يا اخوان فكرت في الربع نيسان ( سلقة ) ابي شوركم

[مكيشيت]

بسم الله الرحمن الرحيم

منذ مدة طويلة وانا افكر في اقتناء سيارة جيب ولكن يقف حاجز ( السعر ) والمبالغة فيه امامي

يعني ليس من المعقول ان اشتري سيارة بقيمة 200 الف ريال ولو قدر ان وجد معي هذا المبلغ شريت به منزل

وحاليا افكر في سيارة على قد حالي وطبعا ستكون بالتقسيط او بالتأجير المنتهي بالتمليك

سألت عن الكثير من السيارات مثل الباثفندر او البرادو ومن على شاكلتها وجدت ايضا المبالغة

يعني البرادو مثلا قيمته 125000 مع الاقساط يأخذون زيادة حول 58000 ريال ( ول عليهم )

والباث 114000 مع الاقساط تطلع الزيادة 53000 ريال ( اهب عليهم )

خطر في بالي الربع ( السلقة ) وقلت ياولد يمكن يكون هو

ولكن !!!!!!!!!!!!!!!!!!!!!!!!!!!!!!!!1

انا ماقد سقت هالموتر ولا اعرف وش مزاياه اولا مواصفاته او فئاته

او عن سواقته داخل المدينة هل هو خفيف او يكسر الظهر

او في الخط هل هو مريح

او .....او.....او......

اسئلة كثيرة لاني بصراحة متعود على سواقة الماكسيما ولا ارضى ان اتنازل عن الرفاهية التي كنت فيها :D

ممكن شوركم يا اخوان من ناحية هالسيارة وسعرها ومواصفاتها وهل تنصحون بها

[باترول للأبد]

صراحة ونعم الأختيار ... والباترول الربع صراحة موتر ماعلية كلام من نكل النواحي وبالأخص قوة شكل راحة مواصفات رزة سعر ..

وبالنسبة للسواقة لوتسوقة مرة ودك تسوقة كل مرة

ومواصفاتة سلق اكيد كل شي فية عادي بس داخليتة رهيبة مرة ونوعيتة S

وفي سلق بس نوافذ تماتيك وأنتل تماتيك وتكاية بين الأسيات ونوعيتة Gl

وبالتوفيق أن شاء الله ... وعليك الأختيار

[مكيشيت]

الله يجزاك خير على الرد

هل عندك خلفية عن الاسعار

[هدد نجد]

السياحي الي هو ((s))

سعره 75 الف

و الفل الي هو ((سفاري ))

قيمته 100 الف ريال

[مكيشيت]

طيب يا اخوان من ناحية مواصفات السيارة االي عندة خلفية كاملة عن الموصفات يسعفنا بها مشكورا

وهل الs يجي ابواب ونوافذ كهرب والا لا

[هدد نجد]

الs

يجي سياااااحي جدا

قير عادي
قزاز عادي
بدون قفل مركزي

[مكيشيت]

بصراحة اصبت بخيبة امل

السياحي ماينفع

الفل بـ100 الف!!!!!!!!!!!!!!!!!

احسن لي ازيد عليه 6000 ريال واخذ باث احسن لي

صراحة اسعار السيارات نار وعلى غير سنع

[ابن بدران]

السلام عليكم
وش يحدك على الايجار المنتهي بالتمليك وانا اخوك
اذكر فيه فتوى لاكثر من شيخ (بالتحريم )
اذا ملزم على الدين عليك بالبنوك الاسلامية
زي بنك الاستثمار أو الأهلي او غيرهم
خذ سيارة بقيمة 70 ألف أو 80 الف وبعها
وبقيمتها تاخذ لك باترول بمواصفات زي الناس من 2002 وفوق ونظيف بعد
زيادة البنوك معقولة والقسط الشهري مناسب
الله يرزقك اللي يطيب خاطرك ويغنيك من فضله

[مـدحـدر]

بالنسبه لي لو احصل قير تماتيك من فئه s

اشتريه ولا اشاور

اذا انت عزوبي ممتاز جداً

لا تنسى الاستخاره

والله يوفقك

[مكيشيت]

السلام عليكم
وش يحدك على الايجار المنتهي بالتمليك وانا اخوك
اذكر فيه فتوى لاكثر من شيخ (بالتحريم )
اذا ملزم على الدين عليك بالبنوك الاسلامية
زي بنك الاستثمار أو الأهلي او غيرهم
خذ سيارة بقيمة 70 ألف أو 80 الف وبعها
وبقيمتها تاخذ لك باترول بمواصفات زي الناس من 2002 وفوق ونظيف بعد
زيادة البنوك معقولة والقسط الشهري مناسب
الله يرزقك اللي يطيب خاطرك ويغنيك من فضله

وعليكم السلام ورحمة الله وبركاته

لا يا اخي العزيز الله لا يحدنا على الحرام

انا ساخذ من برنامج البنك الاهلي وهو تأجير منتهي بالتمليك مجاز شرعا

حيث يكون العقد بينك وبينهم عقد واحد وليس عقدين كما في باقي الشركات وهو المحرم

من ناحية التقسيط من البنوك آآآآآآآآآآآآآآآآآآآآآآه بالله قلي منهو من الشعب اللي ما اقترض من البنك

اخوك عليه قرض باقي له 8 سنوات من الراجحي ولولا ذلك كان سويت هذي الطريقة

[أبو علي 444]

إذا كنت ماتتنازل عن الراحة

فغير السدان لاتدور

لان الجيب مابه راحه

لكن هناك سيارات الامريكيه بالدفع الرباعي احسن لك

مثل اليوكون وانفوي وتريل بليزر وتاهو و.......

