لأصحاب الربع باترول ..... ولا فـــــــخـــــر .. ولافــــــخــــــر ... راعي الهـــدد

[راعي الهـــدد]

السلام عليكم ورحمة الله وبركاته


هلا بالغالين


هلا بعزوتي اعضاء مكشات


يعلم الله كم انا مسرور بكم


وبتواجدي معكم وبحديثي معكم

أخوتي الفضلاء



تجهيزات الربع الباترول ابشركم على النهاية وقاربة من الأنتهاء



ولكن بقي لي مسألة بسيطة ....


واريد رأيكم وعلى وجه السرعة

قبل ان اعمل شيء

الا وهي اليايات يايات الأسترالية

اولد مان حقت الرماية

ركبت التانكي حق الماء سعة 160 لتر يعني يصير وزنه 160 كيلو

وتانكي بنزين سعة 50 لتر يعني 50 كيلو

وطبق اضنه وزنه حدود 45 كيلو

والعزبة تقريباً 30 كيلو

الثلاجة وزنها 55 كيلو

والفراش قل 3 كيلو

والرواق والفرشات قل 10 كيلو

ورهمت مرتبة بين مرتبة السواق والراكب يعني قل وزنها 15 كيلو

والآيكوم والأمبيفير مع البطارية الأضافية والقارمن وعدة المفاتيح

(( سكاريب ومفكات وزراديات وماشابهها ))

قل وزنها بحدود 16 كيلو

والدافور حق الغاز عدد 2 بحدود كلها وزنها 10 كيلو


المجموع الوزن كله = 414 كيلو


زد عليها وزن ابو حمد ووزن رفيقه هههههه



وش رايكم وش أركب اي حجم ياي .. ؟؟؟؟



لقيت عندهم ياي حجم 400 كيلو

وياي حجم 200 كيلو

وياي حجم 150 كيلو



وش رايكم وش أختار الحقيقة ضعت بينهم



الياي الي وزنه 400 كيلو يبي يشلع الموتر فوق فوق وهذي مشكلة


والياي الي وزنه 200 كيلو بيكون رفعه مناسب

بس ماراح يغطي على الأوزان الي بأحملها في الموتر

وبينت لكم كل الأوزان

وياي 150 كيلو مايخش بالعقل



واليكم آراء بعض الأخوة حولي وحوالي الي دايم حول فضيلته ههههه

أحد الأخوة شار علي بأني اركب ياي مقاس 400

واقص منه الى حد الأرتفاع الي ابي اقص منه بالصناعية واوزنه على الأرتفاع الي ابيه

وبذلك افوز بمسألتين الأولى انه يصير الموتر رفيع على الرفع الي ابيه

وايضاً ان الموتر يتحمل أوزان عاليه

ولكن حذرني أحد الأخوة
من اني اتعبث به او اقصه يقول بأنه يصير الياي ضعيف وبينكسر مع الطرد في البر

وقال انه صار له كذا ولبعض من يعرف

ولكن قد يكون من قص لهم قاص الياي غلط ممكن


ورأي آخر

يقول ركب ياي خلف مقاس 200

وقدام ركب كعكات

يقول بيجيبها لي من القصيم الله يغفر له ويمدح الشي هذا


ولكن في نضري أن الكعكات لاتضبط توازن الموتر

رأيكم يا أخوة تراني ضعت اي والله


طلبي


اي مقاس اركب ترى ضعت بالطوشه على قولتهم ... ؟؟

وهل اركب اربع يايات ... ؟؟

يعني ورى وقدام او بس ورى والقدام اخليه على ياي وكالته


ثم المساعدات هل ترون أنها مناسبة للباترول ربع ... ؟؟

لأني اشوف مساعدات وكالته لينه مره وحلوه

رأيكم ياغالين

وبالأخص كل من له خبره

وبالأخص الأخص من لديه ربع باترول

وركب يايات من الأسترالية


فزعتكم ياغالين

وابشرو قريباً سيطرح موضوع متكامل عن كل تجهيزات الموتر

وسيكون بوابة جديدة في مكشات

لتجهيز الربع باترول

شكرا لكم ياغالين

[راعي الهـــدد]

نسيت انبه
ترى الربع موديله 2006 ستاندر

[راعي الهـــدد]

هذا رد لأحد الأخوة الغالين ابو اسامة ولاقصر

بس لأن ماعنده زود خبره باليايات

لأن موتره سست

فلذلك اطلب منكم تزويدنا بالآراء ياغالين

اليكم رسالته لي قبل فتره وجيزة

رسالة خاصة: مشاركة: الله يغفر لك ماقصرت
http://www.mekshat.com/vb/images/statusicon/post_old.gif 06/02/2007, 10:42 PM
أبو أسامة (http://www.mekshat.com/vb/member.php?u=10620) http://www.mekshat.com/vb/images/statusicon/user_offline.gif vbmenu_register("postmenu_", true);
مكشاتي متقدم
تاريخ التّسجيل: Nov 2004
الإقامة: الرياض
المشاركات: 328
http://www.mekshat.com/vb/images/reputation/reputation_pos.gif


مشاركة: الله يغفر لك ماقصرت
وعليكم السلام ورحمة الله وبركاته

أخي الكريم .........

1_نعم يوجد محلات متخصصه بسيارات الدفع الرباعي ... وأعرف أحد هذه المحلات وقد كان مكانه بالمحطه اللتي بجوار الفيصلية .......ثم أنتقل إلى شارع العروبه والوصف هو أنه عندما تأتي عند تقاطع شارع العروبة مع شارع التخصصي إتجه غرباً وبتجيك أشارة رح معها طوالي يعني غرب ثم بعد ذلك ستجد فتحة للخروج على الخدمة خذها ثم على ستأتي محطة على يدك اليمين وأنت متجه طبعاً غرب ستجد في زاوية المحطة الجنوبية الشرقية محل أسمه 4*4 ........ ويديره سودانيين فاهمين شغلتهم ......... وأيضاً محل الرماية الذي وصفته لكم في الموضوع يوجد لديه ورشة للتركيب يعني أشتر من محلهم وراح يركبونها لك في ورشتهم .....

2_ لا أعرف شيء بالشرقية .........
3_ نعم هي قوية لكن إذا ركبت غلط هي أو أي مساعد يمكن يفلت من قواعده ثم يعدم عليك الرفرف...... لكن صدقني ركبتها كمساعد للدركسون في البترول بسم الله ماشاء الله ماعاد صار يرج ...... أذكر الله ...... وإذا تبي نصيحتي لك إذا المساعدات عندك سليمة غير بس اليايات وحط يايات أسترالية وتجي نوعين إما نوع أسمه 200 يعني يتحمل 200 أنه يشيل كيلو أو نوع أسمه 400 يعني يتحمل أنه يشيل حتى 400 كيلو ...... ال400 زين لكن عيبه أنه راح يرفع الموتر واجد .... بس أسئل الرماية هل بأمكانك القص منه دون أن يأثر على قوة التحميل للياي عشان يصير أرتفاع السيارة مناسب ........ وصدقني ماراح إن شاء الله تحس بالمطاب ......ثم بعدين إذا ماجازلك الوضع إرجع لهم وطقلك مساعدات أستراليه .
4_اليايات ما أدري لأن موتري سست ولا بغيت أسئل عنها بس المساعدات مثل ماقلتلك الواحد على 280 ريال ...... هذه السعر خبري فيه قديم يعني هل زاد أو نقص ما أدري ....... أحسن واحد يضبطها هو الرماية لأنه وكيل منتجات شركة أي أر بي بالرياض ....... وشغلهم نظيف وأنت لا تركب لين تشوف شغل الفلبينين اللي في ورشتهم على السيارات الثانيه إن جازلك وإلا شف غيرهم ........

