@@@@ ياجمـــــــــــــــــــــــــاعة ابغى رايكم في الشيروكي (للي مجربينه فقط) @@@@

[ابوريناد1979]

ياجماعة ابغى أسأل اللي جربو الشيروكي سواء العادي او الرانجلر !!

ودي بشيروكي عادي او رانجلر من موديل 97 - 2000 سياحي مره قير عادي ودرايش هندل !!

وابغى استفسر عن خراباته وقطع الغيار ؟؟؟:confused: :confused:

هل تنصحوني فيه ؟؟

[T U R K I 0 9 0]

السسسسسسسسسسسسسسسلام عليكم


كيف الحال ابوريناد

اول شي انحش عن الرنجلر وشكله يكفى ولا هو عملي بس عزم

الشروكي Jeep الطابوقه اللي زي سيارتي هذا :D


http://www.mekshat.com/pix/upload/images30/mk48831_01 (http://www.mekshat.com/pix/upload/images30/mk48831_01)
ومعروضه للبيع :D



سوى عادي ولا تماتيك خذ وانت مغمض وانصح ب الاوتوماتك راااااااااااااااااااااااحه ونفس عزم العادي


وبعدين من ناحيه القطع غاليه نسبيننننننننننن يعني مش مررررررررره والشروكي نادر يخرب اذا بتحافظ عليه

وبعدين انت حظك في الرياض يعني التشاليح قريبه وملاينه شروكيات

هذا والله اعلم

[jemi_soul]

السلام عليكم
بـــــــــــــــــصراحه سياره تعيسه وفى الصيف الله يعينك على الحرار المكينه واذا حبيت تبيعها ما تجيب لك نص قيمتها وانت حرررررررررررررر :)

[الورقا]

بسم الله الرحمن الرحميم:j اول مشاركة لي معكم واكون سعد ببينكم :D اذا كنت مكانيكي اشر الجيب وفسر ذرعانك بالبيت وشيك عليه كل شهر اقل شي :no2:

[هايلكس_408]

والله انه موتر مريح وطياره بس لاتركب الا نظيف

والحراره ركب مراوح وازهله

[م.أبوإبراهيم]

يفزع للشروكي إنه رخيص وقطع غياره رخيصة وانتشر هالايام خاصة الاستعمال الامريكي والعرض كثير وتراهن راخصات ويصلح موتر رديف للمكاشيت القريبة وانصح بالتماتيك وخذ أربع أبواب لأن البابين فيه تنسيم هواء كثير لأن الباب طويل والرنجلر حق لعب وطهبله وما يصلح للاستخدام العادي

[..: ابو يوسف :..]

السلام عليكم ورحمة الله وبركاتة ...
يالغالي بحكم ان لي 5 سنوات وانا استخدم الشروكي احب افيدك بالي عندي
الشروكي موتر ممتاز لابعد درجة ( شكله - خفته - راحته - صرفه للبانزين - رخصه ) .
اذا بغيت تشتري شروكي مستعمل دور على شي نظيف عشان ترتاح , لان الشروكي اذا استخدمته استخدام طبيعي والله راح يعيش
معك , اما اذا كنت راعي تطعيس ومطامر وهبال وتكسير اقول الله يعينك .
وانصحك انك تاخذ قير اوتوماتيك اريح لك ز (طبعاً هذا راي شخصي) .
هذا باختصار واذا بغيت شي ثاني انا حاظر .

[الريم ما تخيب]

:redcar: ما يشكي من شي :) :row:

[شروكي_كحلي]

السلام عليكم

اذا تبي الشروكي للبر فلا تا خذه ولا تقربه كلش اما اذا للديره فهو سياره سبورت ويجب المجافضه عليه وخذ واحد نظيف
انا عندي شروكي من سنة 1998 ميلادي الى الحين..للعلم ليس هو سيارتي الوحيده لذا صابر عليه

[ابوريناد1979]

(http://www.mekshat.com/vb/member.php?u=48831)Turk090i هههههههههههه حلوه طابوقه .. المشكله ما اعجبني فيه الا الطابوقه
jemi_soul صدقت كثيرين يشتكون من الحراره .. على هالجو الأوروبي
الورقا حياك الله معنا (صب القهوه ياولد) والله ودك الواحد يتعلم الميكانيكا من هالنصب اللي صاير بالصناعيه
م.أبوإبراهيم يعطيك العافيه , كلامك منطقي
هايلكس_408 مشكور اخوي , ان كانت المشكله عن الحراره بس بسيطه (غير الرديتر ولاركب مراوح ...الخ) بس خوفتك من الخرابات اللي اذا جت تجيك مليون علامة استفهام في راسك ماتعرف وشي
عـJeepـاشق يعطيك العافيه بس ماابيه الا عشان البر , لوبالرياض بس ماخذيته
الريم ما تخيب ماشالله ..جعله دوم
شروكي_كحلي مشكووووور ... بس مانحب ندلع السياره نبي السياره تدلعنا

