فرارات الباترول ،، أفيدوني !!! [الأرشيف]

مشاهدة النسخة كاملة : فرارات الباترول ،، أفيدوني !!!

عاشق السيل

03/05/2007, 02:52 PM

بسم الله الرحمن الرحيم
السلام عليكم ورحمة الله وبركاته

معي باترول سوبر سفاري 98 ومركب له فرارات أول ماشريته
الفوائد :good: :
تريح العكوس
تريح الدفرنس الأمامي
تطول من عمر الصوفة للدفرنس
تخفف وزن السيارة خاصة على الخطوط
تقلل من إستهلاك البنزين
طبعا كل هذا بنسب ضئيلة جدا

السلبيات :mad: :
كثرة نزولك من السيارة علشان تشبيك الفرارات وفصلها
إذا غرزت يصعب النزول في الأحوال التالية :no2: :
مطر شديد ، برد شديد ، عجاج شديد ، أرض طينية ، أرض منحدرة بشدة
أرض مليانة نمل أو قعر ( صارت لواحد من الشباب وتبهذل :j )

الزبدة : أنا ناوي بإذن الله أشتري سوبر سفاري جديد :D
سؤالي : أركّب فرارات وإلاّ ما أركّب ؟؟!!

تكفون ياراعين البر يالنشاما جاوبوني ،،،،

سعد777

03/05/2007, 03:05 PM

من رأيي انا لا تركب له الا بعد مرور سنتين او 3 سنوات من الشراء لأنه في ها الحاله معك جديد وبيدك الموتر وبعدها اذ حسيت تغيير في السياره يعني رجه اوتهريب او ثقل او غيره ركب وعلى راحتك مع ان النيسان ياولد بدون فرارات شي

بواسامه

03/05/2007, 03:11 PM

لا تركب
ما دام الموتر جديد والمكينه فتك

عاشق السيل

03/05/2007, 06:08 PM

أخوي سعد 999
أخوي بوأسامه ،،

بيض الله وجيهكم على مروركم ونصيحتكم ...

عاشـقhttp://www.mekshat.com/pix/upload/sign/images/mk49539.gifالسيل

مساعد99

04/05/2007, 02:44 AM

السلبيات :mad: :
كثرة نزولك من السيارة علشان تشبيك الفرارات وفصلها
إذا غرزت يصعب النزول في الأحوال التالية :no2: :
مطر شديد ، برد شديد ، عجاج شديد ، أرض طينية ، أرض منحدرة بشدة
أرض مليانة نمل أو قعر ( صارت لواحد من الشباب وتبهذل :j )
--------------------------------------------
يكفيك هذه السلبيات يااخوي خل الموتر على شد بلاده أحسن له .

وانا كان عندي باترول ومركب فرارات ولا لاحظت أي تغيير

أثناء السير . ولا في البنزين . لكن والله غثاء انزل وإركب فقط !!!

والسلام

عاشق السيل

04/05/2007, 01:16 PM

مساعد99 ،،

بيض الله وجهك والله إنك صادق ،،

شاكر مرورك ...

عاشـقhttp://www.mekshat.com/pix/upload/sign/images/mk49539.gifالسيل

مطر سهيل

04/05/2007, 08:24 PM

انا ارى ان تركيب الفرارات يدمر عليك الهزاز واسأل
من واقع خبره انا معي سوبر 99

qw77

04/05/2007, 11:34 PM

اخوي عاشق السيل
من الافضل انك ما تركيب الفرارات على السيارة الجديدة لانها تركب غالبا في حالة وجود رجه في السيارة بسبب عمود الدبل او عيوب اخرى اما الجديد فلا يحتاج هذا رايي وفقك الله

سفاري نجد

05/05/2007, 09:19 AM

عاشق السيل ///

مبروك مقدماً ،،،

ارجوا الانتباه وانا اخوك للملاحظات التاليه :
1- تركيب الفرارات للسيارات الجديده يلغي الضمان .
2- الفرارات مثل ماذكرت من سلبيات اضف عليها لازم تشبك بالشهر مره .

كان عندي صيانه لسيارتي السفاري ودخلت لورشة الخدمه السريعه الحمراني وسألت الفني وقلت يجي فرارات شد بلد قال لا ولا أنصحك فيها ومشكلتها الكبيره يبغى لها متابعه اول باول وكان عندهم جيب الدفرنس الامامي مفكك وسألت الفني قال مركب صاحب الجيب فرارات وجيمت ما عاد تشبك ؟! ويبغى يلغيها ...!!!

