شوفوا وش سوت الفيوز التجاريه

[خادم تميم]

كنت بالبرغرب ثهلان برعايه الله عن الرياض غرب بحدود 380 كيلوا وكنت مغير فيوز الولاعه بس مادري تجاري والا اصلي المهم جيت ابشبك الكينود بالولاعه ثواني والا ريحه التماس واطفي الموتر وافتح الكبوت والا عثوره دخان واطالع الي يعثور ويطلع دخان الا وهي الضفيره وتطقني الغلقه . وبالكتود يحضرؤن ربعنا ونسحب السياره للمصلوم ممكن 15 كيلو بعدها اتصال لابو شهدالله يخليه لنا ويرسل السطحه واقرب دوله متطوره الدوادمي ونحط السياره عند الخبير الكهرباي ا لهندي وثلاثه ايام وهو يشتغل فيها الاسلاك اكثره ملتمس والسبه صار فيوز تجاري واللمعلوميه الان نازل بالسوق فيوز خراب تحرق الضفيره والا تنقطع وملاحضتي ان البلاستك الي بالفيوز ذاب وبقى الحديد مانقص وحول على الضفير. من ذالك يجب عدم التهاون بالفيوز التجاريه عليك بالتجاري . وهذي بعض الصور عند الكهربائي وهو يفصفص الاالاسلاكhttp://www.mekshat.com/pix/upload/images34/mk35121_dsc004270.jpghttp://www.mekshat.com/pix/upload/images34/mk35121_dsc00428o.jpgسلاك.

[salehhd]

السلام عليكم

الله يعينك ويعوض عليك واحتمال يكون الفيوز رقمة اعلى من الاصلي وهذا يسبب مثل هذي المشاكل

[الاشعل 316]

صحيح ترى هذي خطره وحصلت مع واحد من العيال بالشرقيه

في بعض الفيوزات تجاريه والمحلات بس يبون الربح ويقلون هذا اصلي

ولو تعرضه على محل ثاني قال هذا تجاري ولا تدري من اللي يقول الكلام الصحيح

وتقبل تحياتي







اخوك / ابو سطام

[Abo Nader]

الله يعوضك خير...

و الحمد لله على السلامه و شكرا على النصيحه...

[خادم تميم]

salehhd الفيوز نفس الرقم 15 بس المشكله تجاري جابت العيد

[vtc4800]

الحمد لله على سلامتك اول شيئ ثاني شي نصيح للجميع لاأحد يشتري شي تجاري الواحد يخسر شوي زياده ويسلم بإذن الله من الخرايات والتعطل سواء في سفر او غيره واخسر على الموتر وترتاح بإذن الله ولاتعرض نفسك للخطر ---------تحياتي لكم ولاخي خادم تميم

[خادم تميم]

الاشعل316 يعطيك العافيه الافضل الوكاله انا امس شريت طقمين بخمس وعشرين ريال حلال. اخذت درس علمني عدم اللعب بالنار

[abufahad2008]

الحمد لله على السلامة

[خادم تميم]

ابو نادر الله يرحم والديك ويجزاك خير وسلمك ربي من كل شر
4800vtc الله يسلمك يوم اشتري الفيوز من ابو يمن بالصناعيه على انها اصلي لكنه طلع نصاب . لكن كني نويت ابو يمن ومحله

[المميـز]

لكن كني نويت ابو يمن ومحله


والله يحق لك تنوي عليه هو ومحله

تكفى لاتخليه اشتك عليه والا شفله حل

والله ذبحونا بالغش والتجاري كله اصلي عندهم

[alkongrs]

جزاك الله خير على النصيحة وأرجو من الشباب يركبون الفيوز أصلية الفرق الله العالم15 ريال

[الشقردي]

الحمد لله على السلامة .

س: وشلون نفرق بين الاصلى والتجاري, دايم نشتري من محلات الزينة ويقولون أصلي.

بالنسبة للكنود اللي أعرفه انهم بنصجون انك تركبة علة البطارية وتحط فيوز خاص للكنود.

