البناشرومكسب اكثر من 5 ريال في العلبه الواحده

[دحيم العبود]

فيه نقطة مهمة من وجهة نظري لجميع قائدي المركبات في المملكة وتتلخص في الإستغلال السيء جداً للمواطن من قبل اصحاب محلات تغيير الزيوت واتكلم بصفة شخصية حيث امتلك سيارة فورد كروان فكتوريا وكنت اذهب لأحد المحلات ليغير زيت السيارة ووجدت أن علبة الزيت يرتفع سعرها حتى وصلت الى 14 ريال وعند السؤال عن سبب ذلك يقولون الشركة هي اللي رفعت السعر ويتم طباعة السعر على علبة الزيت وبالتالي لا أستطيع مناقشتة .


ليس هنا محور حديثي ولكن الغش الحاصل في قلاتر الزيت والهواء حيث من النادر ان تجد اي بنشري يوفر القطع الأصلية اللي هي فلتر الزيت والهواء بل على العكس يقومون بتركيب القطع التجارية لنا بسعر الأصلي وفوقه فائدة 60% الى 80% لهم اي بمبلغ 25 ريال لفلتر الزيت و 40 ريال لفلتر الهواء.


المصيبة الكبرى اني ذهبت لتوكيلات الجزيرة لشراء بعض قطع الغيار لسيارتي ولمحت عند البائع فلاتر زيت سئلتة من باب الفضول عن اسعارها اكتشفت إن فلتر الزيت لدى توكيلات الجزيرة بمبلغ 16 ريال فقط وفلتر الهواء 30 ريال ومعظم أوقات السنة يكون هناك اسعار خاصة وعروض بحيث تصبح قيمتها أقل صراحة تفاجئت واشتريت كمية منها بأسعار معقولة ولما ذهبت للبنشري وجدت ان الفلاتر الموجودة لدية ولدى غالبية البناشر هي تجارية رغم تطابق الكرتون الخارجي إلا ان هناك فرق داخل الفلتر يتضح لك بمجرد المعاينة البسيطة.


استمريت على هالحال فترة من الزمن وصرت أنبه على كل من أعرف بأن يشتري من الوكالة فلاتر زيت وهواء المهم قبل الحج كنت ناوي أسافر ذهبت لأحد المحلات في الصناعية في خميس مشيط ووجدت أخ سوداني وطلبته بعض القطع ولمحت عنده زيت حق المكينة كاسترول 10/30 وسألتة عن سعره قال لي ابيعة بعشرة اتفجأت وقلت له طيب مطبوع على العلبة 14 ريال انت تبيع بخسارة ولا ويش السالفة قال اشترية جملة بالكرتون وتطلع الحبة علي بـ 8.5 ريال وابيعة بعشرة ويعتبر لي مكسب جيد والحمدلله .
بعدها اتجهت لأقرب مستودع في الصناعية عندنا لشركة فوكس واشتريت كرتون زيت بـ 200 ريال وطلعت الحبة علي بـ 8 ريال بدل من 14 ريال واتمنى توصل هالمعلومة لكل الأخوان في المنتدى عسى الله ينفع بها ويتجنبون غش البناشر

للامانه الموظوع منقوووووووول لتعم الفائده
محلات الزيوت جمله في الرياض شارع علي بن ابي طالب

[sameer_1798]

جزاك الله خير على التنبيه . أما أنا الحمد لله صار لي حول السنة و أشتري الزيت بالكرتون .... بسبب غش البناشر .

[عرش السفاري]

طيب السؤال<<<<<<<<<<<<كم أعطي البنشري شغل يد؟؟؟؟؟؟؟؟؟؟؟؟.

[هولوكس2005]

البنشر ياخذ من 3 إلى 5 ريال


وسوبر جتي الاسود يطلع الحبه بــ9 ريال

والسيفون عن الوكاله ابو جميل حق الهايلوكس بــ 13 ريال والبنشر يبيعه بـــ 20 ريال
وكرتونه ب 110 ريال فيه 10حبات

يعني انواع الاستغلال

[طخيمان]

واشتريت كرتون زيت بـ 200 ريال وطلعت الحبة علي بـ 8 ريال بدل من 14



طيب اخوي هل تتوقع انه يبي يغير لك الزيت ولا يحوس شي عندك مثل السرة أو فلتر الهواء

هذولي اليمناء لازم بيحوس عليك شيء وللا ما يرتاح

الله يعيننا بس

[برادو]