[ابـ معزي ـو]

ما ازود على الربع

كفو ووفو

(( خذا وتوكل على الله ))

تحياتي لك

[الغوااااص]

سلام عليكم من رأي اذا ملزم على ربع سلق افضل انك تاخذ الزجاج كهرباء والقفل مركزي ترى هالامور تعيفك السيارة حتى لو هي مريحة والباترول من افضل الجيوب بالراحة والله يوفقك ،،،

[الدبل الثقيل]

يرفع للفائدة..

[الدحبول]

انصح باليوكن أو التاهو
1) سيارة عملية
2) قطع غيار سعرها معقولة
3) قطع غيار متوفره في كل مكان وبوفره
4) إستخدام البنزين 91 الاخضر ( النوع الرخيص ) سعة التانكي 98 لتر ضرب 0.45 = 42 ريال فل
5) إقتصادي
++++++++++++++++++++++++++++++++++++++++++++
إنصحك ب 2003 وفوق لان المراية فيها إشارة إلاتفات والذي به إزرار بالدركسون (الطارة )
كمبيوتر الرحلات
كمبيوتر إكتشاف الاعطال

@@@@@@@@@@@@@@@@@@@@@@@@@@@2
إليك بعض الروابط ( إنصحك بزيارة ):
http://www.mekshat.com/vb/showthread.php?t=65198
لاخ قطعة 10
$$$$$$$$$$$$$$$$$$$$$$$$$$$$$$$$$$$$$$$$$$$$$$$
http://82.96.75.104/sahat?14@175.vOSpbqtkzI1.1@.3ba974e8
لاخ فاتنوم
@@@@@@@@@@@@@@@@@@@@@@@@@
اليوكن و بصفة عامة الامريكي يطيح سعره (يلي بيطلع وكالة )

[مكيشيت]

باترول للابد
هدد نجد
ابن بدران
ابخص
ابو علي 444
ابو معزي
الغوااااص
الدبل الثقيل
الدحبول

شكرا جزيلا لكم على الردود والنصح

في الحقيقة مثل ماذكرت الربع الفل ب100 الف صراحة مبالغ فيه

الباثفيندر ب 105 الاف يعني ازيد هالخمسة واخذ باث افضل من الربع

والا وش رايكم

[ناوي نيه]

شف الباترول زين بس ماتتقارن بل مكسيما لان الباترول على الخط يلعب فيه الهواء انا اعرف واحد كان معه مكسيما وشراء جيب ماقعد الا ثلاث اشهر وباعه يتعبه ورجع على الكسيما والحين اضاهر شراء يوكن الجديد

[القناص]

ونعم الاختيار

ربع سفاري فل

توكل على الله

[كنج الصحاري]

السلام عليكم شباب هذي اول مشاركه لي أنصحك يا اخوي بالبترول لانه قول وفعل واذكرك فبيت الشعر: الجمس وتايوت والفود الاخرق كله مع البترول خاقن وخقيا ;)

[صبر]

سيارة ما عليه كلام وللمعلومة النيسان كله مريح

وهذا ولد عم مكسيماكم المصون:d


وسيارة ياهو يتحمل الكرف :)


عويب النسيان الوحيد ... هو إن تماسكة ماهوب اللي ولكن ويمكن تلافيه بالمحافظه على السيارة

وبعدين ترى الدعوى بيسطة ولاهي بذاك اللي


يعني توكل على الله وأشتر النيسان طيب الفال

[ابو عاذر]

في الحقيقة مثل ماذكرت الربع الفل ب100 الف صراحة مبالغ فيه

الباثفيندر ب 105 الاف يعني ازيد هالخمسة واخذ باث افضل من الربع

والا وش رايكم

أخوي نصيحة وأنت بكيفك مخير ولست مسير خذلك تويوتا فورنتشينر 6سلندرموديل 2007 فل كامل ومن مميزاته توفر نظام الداف لوك فيه أرخص واقوى وكذلك خفيف ويتحمل الكرف ،،،،،،،،،،،، أزين لك من الربع النيسان نظراً أنه ما يشيل ركاب كثير مع العزبة حده ثلاثة وكذلك صرفيته عالية أما الباث الموديل الجديد ما صار مثل أول لعبوا فيه ما عاد ذلك الموتر الذي ينشد به الظهر صار بيبي أرمادا سيارة مدينة
ولعملومات عن الفورنتشينر راجع الرابط التالي :-
http://www.mekshat.com/vb/showthread.php?t=85030

عذراً عن الخروج عن الموضوع ولكن حباً في النصيحة

مع تحيات اخوك ابوعاذر

[z a n h o r]

.