وسألت عن الفرارات الاتوماتيك ما تجي على السفاري ...

عاشق السيل

05/05/2007, 06:27 PM

أخواني : سحابة سهيل ، qw77 ، سفاري نجد ،،،

بيض الله وجيهكم على نصايحكم وشاكر مروركم ..

عاشـقhttp://www.mekshat.com/pix/upload/sign/images/mk49539.gifالسيل

إلياس المطلق

12/11/2007, 07:41 AM

معــلومات رائـعة ,,
شـــــــــــكـــــــــــــرآ للجميع ,,

shaheenshah

12/11/2007, 08:12 AM

السلام عليكم
انا اختلف مع اخواني اللي قالوا لا تركب فرارات وانها ما تفرق على الموتر
وتركيبها وفكها ما يحتاج له فك دفرنس ولاغيره ومن أسهل ما يكون وما ياخذ معك ولا نص ساعه وفيه سيارات تجي فرارات شد بلد وهذي تعتبر ميزه فيها لانك لو طلبتها لازم تفرق في السعر.

انا معي باترول ومركب عليه فرارات وحسيت بالفرق وأنا أنصحك انك تركب فرارات وبخاصه اذا كنت منت راعي بر على طول ليش؟ لانك نادراً ما تحتاج الدبل وبالتالي تفصل الدبل وتريح الموتر وتوفر في البنزين يخف الضجيج حتى لو ما لاحظت لانه أي احتكاك لابد ان ينتج عنه مقاومه

اما السلبيات الوحيده اللي أشوف انها في الفرارات انك ممكن تغرز ويتعلق الموتر وانت مشغل الدبل وتتوهق وبالاخير تكتشف انك ما شبكت الفرارات وقد حصلت لي مرة ولكن الله ستر.

وبعدين من ناحية البرد والمطر والعجاج والطين والانحدار ياخي اذا بغيت تطلع للبر اول ما توصل البر اشبك الفرارات وخلها شغاله لين تخلص من برك ومهوب لازم تشبك وتفصل لانها ما تأثر على الموتر لو شبكتها على طول
تحياتي

عاشق السيل

12/11/2007, 04:51 PM

إلياس المطلق : الشكر لك يالغالي على مرورك الكريم ،،،

شاهين شاه : والله إني أميل لكلامك من ناحية فوائد الفرارات لأني حسيت بالفرق وخاصة ترييح الدفرنس الأمامي من الدوران بلا فائدة !!

ومن ناحية الظروف الجوية الصعبة هذي تصير غصب عليك لأنك تكون متكاسل في شبك الفرارات وتقول إن شاء الله ما أحتاجها وبعدين تغرز ويصير اللي يصير !!!

بيض الله وجهك يالغالي على النصائح الرائعة ولك مني خالص الشكر والتقدير على مرورك العطر ....

.

المميـز

13/11/2007, 02:02 AM

اخوي عاشق السيل .... عسى الله يجيب السيل

من ناحية الفرار أشكرك على الايجابيات اللي قلتها وشجعتني إني اركبها وبأسرع وقت

وانا منزل موضوع بقسم الطلبات ( مطلــوب مــروحــة قراندشروكي & فــرار ( تحضيره للدبل ) للباترول )

على الرابط
http://www.mekshat.com/vb/showthread.php?t=112117

وكنت خايف من الفرار ,, لكن مثل ماقلت لك شجعتني عليه انت

وبالنسبه للسلبيات
مثل ماتفضلت وقلت إنك تنزل من السياره على شان تشغلها !!!

انا لقيت في تشاليح القصيم فرار يجي خاص للباترول ( يجي شد بلد مع الباترول الاستخدام الياباني )

ولكن السعودي مايجي فيه فرار ( لو ركبوه وريحونا )

ومن مميزات فرار الشد بلد حق الباترول الياباني ( تماتيك ) يشبك مع تعشيقت الدبل
مايحتاج تنزل من السياره

ويجي نوعين ( نوع معروف عند التشاليح بإسم (ملطوس ) وميزته ان الطاسه حقت الجنط تركب عادي

والنوع الثاني يكون بارز شوي ولا تقدر تركب الطاسه

انا ادور الملطوس اذا لقيته علمني تكفى

واااسف على الاطاله ,,,

عاشق السيل

13/11/2007, 05:53 AM

أخوي المميز : أنا معي سوبر سفاري 98 ومركب فرارات برازيلية وبصراحة عملية جدا مع إني اضطريت أسوي فتحة بطاسة الجنط لأنها بارزة شوي إن شاء الله أنزلك صورة علشان تشوف شكلها ،،

أما الفرارات اللي تقول تماتيك فهذي عز الطلب والله !!
يعني تستفيد من الإيجابيات وتمسح كل السلبيات ،، لكن وينها ؟؟؟!!!

