القير ما عاد عشق لا ثاني ولا رابع وش الشور تكفون..

[ابوجنيه]

السلام عليكم ورحمه الله وبركاته

أشتريت لي بليزر موديل 97 ما شاء الله عليه بس قيره مو بلهناك:no2: هو أتوماتيك ولا عاد عشق لا الثاني ولا الرابع:confused:

انا ما كنت ابي القير كنت بركب قير عادي 5تعاشيق بعدين غيرت رئيي عجبني الاتوماتيك
:j
على العموم للي عندهم خبره وش الشور أشتري من هالقيور المجدده اللي عليها ضمان سنه وكم اسعارها اذا تعرفون:confused:

ولا اوضب هذا انا اشتري له القطع واخليه يركبها قدامي وتقريبا كم يكلف:confused:


واذا تعرفون ورشه زينه دلوني عليها;)

ولا اشتري من التشليح:confused:

وش الشور يالربع شوروا علي
:) :)
والله يعطيكم العافيه مقدما
:rolleyes:

أبوجنيه

[الغوااااص]

تبي العلم الزين اشتر قير مجدد بضمان وانتبه من التوضيب في الورش الا اذا كان معلم وقطع اصلي وهذي صعبة جدا وترى القير المجدد مو شين وانا مجرب بعضهن يعيش احسن من شد البلد ... وبعدين هو في الاساس وش قير اصلي يروح للشركة وتوضبه بقطع داخلية كامله مع الصوف وغيره بس الشغل في التوضيب شغل شركة مو لعب ميكانيكي يعني كل شي على اجهزة وكمبيوتر ... والله يوفقك ،،،

[ابوجنيه]

الله يعطيك العافيه

:good: :good: :good: :good: :good:

[رقبة حاشي]

التوضيب افضل واغلى شوي لان القير شد البلد والمجدد يختلف عدد تغييراته ... الا اذا تاخذ رقم القير بالضبط وتدور عليه مجددد فلا مانع والله يعيينك

[ابوجنيه]

طيب احد فيكم يعرف ورشه زينه وامينين نوضب فيها

[عاشق الفيضة]

أخي أبو جنيه تبي الشور الزين شف فيه ورش خاصه بالقيرات مثل تشالنجر أو قيركو
وعلى فكره أنا عندي بليزر 84خرب قيره وصلحته عند راعي تشليح بحاير وشغله زين
وتقبل تحياتي،،،،،،،،،،،، عاشق الفيضة،،،،،،،،،،،،،،،،،

[طناف]

تأكد يمكن يبدل بدون ماتلاحظ !!
أختبار بسيط . بعد ماتطلع على خط بسرعة فوق 120 أرفع قدمك عن دواسة البنزين .
ثم نزل القير تحت d1 أذا السيارة كعت القير سليم 100%
وأذا لم يتغير أي شي فاالمشكلة باالقير وأبعد عن التوضيب لأن القير توضيبة صعب ومعقد حتى على الوكالة .
عندك ترايستار وشلنجر تقريباً
وعسى يفيدونك الأخوان .

[safouane]

موضوع جميل اوي

[انتماء عربي]

ياعزيزي انا سبق وضبت كذا قير وايضا اشتغلت بالتشاليح سابقا لكن الان كثير النصب فيها بسبب بعض الجنسيات وأتحفظ عليها :confused: واذا جزمت توظب القير انا اعرفلك لبناني ممتاز جدا ووالله مالي فيها أي مصلحة غير اني معامل اللبناني انا وأخواني وبعض الشباب وشغله ممتاز

[Abo Nader]

السلام عليكم..

أخوي مغير قير سيارته عند واحد باكستاني..مشهور بالقيور...و الله الإنسان فاهم جدا و مخلص..لكن زحمه و سعره حليل..و تراه جدا نصوح..حتى أنه قبل ما يغير القير لأخوي حاول يصلحه ولاقدر..عموما وصفه طال عمرك منت بطريق العروبه يجيك تقاطع الملك فهد ونت وجهك غرب..رح على طول لما تجيك إشاره..رح يسار..ثم تجيك إشاره...أمش قدام..أدخل الخدمه تجيك صناعية علي بن علي على يمناك..أول ماتتعداها تجيك الصناعية القديمه رح يمين ثم يسار..أظنها الورشه الي قبل الأخير هي قدام بوفيه..أسأل عن أمير..وتعاله الصبح لأن الظهر مره زحمه عنده...

عساك فهمت الوصف ...الله ييسير أمرك......

[ابوجنيه]

ما قصرتوا يا شباب بيض الله وجيهكم جميع

وضبت القير عند ورشه على كيف كيفك كلهم فلبينيين;) ;)

غير الكلتشات والطرمبه وكل السبرنقات وقالي أبد رح أحرث فيه حرث معك سنه ضمان
:rolleyes: :rolleyes: :cool: :cool: :rolleyes: :rolleyes:
وأن شاء الله ينتهي الضمان وهو زي الحلاوه

دلني عليه واحد ومجرب

بس أكيد أستفدت أنا ولا بعض الأعضاء بأرائكم وشوركم الطيب

[anas]

جزاكم الله خير ، يعني اشتري قير افضل من التوظيب ،،،

[هولوكس2005]

اخوي تأكد من حساسات القير انا
كان معي نفس المشكله في النمره الثالثه وقيمه القطعه مع تصليحها 75 ريال

[amin11]

بيع البليزر وشتر قير عادي وركبه على الحمار