[هولوكس2005]

اخوي اكبر غلط تشبك الكنود و محول الكهرب الثلاجه ماطور هواء على الولاعه

يمال الغنيمه مد سلك من البطاريه وركبلها فيوز حتى ماتنجبر تحط المفتاح بالسياره

[ناوي نيه]

الحمدلله على السلامه بس هاذي مشكله والله

[بدوي جنوبي]

والله الشرهه علي الجمارك اللي تخلي مثل هالقطع تخش البلد

حتي لو رحت لابو يمن ويش تستفيد كل السوق مليان منها الا في حالة معاك فاتوره وباعها علي انها اصلي
تقدر تحاجه

القطع الخرد هذي ما تدخل غير دول الخليح

الله يعوضك

[for]

الحمد لله على السلامه

اخوي هولوكس

اخوي اكبر غلط تشبك الكنود و محول الكهرب الثلاجه ماطور هواء على الولاعه

يمال الغنيمه مد سلك من البطاريه وركبلها فيوز حتى ماتنجبر تحط المفتاح بالسياره

الحين ينفع نفس سلك الكنود الجاي من البطاريه تركب عليه المحول ؟؟

[anas]

الحمدلله على السلامة وجزاك الله خير انك نبهتنا ،،،

[1400]

السلام عليكم
الحمدلله على السلامة
والحمدلله ان معك خويا
مشكلة اغلب الناس ماتدري وش الهدف من الفيوززززززززز
الهدف هو حماية الدئرة الكهربائية من زيادة الحمل
لذلك لاتشتري القطع الكهربائية إلا من الوكالة
ولالالالالالالالالالالالالالالاتركب فيوز اكبر إذا كان ينقطع باستمرار اكيد عندك مشكله في الموصل إليه أو زيادة حمل او إلتماس



اخوكم1400 مساعد مهندس كهرباء

[سلطان العوني]

لا حول ولا قوة الا بالله


الله يعوض علي ان شاء الله

[بعد الفاصل]

يالله ياخوك لحمد الله جات علي كذا ون نشاء الله مايجيك مكروه ..

[هولوكس2005]

الحمد لله على السلامه

اخوي هولوكس


الحين ينفع نفس سلك الكنود الجاي من البطاريه تركب عليه المحول ؟؟


أوووووووووووووه هذا علاج بس احرص يكون السلك متين قوي يتحمل


انا بموتري مركب سلك يطلع من البطاريه ويدخل من تحت فرشه السياره إلى المرتبه الخلفيه وحاط فيه ولاعه ثلاثيه يعني ثلاث طفابات سواء وحاط لي قدام فاصل طق طق متى مأحتجت اشحن جوالي ولا اشبك المحول ولا الثلاجه اشغلهن والسياره طافيه ومركبلها فيوز 25 من عند البطاريه الشغل هذا كله ماكلف 80 ريال

[الاتصال السريع]

الحمد لله على السلامة وما تشوف شر

لكن!!!
اعتقد يا اخي الكريم انه في مشكلة اخرى سببت هذا الالتماس ، لانه من زمان واحنا نركب الفيوزات ولاندري كم قوة الفيوز حتى يوم كنا شباب نلفها بقصدير او سلك كهرب عادي ولا هناك مشكلة والى يومك فيوزات سيارتي من كل بحر قطره ومش حالك

[safouane]

هاذي مشكله

[خادم تميم]

الفتك وبس .الله يسلمك ويجزاك خير اسعدني مرورك
المميز ايبالله نويت اليماني الجمعه بجربع محله بالصناعيه ان شاء الرحمن
ؤلدالعمده المفروض الناس تركب الاصلي يعطيك العافيه
الشقردي كيفيه التفريق بين الاصلي والتجاري من الفيوز انك تاخذ من الوكاله وتريح بالك وحياك ربي

[خادم تميم]

اخوي اكبر غلط تشبك الكنود و محول الكهرب الثلاجه ماطور هواء على الولاعه

يمال الغنيمه مد سلك من البطاريه وركبلها فيوز حتى ماتنجبر تحط المفتاح بالسياره


عزيزي عندي بطاريه ثانيه ولها ولااعات واسلاكها قويه وعريض مع فيوز مثل سلك مكوا الملابس واشبك عليهن الثلاجه والكنود وكل شي مصلحه عند فور باي فور .بس واحد معي شبك على ولاعه السياره من البطاريه الاصليه وليست الاحتياطيه وجاء العيد واحترقت الضفيره لان الفيوز ماقطع واحرق الضفيره

[خادم تميم]

ناوي نيه الله يسلمك ويعطيك العافيه

بدوي جنوبيي الشرهه ماهي على الجمارك الشرهه علينا نطاوع التجار المتسعودين الي يغشون و الجمارك الله يخلف ماتقدر تسوي شي الشق اكبر من الرقعه
فور حياك ربي
وتشرفت بردودكم

[خادم تميم]

