المساعد الشخصي الرقمي

مشاهدة النسخة كاملة : ياخوان الي عنده معلومات عن هايلكس دفرنسين 2007 تكفون لا يبخل علينا


صقار سدير
04/05/2007, 11:50 PM
ياخوان الي عنده معلومات عن هايلكس دفرنسين 2007 تكفون لا يبخل علينا
لاني ناويلي على واحد
لكن ودي اعرف رايكم عنه
وهل فيه مشاكل؟
تكفون افيدونا
الدرندس
05/05/2007, 11:39 AM
السلام عليكم
انا معي 2005 4*4وقد جربت 2006 4*4 ديزل والله كلام كبير مريح وتيربو ورحت عليه القويعيه وجيت زي الفل ما شاء الله تبارك الله

والسلام
صقار سدير
05/05/2007, 01:33 PM
السلام عليكم يالدردنس
ما قصرت لكن ودي اسال عن خرباته واعطاله هل هي كثيرة(البنزين)
ودي اسال بعد عن ممشاه بالجلد(بالبر)ومشاه في النفود وكذلك الخطوط
rpk
05/05/2007, 01:47 PM
خذ وتوكل على الله بس خذ بنزين افضل الفل 27 ريال ويمشي فوق 500 كيلو والله يبارك لك
القويعي
05/05/2007, 02:08 PM
رائع جدا ومكينه

تتحمل الجلد بعد

لكن قيمته غاليه شووي


الظاهر انها من 78 الى 80

والله اعلم
الدبل الثقيل
05/05/2007, 02:42 PM
يا اخوان سيارة دبل 4سلندر ماتنفع ولو رخص ثمنها .... أجل كيف اذا كانت غالية؟؟؟

6سلندر ولاتدورون غيره.... والرازق الله...
rpk
05/05/2007, 07:42 PM
اخوي الدبل الثقيل لا تحكم الا بعد تجربه
سفير الجزيرة
07/07/2007, 05:04 PM
السلام عليكم

أخوي صقار سدير والشباب كلهم

أنا أسفساري مثل ما قال صقار سدير
ودي بهايلكس وأبي المشورة من اللي جربة ( تكفون ) وما بي تخمين .

أنا متابع للموضوع والله يوفق

0
0
نايف الشمري
08/07/2007, 12:34 AM
حلوه وعزمها زين واقتصاديه بالبنزين
راس المال
08/07/2007, 01:16 AM
اذا بغيت تاخذه


ترى يبغالك تغير المساعدات الاماميه

لاني راكب مع واحد في نفود وجلس يطامر في وجه الموتر مطامر اللهم عافنا بس


الموتر ما عليه كلام

يكفيك وانت تسوقه قدامك شعار <<<تويوتا>>>


خذ البنزين


والله يوفقك في دنيا آخره
سفير الجزيرة
10/07/2007, 11:08 AM
راس المال

معلومة مفيدة لكن أتمنى ما نجدها في 2007

مشكووووووووووور
أبو_خالد
10/07/2007, 02:11 PM
يا طويل العمر ..

الوالد الله يحفظه ويمتع به .. شرا له هايلكس 2007 دبل

الصراحة .. الصراحة

إنه موتر !!

والله الخالق الرازق إن نيتي أشري بإذن الله ربع باترول

ومن عقبه أفكر كثير بوحدة زيها

أقول .. موتر يطربك
سفير الجزيرة
18/07/2007, 04:45 PM
الله يوفق ابوك ويبارك له يا ابو حمود

ويرزقنا واياك الموتر الزين
قرم مكشات
19/07/2007, 01:44 AM
صقار سدير

يا خلفهم سامحني ما انتبهت لموضوعك والا ما افك موضوع مشابه

ودي بالهلي, لكن ما لقيت للحين مكشاتي استخدم الهلي بنزين 2007 استخدام راعي بر وتحميل وتطعيس


متابع لموضوعك بارك الله فيك
صقار سدير
27/07/2007, 02:07 PM
السلام عليكم يالربع
اسفين على التاخير
لكن ابشركم ولله الحمد اني شريت هايلكس 4*4 2007
اقولها باختصار شديد يا قرم الرفلان خذ لك واحد وتوكل على الله
ان كان فيه مشكلة فهي ان وجه شوي نازل لكن لا تشيل همها يمديك ترفعه الى الي تبي