[عاشق البر 898]

انحححححححححححححححححححححش مليون قدم والله العظيم خسرت بالشيروكيات لين قلت جانا العيد
مصيبه والله العظيم مصيبه المشكله اللي تقهر انك تصلح الخراب وبعد يومين يرجع نفس الخراب وتصلحه مره ثانيه يجيك شي العن من الاول


يكفي تسميته بشر بوكي

[الجفن]

بصراحه استغرب من بعض الناس تلقاه عنده شروكي ويعرف عيوبه ويمدحه وتلقاه يقول موتر ما عليه كلام يا اخي قل الصراحه لو على سيارتك
بصراحه انا عندي شروكي واقول لك انحشششششششششششششششششششششششششششش ويرزق الله خذ نيسان او تايوتا وبس ولا يهمك رخص سعره تراه رايح يخليك راعي ورش وتراه مخلي رفيقه وبذات بالبر يطلعلك خربات ما تدري من وين جتك وعند البيع ما تلقاء الي يسومه منك نصيحت اخو متوهق في الشروكي الله ياخذ عمر الي صنعه قولو اميييييين
الناس انصحتني قبل ما اشتريه قلت يا شيخ ما عليك من الناس خذه يعبر نفسك لكن يا ليتني اخذت بنصيحت الناس وما توهقت هتوهيقه

[ناوي نيه]

انا والله عندنا جارن لنا يموت بشي اسمه شروكي يشتري ويتوهق قبله بلورش ويبيع ويشتري غيره وهاذاني اشوفه معهقراند شروكي

[anas]

كان عندي شيروكي وبعته ، كلفني 11الف ريال في 4 اشهر فقط ،

[برق الشمالm2]

شرووووووووووووووووووووووووووووووووووووووووووووووكي لاصار نضيف ومجاة كرف والله بيطربك ولا يهمك هرج اعذال لشروكي اسئل مجرب

[hightech]

السلام عليكم

الحقيقة انه موتر يعجبك بر وديره بس عيبه ماكلن يعرف له

وقطع غياره غاليه مقارنه بالسيارات الثانيه

توكل على اللة واحرص على النظيف ومثل مايعطيك

بتعطية يابعدي....

التوفيق للجميع

[alkuwaity]

مساكم الله بالخير جميعا .........

انا عندى جيب شيروكى موديل 1997 وارد وكالة الكويت (بهبهانى) مواصفات خليجية ماشى 180 الف كم , والحقيقة ما اشتكيت منة ابد ....
خصوصا الاعطال الميكانيكية ....الموتر استخدمتة 7 سنوات ومن ثم عطيته اخوى الصغير وللحين ما شاء الله حالتة ممتازة
ولكن للأمانة ما انزل فية البر كثير ولا اسحب علية شئ (يعنى استعمال حشمة , خفيف ).....ونصحنى احد الشباب الخبير فى الشيروكى بتبديل الثرموستات الخاصة بالراديتر وتبديلها بنوع خاص رقمة 120 .....حيث انه ينزل من حرارة الموتر الموتر الطبيعية وهى النص تقريبا ويقلل تشغيل مراوح التبريد المزعجة ..... ولكن لاحظت فى الفترة الاخيرة ان المكاتب التجارية قامت باستيراد كميات كبيرة من هالجيبات من امريكا واكثرها بدون دبل ! وسمعت انها صواريخ ارضية مكينة 6 سلندر وبدى خفيف !؟؟
ويرغبها اكثر الشباب لطرد الحمام والقطا خصوصا عندنا فى الكويت ...والشيروكى فية ملحوظة خطرة وهى البريك , خفيف وما يكبح فزة وسرعة الموتر واكثر حوادث هالسيارة بسبب البريك الخفيف نسبيا مع قوة السيارة , والى عجبنى بالشيروكى صراحه انه متعدد الاستخدام فى المدن والبران , اقتصادى الى حد ما , المكينة مرتاحة بالخط , الموتر متجاوب معاك خصوصا بدواسة البنزين ! وطبعا ما يخلى من العيب كما ذكرت .... ولكن تبقى سيارة عزيزة على ....