الله يجزاك خير على هالموضوع من جد بعض الناس مايدرون والتنبيه واجب وانا من زمان وانا ماأشتري الفلاتر للمكينه والهوا إلا من الوكاله لأن أغلب اللي بالسوق مغشوش حتى لو جاك بكرتون أصلي من واقع تجربه ولا أحد من البناشر يقدر يفتح فمه إذا جبت القطع من برا. لكن المشكله ان أغلب البناشر مايرضى يغير لك زيت إذا جبته من برا وقد جربت كثير يقولون جايب زيتك وفلترك مانغير لك ماوراك مربح وان كان فيه أحد مسؤول فهو وزارة التجارة اللي المفروض تتدخل وتحد من هامش الربح الكبير في زيت السيارات لأنها سلعه رئيسيه زيها زيي البنزين فهامش ربح ريالين كافي أتوقع وعلى فكره الزيوت كلها مصدرها واحد واللي هو مصفاة بترومين التابعه لأرامكو. لكن إذا أمنت العقوبه أسئ الأدب والعاميه المصريه اذا غاب القط العب يافار. ولك بالقياس على أمور كثيره تجارنا ماشالله ماخذين راحتهم على الآخر وكالات الأجهزه وكالات السيارات وانت ماشي احسن شي الكلام. ولو تاخذ كلماتك هذي وتوجها لمدير تحرير الإقتصاديه مع تعديل بسيط للنشر وترسلها لهم عن طريق موقعهم بالنت اتوقع تنشر وإذا مانشروها سوها برقيه لوزير التجاره عن طريق موقع خدماتي لوزير التجاره ولازم نتكلم تدري ليه؟ لو كل واحد فينا شاف شي غلط وتكلم بصوت عالي وللجهه الصح راح تتعدل الأمور أما اذا الكل سكت فهذا معناه الرضا وتستمر حليمه على عادتها القديمه.

[خادم تميم]

دالق الكشره انا كنت اتعامل مع يمني اسمه صالح قريب البيت واغير سياراتي والزيت الي استخدمه موبيل 1 العلبه كان يبيعني اياها 35 بس تمشي عليه 15000 كيلو والسيفونات 20 ريال ورقم 2 لانهم ما يجيبون الاصلي المهم اغير عنده كثيرقلت ياصالح نقص السعر قال مافيه مجال يالله نحصله ومكسبنا قليل فيه .بهدها نويت ورحت للغرابي واحصل العلبه 21 ريال بدل 35 يعني فرق 14 ريال واطق كرتونين والسيفونات اصلي وكاله 12 ريال رقم واحد وهو كان يبيعني رقم 2 بسعر 20 اغلبهم نصابين حقين البناشرويغشون انتبهوا لهم

[متعة الترحال]

كلام 100%

وهل فعلا إذا احضرت الزيت والفلتر معك ، يقوم العامل بتغييره أم يرفض ؟!!

[تنوم]

ازيدك من الشعر بيت لو تروح لدويرة الخرج كان تشوف فلتر الزيت ب 3 و 4 ريال وشركات سعودية مصنعة جيدة لجميع انواع السيارات جب المقاس ونم همه.

[ابوعزيزm]

صدقت أخي دالق . .

والمشكلة العضمى أن السيفون اللي يباع لدى محلات البنشر تجاري ويقول لك البنقالي أنه أصلي :(

لأن أغلب محلات البنشر يشتري السيفون من سيارات الهنود اللي تدور على البناشر يآخذها بسعر زهيد :(

[العشة]

والله انا من زمان مااشري فلتر الزيت الا من الوكالة

لاني عارف ان الفلاتر اللي عندهم تجاري

اهم شي عندي يكون اصلي موب هم الفلوس ..

صحيح اخوي متعة الترحال ياخذ حق شغل يده خمسة ريال غير مكسب الزيت

بس وش اسوي اهم شي اركب اصلي .

[القويعي]

نصب عيني عينك

[dss1425]

مسيتم بالخير جميع . اشكر الاخ على الموضوع بس انا ودي اطرح الموضوع من زاوية اخرى الا وهي ان الثقافة السائدة لدينا ان الزيت يتم تغييره اذا قطعت السيارة 1500 كيلو او 2000 بالكثير . وهذا الذي تروج له وكالات الزيوت والبناشر. بينما الصحيح ان الزيت تستطيع ان تمشي عليه السيارة اكثر من 10.000 كيلو . يعني لو جينا نحسبها 10000÷2000= 5 اي انك قمت بتغيير الزيت 4 مرات مالها داعي واللي بيتأكد من هالموضوع اكثر الله لا يهين يطلع على كتيب السيارة المرفق من قبل الشركة - وما ادري هل البنشري اعرف بالسيارة وقدرة تحمليها ولا الشركة المصنعة . هذا ما حبيت ان اضيفه ولكم تحياتي .... هاه لا تجي المرة الجاية وتقول الزيت صارلة 2000 ما غيرته والسيارة جديدة ترا الدم من راسك والحجر من الارض .

[المميـز]

الله يجزاك خير على هذا التنبيه

انا كان معي فورد رنجر 2001 وكان السيفون برا مثل ماقلت 25 وبعضهم 30 والجزيره كان يبيعه بـ 40 هو الوحيد اللي بهذا السعر

والرنجر فيه شبه كثير من المازدا رحت للحاج علي واخذت فلتر وانيت مازدا بـ 14 ريــــــــال

[أ ه م 111]

وفقك الله

أول مره أدري بالأسعاااااااااااااااار

لا يلدغ مؤمن من جحر مرتين

[دحيم العبود]

شرفني مروركم ومشاركتكم