اا سف لتخري بالرد واشكر كل من شارك بهذا الموضوع المهم وايضا الشكر موصول ل
for

anas مشكور يابعدهم ان شاالله ماتشوف شر

سلطان العوني رحم الله والديك ياسلطان

1400الله يجزاك خير يامهندس لاتركب اكبر او اصغر فيوز وركب اصلي وبس سلمت

بعد الفاصل الله يجزاك خير اخوي

الاتصال السريع اكيد فيه مشكله والفيوز دايما محطوطه لو كان فيه مشكله مثل التماس او غيره تقطع مثل قواطع البيوت .بس ابهديك هديه علبه من الفيوز الي جابت العيد جرب ههههههههههههههههههه الان بالسوق فيوز مثل الي استخدمتها ماتقطع الفيوز تجيب العيد بالضفيره انتبه الغش ترا تعدا حده

soufane يعطيك العافيه مشكله بقوه

[شبح الصحراء]

يا أخوان رقم الفيوز ما ينفع إذا كان الفيوز تجاري أنا خربت علي الولاعة قبل مدة وصلحتها وطلع الخراب بسبب الفيوز التجاري مع انه نفس رقم الفيوز الأصلي يعني تخيل الولاعة تحترق والفيوز ما قطع هذي مصيبة علشان كذا انصح الجميع بتركيب فيوز أصلي فقط ثم التدقيق في رقم الفيوز .

[خادم تميم]

عداك العيب ياشبح الصحراء وسلمت

[هويدي]

جزاك الله خير على النصيحه


والله يعوظك ويخلف عليك

[خادم تميم]

جزاك الله خير على النصيحه


والله يعوظك ويخلف عليك


هويدي وفقك ربي وكفاك من كل شر

[برق غامد]

الله يعوض عليك من عنده وترى والله مثل ما قالوا الاخوان الشئ الي تلفياته تجيب مصيبه غير الاصلي لاتدور وشئ الي تلفياته سهلة مثل يكون اصطب ولا خلافه فالتجاري يمشيك الين تنفرج.
بس جنبونا كلمة ابويمن لجل انها كلمة عامة وفينا وفي اخواننا المسلمين الصالح والطالح وكم عانينا من قربتنا في امور ما تخفاكم يا النشاما وش حال البعيد.
اقبل اخوي خادم تميم مروراخوك البياض والله يعجّل لك بالعوض من عنده ونحمد الله على سلامتك.

[altheeeb79]

بسم الله الرحمن الرحيم





نتحدث عن موضوع ومشكلته مشكله0



والله إن الشق أكبر من الرقعه000





في كل شئ عندنا0000



عد وأغلط000





قطع الغيار للسيارات0



قطع غيار الاجهزه الكهربائيه بالمنازك0



قطع غيار المواد الصحية بالمنازل0



صحة الانسان0



الاسعار عموما (الاغذية-الاجهزه-السيارات-العلاج00000000000الخ0





بإختصار صرنا ملطشة00 وياحظك يالأجنبي (أنت الكسبان)0





وسلامتكم000 أقام الصلاة عن إذنكم000

[خادم تميم]

الله يعوض عليك من عنده وترى والله مثل ما قالوا الاخوان الشئ الي تلفياته تجيب مصيبه غير الاصلي لاتدور وشئ الي تلفياته سهلة مثل يكون اصطب ولا خلافه فالتجاري يمشيك الين تنفرج.
بس جنبونا كلمة ابويمن لجل انها كلمة عامة وفينا وفي اخواننا المسلمين الصالح والطالح وكم عانينا من قربتنا في امور ما تخفاكم يا النشاما وش حال البعيد.
اقبل اخوي خادم تميم مروراخوك البياض والله يعجّل لك بالعوض من عنده ونحمد الله على سلامتك.

الله يعوض عليك من عنده وترى والله مثل ما قالوا الاخوان الشئ الي تلفياته تجيب مصيبه غير الاصلي لاتدور وشئ الي تلفياته سهلة مثل يكون اصطب ولا خلافه فالتجاري يمشيك الين تنفرج.
بس جنبونا كلمة ابويمن لجل انها كلمة عامة وفينا وفي اخواننا المسلمين الصالح والطالح وكم عانينا من قربتنا في امور ما تخفاكم يا النشاما وش حال البعيد.
اقبل اخوي خادم تميم مروراخوك البياض والله يعجّل لك بالعوض من عنده ونحمد الله على سلامتك.


البياض ا لله يجزاك خير صدقت فيما قلت

اخوي 90 بالميه من اصحاب الو ورش وقطع الغيار بالرياض لليمنيين ونصفهم متسعودين

واغلبهم هم الي

دخلووووووا الصناعات الرديه لبلدنا حقيقه.

تشرفت بمشاركتك وفقك ربي

[خادم تميم]

altheeeb79 دايما عندنا الشق اكبر من الرقعه مدري ليه لكن الشرهه على الجمارك ووزاره التجاره والي مايخافون الله الي يصنعوووون ويوردون لنا. برررررضه المووووواطن له دووووووور وسلمت