المساعد الشخصي الرقمي

مشاهدة النسخة كاملة : يامكشات المكشاتيه الفزعه


عاشق سفاري
08/05/2007, 05:11 PM
السلام عليكم ورحمة الله وبركاته
مساكم الله بالخير اجمعين الفزعه ياجماعه
عندي تنسيم في المواصير تبع المكيف السياره جيب سفاري وابغا ناس موتخصصه في الشي هذا وفكوني من اليمنيه
البقلاديشي يسون انهم فاهمين وهوم ماعندهم سالف
اسرعو ياجماعه الحر شواني
ناوي نيه
08/05/2007, 05:58 PM
انت وين مكانك
الربذي
08/05/2007, 06:38 PM
الله يعينك تبي ناس حريفينصح لان التهريب صعب اكتشافه بسهوله
واحد لقى التهريب من الثلاجه وسيارته مورسيدس وتقع بين اطبلون والكبوت فك الطبلون وشاله مره وصلحه
احرص على اهل الخبره
ابو سلافه
09/05/2007, 01:57 AM
يا خوي وين عايشين انتم !!!فيه جهاز خاص بكشف التهريب والله اول مره ادري ان فيه ناس ما تعرفه وشغلت كشفه بسطه يحطه على اللي وبعدين يعلمك فيه تهريب ولا لا
بدوي جنوبي
09/05/2007, 03:04 AM
ياخي لو تاخذ علبه وفيها شوي مويه مع فيري وسفنجه وتمرر الصابون علي المواصير والمكيف شغال .. اذا فيه تهريب بتشوف فقاعات هوا

اما اذا كان التهريب داخلي فهاذي يبيلها فك وتركيب
عاشق سفاري
09/05/2007, 10:26 AM
ناوي نيه مكاني في الرياض
عاشق سفاري
09/05/2007, 10:28 AM
لقيت الماصوره منسمه بس تبي الحام وين الي يظبط
وشكركم علي تفعلكم وافزعتكم
راعي كيف
09/05/2007, 11:51 AM
السلام عليكم
اخوي عاشق سفاري كان معي ربع سفاري وصار فية تنسيم لأن بعض المواصير ماثبتت زين ورحت لواحد تركي وقالي احسن شي إنك تغيرة والله جبته من الوكاله بحدود 170او 190مأذكر لكن الحمد لله عتق معي وصار تمام فأنصحك تغير جديد وإذا كنت تبي واحد شف تقاطع شارع جرير مع مشرفة اللي بحي جرير بالمحطة حقت التسهيلات تركي شاطر بس غالي وشغله تمام اعتقد اسمة طوني وانتبه فية اثنين جنب بعض واحد نصاب طوني هذا حاط رقم جواله باللوحة .


اخوك المحب راعي كيف
ابو ناصر
عاشق سفاري
09/05/2007, 11:53 AM
بيض الله وجهك وماقصرت