والسلام عليكم ورحمة الله وبركاته

__________________

اللهم أنصر الإسلام والمسلمين ودمر أعدائك أعداء الدين يارب العالمين


[______]
[_OــــO_]
[]ـــــ<>ــ[]


http://www.mekshat.com/vb/images/buttons/forward.gif (http://www.mekshat.com/vb/private.php?do=newpm&forward=1&pmid=108594) http://www.mekshat.com/vb/images/buttons/reply_small.gif (http://www.mekshat.com/vb/private.php?do=newpm&pmid=108594)

[ملاعب الريح]

حيا الله أبو حمد


بأتكلم من باب تجربه أنا جربت الياي 200 رائع بدون تانكي


وجربت الـ300 مع كعكات 4.5 سم (بتانكي 100 لتر وعزبتين وثلاجه ودبة غاز ورواق) وصار زي رفع بلاده تقريباً
يعني أنصحك بالـ300 والباقي زده بكعكات بتطلع ليونة الموتر حلوه مره ومقبوله جداً


الياي الــ400 قاسي جداً أكثر من واحد جربوه وفكوه من قساوة فيه


وكانك بتركب ونش ودعاميه وحسيت إن وجه الموتر طاح زده بكعكات


(كانك راعي طرد أنصحك تدبل مساعدات قدام وورى بمساعدات أستراليه صفرا تاخذ المطب ولا تحس فيه وتآكل حصيان ولا يؤثر على توازن الموتر)



وأي إستفسار حاضرين للطيبين.....


تحياتي (ملاعب الريح)

[ملاعب الريح]

نسيت أقول لك المواتر اللي مجرب عليها كلها لاندكروزر



وكانك ما حصلت اليايات اللي تبيها أو المساعدات تلقاها عند السنيدي ببريده....


(ملاعب)

[راعي الهـــدد]

حيا الله أبو حمد


بأتكلم من باب تجربه أنا جربت الياي 200 رائع بدون تانكي


وجربت الـ300 مع كعكات 4.5 سم (بتانكي 100 لتر وعزبتين وثلاجه ودبة غاز ورواق) وصار زي رفع بلاده تقريباً
يعني أنصحك بالـ300 والباقي زده بكعكات بتطلع ليونة الموتر حلوه مره ومقبوله جداً


الياي الــ400 قاسي جداً أكثر من واحد جربوه وفكوه من قساوة فيه


وكانك بتركب ونش ودعاميه وحسيت إن وجه الموتر طاح زده بكعكات


(كانك راعي طرد أنصحك تدبل مساعدات قدام وورى بمساعدات أستراليه صفرا تاخذ المطب ولا تحس فيه وتآكل حصيان ولا يؤثر على توازن الموتر)



وأي إستفسار حاضرين للطيبين.....


تحياتي (ملاعب الريح)



هلا بالغالي ملاعب الريح

هلا والله

يعلم الله كم انا مسرور بتواجدك معي

اخوي الغالي

الي اعرف ان مقاسات اليايات الأسترالية

هي

150 و 200 و 400

فقط

واول مره اعرف ان فيه مقاس 300


ياليت توضيح منك ياغالي وين احصل هالمقاس



وأمر آخر



يا اخي سمعت من كذا واحد من الأخوة

ان الكعكات ما تخلي الموتر راسي اكثر



يعني ان الأكتفاء بالياي طيب وافضل

وش رايك يابعدهم



وش تنصح به من ناحية التركيب فكثير ينصحوني بالتركيب عند الرماية نفسهم رايك ياغالي

[nejjer]

ياراعي الهدد انا معي باترول 99 يايات بلده بس المساعدات اللي ورى فكسار 97 ترهم عندنا بالقصيم عند ورشة السيف وقدام مساعدات ربع تويوتا 2003 والصراحه لها معي الحين سنتين وكل شهر اطلع للبر واطرد واطعس واحمل عليه جركل الاسود من الكبار 100 لتر وعزب واربع فرش وثلاجه ولا فيه اخف منه و ارتفاععه عادي حلو بالحيل

[راعي الهـــدد]

ياراعي الهدد انا معي باترول 99 يايات بلده بس المساعدات اللي ورى فكسار 97 ترهم عندنا بالقصيم عند ورشة السيف وقدام مساعدات ربع تويوتا 2003 والصراحه لها معي الحين سنتين وكل شهر اطلع للبر واطرد واطعس واحمل عليه جركل الاسود من الكبار 100 لتر وعزب واربع فرش وثلاجه ولا فيه اخف منه و ارتفاععه عادي حلو بالحيل



ماشاء الله عليك

بس والله ودي بشي جاهز وارتاح من ترهيم وما ترهيم

وشاكر لك الرد ياغالي





يا أخوان تكفون الراي لاعدمناكم

اليايات اي مقاس اركب ... ؟؟؟

وهل الكعكات تصلح او ماتصلح ... ؟؟

وكذلك القص من ياي 400 هل يخرب الياي .. ؟؟

شاكر لكم

[غضنفر]

مشكلة الــ 400
بيصير في الموتر ونة من الرفع الزايد واذا تبيها تروح لازم تنزل القير كم سانتي لان قير الربع قصير
زد عليها بترتفع حرارة السيارة قليلا
لذلك انصح بالــ200 مع مساعدات خلفية قاسية

[راعي الهـــدد]

مشكلة الــ 400
بيصير في الموتر ونة من الرفع الزايد واذا تبيها تروح لازم تنزل القير كم سانتي لان قير الربع قصير
زد عليها بترتفع حرارة السيارة قليلا
لذلك انصح بالــ200 مع مساعدات خلفية قاسية




هلا والله بالغالي

طيب وش رايك اركب ياي 400

واقص منه في الصناعية

مع ان فيه كم واحد حذرني من القص

يقول يخرب الياي ويكون ضعيف

وياي 200 بيكون مناسب كأرتفاع

بس تحمل ما ادري عنه لأن حمولتي عفش وتجهيز بحدود 400 كيلو

وماذا تقصد بمساعد قاسي

انا حالياً مانيب مركب مساعدات

حتى اشوف كيف أداء اليايات ثم اركب مشاعدات بحسب الأحتياج

وش رايك

[برق رضوى]

والله يراعي الهدد
اذا تعرف واحد يقص قص طيب افضل القص
لاكن تاكد من المحل بارك الله فيك لاتودية لاي واحد
لانة لو ماظبط يكسر

[fajr]

الكعكات جميلة لمن لا يجدع >>مختصر قول واحد فاهم :)

[abo naseer]

السلام عليكم االه يعطيك العافيه

اليايات اللي على الموتر الخلفيه استراليه رقمها 982 واشوف انها هي المناسبه لان اذا زودت عن كذا تطلع حرة عامود
الا اذا كنت بتنزل كرسي القير شوي . والياي الامامي وكاله وزودت كعكه 2 سم وبالنسبه للمساعدات لاتركب الا مساعدات حوض او ربع بس يصرن زيييييييييييييييييييت مهب غاز لان الغاز قاسي بالحيل بالحيل وللمعلوميه انا قاص من الياي الخلفي نص لفه واي استفسار انا حاضر

http://www.mekshat.com/pix/upload/images35/mk50687_20060228018.jpg




http://www.mekshat.com/pix/upload/images35/mk50687_722.jpg

[هاوي الله]

وعليكم السلام

والله يابو حمد بالنسبه لي ماعندي ذيك الخبره اللي انت تبيها , يعني هه شوي .

أشوف الــ 200 أفضل .

هو في الأصل الباترول الربع رفيع يعني حتى لو ينزل شوي من ورى ماراح يضره من ناحية العقوم ...الخ . ويمكن مع الــ 200 ماينزل حتى بحمولة 400 كيلو .

