المساعد الشخصي الرقمي

مشاهدة النسخة كاملة : باترول2005 والا باثفندر2005


عاشق خلاوي
05/05/2007, 11:14 PM
مساكم الله بالخير يالربع.... وبعد:

بصراحه انا نويت اشري باثفندر 2005 واستشرت بعض الاخويا .. انصحوني بالباترول 2005 ..
بس انا احس انه كبير وغير كذا انا ما اعرف مواصفاته ولا افرق السفاري والسوبر سفري.. ياليت توضحون لي يا المكشاتيه؟؟

وتعطوني رايكم بالافضل والسبب..

وشكراااا....
أبومطلق
05/05/2007, 11:33 PM
السفاري أحسن من الباثفندر وهذا أنت قلتها السفاري كبير يعني واسع مهو مثل باثفندرظيق وعسى يوفقك
z a n h o r
05/05/2007, 11:41 PM
.

اهلا وسهلا

والله يالغالي ..

ما فيه اي مقارنه بين الباث والباترول ..

الباترول اكيد افضل



بالنسبه للمواصفات

عندك سفاري 1

هذا يجيك داخليه سوداء
مسجل كاست
ثلاجه
جنوط الشكل القديم واظنها 16

وسعره جديد ان ما خاب ظني بين 118 الى 121


وعندك سفاري 2
هذا فرق السما عن الارض

الداخيله بيج
مراتب اريح وافخم ( خامه التنجيد وشكل المرتبه )
ثلاجه
المسجل سيدي كست
مثبت سرعه تحكم بالمسجل من الدريكسون
مخشب كامل + تخشيب الطاره
جنوط الجديده 17

هذا السعودي
وسعره على خبري 130 الى 134 ما تزيد

وطبعا الخليجي على خبري يزيد دفلك وفتحه

والي فوق ذي المواصفات هو سوبر سفاري


هذا الي عندي

واي خدمات حنا حاضرين للمكشاتيه

.
بواسامه
05/05/2007, 11:42 PM
عاشق انت ابخص بحاجتك
اذا الباث مناسب من ناحية السعه فتوكل على الله واشتر
واذا تبي السعه والراحه والعفش ماتشيل همه خذ سفاري
والنشاط كلها نشيطه
والرغبه ماشي الحال كله
ماخاب من اسشار وماندم من استخار
وفقك الله
باترول للأبد
05/05/2007, 11:45 PM
مايبلة كلام توكل على الله وخذ باترول ومنت بخسران

مواصفات سفاري 1 .... الداخلية لونها أسود مسجل كاسيت وقفل مركزي وريموت كنترول وثلاجة وجنوط 16 وغطا للكفر الخلفي

مواصفات سفاري 2 ... الداخلية بيج ومسجل سيدي وكاسيت وتخشيب كامل مع الطارة ومثبت سرعة وتحكم بالمسجل من الدركسون وقفل مركزي وريموت كنترول وثلاجة وطولات خلفية وجنوط 17 وغطا للكفلر الخلفي ولحية أمامية

مواضفات السوبر سفاري ... الداخلية بيج وتجي جلد ومخمل ومسجل سيدي وكاسيت يشيل 6 سيديات وتخشيب كامل مع الطارة ومثبت سرعة ودفلوك وتحكم بالمسجل من الدركسون وبوصلة وقفل مركزي وريموت كنترول وثلاجة وطولات خلفية وجنوط 17 وغطا للكفلر الخلفي وأنوار زنون عالي وواطي وغازيات ولحية ولون الطبلون برتقالي وفتحة سقف

وترى في بعض الأختلافات في الخليجي مثل الحساسات البلوتوث والألوان والسفاري السعودي مايجي بفتحة ودفلوك والخليجي يجي
slmuni
06/05/2007, 12:34 AM
خذ سفااااااااااااااااري و لا تشااااااااااااااااااور وش لك بالباث تراه مثل الماكسيما بس مرفوع :):)
غضنفر
06/05/2007, 12:39 AM
خذها من رجال مجرب الاثنين
اظفر بالباثفايندر تربت يداك
salehhd
06/05/2007, 01:15 AM
السلام عليكم

اذا عايلتك صغيرة وتبي توفر في مصروف البنزين والخفة داخل المدينه وفي البر خذ الباث وانت مغمض

واذا تبي موتر واسع وتحب المطامر في البران كثير وماعندك مشكلة في صرفية البنزين فخذ باترول

ولا تنسى الاستخارة

الباترول محرك 4.8 لتر يولد 280 حصان 7 ركاب وقير ترونك
الباث محرك 3.5 لتر يولد 250 للعادي و240 لتمتيك 5 ركاب

بالتوفيق
المميـز
06/05/2007, 02:35 AM
خذ سفاري واطرب زمانك

وش تبي بالضيق ؟

الناس تدور الوساعه


فكر واستخر
عبدالرحمن2007
06/05/2007, 06:20 AM
انا عندي جيب باث فندر ...
اذا ودك بالوسع والعفش والسعة ....خذ باترول ...بس تراه مصاب بمرض ...يسمى ...بنزين ...يصرف صرفه قوية جدا ..
الباث فندر جميل ورقيق وخفيف وقوي وجذاب بس انه ضيق ...واقتصادي ....
لكن اذا عائلتك قليل لاتشاور خذ باث فندر .....
باترول للأبد
06/05/2007, 02:16 PM
ها وش قررت علية يالغالي ؟؟
Abo Nader
06/05/2007, 04:33 PM
و الله يخوي ما فيه وجه مقارنه ...يعتمد على إحتياجك و قروشك...

قلنا أنت وش تبي بالموتر و يفودونك الشباب..