المساعد الشخصي الرقمي

مشاهدة النسخة كاملة : سؤال لخبراء ... لاند كروزر ..


فتى الدهناء
09/05/2007, 12:02 AM
اخواني .. السلام عليكم ..

لاندكروز .. 2003 .. عداد الزيت يرتفع مرات وينزل مرات.. وش الإحتمالات .. والزيت جديد على كلام راعيه .. يعني يغيّره كل 2500 كلم ..
بالرمله قناص
09/05/2007, 12:06 AM
أخوي فتى الدهناء .. أذا تقصد المؤشر حق الزيت الي مع العدادات .. فهذا طبيعي عند حركة السيارة وتبديل النمر ويكون بأرتفاع عند أرتفاع ضغط المكينة ..

أما اذا كان يرتفع وينزل .. والموتر واقف والمكينة في حالة أستقرار فهذي اما مشكلة في الحساس حق العداد او بالمكينة ..

واي استفسار حاظرين يافتى الدهناء
غالي
09/05/2007, 12:10 AM
عادي اخوي
موتري 2003 جي اكس ار
يرتفع عند الدعس على البنزين وينخفض اذا تركت الدعسه
واول ماتشغل الموتر الصباح تلقاه نازل
ولين احتمى الموتر يرتفع حول النص
وهذا طبيعي
والله اعلم
شامخ ألهيلا
09/05/2007, 12:11 AM
طبيعي انا معي 2002 مثلك لاتوسوس
ابو نوااف
09/05/2007, 12:50 AM
انا حصلت معي وكنت توني مطلع السيارة من الوكاله عامل لها تشييك وغيار زيت مع سيفون ويوم اني طلعته الا مؤشر الزيت تحت واستغربت وناديت الفني وقال عادي مافيه اي مشكله . ومن يومها ولا اد اسال عنها طلع نزل عادي فحط ببطنك بطيخه صيفي
وبعدين ليش تغير على 2500 الوكاله تقولك 5000 وانت تغير !!!!

ونصيحه غير الزيت والسيفون دائما بالوكاله لان سعر البنشر والوكاله فرق 10 ريال فقط لاغير ومعروف شغل الوكاله عن البنشري
الذيب الابيض
09/05/2007, 12:54 AM
اخوي كان معي جيب لكزس 2002 اذا دعست له ارتفع واذا وقفت عند الاشاره نزل بشكل ملحوض
في اخر شي لقيت ان الزيت مكثره لي ابو يمن
واتمنى لك التوفيق
رحال7
09/05/2007, 09:26 AM
عندى ينزل الى الربع او اقل ويستقر عندها عندما تكون السياره واقفه وتشتغل ؟

هل هذا طبيعى؟ ولكن عند الدعس يرتفع الى قريب النصف!!
فتى الدهناء
09/05/2007, 11:11 AM
ياجماعه أشكركم على ردودك المطمنة نوعا ما .. والرجال يقول أنا داري بموضوع ارتفاع الامبير ونزوله من أوّل ..بس يقول هالمرّة بزود وأنا أمشي 140 وحولها .. مرة يكون على الربع تحت ومرة مرتفع ثلاث أرباع .. !! يعني المسألة مهيب حول النص ..

أما والسيارة واقفة هذا مافيه كلام ..

وفقكم الله
ولد الشايب 1
09/05/2007, 02:05 PM
السلام عليكم ورحمة الله وبركاتة
أخوي فتى الدهناء المسئله بسيطه أرفع غطاء الكبوت وشوف في جنب المكينه حساس زيت راكب فكه عند الكهرباء وغيره ويزبط معك تراه مدور والشغله خمس دقايق
عرهب
12/05/2007, 02:47 PM
عادي يا أخي أنا مجرب جي إكس آر 2003 ومجرب في إكس آر 2005 كلهم زي بعض عادي لا تلتفت له ينزل ويطلع عادي الله يعطيك خير سيارتك ويكفيك شرها
هاوي الله
12/05/2007, 10:34 PM
ياجماعه أشكركم على ردودك المطمنة نوعا ما .. والرجال يقول أنا داري بموضوع ارتفاع الامبير ونزوله من أوّل ..بس يقول هالمرّة بزود وأنا أمشي 140 وحولها .. مرة يكون على الربع تحت ومرة مرتفع ثلاث أرباع .. !! يعني المسألة مهيب حول النص ..

أما والسيارة واقفة هذا مافيه كلام ..

وفقكم الله

فتى الدهناء ترى كلامك اللي فوق باللون الأحمر تراه غير طبيعي أقصد إنبير الزيت . مدامه يمشي 140 فترى المفروض يكون النص أو فوق ( مهيب مشكله إذا تغير بس أهم شي يكون فوق النص ) .