آسف على التأخير .

موفق ,,

[الروض]

ياخوي الله يستر عليك وش ذا الاوزان
وهذا دون الركاب
ترى الله جعل الكل شي طاقة
وانت معطيه فوق طاقته
وما أقول الا الله يهنيك بموترك
ويقيك شر صواديف الطريق

[omiran]

ماشاء الله عليك يابو حمد كل هالخبرة عندك وتبي راي ؟؟؟؟

الله يوفقك ويدلك على الصالح المبارك ، اما خبرتي في هالامور في .... قليله او معدومه

ولك سلامي

[Abo Nader]

السلام عليكم و رحمة الله و بركاته...

هلا أبو حمد كيف الحال..

و الله يالطيب أنصحك ركب أبو 200 ...لو تفكر شوي أنت كل العفش هذا الي تبي تحطه منتب حاطه دايم..اللهم بس التانكي هو الي يبي يصير دايم بالموتر..

يعني ركب أبو 200 و زد عليه كعكات أستراليه تلقاها بالمحل..و قدام لا تغير شي..و ذا شفت الوجه طايح ركب كعكات...لأن الوجه موب دايم يتعرض لأحمال..

بالنسبه للمساعدات أنت و موترك...و الله تشوف أن مساعدات البلد مهب عاجبك غيرهن..و الصراحه مساعدات الأولد مان مرررررره غاليه..زو ركب مساعدات جبريل أو رهملك مساعدات فكسار..أنا مرهمها على موتري و تراها ما تكلف....و جدااااااااااااااااا قاسيه..بس ممتازه معجبتني..

و الله يعينك و يسرلك أمرك...

[غضنفر]

هلا والله بالغالي

طيب وش رايك اركب ياي 400

واقص منه في الصناعية

مع ان فيه كم واحد حذرني من القص

يقول يخرب الياي ويكون ضعيف

وياي 200 بيكون مناسب كأرتفاع

بس تحمل ما ادري عنه لأن حمولتي عفش وتجهيز بحدود 400 كيلو

وماذا تقصد بمساعد قاسي

انا حالياً مانيب مركب مساعدات

حتى اشوف كيف أداء اليايات ثم اركب مشاعدات بحسب الأحتياج

وش رايك

خذ الراي
ركب 200
ثمن حط كل عفشك
همن راقب النتايج
اذا الموتر نزل عندك حلين
1- ارفعه بكعكات
2- ركب بوالين وسط اليايات
اما القص ما انصح فيه

[ابو عاذر]

أخوي ابو حمد تحية طيبة وبعد :
شف يا الغالي أبقترح عليك أقتراح بتركيب بالون الياي في ياي الوكالة ( أما أنك بتركبه مع ياي 200 أسترالي فسلام سلم ،،،،،،، ) وعن هذه البوالين راجع الرابط التالي :-
http://www.mekshat.com/vb/showthread.php?s=&threadid=8892

ثم راجع الرابط التالي لموضوع يخص أخونا صالح عن البوالين وأن عنده بوالين بأسعار رمزية أرخص من السوق بكثير :-

http://www.mekshat.com/vb/showthread.php?t=84443

جربها أخوي ابوحمد عملية جداً وأحسن من ياي الاسترالي أنك تتحكم فيها على كيفك من أرتفاع السيارة ونزولها وحتى أنها تتحمل وزن 1000كيلو ( 1 طن ) في بعض من موديلاتها
مع تحيات اخوك ابوعاذر

[L I M I T E D]

هل اذا حملت عفشك ينزل الموتر نزول قوي ؟

لانك ناظر كم حمل ياي البلد ،، وقارنه مع الاسترالي وركب اللي اكبر منه

طبعآ اتوقع ان مقاس 200 هو الكويس

وقص الياي مانصحك فيه لانه قليل اللي يضبطه :no2:

واذا ماضبطه بترووح فيها

وفيه طريقة اخرى جربها بعض احد الشباب معه هدد

حمل كل العفش اللي بيروح به للبر ،، بعدين راح لمحل الرماية

اللي على التخصصي يجيك في محطة نفط ،، المهم دخل وقال لم الفلبيني

ابغاك ترفع الموتر ارتفاع مناسب للحمل اللي موجود فيه

وفعلا اختارله مقاس مضبوط وركبه وطلع مايحتاج

بالتوفيق ان شاء الله :) ،،،

[ملاعب الريح]

ما أتوقع إن الياي الـ200 يكفي عفشك 400كم ضعف الحموله تماماً


يعني العفش بيطق للياي بإصبع:) وكأنه ليس موجود



ما أدري عن السفاري فيه 300 ولا لا لاكن إسأل ولا تركب إلا عند الرمايه خبره وشغل مضبوط وتراه يركب بـ100 دائماً لاكن كاسره وتركب بـ75


يمكن يكون هالمقاس 300 موجود عند الرمايه وإذا كان ليس موجود خل أحد ربعك يسأل بالسنيدي



(ملاعب الريح)

[الدرندس]

السلام عليكم
وشلون اخوي راعي الهدد
اشتقنالك ولمواضيعك
الله يعطيك خيره ويكفيك شره لا تطول علينا نبغى نشوف الموتر
ومن راي غير الخلفيه فقط عشان مايصير الموتر مرتفع ويكون عرضه للانقلاب لا قدر الله

والراي الاول والاخير لك

اخوك الدرندس

[راعي الهـــدد]

يوووووووووووووه

ياحبي لكم والله انكم ماقصرتو

كلكم تكومتو هنيا هههههههههه


الله لايفرق جمعنا ذا

الله لايحرمني شوفتكم ولا حديث معكم آمين

اعجز وانا اشكر والله فيكم اي والله



الغالي جهني خالص

شاكر لك ومقدر هذا المرور والله لايخلينا منك ومن امثالك

والظاهر اني رسيت على القص بس اشوف بقية آراء الأخوان وبعدها سأجزم بالراي وبكره ان شاء الله يكون راكب

شكرا لك

-------------------------


الأخ الغالي فجر

الكعكات كثير يذمونها والله
والا هي اكيد بتكون اريح على الحساب هههههههه

حياك ربي ياغالي


--------------------

الأخ الغالي abo naseer

ياعزوتي ويابعدي

وش هالزين جعله وراعيه سالمين

وش ذا ماشاء الله الصورة الأولى عشقي اما الثانية فتكفى اترك الكفرات العريضة مالها سنع

اخوي ابو ناصر سؤال

ممكن تجاوب

هل ياي مقاس 980 اكبر حجم من ياي 982 الي انت مركبه

لأني شفت عند الرماية اليوم ياي مقاس 980 وانصحني به الزول ابو ياسر جعله بالجنة

وتراني جايه عن طريق معرفة قوية ولذلك ماقصر جعله يسلم

وش رايك ماتشوف ان الي شار علي به ابو ياسر السوداني انه زين يعني ياي 980 وترى لازم اقص منه على كلامه يعني ماراح يركب زي ماهو

وش رايك يابعدهم

شاكر لك ومقدر



-------------------


الأخ الغالي هاوي هدد


هلا والله بالغلا كله هلا هلا

يجعلك تسلم ولاقصرت

بس ترى الرماية مايعرفون الا قولة رقم كذا وكذا ماعندهم كيلو استغربت بس يقول لك ان مثلاً 980 يتحمل من 200 كيلو الى 400 وهكذا

عموماً مرورك شرفني اي والله

[ملاعب الريح]

معي Vx-r 1997 وحاط عليه كعكات قدام 2.5 سم عشان الونش

وورا كعكات 4.5 مع ياي 300 والحمد لله ما شكيت منها أبد أبد أبد


بالعكس تصدق إن مطب الموتر صار ألين بواجد.......



