راح الوقت...وأبي الفزعه؟

[أبو جواهر]

بسم الله الرحمن الحيم

أخواني الأعزاء تحيه طيبه وبعد....،

أبي الفزعه منكم ولاتبخلون عليه بشي وموضوعي هو:

عندي طير أحترت وش أسوي معاه طيب بعلوم الصقاره كلها لكن الحين في وقت الربطه

ما ذب شي من الريش لا طويل ولاقصير وأبي اي شي يخليه يقط من الريش أذا فيه علاج طبي

أوعلاج بدو مع العلم عندي بالمربط غيره طير وشيهانه وكلهم ذبوا الطير باقي فيه 3*3ريشات

والشيهانه 5*5 مع العلم ان الشيهان يتأخر في ذب الريش.

ولكم مني كل التقديروالأحترام.:confused: :confused: :confused:

[المري]

مرحبا والله يابو جواهر وحياك الله


اخي ابو جواهر الطير اللي ماذب ريشه هالوقت والله انه مشكله بس انك



ماذكرت نوعه ويش هو من الطيور؟؟ هو شاهين ولا حر؟؟



انت تقول عندي من غيره طير وشاهين ؟؟؟ الشاهين بعد طير بس انت قصدك تقول



عندي حر وشاهين ولا ماادري ويش قصدك؟؟؟؟




ارجو التوضيح واذا هو حر ترى عندي علاج طبي اذا عندك احد من المعارف قريب


يمر علي يأخذ العلاج تراني حاضر . او انك تكلمنى هاتفيا علشان اعطيك اسمك العلاج وتشتريه من


من الكويت لانه متوفر في جميع الصيدليات.



او انك تضعف الطير ومن ثم تعده مره ثانيه وان شاء الله انه يذب الريش.



تقبل تحيات اخوك: المري

[elshamri]

1. أكشف عليه عند الطبيب احتمال الدهنه ما تعمل وظيفتها

2. أضغف الطيراذا هو عديد بعد ما تتأكّد أنه ماهو مريض ثم زوّد العدّه (الوزن) بسرعه من غير ما تغث الطير

3. أترك الّلمبه لمدّه أطول بعد الغروب علشان الطير يشعر أنّه في شمال أوروبا أو روسيا الّلي ما تغيب شمسهم ألاّ حوالي السا عه العاشرة ليلآ بتوقيت الخليج

[الباهي]

ابو جواهر
ياطويل العمر انا عندي نفس المشكله لكن استخدم علاج لهذه المشكله وهو مجرب وماله اي اضرار على الطير يعني علاج مطور ومايسبب اي اذى للطير اذا بغيته علمني

[elshamri]

اللي عنده طريقه يقولها أن كانه بيكسب فهو بيكسب دعوات الصقاقير

ياجماعه أنا ماشوف الأجانب يخبون شيء اذا سألتهم في مواقعهم بلغتهم!!!!!!!!!!!!!!!!!!!

عجيييييييييييييييب ويش أنتو خاشين كنز

[المعنا]

اذا ما نفع معك العلاج انصحك تقرى عليه يمكن صابيته عين

[السفير]

السلام عليكم
والله يا بوجواهر هذي مشكله مرينا عليها
وجبت حبوب من البحرين ونفع مفعولها

بس انكان الطير تعرف راعيه الاولي اسأل عنه ترا هذا يفيدك

لأن الحر اللي يتأخر لي هالوقت مشكله

والله يوفقك انشالله

[أبو جواهر]

السلام عليكم :

أخواني الأعزاء اشكر لكم حسن تعاونكم معي وعسى الله ان يكون معي شي وأخدمكم

فيه،وانا اخص بالشكر أخوي (المري_elshamri _الباهي_المعنا_السفير)

لكن اقول لأخواني الله يجزاكم خير واللي يعرف شي ياليت يراسلني ويذكر اسم العلاج والمكان واذا فيه طريقه للوصول له.

وترى الناس للناس (ومايخدم بخيل) واتمنى لكم التوفيق.