بيض الله وجهك يالغالي وياليتك تطول أكثر واللي مثلك يستفيد منه الجميع وعساها بموازين حسناتك ..

.

الهجاني

13/11/2007, 07:03 AM

خلة على شد بلاده افضل

محسن اليامي

13/11/2007, 10:06 AM

شكرا لك أخوي عاشق السيل طرحك للموضوع
ونا صراحة مفكر أركبها من زمان
لكن متردد في تركيبها أخاف تلعب في السياره
وموتري سوبر سفاري2003
وان طلعاتي للبر خفيفه وش رايك ياعاشق السيل ولا يهونون الربع هل يستاهل تركيبها

عاشق السيل

13/11/2007, 04:20 PM

أخوي المميز هذي صور الفرارات اللي مركبها وشف كيف مسوي بالطاسة علشان تركب تمام :

http://www.moq3.com/img/up112007/J3159938.jpg (http://www.moq3.com/img/)
http://www.moq3.com/img/up112007/h2z60022.jpg (http://www.moq3.com/img/)

ولك مني أحلى تحية ،،،،،

.

عاشق السيل

13/11/2007, 04:25 PM

أخوي ساحل الشرق : والله نصيحتك على العين والراس بس ودنا باللي يريح الموتر ،، وشاكر لك مرورك يالغالي ،،

أخوي محسن اليامي : لاهنت يالغالي ،، والشكر لك أنت على مرورك الكريم ،، ومن ناحية إنك قليل الطلعات للبر يعني الفرارات مهمة لك أكثر من غيرك ،، ومسألة تلعب بالموتر أبداً وعلى مسؤوليتي تراها ماتضر الموتر بالعكس تريح وتفيد وارجع لبداية التقرير علشان تعرف إيجابياتها ،، وبيض الله وجهك وبالتوفيق ...

.

المميـز

13/11/2007, 10:39 PM

الله لا يهينك اخوي عاشق السيل

وبيض الله وجهك على الصور

ومشاء الله عليك قاص الطاسه بشكل حلوو والفرار مهب باين

وانا ان شاء الله الاربعاء ابمشي للرياض وابشوف الفرار اللي قلت لك عليه التماتيك

وعلى فكره التماتيك هذا مثل ماقلت لك يجي على الاستخدام الياباني باترول

ويجي بالآيسوزو الحوض والباجيرو والجمس السوبر بان شد بلد

والباترول الله يهديهم ماحطوا عليه وريحونا

وراح اعلمك ان شاء الله وش يصير معي بالرياض بس دعواتك لي ...

عاشق السيل

14/11/2007, 03:12 PM

أخوي المميز : ولايهينك ووجهك أبيض يالغالي ،،

وأنا بنتظارك على أحر من الجمر وإن شاء الله تروح وتجي بالسلامة ،، وعسى ربي يوفقك دنيا وآخرة ...

.

إلياس المطلق

14/11/2007, 08:46 PM

مزن الوسم

15/11/2007, 01:29 AM

طيب يا نشامى اللي كل أربعاء وجمعة يسافر على الباترول ..... يصلح يركب فرارات ...
علماً أن الموتر بعد ما أتعدى سرعة 140 كم ... أسمع صوت ضجيج .... ورجه خفيفه جداً بالموتر ....
مع التركيب تروح هالمشاكل ...........

عاشق السيل

15/11/2007, 07:46 AM

إلياس المطلق : شاكر مرورك وتعليقك ،،

مزن الوسم : من إيجابيات الفرارات إنا تشيل الرجة والإزعاج الصادر من الدفرنس الأمامي خاصة إذا صار قديم وفيه مشاكل ،، وأنا قبل 8 سنوات تقريبا كان عندي باترول 84 وفيه فرارات وإذا شبكتها مستحيل أتجاوز سرعة 100 بسبب الرجة والإزعاج أما إذا فصلتها اقدر أمشي 160 بالراحة !!!
أما وضعك إذا كانت تمشي خطوط بكثرة فضروري جدا تركب فرارات وتبي تشوف فرق شاسع وخاصة بصرفية البنزين وخفة السيارة ،، والله يوفقك يالغالي .....

