معطاب
06/05/2007, 12:27 PM
السلام عليكم
للكيف عند ابن الباديه عشق خاص
وقد ابدع الكثير من الشعراء في وصف كيف الرجال وطريقة اعداده ومن اشهرها قصيدة القاضي المشهوره
يامل قلبٍ كل مالتم الاشفاق = من عام الاول به حواسيس وادقوق
لااخوكم ابيات كتبها في الكيف وطلعة البر وطريقة اعداده اتمنى ان تحوز على رضا المتلقي :
يامحلا بأرض(ن) خلا شبة النار=في خبة(ن)عقب المطر مستسيله
وتجهيز كيف(ن) للنشامى والاخيار=كيف الرجال اهل الكرم والفضيله
قم يانديبي واشعم النار بوجار=شعلة سناها تلتهب في المسيله
سمر(ن) ليامن شب توهجر توهجار=لون الذهب في ايدين زين الجديله
وقلّط دلال الكيف مع بن وبهار=ونجر(ن) ليا من دنّ يطرب عويله
ومحماس بنه قربه والجمر حار=وخلك بحمس البن دايم دليله
مابين ني وحرق خله بمقدار=واحذر يجي في حمسة البن ميله
ولازان لونه وعج اشقر للانظار=دقه بنجر(ن) من سمعله يجيله
ثم قلط الرسلان من كف بيطار=واعبر لماها عبرة(ن) تستويله
وخله يفوح البن امرار وامرار=وليا اقطعت قرّب بهاره وهيله
هيل الحبش مع زعفران(ن)ومسمار=له ريحة(ن) تبري الخشوم العليله
زله عليها كفيت من كل الاخطار=وليا خذت فوحين هات الجميله
ودنّ القدوع وهات حلوات الاثمار=خلاص الحسا مافيه غيره بديله
وادرج هل الطالات وافين الاشبار=قوم(ن) على جال المناره ثقيله
فنجال صين(ن) صبته دوم بعيار=مايمتلي الفنجال ولاهي قليله
صبّه كفيت العوق ياطير غيمار=يوم ان ولد اللاش مافيه حيله
ثم ادرجه يمين والكل حضار =بعد الكبير اللي له الشيب زيله
وسوالف الشجعان تحكى وتندار=سوالف(ن) ماهي بحش وفشيله
اللي لهم في هامة المجد تذكار=نوادر الفريس في كل قبيله
ويزين بدع القاف وتزين الاخبار=وكلن بحلو الشعر يطرب عميله
هذي طراتي ياطويلين الاعمار=يوم ان بعض الناس واعزتي له
دايم بوسط السوق مشخّص وسبّار=ويفرح ليا من شاف زول الحليله
لايقضي الحاجه ولا يحمي العار= الله وانا اساله بجاهه يشيله
والذيب ولد الذيب صارم وبتار=له منزل(ن) هو دوم راس الطويله
وسلامة الجميع اخوكم :معطاب
للكيف عند ابن الباديه عشق خاص
وقد ابدع الكثير من الشعراء في وصف كيف الرجال وطريقة اعداده ومن اشهرها قصيدة القاضي المشهوره
يامل قلبٍ كل مالتم الاشفاق = من عام الاول به حواسيس وادقوق
لااخوكم ابيات كتبها في الكيف وطلعة البر وطريقة اعداده اتمنى ان تحوز على رضا المتلقي :
يامحلا بأرض(ن) خلا شبة النار=في خبة(ن)عقب المطر مستسيله
وتجهيز كيف(ن) للنشامى والاخيار=كيف الرجال اهل الكرم والفضيله
قم يانديبي واشعم النار بوجار=شعلة سناها تلتهب في المسيله
سمر(ن) ليامن شب توهجر توهجار=لون الذهب في ايدين زين الجديله
وقلّط دلال الكيف مع بن وبهار=ونجر(ن) ليا من دنّ يطرب عويله
ومحماس بنه قربه والجمر حار=وخلك بحمس البن دايم دليله
مابين ني وحرق خله بمقدار=واحذر يجي في حمسة البن ميله
ولازان لونه وعج اشقر للانظار=دقه بنجر(ن) من سمعله يجيله
ثم قلط الرسلان من كف بيطار=واعبر لماها عبرة(ن) تستويله
وخله يفوح البن امرار وامرار=وليا اقطعت قرّب بهاره وهيله
هيل الحبش مع زعفران(ن)ومسمار=له ريحة(ن) تبري الخشوم العليله
زله عليها كفيت من كل الاخطار=وليا خذت فوحين هات الجميله
ودنّ القدوع وهات حلوات الاثمار=خلاص الحسا مافيه غيره بديله
وادرج هل الطالات وافين الاشبار=قوم(ن) على جال المناره ثقيله
فنجال صين(ن) صبته دوم بعيار=مايمتلي الفنجال ولاهي قليله
صبّه كفيت العوق ياطير غيمار=يوم ان ولد اللاش مافيه حيله
ثم ادرجه يمين والكل حضار =بعد الكبير اللي له الشيب زيله
وسوالف الشجعان تحكى وتندار=سوالف(ن) ماهي بحش وفشيله
اللي لهم في هامة المجد تذكار=نوادر الفريس في كل قبيله
ويزين بدع القاف وتزين الاخبار=وكلن بحلو الشعر يطرب عميله
هذي طراتي ياطويلين الاعمار=يوم ان بعض الناس واعزتي له
دايم بوسط السوق مشخّص وسبّار=ويفرح ليا من شاف زول الحليله
لايقضي الحاجه ولا يحمي العار= الله وانا اساله بجاهه يشيله
والذيب ولد الذيب صارم وبتار=له منزل(ن) هو دوم راس الطويله
وسلامة الجميع اخوكم :معطاب