جيب سوزوكي

[0العاصمي0]

السلام عليكم ورحمه الله وبركاته














اخواني انا ناويلي على جيب سوزوكي الصغير اللي يجي باب واحد مثل حق الشركات
بس ابي مشورتكم يا أعضاء مكشات الطيبين
واذا فيه معلومات عن السياره من ناحيه المواصفات والسعر واكون من الشاكرين

[alkongrs]

:no2: :no2: تبي نصيحت أخو محب لا تاخذ سزوكي مهو مرغوب ما أشوف كثير جيب سزوكي :no2: :no2:

[شامخ ألهيلا]

اتركه عنك تراه خابور لو انه جديد

[المميـز]

العاصمي



فيتارا الباب واحد حلو وسعره قير عادي 66000ريال

اما الثاني حق الشركات ما اعرف سعره

ولكن سيارات الايسوزو ماينخاف منها سيارات يابانيه وقويه ووكالتها حليله وقطعها معقوله وقليلت خراب

[z a n h o r]

عزيزي المميز

وكيل ايسوزو ما نجحه الا قوة سياراته وصلابتها

لكن من ناحيه وكاله في اردى من الزفت

ادخل سيارتي يوم كامل وبطلبهم والعله بان الشغله تاخذ وقت كثير
ويتصلون علي من بكره يقولون جاهزه تعال خذها

واجي واخذ السياره واقلى كل شي على وضعه ما تغير

وبعد طول اللسان وقلة الحيا خلال 5 دقايق صارت السياره جاهزه

واصلا المهندس يقول ما فيه شي من المذكر بالتقرير الي انت رافعه

وهذا دليل على انهم ما فتحو السياره من اصل

عموما انا مالي خبره بالسزوكي ولا اقدر افيدك

[محب النياق]

مسكو خط

ياناس السسسسسسسسسسسسسسسسسسسسسسزوكي

[شامخ ألهيلا]

ياشباب الرجال يسال عن السزوكي

[سلطان العوني]

انحش احسن لك

[التسعه شفر]

وش لك بالردا.!!!!!

[مخرب طلعات]

السوزوكي كما أعرفها هي ناجحه

-
-
-
ولــــــــــــكن !!

بالدبابات ولا بالبققي

أما من ناحية السيارة

فقد وجدت أن الآر بي إم حق سيارة السوزوكي يصل إلى 10 rbm

ولكن قد وجدت شيئا ً غريبا


لماذا لماذا لماذا لماذا

أغلب سيارات المطاعم سوزوكي ؟ سؤال يطرح نفسه

أرجوا إني أفدتكم مع إكم حاس مافهمتوا شي :)

[المميـز]

العاصمي



فيتارا الباب واحد حلو وسعره قير عادي 66000ريال

اما الثاني حق الشركات ما اعرف سعره

ولكن سيارات الايسوزو ماينخاف منها سيارات يابانيه وقويه ووكالتها حليله وقطعها معقوله وقليلت خراب

تعديل اقصد السزوكي وليس الايسوزو

[شبح الصحراء]

السيزوكي الجيمني حلو مرة اذا كانت مشاويرك قريبة من الأزفلت واكثر شي حلو فيه الدبل ثقيل وخفيف بعكس كثير من الجيوب الصغيرة يكون الدبل فيها خفيف فقط والآحظ وجود سيزوكي موديلات قديمة للحين ماشية وهذا دليل على قوة تحمل السيارة خاصتاً الجيمني ولكن من عيوب الجيمني صغر الحجم من الداخل يعني حدك اربعة ركاب فقط والعفش ماله مكان إلا اذا كانت الرحلة لشخصين فقط أما الفيتارا فليس له شعبية مع انه اقوى من الجيمني .

سيزوكي جيمني

http://www.carpages.co.uk/guide/@images/suzuki/suzuki-jimny.jpg

http://www.open-air-feeling.de/images/showroom/h400/260_Suzuki_Jimny.jpg

[شبح الصحراء]

وللمعلومية سعر السيزوكي الجيمني الجديد حوالي 45 الف ريال يعني رخيص مرة خصوصاً أن السيارة يابانية 100% .