أزعجتك بكثر الردود والآراء لاكن ودي إنك تآخذ فكره كامله عن الموضوع



(ملاعب)

[راعي الهـــدد]

أخوي الغالي الروض


شاكر لك ومقدر هذا المرور الطيب

وابشرك ماتسمى هذي حمول وتراني يعني مترهي بكل شي يعني كل شي معطيه وزنه وزود سوي كاحتياط فهمت علي

وانا ضد ان الشخص في طلعته للبر يشيل كل ماهب ودب

وابشرك الموتر ابعير محامل يعجبك ويطربك

والموضوع القادم راح يبين لك كل شي وبالصور

دمت بود ياغالي



-------------------------------


الأخ الغالي omiran

هلا بابو احمد

تصدق عاد انك يوم مريت وشفت اسمك ان كأنك معطيني ويش


ياجعلك تسلم ومرورك والله انه كافي اشوف فيه السلوا والراحة

دمت بود ياغالي

------------------------------


الأخ الغالي Abo Nader

حياك ربي ياغالي

وانا والله مبغض الكعكات ليش ما ادري

واشوف ناس كثير تقول ماهي طيبه

وبالنسبة للعفش فابشرك دايم ماينزل من الموتر

يعني ان ما احصلت طلعة مقناص او طلعة بر طويلة يومين ثلاثة فلابد لو عساء برى حول الشفا وحواليه ههههه فضحت بنفسي علمت وين ساكن

او عند البل لازم من زل اقهيوه او هاه وهاه

المهم ان عفشي دايم معي

فلابد آخذ احتياطي بياي طيب وقوي

وبالنسبة للمساعدات فكثير يشورون علي أني ما اغيرها الآن لأن الموتر توه جديد وكاله ولا بعد تأثرت بشي وحتى الرماية يقولون كذا لاوبعد مخباي يقول كذا ههههههه هههههههههههههه

الميزانية رايحه فيها

شاكر لك ياغالي


-----------------------------


الأخ الغالي black path

والله انك صادق ان القص يخوف بس الظاهر مالي الا الله ثم هو

لأن ياي 200 مايكفي ابد اي والله وترى أخوك حار على الموتر ولايرده من اي مطلاع او منزال وابي معي موتر راكد حيل حيل

ولايتأثر من الحموله

شاكر لك ياغالي حرصك وياجعلك ذخر

والله اني دايم استنير برايك

حتى رايك هذا




مشكلة الــ 400
بيصير في الموتر ونة من الرفع الزايد واذا تبيها تروح لازم تنزل القير كم سانتي لان قير الربع قصير
زد عليها بترتفع حرارة السيارة قليلا
لذلك انصح بالــ200 مع مساعدات خلفية قاسية




تراني ما اغفلته رحت للرماية على كلامك

وصار كل علم طيب وسترى لاحقاً

دمت بود ومحبة

[راعي الهـــدد]

الأخ الغالي ابو عاذر

يعلم الله اني اسر دائما بمرورك اي والله

شاكر لك

وتمت زيار الروابط

يوقول ابو حمد ترى ماصلح منها شي ترى ابو حمد علة وريد مايجوز له اي شي واسأل سرهيد ويعلمك عني اكثر هههههههههه


والله البالون يخوف اول شي لايزال بالون وعرضه في الوعر لأن ينشق او يتلف

ثم من وين يكتسب هوا لابد من انك عب لاتعبي فك لاتفك ونشبه واخوك مايبي كذا

يب ي شغل جاهز ويالله هههههههه

شاكر لك هالأتمام ياغالي

دمت بود ومحبة

-------------------------

الأخ الغالي L I M I T E D


يالله يالله يالله لاتخليني منهم

رايك والله انه عين الصواب

ورحت لهم العصر بالموتر وهو محمل الى راسه

حتى اشيا مالي بها سنع محملها

من باب الأحتياط قال لك هههههه

ترى اخوك بعض الأحيان يلحقه شغل الشيبان

ولو انه توه صغير ههههه

المهم اني ان شاء الله باكون منتهي على خير

وياي 200 ماش ضعيف حيل بالنسبه لي

والله يعين وييسر

دمت بود ياغالي


-------------------------------


الأخ الغالي ملاعب الريح

صدقت ياي 200 ماراح يآكل عيش مع العفش

وبالنسبه للمكاسر فيلزمني امرك وتروح معي شكلك تآخذ مع الراس وصله ههههههههههههههه

سعنس تصلح في المكاسر او لا وش رايك

جعلك تسلم ومرورك شرفني اي والله


-----------------------


الأخ الغالي الدرندس

ياجعلك تسلم

وابشر المواضيع جايه مقبلة مثل السيل

ما أدري مكشات بيتحملها او لا هههههههههه

والله يعين وييسر

بس اقول لك الياي ان شاء الله راح يعجبك بأذن المولى

شاكر لك المرور ياغالي

[الحربي حاتم]

ودي افيدك لكن مالي علم في هذي الامور والله يظهر لك خيره ويرد عنك شره . والله يجعله زاد لك الى البر وفعل الخير وعون لك على الطاعه .

حاتم الحربي

[راعي الهـــدد]

معي Vx-r 1997 وحاط عليه كعكات قدام 2.5 سم عشان الونش

وورا كعكات 4.5 مع ياي 300 والحمد لله ما شكيت منها أبد أبد أبد


بالعكس تصدق إن مطب الموتر صار ألين بواجد.......



أزعجتك بكثر الردود والآراء لاكن ودي إنك تآخذ فكره كامله عن الموضوع



(ملاعب)




اقول




الله يجعل من خلّفك بالجنة




اقول




الله لايخليني منك




اقول



والله انك نعم الرجل ولاقصرت ياغالي



رايك والله انه دلني على امور كثير



ولا اقدر اقول الا



الله يجمعني بك في دار كرامته يالله ياكريم



الله يجمعني بك عند انهار اللبن المصفى


وانهار العسل الذي لم يتغير طعمه

وانهار خمر لذة للشاربين




ولافيه شي اسمه الوعد شعيب العصل


او شعيب غيلانه او او ....


مابه الا الوعد سدرة المنتهى

او الوعد عند الحوض الله يسقينا منه يارب





يالربع ترانا بآخر الليل




وفي هالوقت ينزل ربنا جل وعلا فيقول


هل من داعيً فاستجيب له


هل من سائل فأعطيه


هل من مستغفر فأغفر له

تكفون ركعتين ودعوه لأكم ولأخوانكم المسلمين


ولاتنسون راعي الهــدد الضعيف



الله يغفر لكم

تصور رب العالمين ينادي هل هل هل


تكفون اجيبو النداء



رحمتك ياربي انزلها علي

وعلى اعضاء مكشات

الله يجمعني بكم في دار كرامته آمين

[هويدي]

هلا براعي الهدد

اذكر يوم جيت اركب لموتري يايات قالي فيه ارتفاعين عن الوكاله اكثر بـ 3 سم و 5 سم

انتظرت شهر لين وصل الـ 3 سم لان الـ 5 سم يطلع صوت العامود

وبالنسبه للحموله اتوقع 200 كيلو مناسب ويأدي الغرض لانك منت محمل الـ 400 كيلو دايم على ظهر الموتر

والمساعدات ركبت اربع مساعدات منرو الاستراليه وكالتها بالصناعيه القديمه وسعر المساعد بـ 150

وعليها ضمان سنه وبتلاحظ فرق المساعد وقوته قبل التركيب حاول تضغطه عند المحل بس ترا مطبها قاسي بعض الشي

بس ترسي الموتر ومع التحميل ماينزل الموتر زي مساعدات ويايات البلد

[ساقان]

وزن لتر الماء =1.2
كيلو و200 قرام ..
اضافة الى وزن التانكي
للفائده فقط ..