عموما هذه تجربتى مع السيارة... وانقلها للفائدة ومن وجة نظرى الشخصية مع الاحترام والتقدير للجميع , وعسى الله يحفظ الجميع من كل مكروه

http://www.9m.com/upload/16-05-2007/0.6462601179266239.jpg
http://www.9m.com/upload/16-05-2007/0.77801179266377.jpg
http://www.9m.com/upload/16-05-2007/0.7132701179266432.jpg
http://www.9m.com/upload/16-05-2007/0.8164201179266598.jpg

[مناااوي]

سلام وتحية اخوووووي
الشيروكي خذ عزززم ما عليه حكي ؟؟؟ بس بالصيف نااااار الحراره تشكل عليه خطر وقطعه ناااااااااااااااااار
اعرف شخص عنده 2003 باعه لانه صدم بيه وكلفته القطع المطلوبه 13000 ريااااااااااال فانصحك دور غيرة
اذا قدرت على طوااارق فوليكس وواجن او المعتاااد كروزر والا باترول ولا بعدي اليوكون وجللللل همك

اخوك مناااوي عسيييير

[فايز العامر]

أنحشششششششش


بصفتي ذقت الأمرين من الشيروكي ،،

وشفت كثير من الناس ذاقوا الأمرين منه ..

اقول باختصار ،،،

مواصفات الشيروكي بشكل عام وباختصار ...

خرابات بالكوم...

قطع غيار نااااااار ..

وكيل ،،، الله يهديه ويصلحه ..


رأيي أنك تاخذ نيسان أو تويوتا .. وبس






ولاتنس الاستخارة قبل كل شي ...

[issa]

نصييييييييييييييييييحة من معاني من الشروكي
ابعد عند الشر وغني له...
انصحك بالتويوتا وبس
حتى لو فرقتك معك بكم من الف , فالتويوتا افضل بالف مررررررررررررررة من الشروكي
لان قطع غيارة موجوده و سيارة بر وبلد

[khaled99]

السلام عليكم..

إذا انت راعي بيع وشرا .. يعني ما انتب شاري استخدام طويل الأمد

فأنا أنصحك به خاصة موديل 2001 بابين تماتيك

الايجابيات:
الرخص عند الشراء
خفة الوزن
قوة المكينة<<أنواع الطرب
توفر الورش المتخصصة في تصليح الشيروكي

السلبيات:
غير آمن-يعني في أي وقت يخرب..راعي مزاجات-
غلاء القطع بنسبة بسيطة لكنها متوفره في التشاليح
ارتفاع الحرارة ويمكن حلها بالمروحة الاضافية..


ماتلاحظ انه في فترة الشتاء مليان منه الشوراع!!
لأنه رخيص..ومواصفات حلوة
لكن في الصيف يبيعونه لحرارته..


ولا تنسى الإستخارة..

والله يكتب اللي فيه الخير وويفقك دنيا وآخره.

[مكشات عنيزه]

شف وانا اخوك ابقولك وضعي وانت احكم
معي شروكي تقريبا ثلاث سنين بعد ما شريته بديت :
ادل بالصناعيه ، اعرف الزين منهم والشين
بديت اعرف بالميكانيكا واصلح بعض الخرابات
شف الشروكي تبي تستخدمه بس بالديره في احتمال انه يخرب
واذا استخدمته بالبر اكيد وميه بالميه انه يبي يخرب

[غروب-1]

زباااااااااااااااااااااااااااااااااااااااااااااااا اااااااااااله لاتقربه

[جمعان 22]

الشروكي يهبا لا تجيه

انا لم استخدم السيارة ولكن لي معارف كثير استخدموها

اذا كانت بتاخذها لبر وغيره .... فهي رديئة ...


