المساعد الشخصي الرقمي

مشاهدة النسخة كاملة : مبدأ عمل الدبل؟؟


للبر رجلية
11/05/2007, 09:32 PM
السلام عليكم ورحمة الله وبركاته...
وصبحكم (مساكم) الله بالخير ... وبعد...

سؤال خفيف لطيف ؟؟

هو وش مبدأ عمل الدبل ؟؟
يعني H2 : يكون الدفع خلفي (الكفرين اللي ورا هي اللي تدور )
أما الــ H4 : L4 كيف يكون؟؟
إذا كان H4 : الأربع كفرات تدور... فكيف بالــ L4 (الثقيل)
إضافة إلى الدفلوك؟؟

وجزاكم الله خير ...
ساري15
12/05/2007, 12:12 AM
أخوي راجع هذا الموضوع

يفيدك أكثر (((( هناااااااااااااااااا (http://www.mekshat.com/vb/showthread.php?t=80005)))))
شبح الصحراء
12/05/2007, 05:22 AM
بالنسبة للدبل الخفيف H4 فيكون توزيع الحركة على الإطارات 70% للإطارات الخلفية و 30% للإطارات الأمامية وهذا يتيح للسيارة التحرك بسرعة أما الثقيل L4 فيكون توزيع الحركة بين الإطارات بالتساوي 50% للأمامي و 50% للخلفي وهذا يعطي قوة أكثر لإخراج السيارة من الرمال ولكن السرعة تكون في وضع متدني للغاية .
أما الديفلوك DefLock (قفل الدفرنس) فيجعل الإطارات جميعها تتحرك في نفس اللحظة حيث ان السيارة اذا علقت في وضع مائل قد تتحرك الإطارات الحرة وتتوقف الإطارات المنعلقة في الرمال عن الحركة وهذا شائع ولكن الديفلوك يقوم بتحريك كل الإطارات العالقة والحرة في نفس اللحظة مما يسمح بإخراج السيارة من الرمال ولكن يجب الحذر عند استخدام الديفلوك بحيث يجب توجيه الطارة في إتجاه مستقيم والسير بسرعة منخفضة للغاية كي لا يحدث مشاكل في الدبل .
شبح الصحراء
12/05/2007, 08:05 AM
حنا بالخدمة يا سلطان .
أبـو فـايـز
12/05/2007, 10:29 AM
الدبل الخفيف يشبك الدفرنس الامامي,, نسبة التوزيع تختلف من سيارة الى سيارة
الدبل الثقيل يدبل التروس , يعني يشبك الدفرنس الامامي + يعشق ترس اضافي للحصول على عزم اقوى (غالبا مرتين قد الدبل الخفيف)
للبر رجلية
12/05/2007, 02:00 PM
ساري 15: ماقصرت ومشكور..

شبح الصحراء : عز الله انك ماقصرت ووفيت وكفيت..

سلطان العوني : أنا أشهد..
أ
بو شنب فوسفوري :تسلم أخوي..
ملاحة
12/05/2007, 03:09 PM
ويش وظيفة x الموجودة قريب القير
""الشاهين""
12/05/2007, 03:12 PM
موضوع مهم مره وأبحث عنه دائما جزاك الله خير على طرحك لهذا الموضوع القيم اللي أكثرنا يجهله.
للبر رجلية
12/05/2007, 09:26 PM
ملاحة : أتمنى أخدمك ...


الشاهين : جزاك الله خير ..( رفعت معنوياتي)..
المفكر الدعوي
15/05/2007, 09:21 PM
جزاك الله خير
والأخوان ماقصروا ..
لكن سؤال بسيط (تحملوني) ...
ما فهمت وش فرق الدبل الثقيل عن الدفلوك... يعني الدبل الثقيل بالتناوب شوي اللي ورا وشوي اللي قدام بنسبة 50في المئة... والدفلوك كلها في نفس الوقت


وما تقصرون .....
المفكر الدعوي
16/05/2007, 03:01 PM
ننتظر الرد
أبـو فـايـز
16/05/2007, 09:50 PM
الدفلوك يعني قفل الدفرنس
بحيث تتوزع القوة بنسبة محددة
مثلا افرض انك مغرز
الكفر الايمن الخلفي مغرز
والخلفي الايسر معلق بالهوا
لو تدعس بنزين الى باتسر ماراح يفيدك لأن القوة تتجه للكفر اللي مايواجه مقاومة,, اللي هو هنا الايسر
فايدة الدفلوك انه يجبر التوزيع خمسين بالمية وخمسين بالميه يعني يدورون مع بعض
بواردي الدلم
16/05/2007, 10:47 PM
طيب بالنسبه للباثفايندر الاتوماتيك
وش الدبره معه
H2 h4 L2مدريL4
ممكن احد يوضحهن بعدين احطه بdولا:j احطه ب 2 او1
مخرب طلعات
17/05/2007, 03:04 AM
أكيــــــــد إذا دخلت الرمال يتوجب يتوجب إليك أن تستخدم الثنين عشان تكون ثقيله

بالنسبه لل L4 فايدته توزيع القوة 50 بالخلف و50 بالأمام

أم L2 يكون دفع خلفي ونفس طريقة ال L4 بس الفرق أنه دفع خلفي وتتوزع على اليمين 50 و على الكفر اليسار الخلفي 50