[مخرب طلعات]

إنت تقصد يا أخوي (شاص باترول)

إذا إنت تقصده - وتحمل كل الأشياء اللي كتبتها فوق عالحوض فيستحسن إختيار ياي 400 كيلو

وإنت فكر تفكير أولي ومنطقي ( 400 يرفع لك السيارة وقوي مرة وخشن أو 200 هادي بس ترى وإنت في البر وصار شي معاك لاتقول ياليت وياليت )

-
-
يعني رافعه بالحيل ولا تصير مشكله وإنت في البر :) فكر منطقي ولا يابلاش :)

[فتى شنه]

كل هالغراض بحبه ربع مركبها هههههههههههههههههههههههه

[خاشقجي]

نصيحة راعي محل زينة سيارات

أغلب اللي يركبون 400 ماتطول معهم على طول يفكونها من قساوة فيها (يبيلك ترهم العمود الفقري حقك إلى فولاذ علشان تسلم )

ركب مقاس 200 ك وإرتاح .

ونصيحة ثانية
لا تركب كعكات يبي يطلع صوت يجيبلك الصمرقع .

[Abo Nader]

أخوي راعي الهدد...

بالنسبه لكعكات أنا أقصد كعكات أستراليه صفرا...تجي من النوع الربل و عمليه جدا جدا..لكن نوعا ما عدد الكعكات الأعلى الي ينصح به 2إلى 3 كعكات مع العلم أن الكعكه واحد سنتي قيمت الوحده من 25إلى30 ريال...رح لرمايه وشفها...أنا مركبها لي الان سنه...و الحمد لله...

بالنسبه لصوت الي يقولون عنه الأخوان يجي من الكعكات الألمنيوم..لأنها يبيلها شغله خرط و مقاس...ونادر ما تركب بدون صوت...

أرجو إني أفدتك...

[الوفي]

ياهلا وغلا بأخيي راعي الهدد



مبطي مادخلت مواضيعك واستانست فيها



ألحين مجموع اللي تبي تحمله = 414 كيلو + وزن أبو حمد = 534 كيلو



يعني أنصحك إذا فيه ياي 600 تركبه يمكن يوفي معك



********************************



أسمع وأنا أخوك تراك غالي علينا



ومع أني مهنا ذاك الخبرة في اليايات ولكن اللي اشوفه 200 انسب شي



400 تبي تقص ظهرك



وابعد عن القصقصة والخربطة ترى ماكلن يضبطها



والله يوفقك لكل خير ويختار لك الصالح في جميع أمورك

[M o b d a]

بس حبيت أقولك

إنك إذا رفعت الموتر

لاتنسى إنك باترول بعدين القير يبدأ ما يعشق عندك ..

يعشق لاكنه ما يلقم ذيك اللقمه

ويطلع صوت طقه عند التغير

رح دور لك ياي يرفع الموتر بزيادة 2 سم إذا ما اعجيبك رح ركب لك كعكات

أنا مركب الحمد على لاندكلوزر والحمد لله ما صار شيء للحين


والموتر نفش كل شيء ..


الله يوفقك إنشالله ..

ويسهل عليك دربك ..

وتلقا اللى يعجبك

[راعي الهـــدد]

الأخ الغالي الحربي حاتم

ماقصرت وجعلك تسلم

والله يستجيب دعاك آمين



-----------------

الأخ الغالي هويدي

ماقصرت وجعلك تسلم

والظاهر ان 200 كيلو مناسب كثير يشورون علي به

دمت بود ومحبة


-------------------------


الأخ الغالي ابو ملاك


اضافتك قيمة

ومنك نستفيد

اشكر لك التوضيح

ياجعلك تسلم شكرا لك

[راعي الهـــدد]

الأخ الغالي مخرب الطلعات

شاكر لك هذا المرور

والموتر ربع باترول وليس شاص نيسان

عموما مشاركة استفدت منها جزاك الله الف خير


-----------------------


الأخ الغالي فتى شنه


كل هالغراض بحبه ربع مركبها هههههههههههههههههههههههه




وش ذا وش ذا

كله تحامل على النيسان ههههههه


جزاك الله خير وابشرك انه من افضل المواتر الي جربتها

سواء تويوتا او جمس او نيسان او لاند روفر

والمجرب غير الي ماجرب

شاكر لك المرور ياغالي


----------------------


الأخ الغالي خاشقجي


ماقصرت والظاهر ان 200 كيلو هو الأنسب

والكعكات ما انصحني بها الا القليل

عموما يقولون ما اخس من تجربة

نجرب الين نقع على الدواء ههههه

حياك ربي


------------------------


الأخ الغالي ابو نادر


احسنت

الكعكات الي تقول عليها شفتها امس عند الرماية

لونها اصفر وبشكل دوائر معلقها على حديده بالمحل


ويبي لنا نجرب ولا يضر

شاكر لك ياغالي

كلك فوائد يابعدهم


------------------------


الأخ الغالي الوفي هلا هلا

هلا والله ملايييين

ولو انك مضيق صدري مخليني دب وسمين

لا والله تراني جلد على عظم ههههههه

عموما الله يسامحك


والظاهر ان ياي 200 هو الأنسب


وبالنسبة للقصقصه لابد منها

حتى لو ياي مقاس 200 كيلو

وابشرك فيه واحد يضبطها صح

شكرا لك ياغالي والله لايحرمنا من طلاتك


----------------------


الأخ الغالي m o b d a



شاكر لك المرور الطيب يابعدهم


ورايك ممتاز ونبي نحاور الأخوان عليه

جعلك تسلم

ولاتحرمني من زرقات على مواضيعي يابعدهم

[الجافي]

الا تعال ياراعي الهدد ماتقولي الحين وين اختراع الرواق الي ذكرته منذ مبطي ولا نسيت الكبر شين يابو حمد
انا كل مادخلت على مكشات انقز يم خيمة العدد والادوات اقلب ادور مامن علم اخلص علينا ولا مشغول هاليومين بالمساعدات وش النيه مطراش بعيد وعر ترانا نمون يابو حمد ولا ماعقبنا على الموضوع

[قناص متقاعد]

اخوي راعي الهدد

السلام عليكم جميعاً

انا معي نيسان فتك ومركب عليه يايات استرالية 200

وحاط على الموتر تانكي ماء 150لتر خلف المرتبه الخلفيه من النوع القائم وكذلك طبق حديد والموتر تانكيين بنزين وجميع الاغراض اللي انت ذكرتها انا مركبها اضافه عليها مواطير هواء 3 ومثبتها ورى ومع العلم ان وزن المواطير يقارب 30كيلو وزايد على العفش سلسله بطول 20 متر ووزن 15كيلو .

بصراحه لي مركبها الان سنه ونص ولله الحمد ماتغير في الموتر شي ابداً

مع العلم اني بشكل اسبوعي في البر

وكذلك عدد الاشخاص اللي يركبون معي بين 2 و 5 رجال

ونصيحتي لك لاتقص اي شي لان القص يفقدها الجوده والاتزان

واذا تبغى تسوي مثلي انا حاط ورى بس وحطيت حجم 200كيلو من النوع اللي متساوي مع حجم الشد بلد ولذلك تشوف موتري ما ارتفع ابد ولا تغير .