.

Under_net

15/11/2007, 08:44 AM

السلام عليكم ..

عندي استفسار بسيط .. هل الفرارات هي فكرة زر الدف لوك بالسوبر سفاري .. ولا تختلف عنها

وإذا كان الجواب نعم ، يعني المشي لفترات طويلة على الدف لوك أفضل للسيارة من تشغيل الدبل الخفيف بالبر ؟

ومنكم نستفيد

turkiq

15/11/2007, 09:37 AM

اسمح لي ارد عليك اخوي .... والربع ما يهونون

الدفرنشال لوك مختلف تماما عن فكرة الفرارات

اولا الفرارات ما تركب الا قدام والدفرمشال لوك يركب عادتا وراء هذا من ناحية المكان

ثانيا الفرارات الهدف منها مثل ما ذكروا الاخوان اراحة وايقاف دوران العكوس الامامية وتوابعها عند عدم الحاجة لوضعية الدفع الرباعي يعني زي داخل المدينة وعلى الخطوط السريعة ... وبشرح ابسط تبقى فقط الكفرات الامامية (لحالها) هي المتحركة بينما جميع الاجزاء الداخلية ذات الصلة واقفة مرتاحة

وهذا من شأنه اطالة عمر المحور الامامي ككل وايضا بعض التوفير في الوقود وبعض الهدوء

وعند الحاجة لوضعية الدفع الرباعي فأنه لابد من تعشيق الفرار (وبالمناسبة اسمه بالانجليزي FREE WHILEING HUB ) والا فأنك ستقود سيارة دفع خلفي فقط دون ان تدري .. وهو ما سيوقعك في ورطة ان لم تتنبه لذلك مبكرا ..... واحد من الاخوان اللي ردوا اشار لهذا وذكر انها صارت له :D

ننتقل الان للدفرنشال لوك .. وقبل ما نشرحة لازم نعرف ان فيه في الدفرنس الخلفي مجموعة تروس صغيرة مركبة في كل سيارة وظيفتها اشبه ما تكون بفصل العكس اليمين عن اليسار عند الحاجة ..!! كيف يعني عند الحاجة ؟؟ يعني لمن السيارة تدخل منعطف لنفترض مثلا لجهة اليسار .. الكفر اليسار لازم يلف لفات اقل من اليمين والا فأن السيارة ستزحف جانبيا وسيشكل ذلك اجهادا على العمود (العكس).

طيب .. مرت الايام ولاحظوا ان سيارات الدفع الرباعي في البر تقع احيانا في مواقف تكون فيها عاجزة تماما
حتى مع تشغيل الدبل .... فكروا وبحثوا..... فين وجدوا المشكلة ؟؟ وجدوها في الاختراع اللي اخترعوه اول
وهو مجموعة التروس الصغيرة المذكورة اعلاه :confused: كيففففففف ؟؟

الوضعيات اللي تقف فيها سيارة الدفع الرباعي عاجزة هي وضعيات في العادة يكون احد الكفرات الامامية معلق وكذلك احد الكفرات الخلفية معلق في الهواء عندها تعمل التروس الصغيرة عملها وتظن ان السيارة داخلة لفة او منعطف فتفصل العكس اليمين عن اليسار (ليس فصلا بالمعنى الحقيقي ولكن لتسهيل الشرح) عندها يبقى الكفر المعلق في الهواء في حالة دوران بينما الكفر الملتصق بالارض واقف زي الاطرش في الزفة لا يهش ولا ينش
وبذلك تبقى السيارة (وصاحبها طبعا ) في موقف لا تحسد عليه.

طيب والحل ؟؟؟؟ الحل ببساطة هو ايقاف عمل هذه التروس مؤقتا وذلك بجعل العكس اليمين واليسار كقطعة واحدة ...... عندها فقط فكروا وفكروا فتم اختراع ما يسمى بالدفرنشال لوك وبالعربية قفل التروس التفاضلية

والحقيقة ان وقوع سيارة الدفع الرباعي في اوضاع محرجة كهذه ليس بالامر المعتاد ولكنها ان حصلت ورطة حقيقة وتجربة مريرة سبق وان مررت بها ... وعلى جميع الاحوال وجود قفل التروس التفاضلية ميزة رائعة في سيارة الدفع الرباعي لمن يقضي اوقات طويلة في البر.