اهلا وسهلا

استاذي العزيز

الي فهمته نك انك تبي سياره وسيعه ونشيطه وتفيدك بالبر ومريحه

هذي كلها موجوده بالباترول واللاند

لكن ترى ما يصفن مع الجمس بميزة الراحه

والحين العيسى عنده جموس 2006 فل كامل دفرنسين ينقصه فتحه تقريبا بحدود 122 الف

وعندك وفيه بدون فتحه وجلد بحدود 118 الف تقريبا


ونصيحه الباث الجديد لا تقربه ابدا

.

[مكيشيت]

والله يا اخوان ماقصرتوا بارك الله فيكم

وشوي شوي على اخوكم اجل باترول ولاند مرة وحدة

لو املك قيمة اي من هاتين السيارتين كان شريت وانا مغمض

انا قلت في بداية موضوعي ان اسعار هالسيارات نار ولاني مثقل كاهلي بالديون عشان اشتريهن

الا ان كان فيه احد يسلف :j واردها له اقساط :D فعز الطلب

((تراي امزح))

المهم اني رسيت على الباث وتفكيري هو اني اشتريها بالايجار المنتهي بالتمليك وبعد ماتطوف هالخمس سنوات ويجي وقت الدفعة الاخيرة اشوف هل الموتر ممتاز خليته معي وان ظهرلي فيه عيوب بعته وطبيت في غيره

[ZIAD_KSA]

تعقيب على كلام الاخوان البترول الربع مهو نوعين ثلاثه انواع
1- بترول s يمكن 75000 ريال
2- بترول gl يمكن 80000 ريال
3- سفاري 100000 ريال
وانت الظاهر يصلح لك النوع الثاني
ومبروك مقدما

[عرش السفاري]

والله ونعم السيارة وأفضل طبعا من الباث!!!!!. وبل أفضل سياره.

[قرم العيال]

::
شكلك تدور الراحه والجيب ..

تلقاه ...

بالباث .. من 2005 إلى 2002 ..

مستعمل ونضيف .. تراه مثل المكسيما ..

2005 الي ما مشى وفل تلقى بحدود 62 الف ..


ورح للمعارض ونشد .. واشاور واستخر ..

::

[عاشق السيل]

توكل على الله ،،

بس أهم شي خذ الأفخم علشان تشخص صح وخاصة إنك متعود علةى الماكسيما
وعلى فكرة تراك تبي تفقد 60% من الراحة بعد الماكسيما ،، مبروك مقدما ....

تقبل مروري .....


عاشـقhttp://www.mekshat.com/pix/upload/sign/images/mk49539.gifالسيل

[ع.ف.الدرويش]

اخوي دام ان الديون مثقله عليك فما له داعي تثقل على عمرك زووود وانصحك تجمع لك قريشات بسيطة وتدور موتر مستخدم ايا كان نيسان والا تويوتا وعلى قد دراهمك.. يعني تاخذ لك جيب تويوتا او نيسان تحت الـ97وبسعر معقول.. وبكذا تكون مريح نفسك والديون الله يكون بعونك عليها.. ومتى ما انتهيت منها ذيك الساعه خذ لك شيء جديد واللي ترتاح له.. والله يرزقنا واياك كل خير

[مكيشيت]

اخي ع ف الدرويش

المستعمل هالايام ماينفع ابد يعني انا بلشان بموتري وكثر خراباته واجي ابلش عمري بجيب ما ادري وش فيه ووش مافيه

اخذ لي جديد على يدي وامشي به عشر سنوات على الاقل وانا اعرف وش فيه ووش مافيه وارتاح واريح عمري

[ع.ف.الدرويش]

اخي ع ف الدرويش

المستعمل هالايام ماينفع ابد يعني انا بلشان بموتري وكثر خراباته واجي ابلش عمري بجيب ما ادري وش فيه ووش مافيه

اخذ لي جديد على يدي وامشي به عشر سنوات على الاقل وانا اعرف وش فيه ووش مافيه وارتاح واريح عمري

كلامك سليم وخالي من الخطأ.. عن نفسي كانت لي تجربة مع المستعمل وكرهت نفسي معها.. وانتهت هذه التجربة بشراء ربع نيسان موديله 2004 جديد.. ولله الحمد إلى الآن معاي يعني 3 سنين وإن شاء الله أكثر..:)
لكن حط ببالك المستعمل فيه الرديء وفيه الممتاز وردي عليك كان مجرد رأي.. وأنا أحترم وجهة نظرك والله يرزقنا وإياك كل خير..:good:

[اسهيل]

تصحيح لبعض الاخوه حول السعر
سعر الباترول العادي 70 الف s
في معارض النسيم
الشي الاخر مدري كم سعر التايوتا فورنتشينر 6سلندرموديل 2007 ياليت تعلمونا
وجزاكم الله خير ....