اما بالنسبه لقدام ما غيرت فيه اي شي
مخليه شد بلد

وبرفق لك صورتين

صوره لموتري وهو محمل والثانيه وهو فاضي

[ظبي]

طيب انا عندي لك شور خذلك 5سم و200 كيلو لاكن أنا ماجربت هاذي أنا مجرب 5سم 400كيلو وقاص ربع لفه والموتر فتك بابين وهذي صورة للرفع بعد قص الياي طبعا ميزتها حملت والا ماحملت نفس الرفع تقريبا ينزل 2سمhttp://www.mekshat.com/pix/upload/images35/mk3761_11042007135.jpg

[قناص متقاعد]

هذي صورة الموتر وهو فاضي والتانكي موجود بس مافيه مويه
http://www.up4ksa.com/uploads/0e1634f128.jpg (http://www.up4ksa.com)

http://www.up4ksa.com/uploads/01357465cc.jpg (http://www.up4ksa.com)


وهذي صورته وهو محمل والتانكي ملاين مويه ويلاحض العفش فيه

http://www.up4ksa.com/uploads/4cdb382e92.jpg (http://www.up4ksa.com)

http://www.up4ksa.com/uploads/77afa24450.jpg (http://www.up4ksa.com)


والخيار الاول والاخير لله تعالى ثم لك

[فتى شنه]

مافهمت قصدي يا راعي الهدد والله اني احبك في الله لكن قصدي

كيف شال هالغراض ذي هههههههههه والله القوه كل السيارات قويه لكن هاذا كبر اللقمه وعليه مكينه جباره الله يعطيك خيره ويفكيك شره

لا يجي بالخاطر شي وان شاء الله ابشري موتر واكلمك عل الخاص اخذ افكارك اللي سبق حطيها على موترك الاول gx

[راعي الهـــدد]

الا تعال ياراعي الهدد ماتقولي الحين وين اختراع الرواق الي ذكرته منذ مبطي ولا نسيت الكبر شين يابو حمد
انا كل مادخلت على مكشات انقز يم خيمة العدد والادوات اقلب ادور مامن علم اخلص علينا ولا مشغول هاليومين بالمساعدات وش النيه مطراش بعيد وعر ترانا نمون يابو حمد ولا ماعقبنا على الموضوع




اخوي الجافي

ههههههههههههههههه


والله ماعاد الحق اي والله


تكفى صبرك علي

والأختراع والله شبه جاهز بس يبي له فرغة يوم واحد فقط

وعسى الله ييسر


هههههههههههههههههههههههههه


تكفى لاتزعل ياقلبي

يالله انك تغفر له ووالديه

[Mr.Patrol]

اخي (راعي الهدد)

ماازود على كلام الشباب الا بمتمه

افضل لياي 200كيلو والارتفاع 3سم وضيف عليهم مساعدات جبريال لانك تقدر تختار قوة انضغاط المساعد من قاسى الى لين وطبع بالنسبه لك تختار قاسى بكذا ماراح ينزل الموتر كثير اما الى قدام فالافضل يايت استراليه 2سم و 200او150 كيلو وطريقه فك وتركيب اليايات سهل وهذا رابطين يساعدونك ان شاء الله.

http://www.mekshat.com/vb/showthread.php?t=79915
http://www.mekshat.com/vb/showthread.php?t=84226

[راعي الهـــدد]

اخوي راعي الهدد

السلام عليكم جميعاً

انا معي نيسان فتك ومركب عليه يايات استرالية 200

وحاط على الموتر تانكي ماء 150لتر خلف المرتبه الخلفيه من النوع القائم وكذلك طبق حديد والموتر تانكيين بنزين وجميع الاغراض اللي انت ذكرتها انا مركبها اضافه عليها مواطير هواء 3 ومثبتها ورى ومع العلم ان وزن المواطير يقارب 30كيلو وزايد على العفش سلسله بطول 20 متر ووزن 15كيلو .

بصراحه لي مركبها الان سنه ونص ولله الحمد ماتغير في الموتر شي ابداً

مع العلم اني بشكل اسبوعي في البر

وكذلك عدد الاشخاص اللي يركبون معي بين 2 و 5 رجال

ونصيحتي لك لاتقص اي شي لان القص يفقدها الجوده والاتزان

واذا تبغى تسوي مثلي انا حاط ورى بس وحطيت حجم 200كيلو من النوع اللي متساوي مع حجم الشد بلد ولذلك تشوف موتري ما ارتفع ابد ولا تغير .

اما بالنسبه لقدام ما غيرت فيه اي شي
مخليه شد بلد

وبرفق لك صورتين

صوره لموتري وهو محمل والثانيه وهو فاضي






انتضر صورك ياغالي

والظاهر مثل ماقلت ياي 200 كيلو مناسب

وذلك بعد المراجعة والمحاسبة

وعسى الله ييسر

واشكر لك المشاركة ياغالي

[ع.ف.الدرويش]

ورهمت مرتبة بين مرتبة السواق والراكب يعني قل وزنها 15 كيلو
أبو حمد.. كيف حالك..؟ قبل كل شيء :) تساؤل بسيط(ممكن تفيدنا بخصوص هالمرتبة المرهمة؟؟؟).. أما اليايات فنصيحة لا تركب الا يايات الـ200 كيلو لانها الانسب بكل حال للموتر بأغراض او بدونها اما الانواع الباقية بتتعبك لانه قلق وترى هالكلام من تجربة وباذن الله بتشوف النتيجة الحلوه كيف وان كان على الكعك فعند الرماية كعك جيد لونه اصفر غير الكعك الالومنيوم اللي بالصناعية انا زدت على الياي كعكتين من كل جهة وزاد الارتفاع تقريبا 2سم يعني المجموع صار 4 سم وهذا مناسب جدا للموتر..
والله يوفقنا واياك لكل خير
أخوك.. أبو فهـد..

:cool:

[راعي الهـــدد]

طيب انا عندي لك شور خذلك 5سم و200 كيلو لاكن أنا ماجربت هاذي أنا مجرب 5سم 400كيلو وقاص ربع لفه والموتر فتك بابين وهذي صورة للرفع بعد قص الياي طبعا ميزتها حملت والا ماحملت نفس الرفع تقريبا ينزل 2سمhttp://www.mekshat.com/pix/upload/images35/mk3761_11042007135.jpg






ماشاء الله تبارك الله



الله يمتعك بموترك آمين




الا بسألك سؤال



بعد قص الياي هل اختلف عندك شي ... ؟؟

هل تسمع صوت بسيط في الياي ... ؟؟؟

هل تشوف انه مخل للياي القص .... ؟؟

اتمنى نستفيد منك ياغالي في هذا الباب بحكم انك قصيت الياي

اقول ماقصرت ياغالي

والله يحرم وجهك عن النار آمين

ومشكور على هالصور الي تشجعني على الإقدام


سؤال أخير كم صار رفع الموتر من ورى بالسنتي متر ... ؟؟؟

احسب لاهنت من نهاية الجنط من فوق يعني من بداية الكفر الي من علو الجنط هههههههه

صار لغز ابي افهمك وعجزت

اقول انت شيخ ويقولون الشيوووخ ابخص

افهمها ورد لي جعلك تسلم ههههه

[راعي الهـــدد]

هذي صورة الموتر وهو فاضي والتانكي موجود بس مافيه مويه
http://www.up4ksa.com/uploads/0e1634f128.jpg (http://www.up4ksa.com/)

http://www.up4ksa.com/uploads/01357465cc.jpg (http://www.up4ksa.com/)


وهذي صورته وهو محمل والتانكي ملاين مويه ويلاحض العفش فيه

http://www.up4ksa.com/uploads/4cdb382e92.jpg (http://www.up4ksa.com/)

http://www.up4ksa.com/uploads/77afa24450.jpg (http://www.up4ksa.com/)