وعليه واجابة على سؤالك :
فأن من الخطاء الكبير تشغيل الدفرنشال لوك عند السير في الطرقات المعبدة لانه كما ذكرنا يعطل عمل التروس الصغيرة واللتي كل سيارة في حاجة ماسة لخدماتها .اضافة الي ان ذلك سيشكل عبئا على وحدة النقل النهائي او مجموعة الدفرنس كما تسمى.

اتمنى ان الشرح واضح للجميع
واتمنى اني جاوبت على سؤالك
واتمنى للجميع الفائدة

وشكرا
اخوكم تركي

Under_net

15/11/2007, 10:05 AM

turkiq

15/11/2007, 10:18 AM

الأخ الفاضل turkiq (http://www.mekshat.com/vb/member.php?u=21927) بيض الله وجهك وغفر الله لك على هذا الاسهاب بالتوضيح ، فهمت .. :D واستوعبت .. صحح لي إذا كنت غلطان :

يعني تخلي الكفرات الأمامية حرة تدور ومالها علاقة بدفرنش وغيره .. سواء مشبوك دبل أو مش مشبوك .. الكفرات تلعب بها الرياح فلا ضغط عليها ولارقيب .. تخفيف على السيارة واراحة الدفرنش و توفير للبنزين

بالظبط 100 %

وعن سؤالك الاول ان الدف لوك ممكن يكون يحل محل الدبل الخفيف
اقول لا ابدا :no2: الدبل هو سلاحك الاول في البر
والدف لوك هو سلاح احتياطي قد تحتاجه في مواقف معينة
والفرارت تجهيز اضافي يريح الدفرنس الامامي ولا يضيف شيئا لقدرات السيارة في البر

turkiq

15/11/2007, 10:23 AM

اسمح لي اضيف نقطة ...

في استخدام الفرارات اليدوية واذا كانت مفصولة تظل العكوس الامامية حرة الي ان تشبك بيدك
اما الفرارت الاوتوماتيكية تضل حرة عند عدم تشغيل الدبل وتشبك عند تشغيل الدبل (جمعت جميع المزايا)

info

15/11/2007, 04:11 PM

ماهي الفرارت ياشباب؟؟؟؟؟

turkiq

15/11/2007, 07:04 PM

ما يسير يابو الشباب .... كل هذا الشرح وتقول وش هي الفرارات .... :eek:

انا كذا اعتزل المنتدى :D

ابوقاسم

15/11/2007, 10:31 PM

ما عليك اخوي تركي
ترى الرجال يمزح معاك
بس دلونا على اللي يبيع الفرارات التماتيك وهل تركب على الباث
وتحياتي لمن اثار الموضوع

رجل كريم

16/11/2007, 08:57 AM

وعليكم السلام ورحمة الله وبركاته:

لاتركب وخل الموتر مثل ماهو شد بلد .. وانت بنفسك جربت ودفعت من دراهمك ولا حصلت اللي تتوقعه .. وبعدين لوكان له فوائد مجدية كان حطها المصنع من اول .. وخل العكوس والصوف كلها تشتغل ماعليها خلاف اصلا ماصنعوها عشان تريحها هذي 4x4 مصممة للكرف والمشقة ..

تقبل تحياتي ..

عاشق السيل

16/11/2007, 09:01 AM

شكر خاص جدا للأخ تركي ،،

بيض الله وجهك يالغالي وجعلها في موازين حسناتك ،، والله كفيت ووفيت وماقصرت بشي واللي أعجبني أكثر أسلوبك اللبق والرائع ،،،،،

ومثلك وشرواك يبتهج لهم القلب وتسعد برؤيتهم العين لما يقدموه من فوائد ومعلومات للأحبة في هذا المنتدى الغالي ،،

وهذا المبتغى ومانطمح إليه في المناقشات داخل أي موضوع ،،،،

وعن جميع الخوان لك مني خالص الشكر والتقدير ...

.

عاشق السيل

16/11/2007, 09:04 AM

أخوي under_net : شاكر لك مرورك واستفساراتك اللي أفادت الجميع والحمد لله إن أخوي تركي رد عليك قبلي وإلاّ كان من وين اجيب هالمعلومات القيمة ؟؟؟!!!!!

.

عاشق السيل

16/11/2007, 09:06 AM

الغالي infu : أرجو منك قراءة الموضوع من بدايته حتى النهاية وأنا متأكد إنك تبي تعرف الفرارات وخاصة إنه فيه صور !!!!

ولك الشكر على المرورك الكريم ....

.

عاشق السيل

16/11/2007, 09:11 AM

أخوي أبوقاسم : شاكر مرورك وتعليقك يالغالي ...

