيب شروكي 2001

الشروكي معروف بالحراره بس اني عالجتها بتركيب مراوح سوبارو وصارت الحراره تمام بس مع هالايام مع ارتفاع درجات الحراره تغيرت الحراره علي وبدى يحتر لدرجه ان مويه الرديتر وانا مادخلت بزحمه والجو توه ما جانا (طباخ التمر):confused: تفور وديته للصناعيه وسيخت الرديتر وما تغيرت والرديتر ثلاث رصات وطني والمفروض ان الحراره تكون اقل من كذا بكثير لاني مجرب الشروكي من قبل وكانت الحراره تمام

قالي بعض المهندسين ان المشكله عندك الرديتر غيره اصلي شد بلد لان الوطني ما يتحمل الحراره
وبعضهم قالي بلعكس الوطني احسن من الاصلي لانه ثلاث رصات ..
او يكون من طرمبه المويه.....
وللمعلوميه اني فكيت البلف وركبت حق كابرس 160ولا تغيرت ما ادري وش الحل اركب رديتر بذيك القيمه ولا ..

ودي الي عنده اي معلومات يفدنا الله يجزاكم خير

[abo naseer]

السلام عليكم
الله يطعمك من خيره ويكفيك شره
اخوي ركب بلف وكاله 190 واذاركبته علمني وش صار معك ؟

انتظرك الله يوفقك

[الباثفايندر3]

يا ابو عزوز ما عليك من كلام الناس ثلاث رصات والا ثلاثين رصه انا جربته على الباث الوطني ما ينفع وانا اخوك لان سلمك الله الوطني نحاس يحتر على طول ويرفع عليك الحراره ولايبرد بسهوله لاكن شد بلده الومنيوم بارد وشاور واستخير الله يكفيك زمهرير

[بدون لوحات]

ركب اديتر اصلى مع ملاحظة تغير الغطاء

[سيف السيف1]

السلام عليكم ورحمه الله وبركاته


السياره جيب شروكي 2001

الشروكي معروف بالحراره بس اني عالجتها بتركيب مراوح سوبارو وصارت الحراره تمام بس مع هالايام مع ارتفاع درجات الحراره تغيرت الحراره علي وبدى يحتر لدرجه ان مويه الرديتر وانا مادخلت بزحمه والجو توه ما جانا (طباخ التمر):confused: تفور وديته للصناعيه وسيخت الرديتر وما تغيرت والرديتر ثلاث رصات وطني والمفروض ان الحراره تكون اقل من كذا بكثير لاني مجرب الشروكي من قبل وكانت الحراره تمام

قالي بعض المهندسين ان المشكله عندك الرديتر غيره اصلي شد بلد لان الوطني ما يتحمل الحراره
وبعضهم قالي بلعكس الوطني احسن من الاصلي لانه ثلاث رصات ..
او يكون من طرمبه المويه.....
وللمعلوميه اني فكيت البلف وركبت حق كابرس 160ولا تغيرت ما ادري وش الحل اركب رديتر بذيك القيمه ولا ..

ودي الي عنده اي معلومات يفدنا الله يجزاكم خير
أعتقد ان كلام المهندس صحيح بالنسبة للرديترولا تنس طرمبة الماء..

[مـدحـدر]

يعني ممكن تكووووون الحراره من طرمبه الماااااااااااء ؟؟؟؟؟؟

[التسوله]

حياك الله
اخوي ابوعزوز
اليك الحل اللي ان شاء الله بتدعي لي اذا منت بايع السيارة قريب وموديها من 97 وفوق
1 - شيك على راس الماكينة وركب وجيه جديدة اصلية بعد ما تفكها.
2 - رديتر وكالة وغطاء الماء ركب ياباني.
3 - شيك على طربة الماء تراها مهمه بالشروكي بالذات.
4 - رجع مروحة الرديتر الاصلية الكبيرة وشيك على اتوماتكيك المروحة.
5 - بلف كابرس موديل 89 حرارة 60.
6 - فاصل لمروحة التبريد اذا ما شغلت المكيف.
7 - استعمل زيت موبيل رقم 1 الابيض الجديد.
وتوكل على الله
تحياتي لك

[سيل عرمرم]

أخي الكريم abo azooz


الشباب ماقصروا معك ، وهناك المزيد والمزيد من المشرف المبدع/ zaizoom فقد كتب عن هذا الموضوع بالتفصيل الممل ، وإليك الروابط:


الجزء1: الطرق المفيدة للتخلص من حرارة الشيروكي الفريدة! "مهم" (http://www.mekshat.com/vb/showthread.php?t=56320&page=1&pp=15)


الجزء2: طريقة واضحة السطوع للتخلص من حَـرّة الشيروكي المرفوع "مهم" (http://www.mekshat.com/vb/showthread.php?t=56781)




سيل عرمرم

[ك ه ك 777]

السلام عليكم ورحمة الله وبركاته

اخوي ابو عزوز ولا يهونون الموجودين ....
اول شي اتمنى انك تكون في الرياض لان الشوف ابلغ من الكلام لان ودي تسير او تدلني محلك واجيك اوريك وش انا مسوي في الشروكي اللي عندي لاكن لازم يكون الشروكي اللي عندك قير عادي لو كان تماتيك الحراره فيك فيك وغلط انك تركب مراوح كهرب والشروكي قير تماتيك لانها ماراح تفيدك بتضرك زياده
الطريقه اللي انا مسويها في الشروكي اللي عندي انا مخترعها من راسي ومنفذها عند ابو هنود والحمد لله كملة سنه دون مشاكل واللي عنده شروكي ومعذبته الحراره يجيني وانا اوريه وش انا مسوي

*معلومه.. الاديتر اللي انت مركبه مهوب ثلاث رصات(اذا ركبت ثلاث رصات ومراوح كهرب راح تحك المروحه في المكينه لان المسافه قصيره مرررره والله اعلم.

*ملاحظه الطريقه فيها تشويه بصيط داخل الكبوت لايكاذ يذكر ابدا

[مهراس]

حرارة اشيركي مشكله حتى في بلد المنشأ، ركب رديتر أصلي ألمونيوم في حدود 1300 ريال، تراه يخفف الحراره شوي، وهناك شركه أمريكيه تبيع طرمبات مويه معدله ( التعديل في شكل المروحه الللي تشفط الماء) لجميع السيارات وتخفف الحراره أيضا اسم الشركه ( Flowkool) ابحث عن موقعها وشوف اذا تجوز لك، والله الموفق

[abo lafi]

السلام عيكم
اسف على التأخير
انا مجرب المراوح على التماتيك ومن احلى مايكون بس هذا مادري وش فيه سويت كل المطلوب( الله يكون في العون )
abo naseer
الباثفايندر3
بدون لوحات
ابو فارس
ابخص
التسوله
سيل عرمرم
ك ه ك 777
مهراس
مشكورين عل المرور
الله يجزاكم خير