والخيار الاول والاخير لله تعالى ثم لك





وش وش وش

وش ذا ياغالي

وش هالمزيووون الي فرع علينا

تصدق عاد اني يوم شفته وهو موقف
اني حسبته طير يبي الهدد ههههه اي والله

ماشاء الله تبارك الله

حقيقة ان أهل التويوتا مابعد عرفو قيمة النيسان
والا كان ما شرو غيره ولا بغو بغيره بديل


وخص الربع والله انه طير هدد


المهم والزبدة ياكثر قرقي

والله يا أني اقرق قرق واجد واجد وش كثره

ههههههههههههههه بس تحملوني يالربع شي بالنفس ولازم اقوله

وفي يدي حكه وهي سبب المشكله في مكشات هههههههههههههههه


المهم

صور موترك لايعلى عليها

وإن كان اني ابي ارفعه اكثر من موترك بشوي

يعني ماهوب مثل رفع موتر اخونا
abo naseer

وهذي صورة موتره في رد له سابق بالصفحة رقم 1

http://www.mekshat.com/pix/upload/images35/mk50687_20060228018.jpg


ولا مثل موترك في النزول ولاهوب نازل بس اني ابي الرفع شوي

يعني ارفع شوي من موترك بالصورة ذي


http://www.up4ksa.com/uploads/4cdb382e92.jpg (http://www.up4ksa.com/)



عموماً ما اقول الا الله يجزاكم الجنة بتفاعلكم معي ياغالين

والله اعجز وانا اشكر فيكم

جعل مثواكم الجنه

[راعي الهـــدد]

مافهمت قصدي يا راعي الهدد والله اني احبك في الله لكن قصدي

كيف شال هالغراض ذي هههههههههه والله القوه كل السيارات قويه لكن هاذا كبر اللقمه وعليه مكينه جباره الله يعطيك خيره ويفكيك شره

لا يجي بالخاطر شي وان شاء الله ابشري موتر واكلمك عل الخاص اخذ افكارك اللي سبق حطيها على موترك الاول gx





ههههههههههههههههههه


اخيو الغالي

والله اني ابي اوسع الصدر معك اي والله

وبعدين لاتحسب ان مدحك للموتر يعني انه بيرضيني ههههههههههه


ما يرضيني الا تشري مثلي هههههههههههههههههههههههههههههههههههههه


حلها عاد نشبة والله


على العموم اشتر الي تبي من المواتر

وابشر بالي يخدمك خدمة ولد

ويجهز موترك من الألف الى الياء

انت تآمر أمر

يابعدهم يابعدهم يابعدهم

[راعي الهـــدد]

اخي (راعي الهدد)

ماازود على كلام الشباب الا بمتمه

افضل لياي 200كيلو والارتفاع 3سم وضيف عليهم مساعدات جبريال لانك تقدر تختار قوة انضغاط المساعد من قاسى الى لين وطبع بالنسبه لك تختار قاسى بكذا ماراح ينزل الموتر كثير اما الى قدام فالافضل يايت استراليه 2سم و 200او150 كيلو وطريقه فك وتركيب اليايات سهل وهذا رابطين يساعدونك ان شاء الله.

http://www.mekshat.com/vb/showthread.php?t=79915
http://www.mekshat.com/vb/showthread.php?t=84226




ماشاء الله تبارك الله


تم الإطلاع على الرابطين اعلاه


واحسبها من افضل ما قرأت


ومن ضمن منضومة المميزات ولاشك


نفع الله بك ياغالي


بس اخوي الغالي

ترى ارتفاع 3 سنتي اشوف انها ماهيب شي

يعني حول رفع الوكاله مابه زود فرق

والا وش رايك ...؟؟؟

دمت بود ومحبة

[راعي الهـــدد]

أبو حمد.. كيف حالك..؟ قبل كل شيء :) تساؤل بسيط(ممكن تفيدنا بخصوص هالمرتبة المرهمة؟؟؟).. أما اليايات فنصيحة لا تركب الا يايات الـ200 كيلو لانها الانسب بكل حال للموتر بأغراض او بدونها اما الانواع الباقية بتتعبك لانه قلق وترى هالكلام من تجربة وباذن الله بتشوف النتيجة الحلوه كيف وان كان على الكعك فعند الرماية كعك جيد لونه اصفر غير الكعك الالومنيوم اللي بالصناعية انا زدت على الياي كعكتين من كل جهة وزاد الارتفاع تقريبا 2سم يعني المجموع صار 4 سم وهذا مناسب جدا للموتر..
والله يوفقنا واياك لكل خير
أخوك.. أبو فهـد..

:cool:






الغالي ابو فهد



وين الناس مالك حس ولا حساس


اتمنى انك بخير وعافية


ترانا ولهين عليك حيل حيل



من ناحية المرتبة المرهمة مانيب قايل لك الا الين تسير علي وتشوفها بنفسك

وش رايك كفشتك صح هههههه


وترآها مرتبة والله انها ماهيب صاحية

والله تنفع نفع ماتصدق به

بالعربي يصير يركب معك قدام ثلاث اشخاص

وتصير مرتبة وتقدر تصفطها وتصير تكاية وتصير حامل ببسي في نفس الوقت

وبل تحتها مرهم صندوق يخش فيه الأمبي فير حق الكنود المقوي

وتبي تصلح لك يابو فهد


وبيكون بينا ان شاء الله حديث اوسع عنها اذا قابلتك او صار بينا اتصال لعله غداً


ومن ناحية شورك علي بياي 200

فاضن اكثر الأخوان يوافقونك على الراي

والظاهر هو الي بيصير


شاكر لك ياغالي

دمت بود ومحبة يابعدهم يابو فهد

[السرحال]

انا ما عندي لا نيسان ولا تيوتا


ومحتااار فواحد بينهم


وراعي الهدد يستاهل كل خير


لكن ما اقدر اخدمك في ذيه العلوووم


والله ودنا نخدمك


لكن ؟؟؟؟

[راعي الهـــدد]

انا ما عندي لا نيسان ولا تيوتا


ومحتااار فواحد بينهم


وراعي الهدد يستاهل كل خير


لكن ما اقدر اخدمك في ذيه العلوووم


والله ودنا نخدمك


لكن ؟؟؟؟






اقول لاتحتار



اياك اياك تشري غير النيسان باترول




ولو تقدر على ربع وتستطيع تتواكب معه

يعني ماعندك زود دقشة بزارين

فاشتر ولا تشاور نصيحة


اما من ناحية لكن ؟؟؟

فهاذي لم افهمها

تراني رجال انسى

تكفى ذكرني

واشكر لك المرور ياغالي

دمت بود ومحبة

[راعي الهـــدد]

أخوتي الفضلاء


اعذروني عن المشاركة


والإنقطاع لفترة محدودة


حتى تسلى النفس من شيء صار وانتهاك لحرمة مسلم

فنفسيتي تعبانه مره مره

ارجوكم اعذروني وسأعود قريبا

ولاحول ولاقوة الا بالله

والله ان العين لتدمع والله ان العين لتدمع

حسبنا الله ونعم الوكيل

[ظبي]

السلام عليكم آسف ياراعي الهدد على التأخر في الرد اما بالنسبة لهل الاسئله الي كنها أسئلة امتحان:p انت خابر ماعد بقي الا 3 أسابيع على المتحان :( جواب السؤال الاول هو:لا لم يختلف شىء
جواب السؤال الثاني هو:نعم والبلأ من الي مركبها وانا مانيب فاضيلها أركبها من جديد
جواب السؤال الثالث هو :لالالالالالالالالالالالالالالالا
وفي الأخير اتمنى أكون أفدتك وتقبل تحياتي;)

[رملان]

