اصحاب لاند الديزل يدخلون

[kwa_198]

بسم الله الرحمن الرحيم

السلام عليكم ورحمة الله وبركاته :

حي الله الأخوان وشلونك وش أخباركم المهم أبدخل في الموضوع

السالفة ومافيه انا توني شاري لاند كروزر 2006 ديزل المهم اليوم وأنا راجع من الصمان الساعة 2 الظهر ارتفعت علي الحررة قبل الاتش بشوي احتر المكيف التفت لخويي وش السافة صفطنا جنب أحد العروق نحتريه يبرد يوم برد الموتر نفتح الأديتر وإلا مليان ماء افااا وش العلم مدري قلنا توكل على الله وتوكلنا صرنا نمشي 120 الحرارة اوكيه يوم دعسنا شوي الا وهيي ترتفع ثانيه زبدة الموضوع أحد عنده علم وليه الحرارة تترتفع إذا أسرع الموتر والله قهرني

[mraa]

السلام عليكم
الظاهر عندك مشكلة في المروحة الثانية التي تعمل عند ارتفاع الحرارة وهي تعمل على حساس حرارة خاص بها يمكن فيها مشكلة
شيك على الحساس عن طريق مهندس متخصص

[alkongrs]

ماتبي البنزين عشان مايروح ويخليك

هههههههههههههههههههههههههههههه
عبدالطيف جميل شكلوة لا عب على الناس نفس نسيبي وش السالفة 2006أرتفاع الحرار إذا تعدا 120 أرتفعت الحرارة
لا تزعل من ولد العمدة إذا زعلت أبدعيلك با الخير :good: حياك ربي بين أخوانك

[kwa_198]

حياك ولد العمدة لا اخو ما نزعل علييك بس ما فهمت وش تقصد وثاني شي انا مشريته من عبدالعطيف شاريه من اليحي


انا من الي مقاطعين عبدالالطيف جميل خخخخخخخ

[alkongrs]

اليحيى نفس عبد الطيف جميل

[kwa_198]

mraa مشكور على التفاعل وجعله الله في موازين حسناتك لني لحضت المروحه الثانيه اذا اسرعت ما تشتغل اذا هديت اشتغلت والضاهر زي ما قلت الحساس اشيك عليه بس فية طلب ثاني خابر كهربائي زين في الرياض

[kwa_198]

مالك لو يا ولد العمدة تقارن عبدالطيف بالليحي شكلك ما قد رحت معرض اليحي ناضر الفرق بينه وبين عبدالاطيف في جيب الديزل وغيرة تدري ان عبدالطيف زارف الشياب

[ساري15]

أخوي :::: kwa_198

المشكله الظاهر إنها بالديزل كله :::

أنا معي ديزل 2005 فاكه جديد من اليحيى

ونفس الشي صار معاي بالصيف فقط ترتفع الحرارة الياتعديت الــ 120 تاصل النص

الله أعلم ان المروحه ماتغطي لو تجرب وتركب مروحة كهرب زياده على المروحه العادية

يمكن تنفع معاه

أما بالشتاء فلا تشتكي ارتفاع الحرارة ....:no2:

وإنتبه :no2: تطول تمشي والحرارة مرتفعه يعدم المكينه وإسأل مجرب ... حصل معاي بالنيسان قبل ثلاث سنين مع إنه بانزين

وارتفعت حرارته كذا مره وكل مره أقول إيه ماعليه وامشي عليه حتى آصل والحرارة على النص وأحياناً فوق

وبعد سنه تقريباً إضطريت إني اوضب المكينة والسبب من الحرارة الزايده

وياهلا والله ..........ز

[alkongrs]

والله أنك صادق عبد الطيف جميل يزرف شيابنا

[alkongrs]

:j والله أنك صادق عبدالطيف جميل يزرف شيابنا ولو تسئل واحد من شيابنا تقولوة أفضل وكله عندك اليحيى أو عبد الطيف جميل يبي يقول عبدالطيف جميل أزين واو ثق هههههههههههههههه:j

[طويطين]

ياخوي شل البلف وجرب

[ابرق العزاف]

شكرا


1- شيل البلف جرب
ماضبط

شيك على المراوح

ماضبط

اكشط الراس عند المخرطه

مافيه غير الثلاث ذولا
الا يكون انبير عطلان وهذه غير
بس مالها اشارات فيما ذكرت

[هولوكس2005]

اخوي دام الرديتر مليان فتأكد من البلف او يمكن الخرطوش ينكمش ويتسكر من السرعه وترها صارت كثير الخرطوش الي يوصل الماء من الرديتر للمكينه تأكد مكنه

[sameer_1798]

اخوي شيك على تماتيك مروحة المكينة عند الكهربائي , لأنها صارت معانا قبل كذا في لاند كروزر بس بنزين . وكان معانا واحد من الشباب كهربائي وسوالها شويت توليف ومشتنا لين وصلنا المدينة ثم غيرناها .

[ساري15]

ياقربها لانكمااااشة الخرطوووووووووووووووش


نغيره ونتأكد مادامنا مقبلين على الصيف