## وش احسن كفرات لليوكن( الله يعافيكم ) ##

[ابوسليم]

السلام عليكم ورحمة الله وبركاته

ارجو ممن لديه علم بأحسن كفرات لليوكن او الجمس الصالون (دفع رباعي) للنفود والأسفلت
لأني ناوي بأذن الله اغير كفرات سيارتي .
احد الزملاء اشارعلي بكفرات Goodyear سعرها تقريباً 620 ريال للكفر!!
وواحد اخر اشار علي بكفرات BRIDGESTONE

:confused: :confused: :confused:

ارجو المساعدة الله يجزاكم خير,,,,,,,,,,,,

[باترول للأبد]

وعليكم السلام ورحمة الله وبركاتة ... تبي الكفرات الزينة مالك غير ماشيلان صراحة أنا أشهد كفرات ... مركبهم على موتري اليوكن والحين السنة الرابعة لهم

وبيطقون السنة الخامسة ولاقالو شي ماشاء الله

[قناص سدير 999]

Goodyear ممتازه وسعرها580 ريا ل وتاكد من تاريخ التصنيع

[ابوسليم]

اخي باترول للآبد /
ولله ماشاءالله عليك . وكم سعر الكفر ....

ومشكور على تجاوبك .

اخي قناص سدير 999 /
واحد من الجماعه مركبه ويمدح فيها من ناحية ممشاها بالنفود وبالخط . وسالت اكثر من محل بالرياض
كلهم قالو 620 تاريخها 2007م .

والله يعطيكم العافيه

[بن نويشر]

عندك كفرات الكمهو الكورية ، ولا تستغرب جداً ممتازه وناعمه ونقشتها حلوه وسعرها بالمره معقول وتراها عمليه . بس أهم شيئ تأخذ نفس المقاس لإطار شد بلده .

موفق يالحبيب

[ابوجنيه]

انا أشوف بالنسبه للجمس مافيه أحس من ميشلان مع اني ما أحب كفرات الميشلان على السياره الصغيره بس صراحه على الجمس واليوكن منتهى الابداع انا تاخذ لها معي على الجمس من 4 الى 5 سنوات والسياره ما توقف واغيرها وهي نص عمر:eek: :eek: لأنها على سياره عائله

اذكر انها بحدود ال500ريال

يمكن تغير سعرها الحين اكيد ما بادري:confused: :confused: لاني مو كل يوم وانا مغير كفر:D :D

:D أنصحك فيها وبقوه ;)

[عبدالرحمن2007]

اهم شيء تاريخ الصناعه ويكون صناعة قوية امريكي او ياباني او الماني وانتبه من الصيني والاندونوسي وتاكد من فئة الصنع اي او بي او سي لانها حسب الحرارة ......بالتوفيق .

[بواسامه]

ميشلان
على كل لسان
وبعدها ركب دنلوب حقت الجيوب

[مفتاح الفرج]

ميشلان ممتازة ... بل هي الأفضل


ولكن ذات الصناعة الفرنسية فقط فقط ... اما الايطالية فهي تفقد قرابة الــ 30% من الجودة خصوصا في سرعة مسح

الكفر

[ناوي نيه]

عليك بليوكوهاما انا اشوف افضل شي وسعرها زين وياباني

[ملاعب الريح]

Dunlop وشفها بتوقيعي شريت أكثر من 5 طقوم (سفلت , رمل , حصا , طين ............)


وإحرص على الياباني الأصلي.....



(ملاعب الريح)

[abunaser]

انا ركبت ميشلان بعد البحث والتحري صراحه هي احسن الموجود في نظري

[سفاري نجد]

لا تفوتك الفايرستون اليابانيه الأصليه وكيلها التميمي كد ومد للطريق ،،،

[anas]

وانا بعد ابغى اغير كفرات طقم للباجيرو
حجمها ( 256-70-16 ) وش تنصحوني ؟

[الاعتدال]

السلام عليكم

أخواني

من واقع تجربتي ولله الحمد لم اجد أفضل من

بريلي سكوربيون STR

وسعره في وكالتة بــ 550 ريال

والله يكتب لك الخير

[ابوسليم]

الله يجزاكم خير على هذه المعلومات ....
اشوف كفرات مشلان في المقدمة :good: .. وولاواحد ذكر البرجستون :what:
كم سعرميشلان تكفون ووين احصل الوكالة بالرياض

ويامال العافية ,,,,,,,,,

[L I M I T E D]

انصحك بالميشلان صراحه انها تنصفط

وسعر الكفر يتراوح بين مقاس ومقاس ولكن هو بحدود الـ 500 ريال

انصحك ماتركب الا بالوكاله لان اللي عندهم اصلي مهوب امراتي مثل اللي بالغرابي

الوكاله بعيده في طريق خريص

تخلي المعارض على يمينك وتبتل سيده سيده قبل بتلقاها على اليمين محلهم مهوب واضح بالحيل

واظاهر انهم جنب ناغي

[qw77]

انا ولله انصحك دين لوب بـ350
ولاهانكوك عشره غاط

[amin11]

فالكون اى الشاهين

[مهموم]

انا اقترح عليك بأل ( كووديير/goodyeer) لأن شد بلدها .... وصح انها اغلا كفرات ( 600ريال) :eek: لاكن ترييييييييييحك ..

[ahmed_717]

وش رايكم بالفالكون ؟؟

انا سألت عنها عند كذا بنشري بس ماهي موجوده عندهم ويذمونها يقولون تحبل وماتعيش معاك

ولكن الوكيل يقول اعطيك ضمان ضد التحبيل و و و و الخ ؟؟

وش رايكم تنفع او لا ؟

طبعا الفالكون ياباني

[ناوي نيه]

ياسفاري نجد فايرستون مب ياباني اضاهر كوري برجستون ياباني
تقبل تحياتي