المساعد الشخصي الرقمي

مشاهدة النسخة كاملة : استفسار عن أسعار الباترول 2005 vtc


عاشق خلاوي
08/05/2007, 09:30 PM
مساكم الله بالخير ...

يالربع أبي أستفسر عن أسعار الباترول الحاليه 2005 vtc ؟؟...

و وش رايكم بالموتر بالديره وبالبر ؟؟ وصرفيته كيف ؟؟ وهل سواقته مريحه؟؟ وهل خراباته كثيره؟؟

وشكرااااااااااااااااا.....:)
عاشق خلاوي
08/05/2007, 09:48 PM
للرفع ..........
باترول للأبد
08/05/2007, 11:37 PM
والله يالغالي الأسعار متفاوتة أهم شي فوق المية الف ...

وصراحة موتر لايعلى علية في البر والديرة وكل مكان

وبالنسبة للصرفية صرفيتة حلوة

وبالنسبة للسواقة مريح بشكل ماتتصور

وبالنسبة للخرابات أخذة وأنسى الخرابات بس عليك بالزيت والبنزين غيرة لاتفكر في شي

وأرجو أني أفدتك يالغالي
راعي المستوي
09/05/2007, 12:19 AM
والله يالغالي الأسعار متفاوتة أهم شي فوق المية الف ...

وصراحة موتر لايعلى علية في البر والديرة وكل مكان

وبالنسبة للصرفية صرفيتة حلوة

وبالنسبة للسواقة مريح بشكل ماتتصور

وبالنسبة للخرابات أخذة وأنسى الخرابات بس عليك بالزيت والبنزين غيرة لاتفكر في شي

وأرجو أني أفدتك يالغالي
:good: :good: :good:
abuud
09/05/2007, 01:17 AM
عزالله انة موتر وبس
مرقاب
09/05/2007, 01:32 AM
اخوي السفاري رقم 1 الصالون من 88 الى 94 ورقم 2 يفرق جنط 17 والمثبت للسرعه على الدركسون من 95 الى 103 الاف والسوبر سفاري من 110 الى 120 الف كامل المواصفات والاخير نادر جدا في المعارض لكن السفاري في السو ق اكثر من السوبر.الموتر مايحتاج مدينه وبر .
عاشق خلاوي
12/05/2007, 10:29 PM
شكرا على ردودكم ....

بس هلأسعار .أسعار سوبر سفاري 2005 ...؟؟
عاشق خلاوي
12/05/2007, 10:35 PM
للرفـــــــــــــــع..
باترول للأبد
13/05/2007, 12:38 AM
السوبر سفاري 2005 سعرة فوق 100 الف

يعني يختلف عن الأنواع الثانية

وكل شي لة سعرة
شعيب الفويلق
13/05/2007, 12:44 AM
اخوي عاشق خلاوي اي جيب باترول اللي تسال عنة السوبر او رقم واحد او رقم اثنين حدد النوع وان اعلمك في السعر والموصفات والعيوب في كل واحد منها
عاشق خلاوي
13/05/2007, 01:33 PM
والله أنا ضايع بالطوشه مدري وش مواصفاتهن...

بس اللي اعنيه السوبر سفاري ...
قناص متقاعد
13/05/2007, 06:31 PM
واحد من الشباب معه 2006 فتك

يقول مشى على البنزين الاخضر مسافه 750 كم والسرعه بين 150 الى 170 وصل الرياض وباقي في التانكي اقل من الربع بشوي طبعاً الكلام هذا في الشتاء يعني ما شغل مكيف .

وبالنسبه للاستعمال ( حدث ولا حرج ) .

انا معي واحد 2003 بصراحه فيه كل العجايب

وبالمقارنه مع الفكس ار او التيوتا كا كل

فا النيسان يتميز بالاتي :-

اولاً قيرين عايدي وتماتيك

2- قوة المكينة 2800 vtc سته سرندل مع العلم ان الفكس ار 8 سرندل وقوه المكينه 4700 اما الجكس ار وطقته 4500

3- نظام التعليق اللي يعجب كل شخص يروح للبر ( وهو التحكم في السيارة عند السرعات العالية في الطرق الوعره والصحراوية ) وبالعربي تمشي عليه بسرعه عاليه في البر وكنك على الزفلت .

4- دفرنس امامي وهو يحفظ لك التوازن وكذلك يتحمل اي قوة ضرب على الكفرات او المطبات .

5- طبلون اليكتروني ( مثل نظام الكزس ) .

6- نظام الدف لوك .

.................................................. .....

عيبه الوحيد انه في الخلفيه ابواب ولا ينزل منه شنطه
a-s-i3
14/05/2007, 02:11 PM
يا خوي السفاري خفيف نفس في الزفلت ولا البر هذي مشهود له فيها اخف من الvxr-gxr على الرمل والممشى مريح عيبه الوحيد صرفية البانزين لكن مع الاخضر صار افضل الله يديم الرخص
رعد النجدي
14/05/2007, 02:54 PM
طيب اخوي المسطل
السوبر سفاري اذا مشى 160 على عزم دوران كم وار بي ام كم
الفي اكس عزم دوران اعلى على ار بي ام اقل
السوبر سرعة 100كم بالساعه على 2800 لفه للمكينه والفكس 100كم / س على 2200 لفه
عرفت الفرق هالحين بين الفكس والسوبر
انا ب8 سلندرات الفكس امشي مسافه اطول واريح للمكينه اما السوبر على نفس السرعه مستحيل يقطع نفس المسافه بنفس الكميه من البنزين
هنا الفرق

واذا احتجت لعزم دوران على سرعه واطيه يعني في نمره واطيه يعطيني عزم دوران اعلى على ار بي ام اقل من السوبر
وهنا الفرق الثاني يعني ما يبرد بسرعه مثل السوبر
انا ما ابخس حق النيسان سياره نعم وناجح نعم
لكن من الظلم مساواته مع الفكس
كيف تقارنون محرك 6 سلندر مع 8 سلندر
ارجو اخي المسطل ان تتقبل رأيء برحابة صدر
عاشق خلاوي
14/05/2007, 07:48 PM
المسطل .a-s-i3.رعد النجدي ::
((يعطيكم العافيه وما قصرتوا على الاراء والنصايح ... بس باقي عندي سؤال لاخوي المسطل هل المواصفات اللي قالها للسوبر سفاري 2005؟؟

وكم اسعار السوبر سفاري 2005؟؟ مستعمل .وان كان فيه جديد كم سعره؟؟
سفاري نجد
14/05/2007, 11:12 PM
اخوي رعد النجدي

أرجو توضيح السرعه بين الفي اكس ار والسفاري عند سرعه 100 كم لو سمحت ،،،
القناص
15/05/2007, 12:02 AM
الفرق انك عند سرعة 100كلم ما تسمع لا حنه ولا وشيش هواء في السوبر سفاري
هاوي الله
15/05/2007, 12:09 AM
منااااظره جميله جداً أعجبتني بين المسطل ورعد النجدي يعطيكم العافيه ,,

صاحب الموضوع ... موفق + تحياتي ,,

باقي الأعضاء ... تحياتي ,,