ولا يفزعله غير عزمه ....فقط فقط فقط

اولا ...حرارة مرتفعة .... ويا ويلك اذا شغلت الدبل .....لازم يكون معك ماء علشان تبرد على المحرك :)

اعطاله كثيرة وغبية ....يعني ماهو مواصفات الخليج

ما يحمل شيئ .... اذا جلسوا 3 وزنهم متوسط في الخلف .....نزل الجيب وصار كأنه بيحك بالارض

توزيع الوزن فيه غبي جدا .... وزنه كله في الامام ...اي قفزة بالسيارة بتجي على وجه السيارة وتقلب

تكييف حار ..لانه امريكي

وضيق


السيارة هذه للتفحيط فقط

[الدحبول]

أن مثلك أدور على واحد نظيف ولا حصلت
ترى حرارة الشيروكي على النص أو تحت طبيعي
بما أني ادور على شيروكي ركبت أكثر من واحد النظيف وشبة نظيف والتعبان
شيروكي النظيف مشاء الله موديل 1999 قير عادي ودريش عادي مكيف 4 أبواب نظيف
راعية طالب 25 الاف الحرارة على الربع وترفع إلى تحت النص ب شرطتين
مكيف مشاء الله الدزق والكلتش والفحمة و الفحمات و فلتر الهواء و البواجي مغير والفاتير موجودة
بس ما كان معي إلا 15 الاف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
1) قطع غيار أسعارة مرتفع نسبينا
2) غير مرغوب في حال إعادة البيع إلا في شتاء والربيع فقط
3) يستخدم 91
4)عملي
5) هناك قطع غيار تجاري وأسعارها معقولة ( سمعت )

أهم شرط ان يكون الموتر نظيف ونشاء الله مارح تخسر فية ولا ريال غير القطع الاستهلكية
أن شتريت لاند97 غيرت له قطع غيار بعد 4 أشهر من الشراء كلفتني 5500

[أ.الخزاعي]

ياحبيبي لاتا
خذه تكفى لاتاخذه تندم والله خذ سيارة كل الناس يقولون زين مااخذت ولا جيت تبيعها كل الزباين يتناقزون عليك
خذ تويوتا وبس

[الساهر2003]

السلام عليكم
اخوي اذا تبي شيروكي فخذ لك باث 2003/2004/2005 مثل اداء الشيروكي لكن يتميز الشيروكي باللوك في الدبل الثقيل والباث اقل خراب ونفس الارتفاع والنشاط
وهو خليفة الشيروكي حتى في الحرارة لكن اخف نفس من الشيروكي
مع اطيب تحية

[ابوريناد1979]

أشكر الجميع عالتواصل
لكن لو تلاحظون ان الموضوع قديم
ونا صرفت النظر عن الشيروكي لأني منيب ناقص اصرف عليه ونا ابيه للبر بس
عموما خذيت لي باث قديم ويبي له شوي تصليحات بحدود 2000 ريال ,,, ولين طاح اللي براسي بعته
سلاااام

[ابو وتين]

افرك منه وعض ثوبك

[.أبوعبدالرحمن]

الشيروكي اذا كنت بتشتري جديد خذ شيروكي


لكن اذا بتاخذ مستعمل دور واتعب لييييييييييييييين تلقا نظييييييييييييييييييييييييييييييييييييييييف وبالحيل



والله يرزقك بالنظيف

[ابو سمحه]

شرووووووووووووكي انحش انحش انحش

ماهو لشدايد ولا هو للفزاااااااايع وقطعه غاااااااالي

باااااااااااترول وعليه الكلام

[أبوكلبشة]

شف انا معي شروكي والحرارة بعد مراوح السوبارو وبلف الكابرس 160
وتغيير الرديتر الى المنيوم صار دلع الحرارة ربع مع المكيف بعز الصيف
وعذروبة ولقيناله حل وهو الحرارة
اما الموتر معي مشاء الله تبارك الله

[إبن فيصل]

والله السيارة حلوه إذا فتحت لك ورشة وصرت تصلحه على طول لأنه أنت راعي بر ومكده في البر والديرة لا زم تكده وهو ما هوب راعي مكده يعني تكده بيروح فيها لازم تشيك عليه كل شوي وأن ما شيكت عليه وخليت بالك منه الله يخلف عليك بيخرب وبيخسرك كثير...والي مدح لك السيارة تراه مستخدمها ويهي نظيفة أو جديدة لكن إذا شريت السيارة لازم تخلي عندك ميزانية للتصليح (الحق يقال السيارة قوية وحلوه لكن عيبها في الخرابات)والادها والامر هي في غلا القطع الي محتكره عند الوكيل وحتى في التشليح عند بعضهم ومحتكرينها بعد يعني الدعو ترا الشيروكي ما ينغزابه .

[احب البرواهله]

الله يقطعه من موترما عرفت الورش والتشاليح إلا يوم شريته بلا بشكله والحمدالله بعته بخساره وشريت راحة البال