[salehhd]

السلام عليكم

سيارات سوزوكي بشكل عام قوية وتتحمل وصرفيتها معقولة وخرابها قليل

واقترح عليك تشوف بعد جيب الديهاتسو تراه حليل

ولا تنسى تستخير

بالتوفيق

[0العاصمي0]

بيض الله وجيهكم على الردود اللي تبيض الوجه
واخص بشكري للاخ شبح الصحراء لان هذا الموتر اللي اقصده

وبعدين انا توني مخلص الثانوية وابيلي موتر صغير وطرى في بالي الجيب ذا
خصوصا انه صغير وشبابي ودفرنسين وسعره في حدود سعر الكورلا

[شبح الصحراء]

لا شكر على واجب يا العاصمي ولكن أحب ان اذكرك بحكم انك شاب توك مخلص الثانوية ان هذه السيارة تحتاج ركادة في القيادة فهي سيارة صغيرة وهذا يعني انها خطيرة عند الحوادث لا قدر الله وربما لا تناسب هواة السرعة والمخاطرة وإن شاء الله انت مانت من هواة المخاطرة بس حبيت اذكرك .
وعلى فكرة بسعرها تستطيع أن تشتري باترول ربع موديل 2000 نظيف وهو خيار مناسب اذا كنت لا تمانع في شراء سيارة مستعملة وكذلك داتسون أو هايلوكس دبل 2001 خيار مناسب لك فقطع غيارها رخيصة تصلح للي توه بادي مشوار حياته .

[عقاب طويق]

نصيحتي الجيب لازم يكون 6 سلندر او اكثر ولا مايصلح يعني لازم يكون محركه قوي جدا

[شبح الصحراء]

عقاب طويق أنا اختلف معاك في هذا الرأي فمحرك أربعة سيلندر كافي خصوصاً اذا كان وزن السيارة صغير وكل ما يحتاجه الشخص هو قليل من المهارة في القيادة خصوصاً في الكثبان الرملية ومادام هناك دبل ثقيل فلا خوف إن شاء الله فأنا مثلاً لا أستخدم الدبل كثيراً في القيادة في النفود ولكن عند تعلق السيارة أو عند تجاوز مناطق صعبة اقوم بشبك الدبل والمسألة تفنن في القيادة فأصحاب الجيوب القوية كثير منهم يعتمد على قوة المحرك والدبل يعني دووووس بنزين والباقي على السيارة ولو يتعطل الدبل راحو فيها !.

[غالي]

اخوي
والله ماانصحك فيه انحش انحش انحش
عن طريق تجربه لاحد اخواني شراه اول ماطلع هالشكل تقريبا كان في عام 2000
والله ثم والله توه ماشيء الف او مامشاها بعد وغرز على الشارع طبعا مانسم
ويحاول يطلعه شوي احترق معه الكلتش
والكلتش طبعا برا الضمان
وبعدين
تشتريه هالحين بهالمبلغ
هل عقب سنه او سنتين بيجيب لك شيء؟؟
والله ان تكره نفسك ان ساموه ب20 او 15 الف
تتحسف على دراهمك
نصيحتي لك
تدور لك لو سياره مستعمله نظيفه
لكن سياره تعيش وسعرها فيها
مثلا باث فايندر
او باترول سلقه
او تويوتا ربع
او شاص
واذا بغيت سياره عائليه للأهل او شيء
دور لك باجيرو ربع او كبير
وان بغيت سياره صغيره
كراون فكتوريا
والله ثم والله انهم احسن من هالجيب الي تقول عنه بالف مره ولو كانوا مستعملين
ترا عادي وانا اخوك حنا نشتري مستعمل ونبيع مهوب لازم جديد
والله يكتب لك الي فيه خير
لكن حبيت انصحك
السلام :)