أرجوا إني أفدتك :)
مناااوي
17/05/2007, 08:24 AM
يا عياااالي الله يصلحكم اتركو الجيوب لاهل الجنووووب
الدبل الخفيف يشبك الكفرين الاماميييين فقط ؟؟؟ وماله دخل بالخلفي ابداااااا
الثقيل يشبك الكفرات بنفس القوووووه حتى يكون الجهد على الترووووس بنفس القوه
اما الديف لك فهذا الظاهر فيالفوردات اليوكن والسوابر ونحن لا نعشقهااااا ابدا اذا بغينا البر وعلومه
وسلاااااااااااااااامي الحار لكم من شمر وعنزة اللي ربوع عسير ويااااام
مناااوي
17/05/2007, 08:32 AM
يعني يا ربعي ويا عزوتي اهل السعوديه اللي له شف بالبر ونوى يطلع نصيحه اترك الجمس السوبر والفوردات والسايرات الفاشله اللي بالعربي خسارة بها الدراهم
علييييكم بالتويتا لاند كروزر والسفارررري واللي جيبه ملياااان الرنج روفر طبعا للملياااااان هذا انا قلت
وسلامتكم على الله
للبر رجلية
17/05/2007, 05:23 PM
ما شاء الله عليكم وما قصرتوا ..


وصدقت أخوي مناوي..
عاشق السيل
17/05/2007, 10:34 PM
بالنسبة للدبل الشباب ماقصروا وقالوا الكلام الصحيح ،،

أما سؤال بواردي الدلم عن القير الأتوماتيك في كافة السيارات ( والفائدة للجميع ):
أقولك إن D تعني إن القير يغير بين كافة التروس من 1 إلى 4 وبعض السيارات الجديدة إلى 5 ،،
أما 2 تعني إن القير يغير بين الترس الأول والثاني فقط ،،
أما 1 وبعض السيارات L تعني إن القير مايتعدى الأول مهما زادت السرعة وهذي تنفع بالمنحدرات رغم إنها تضر القير ..

وبالنسبة لكلام مناااوي : معلوماتك عن الدبل خاطئة جدا مع إعتذاري الشديد ..

أرجو أن أكون قدمت مايفيد الجميع ...



عاشـقhttp://www.mekshat.com/pix/upload/sign/images/mk49539.gifالسيل
للبر رجلية
18/05/2007, 02:46 AM
تسلم أخوي عاشق السيل وماتقصر..








بس فيه سؤال ماااااااااااااااااااااااله دخل في الموضوع لكن طرا على بالي وماحبيت أفتح موضوع عشانه..
اللي هو..... في السيارات اللي فيها تنكيين بنزين (على سبيل المثال اللانكروزر ) إذا جيت أحول من التانكي الأول إلى الثاني
أو العكس هل يتطلب مني وضعيه معينه مثل :التوقف , تهدئة السرعه , إيقاف السياره ,... ونحوه

وجزاكم الله خير ...
هاوي الله
18/05/2007, 03:27 AM
تسلم أخوي عاشق السيل وماتقصر..








بس فيه سؤال ماااااااااااااااااااااااله دخل في الموضوع لكن طرا على بالي وماحبيت أفتح موضوع عشانه..
اللي هو..... في السيارات اللي فيها تنكيين بنزين (على سبيل المثال اللانكروزر ) إذا جيت أحول من التانكي الأول إلى الثاني
أو العكس هل يتطلب مني وضعيه معينه مثل :التوقف , تهدئة السرعه , إيقاف السياره ,... ونحوه

وجزاكم الله خير ...

إرفع رجلك .. وحول التانكي .. وادعسسس >>>>>> جواب نهائي
عاشق السيل
18/05/2007, 11:53 AM
حسب معلوماتي عن التانكيين :

الباترول مجرد إنه يصب من الصغير إلى الكبير والطرمبة وحدة ( يعني الكبير لازم يكون فيه بنزين )..
أما اللاند يحول الصرف من الكبير إلى الصغير لأنه في كل تانكي طرمبة مستقلة ( يعني تقدر تمشي حتى لو كان الكبير فاضي )

أما سؤالك : مثل ماقالك أخوي هاوي هدد اضغط الزر في أي حال من الأحوال سواء في الباترول أو اللاند ..

وعساك موفق ،،،،،



عاشـقhttp://www.mekshat.com/pix/upload/sign/images/mk49539.gifالسيل
للبر رجلية
18/05/2007, 04:56 PM
جزاكم الله خير يالربع وما قصرتوا.... وتسلمون على المعاومات.
هاوي الله
18/05/2007, 06:27 PM
يُحول التانكي في حالة واحده فقط وهي الأفضل تهدئة السرعه .
شبح الصحراء
18/05/2007, 10:55 PM
يا عياااالي الله يصلحكم اتركو الجيوب لاهل الجنووووب
الدبل الخفيف يشبك الكفرين الاماميييين فقط ؟؟؟ وماله دخل بالخلفي ابداااااا
الثقيل يشبك الكفرات بنفس القوووووه حتى يكون الجهد على الترووووس بنفس القوه
اما الديف لك فهذا الظاهر فيالفوردات اليوكن والسوابر ونحن لا نعشقهااااا ابدا اذا بغينا البر وعلومه
وسلاااااااااااااااامي الحار لكم من شمر وعنزة اللي ربوع عسير ويااااام

للأسف مناوي معلوماتك غير صحيحة بالنسبة للدبل الخفيف فعند تعشيق الدبل الخفيف تكون كل الإطارات تعمل ولكن الجهد الأكبر على الإطارات الخلفية .
أما الديف لوك فليس فقط في الجيوب الأمريكية ولكن في كثير من الجيوب اليابانية واليابانيون هم السباقين في هذه التقنية .