مطلوب عدة وزن دربيل الخرازة

[أبوالبشاير]

سلام ...

يا جماعة أنا قدر الله علي وشريت دربيل، لكن المشكلة ان الدربيل يبغى له وزن .... والوزن يبغاله عدة..... و العدة عند الرماية.... والرماية يقولون انتهى من عندنا.... وش الحل؟
لا تقولون لي حط ليزر ما ليزر والا ثبت الخرازة بملزمة لاني صراحة متعيجز وابي شغل سريع سريع...


الفزعة يا هل الفزعة.....

[عليان الليل]

اخي الكريم
رح للرماية فرع التخصصي وهم يوزنونه لك
مقابل شي بسيط
تحياتي

[news]

عزيزي يوجد عند الهدف جهازصغير يوضع داخل السبطانه وبواسطته تستطيع وزن الدربيل

[نجمة سهيل]

عزيزي ابو البشاير:heart:

عندك محل الرمايه يوزن لك الخرازه ب30 ريال. بس يقولك المثل ابعد عن الشر وغنيله. واحد من الربع وزنها عندهم وهالمصري يقوله كلوه ميه ميه ياافندم . يوم راح بها يجربها يقول والله اني احدها في وسط الطير وتروح عنه فوووووق يمكن 3 او 4 اشبار؟. ليه الغش؟؟ وش بيستفيدون غير دعاء المسلمين عليهم:mad: :mad:

وعندك محل الهدف هذا يوزنها لك 100% ب50ريال . ونص الي اعرفهم مايوزنون االا عنده والنص الباقي مايعرف الا يوزن سلاحه بنفسه:D

[عاشق النحم]

وده لسوق الزل و الفز لشايب 20 ريال واذا ما ظبطت يكون تقابلني

[الشيب]

السلام علكيم ورحمة الله
هذي ياشباب قطعه وزن الخرازه وطريقتاه
1- أدخل الطرف المشطوف من المسمار في قطعه الوزن احكم شد المسمار باستخدام الإبهام و السبابه لا تستخدم زراديه أو أدوات أخرى .
http://www.mekshat.com/pix/upload/images/abu11.jpg
2-ادفع الطرف الآخر من المسمار في ما صوره الخرازه حتى يتصل أمان الاطلاق في ما صورة الخرازه.
http://www.mekshat.com/pix/upload/images/abu22.jpg
3- انظر من خلال دربيل الخرازه أو أي سلاح اذا كانت نمط خطوط الشبكه مائله أدرها لتكون الخطوط مصفوفه عمودياً وافقياً مع مجال النظر من خلال الدربيل .
http://www.mekshat.com/pix/upload/images/abu3.jpg


4- عدل مسامير الدربيل لإرتفاع و الجانب لجعل نمط الشبكه في الوسط كل الشبكه خطوط مربعه تعادل اربع بوصات لكل مئه يارده.
http://www.mekshat.com/pix/upload/images/abu4.jpg


5- ابعد مسمار عيار المساصوره عن ما صوره السلاح
http://www.mekshat.com/pix/upload/images/abuh000.jpg
وهذي جهاز الوزان وسعره 280

[عاشق الصحراء 2]

السلام عليكم ورحمة الله

اخواني انا عندي خرازه و وزنتها عند الرمايه وياليتني ما وزنتها لانهم نصابين

لاكن احسن طريقه

اطلع للبر وخذ معك كم علبة فشق وحط كرتون وصوب عليه و اوزن الين تضبط

بلا ليزر بلا نصابين

[aflaj12]

أنا معك ياعاشق الصحراء والله إنها أفضل من ودها وجبها ودمتم

[الخبير]

السلام عليكم جميعاً
يا شباب من السهل جداً إنك تطلع للبر و تقعد تطلق بالبندق لن توزن الدربيل ولكن هل فكرت بالمصاريف إلي تبي تتحملها.
الرصاص مهوب رخيص ولا هو من السهولة إنك تلقاه، لهذا أنصح باستخدام الليزر في الوزن أو عدة وزن الدربيل المذكورة سابقاً.

[رذاذ]

السلام عليكم
ياشباب عندي نصيحة لكيفية وزن الدربيل
1- الجهاز الذي يباع في الرماية وله صور في رد أحد الأخوة مضبوط لكن لنوعية خاصة من الرصاص
أتمنا للي جرب انه يعلمنا اسم هذه النوعية ( وأعتقد أنها غير موجودة في المملكة )
2- الوزن الممتاز والمضمون والمجرب هو الوزن بالملزمة أو الليزر كيف يتم ذلك ارجع إلى موضوع
كيفية وزن منظار الخرازة في الصفحة الأولى أو الثانية وشكراً
3- بالنسبة للي يقول أبي طريقة سريعة أو عجزان مصير المصاريف الواجد تجيبه للطرق التي ذكرت
=== أخيراً قالو قد يماً اسأل مجرب ولاتسأل طبيب ====