المشكله إذا كان يمشي 140 والإنبير يكون على الربع تحت = ضغط الزيت غير طبيعي ( منخفض بالنسبة لسرعة 140)

عندك حاجتين : 1- الزيت ناقص 2- تشييك على طرمبة الزيت

معلومه : ترى الحراره لها دور قوي في ضغط الزيت .


س/ الرجال هل هو مغير نوعية الزيت المُستخدم سابقاً ؟
فتى الدهناء
12/05/2007, 10:40 PM
جميل أخوي هاوي هدد .. وأشكر الإخوة .. بنقل كلامكم للراقل :)

وفقكم الله
abosami
13/05/2007, 10:49 PM
أخوي العزيز لايوجد أي مشكلة في حركة الأمبير سواء بالصعود او النزول وعادي جدا جدا
ولاتوسوس يالغالي
الشقردي
14/05/2007, 11:27 AM
ترى أحيانا تكون مشكلة في مؤشر الزيت نفسه يصير يلعب ما تعرف له طريقة , وانا أذكرها في Gxr2002 لواحد من الزملاء كان جايبة من البريمي. وكان يقول لي هذي مشكله ببعض جيوب البريمي.
رااعي الصفراا
14/05/2007, 11:41 AM
مابه الا الزين نفداك

انا عندي 2003 وذا الشي طبيعي ميه في الميه

ولا تهوجس

فل الحجاج وذب راس الطويله على شان يضبط العداد ههههه ولا عاد ينزل ولا يهبط

وش انت شاريه له

ياخوك ما خلق الا للمهمات المستحيله وذا تويوتا لا ضاقت فيك الوسيعه اقرب طعس

ولاهنت يا السنافي

اخوك

رااعي الصفراا
جي اكس أر 3
14/05/2007, 11:41 AM
السلام عليكم
مشرفنا العزيز فـــــتي الدهناء حفظه الله
اخي العزيز انا صارت معي في جيب لكزس 2004 وانا ماشي بلخط لا حظت عداد الزيت لا يعمل وبعد وقفت السياره ارتفع المؤشر بسيط ذهبت فيه للوكاله وتم تغيير ساعه الزيت والله الحمد اصبح علي مايرام ،، اما عداد الجيب وبذات gxr ليس ثابت مع ضغط دواسه البنزين
يرتفع وعند الوقوف ينزل بشكل ملحوظ فهذا بارك الله فيك بحسب خبرتي في الجيب طبيعي جدأ ولا تقلق ،،
تحياتي
هاوي الله
14/05/2007, 02:40 PM
كلما إرتفع حرارة المُحرك = كلما إنخفض ضغط الزيت

كلما إنخفض ضغط الزيت = كلما زاد إستهلاك الوقود + كلما صار أداء المُحرك أضعف وأضعف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
كلما إنخفض حرارة المُحرك = كلما إرتفع ضغط الزيت

كلما إرتـفـع ضغط الزيت = كلما قل إستهلاك الوقود + كلما صار أداء المُحرك أفضل وأفضل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
* كذا الخبره ولابلاش , وأتحدى أي مهندس في العالم يقول إن الكلام هذا غير صحيح :good: .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ


هاوي هدد
هاوي الله
14/05/2007, 04:46 PM
عادي اخوي
موتري 2003 جي اكس ار
يرتفع عند الدعس على البنزين وينخفض اذا تركت الدعسه
واول ماتشغل الموتر الصباح تلقاه نازل
ولين احتمى الموتر يرتفع حول النص
وهذا طبيعي
والله اعلم

عجيب ياغالي , أتوقع إنك غلطان لأنه المفروض أول مايشتغل الموتر يكون مرتفع وبعد ماتحتمي المكينه ينزل , وهذا الكلام متأكد منه 100% في جميع أنواع السيارات .
فتى الدهناء
14/05/2007, 04:52 PM
ماقصرتوا يالغالي ..

ومعلومة منتازة أخوي هاوي هدد
ابو عاذر
14/05/2007, 09:44 PM
كلما إرتفع حرارة المُحرك = كلما إنخفض ضغط الزيت

كلما إنخفض ضغط الزيت = كلما زاد إستهلاك الوقود + كلما صار أداء المُحرك أضعف وأضعف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
كلما إنخفض حرارة المُحرك = كلما إرتفع ضغط الزيت

كلما إرتـفـع ضغط الزيت = كلما قل إستهلاك الوقود + كلما صار أداء المُحرك أفضل وأفضل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
* كذا الخبره ولابلاش , وأتحدى أي مهندس في العالم يقول إن الكلام هذا غير صحيح :good: .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ




هاوي هدد


حقاً موسوعة اخوي هاوي هدد ،،،،،،،،،،،، يعطيك العافية على هذه المعلومات

الشكر موصول لصاحب الموضوع

مع تحيات اخوكم ابو عاذر