اخوي

ركب الوسط لان 400قاسي يفكك الموتر بطلعه وحده
بالنسبه للقص عندك ابو علي (مبارك الصيعري)وصف محله فيه الصناعية القديمه ميزان المجد اثنين متقابلات بعدهن
وانت متجه شرق على اليمين محل بالركن وبعده بوفيه هو الثالث وابعطيك رقمه اذا لقيته ترا اذا رحت له منتب خسران
وعلى مسئوليتي
الارقام (0506436883)(2955255)شارع المنتزه
الله يجبر مصيبتك ويريح بالك وطمنا عليك ترى قلقنا

[أنجشة]

اخوي

ركب الوسط لان 400قاسي يفكك الموتر بطلعه وحده
بالنسبه للقص عندك ابو علي (مبارك الصيعري)وصف محله فيه الصناعية القديمه ميزان المجد اثنين متقابلات بعدهن
وانت متجه شرق على اليمين محل بالركن وبعده بوفيه هو الثالث وابعطيك رقمه اذا لقيته ترا اذا رحت له منتب خسران
وعلى مسئوليتي


وش مبارك تقصد اليمني

[هاوي الله]

أخوتي الفضلاء



اعذروني عن المشاركة


والإنقطاع لفترة محدودة


حتى تسلى النفس من شيء صار وانتهاك لحرمة مسلم

فنفسيتي تعبانه مره مره

ارجوكم اعذروني وسأعود قريبا

ولاحول ولاقوة الا بالله

والله ان العين لتدمع والله ان العين لتدمع

حسبنا الله ونعم الوكيل



!!!!!!!!!!!!!!!!!!! ما أقول إلا الله ييسر أمرك !!!!!!!!!!!!!!!!!!!!!!

[راعي الهـــدد]

السلام عليكم آسف ياراعي الهدد على التأخر في الرد اما بالنسبة لهل الاسئله الي كنها أسئلة امتحان:p انت خابر ماعد بقي الا 3 أسابيع على المتحان :( جواب السؤال الاول هو:لا لم يختلف شىء
جواب السؤال الثاني هو:نعم والبلأ من الي مركبها وانا مانيب فاضيلها أركبها من جديد
جواب السؤال الثالث هو :لالالالالالالالالالالالالالالالا
وفي الأخير اتمنى أكون أفدتك وتقبل تحياتي;)






شاكر لك ياغالي ومقدر

ولا منك قصور

اشهد بالله انك كفيت ووفيت

دمت بود ومحبة ياغالي

[راعي الهـــدد]

اخوي

ركب الوسط لان 400قاسي يفكك الموتر بطلعه وحده
بالنسبه للقص عندك ابو علي (مبارك الصيعري)وصف محله فيه الصناعية القديمه ميزان المجد اثنين متقابلات بعدهن
وانت متجه شرق على اليمين محل بالركن وبعده بوفيه هو الثالث وابعطيك رقمه اذا لقيته ترا اذا رحت له منتب خسران
وعلى مسئوليتي
الارقام (0506436883)(2955255)شارع المنتزه
الله يجبر مصيبتك ويريح بالك وطمنا عليك ترى قلقنا






شاكر لك يالغالي

وتمت زيارة مبارك في محله

وانصح بعدم الذهاب اليه

شخص غالي السعر ومبالغ الى درجة كبيرة

يعني يآخذ مع الراس وصلة

تصور قلت له غير بس اربع مساعدات وفك الياي الي قدام فقط قال 250 ريال

قلت خير ان شاء الله

ياخوي ازوده 200 وآخذ ياي جديد

قال هذا سعري

قلت كل السوق المساعد الواحد فك وتركيب اغلى واحد يآخذ 15 او 20 ريال

انت وش حيث انك المهم دقيت ريوس وقلت في امان الله ومشيت من عنده

عموماً لاانصح بالذهاب له

وانصح وبقوة الذهاب للفلبيني حق الرماية اول خطوة لك في تركيب الياي نصيحة لوجه الله

[راعي الهـــدد]

!!!!!!!!!!!!!!!!!!! ما أقول إلا الله ييسر أمرك !!!!!!!!!!!!!!!!!!!!!!





اشكر لك مواساتك ياغالي

الله يغفر لك ولاهيب غريبة عليك يابعدهم

[القناص]

الله يفرج همك وييسر امورك

الله لا يقدر شر

ويامنا في اوطاننا يا راعي الهدد

[عمعوم]

أخوي راعي الهدد عجل علينا ترا من زمان وحنا نحتري هالموضوع والله ييسر أمرك ويغفر لنا ولك

[الدحبول]

انصحك تشيل اليايات وتركب ستت حق جمس
@@@@@@@@@@@@@
أو تركيب كعكات
@@@@@@@@@@@@@@@@@@@@
تدبيل يايات
@@@@@@@@@@@@@@@@@@@@@@@@@2
تركيب كفرات تتحمل مثل بعض الكفارات تحمل لحد 550 كيلو إلا وهي دنلوب 275 (إنسب حل ) إو بالون

[راعي الهـــدد]

الله يفرج همك وييسر امورك

الله لا يقدر شر

ويامنا في اوطاننا يا راعي الهدد






آمين آمين

وبلاد بلا امن لايساوي شيء

الله يآمنا في اوطاننا

وابشرك انفكت الكربة وزل الهم والغم والحمدلله

[ابو حزم]

الله ييسر امرك يبو حمد

وترانا نحتري تقرير الموتر

ما تشوف شر

[salllh]

ياخوان لاتنسون ان ا لحمل يتوزع علي لجهتين يعني كل ياي ياخذ نص الحمل

[راعي الهـــدد]

أخوي راعي الهدد عجل علينا ترا من زمان وحنا نحتري هالموضوع والله ييسر أمرك ويغفر لنا ولك





آمين وأياك



والله يابن الأجواد اني شغال فيه



آخرها اليوم العصر وانا شغال فيه



صبرك ياغالي



وشاكر لك المرور والرد



دمت بود ومحبة يابعدهم كلهم

[راعي الهـــدد]

انصحك تشيل اليايات وتركب ستت حق جمس
@@@@@@@@@@@@@
أو تركيب كعكات
@@@@@@@@@@@@@@@@@@@@
تدبيل يايات
@@@@@@@@@@@@@@@@@@@@@@@@@2
تركيب كفرات تتحمل مثل بعض الكفارات تحمل لحد 550 كيلو إلا وهي دنلوب 275 (إنسب حل ) إو بالون






ماشاء الله

شاكر لك ياغالي

بس كثر التعديل ترى يحوس

هلا بك ياغالي

[عاشق ومعشوق]

السلام عليكم
اشوف 200 افضل
والله ياعطيك خيره ويكفيك شره
اخوك / عاشق ومعشوق

[راعي الهـــدد]

الله ييسر امرك يبو حمد

وترانا نحتري تقرير الموتر

ما تشوف شر





أخوي الغالي ابو حزم

شاكر لك المرور والرد الطيب

وابشر بكل خير

[راعي الهـــدد]

ياخوان لاتنسون ان ا لحمل يتوزع علي لجهتين يعني كل ياي ياخذ نص الحمل





أخوي الغالي ماقصرت


وشاكر لك المرور يابعدهم

ورآيك بيتم بحثه واضن ان رايك موافق للصواب

دمت بود ومحبة

[السنونو]

اللي أعرفه أن الياي الإسترالي اللي يتحمل 200 كيلو يعني أنه يشيل 200 كيلو زود على حق الوكالة يعني إذا كان حق الوكالة يشيل 300 كيلو يصير الياي الإسترالي يشيل 500 كيلو وكذا على كل نوع منها

أخوي راعي الهدد ركب أبو 200 وريح راسك

[ABSS]

للرفع للفائده