شلون تحدق تفضل وشارك

[جرناس]

حبيت استفسر منكم اخواني اذا طلعتم للحداق
تروحون بحر يعني بطراد
ولا على السيف (على البر)
وشنو تستعملون في الحداق صناره ولا خيط
وسلامتكم........:)

[رحال]

مساك الله بالخير اخوي (( جرناس )) وحياك الله يالغالي

بالنسبة لسؤالك اخوي العزيز :

الذهاب بطراد او الجلوس على السيف يحدده البحر : بعض البحور لاتجد اي سمكة وانت على السيف فتضطر الذهاب بالطراد للعمق , وبعض البحور تصيد وانت على السيف ولاداعي للذهاب بالطراد .

والبعض يأخذ المسألة كهواية :

البعض يحب الذهاب بالطراد للصيد وحتى وإن كان الصيد على السيف , وبعض الحداقين لايحب الطراد نهائياً .

الحداق بالخيط او السناره ( العصا ) يحدده نفس الحَدّاق :

بعض الحداقين يحب الخيط ولا يستغني عنه ابداً وخصوصاً (( الشياب )) لو تعطيه سناره مايعرف يصيد بها
والبعض الاخر يحب السناره والاغلبية هم الشباب :)

وتقبل تحياتي
اخوووووووك
بوخليـــفــــــه

[قتال]

السلام عليكم ورحمة الله وبركاته ،،،

أثري أنا شايب يا خوي > رحاااااال< .. وأنا مدري .. :D :D

أخوي جرناس .. الله يعطيك العافية على الموضوع الحلو ..

[جرناس]

مشكور اخوي رحال على التفاعل
بس انا اقصد ان في بعض الناس ما يقدرون يدشون بحر يدوخون(دوار البحر) مثلي
وبنسبه للصناره نفس الشي تلقاهم شباب بس ما يعرفون يقطون لا خيط ولا صناره( ثولان ):D




الله يعافيك اخوي قتال ومشكور على المشاركه

:)

وارجو التفاعل من الاخوان الباقين

[القماري]

بصراحة موضوع الحداق حلو مره
بالنسبة لي الحداق بالطراد أحلى من الحداق على السيف (فيه تفرد أكثر) والحداق بالخيط يبين مقدار خبرتك في البحر (خصوصا بحرنا) ومقدار تمسكك بالماضي ، والحداق بالسنارة شكله مستورد وماحبه
بس الحداق شغله تملل أحيانا (خاصة إذا كان الصيد مو ذاك الزود) ومكلف (العادة أستخدم ربيان أو خثاق كطعم) والصيد حقي ما تعدى ليومك 1 كيلو بس :D
http://www.airticket.com.hk/Philipin_Images/fish_catch.jpg

[راعي النحل]

مشكور يا جرناس على الموضوع
رحت مره للمشرحات -السفانيه - كنا نصيد بالخيط
لكن واحد من الشباب معه صناره .... صراحة انها متعه
تعلمنا منه عليها ... لكن تركناها ورجعنا للخيط ...
والسبب سهولة استخدام الخيط والمتعة والتعود..
اعتقد ان كل وقت ومكان له ما يناسبه ... الطراد يختلف
عن صيد السيف ...وهكذا ..المهم لا ترجع يد وراء ويد قدام ..
والا مر على اهل البسطات ...

[جرناس]

مشكور اخوي راعي النحل والمشرحات ممنوعه الحين


اخوي رحال لاتكون زعلت تراني اتغشمر:)

[رحال]

مساكم الله بالخير

هلا وغلا اخوي العزيز (( جرناس )) وحياك الله

تقول انا زعلت الله يسامحك اجل للحين ماعرفت بوخليفة مين يقدر يزعل منك ياجرناس كل مافي الامر ان مشاركتي في موضوعك وبعض المشاركات تم إلغائها بسبب مشكله في المنتدى وإن شاء الله يتم حل هذه المشكله في اسرع وقت ممكن .

اخر سؤال منك يقول لا يكون انت اللي منهم ؟؟

لاتخاف اخووك ذيب يفهم في البحر ويعرف للخيط والسناره وللمد والاشباك واللفح ومسدس البحر .

وتقبل تحياتي
بوخليفــــــــه

[صقر الرويس]

والله الصيد باليد اكيد اجمل لانك تحس بدق السمك في ايدك مو في العصا

[سامي العنزي]

احلى صيد واللي يعطيك متعة السحب الجلب فوق الشعب

او على البر تحس بالمتعه .
تسلم اخوي جرناس على الموضوع .

[الغواص222]

الله يسامحك ياجرناس "ثولان"مرة وحدة الله يسامحك
ثم الله يسامحك

[السنام]

يعطيك العافيه

[spearo]

والله ياشباب الصيد بالخيط ممتع الف مرة اكثر من العصا بالنسبة لي

[الهجري]

أعشق السيف
و أفضل الغزل