أخوي داكار : ( لولا اختلاف الآراء لبارت السلع ) وصدقني أنا شاب راسي من كثر اللي قالوا ركب فرارات ومن كثر اللي قالوا لاتركب !!! ولازلت محتار والسبب إني أعرف فوائدها وعن تجارب في اكثر من سيارة ،،، لكن السؤال عن تركيبها في السيارة الجديدة لو شريتها بإذن الله !!!
مرورك أسعدني وشرفني يالغالي ورايك في محل إهتمامي وتقديري والظاهر إنه هو الحل النهائي .....

.

رجل كريم

16/11/2007, 09:17 AM

مرورك أسعدني وشرفني يالغالي ورايك في محل إهتمامي وتقديري والظاهر إنه هو الحل النهائي .....

.

الله يسعد ايامك .. شكلك اندوش راسك ..:D

طيب اخوي صل الاستخارة واللي يكتبه ربك هو اللي بيصير .. واسأل الله ان يبارك لك في الموتر الجديد ويجعله مركب الهنا .. آمين ..

تحياتي ..

عاشق السيل

16/11/2007, 11:27 AM

اخوي داكار ،،

الله يجزاك عني ألف خير ويبارك بعمرك ،، بس الموتر مابعد جاء وإن شاء الله قريباً لكن من جد الموضوع مشغل بالي لأني حريص على السيارة والمحافظة عليها بأفضل الطرق ،، وأكرر شكري لك على مرورك ونصايحك الغالية يالغالي ....

.

Under_net

17/11/2007, 01:59 AM

بالظبط 100 %

وعن سؤالك الاول ان الدف لوك ممكن يكون يحل محل الدبل الخفيف
اقول لا ابدا :no2: الدبل هو سلاحك الاول في البر
والدف لوك هو سلاح احتياطي قد تحتاجه في مواقف معينة
والفرارت تجهيز اضافي يريح الدفرنس الامامي ولا يضيف شيئا لقدرات السيارة في البر

اسمح لي اضيف نقطة ...

في استخدام الفرارات اليدوية واذا كانت مفصولة تظل العكوس الامامية حرة الي ان تشبك بيدك
اما الفرارت الاوتوماتيكية تضل حرة عند عدم تشغيل الدبل وتشبك عند تشغيل الدبل (جمعت جميع المزايا)

أشكر اهتمامك .. حقيقة استفدنا من معلوماتك ياسعادة الخبير :rolleyes:

Under_net

17/11/2007, 02:00 AM

أخوي under_net : شاكر لك مرورك واستفساراتك اللي أفادت الجميع والحمد لله إن أخوي تركي رد عليك قبلي وإلاّ كان من وين اجيب هالمعلومات القيمة ؟؟؟!!!!!

.

العفو :good:

عاشق السيل

17/11/2007, 04:54 PM

العفو :good:

الله يحييك يالغالي ونبي المزيد اللي يفيد ،،،،،

.

system

17/11/2007, 05:12 PM

انا بأعتقادي ان الفرارات مفيده مثل ماذكروا الاخوان....

لكن اللي مايعرفه البعض انها تلغي ضمان السياره وانا اتكلم عن البترول بالتحديد.

المميـز

17/11/2007, 10:57 PM

اخوي عاشق السيل

رحت للرياض ولفيتها كلها بس للأسف الشديد مالقيت الفرار التماتيك !!!!!!

كل اللي لقيت عااادي ( اللي لازم تنزل من الموتر على شان تفره )

وقيمته 500 ريال عند السليماني

حتى السليماني يمدح الفرار التماتيك ولكن مابعد نزله وحاولت معهم يطلبونه لي ولكن ( ماحولك احد )

ورحت التشاليح والصناعيه ولا لقيته

والكثير من الميكانيكين والفاهمين بالميكانيكا يمدحون هذي النوعيه ولكن الحصول عليها صعب

ما اقول الا الله يصبرنا ويرزقنا

جاري البحث .....

عاشق السيل

18/11/2007, 10:36 AM

أخوي الغالي المميز ،،،،

بيض الله وجهك على المجهود البارز وعساه في موازين حسناتك وبصراحة ماودنا لك بالتعب إلا إذا كنت ناوي وبشدة إنك تغير الفرارات من العادي للتماتيك فأقول الله يعينك ويسدد خطاك ويبلغك مبتغاك ،،،

ولك مني خالص الدعوات بالتوفيق يالغالي ....

.