المساعد الشخصي الرقمي

مشاهدة النسخة كاملة : تكفون ياشباب مشكله في السفاري 99


a-s-i3
12/05/2007, 06:41 PM
بعد ما رجعت من البر السياره مدري وش صار فيها وانت ماشي تقطع غيرت البواجي وصفاية البانزين ونفس المشكله سرعة110 تهدي وثم تعود ترجع وخايف لايلعبون فيه الورش لاني حريص علية بقوه ولافيه اي مشكله ال هذي من شريته من 4 سنوات
ابو عاذر
12/05/2007, 09:31 PM
شف أخوي شيك على وزنية ديلكو وعلى سلكه أيضا وتأكد من سلامة أسلاك البواجي

مع تحيات اخوك ابو عاذر
المميـز
13/05/2007, 02:38 AM
انا صارت معي وغيرت صفاية البنزين اللي تجي تحت بجمب تانكي البنزين وضبط ولله الحمد
سلطان العوني
13/05/2007, 02:42 AM
انا صارت مع واحد من الشباب
وفحص كمبيوتر ولقا البستم قافل عنده
واظطر يوضب المكينه
a-s-i3
13/05/2007, 02:43 AM
أخوي عاذر السفاري بخاخات وقالي واحد انه من البخاخات يبيلها تنظيف حطيت المنظف ونفس المشكله واوكاله قالو لازم تنتظر أذا تبي نشيك عليه ومدري أخليه عندهم ولالا وش رايك
أبو أسامة
13/05/2007, 03:14 AM
السلام عليكم ورحمة الله وبركاته


أخي الكريم :

أنصحك بالذهاب بالجيب للوكاله ولو أضطريت تتركه عندهم للتشييك مافيه خلاف إن شاء الله ........... لأنه بالعربي الفصيح ...... الوكاله إذا فحصوا السياره فحصوها بالكمبيوتر الخاص بالوكاله يشبك بكمبيوتر السيارة ......... وتكلفتهم 250 ريال فقط ........ بينما الورش تستخدم فحص الكمبيوتر لكن بأن يشبكوا على البواجي وعلى الأسلاك ....... وووووو قصه طويله عريضه ثم إذا عطوك النتيجه قلولك أعمل تصفيه . كالعادة .............. وسعرهم 150 ريال ......... يعني إذا فحصت بالوكالة وقالوا لك المشكله بالشيء الفلاني تكون مرتاح ومتأكد أنه من الشيء اللي قالوا لك الوكالة بنسبة 99% بينما الورش إذا قالوا الشيء الفلاني المشكلة منه يقرصك قلبك أنك تفكه ولا تطلع المشكلة منه ............

والسلام عليكم ورحمة الله وبركاته
a-s-i3
13/05/2007, 01:36 PM
أخذت شورك أبو أسامه ووديت السفاري للوكاله اليوم قالو تجي بكره الساعه 11 الظهر ونعلمك وش النتيجه والله اني خايف لايصير مثل ماقال اخوي سلطان العوني ان البستم قافل والله الموتر جديد مافيه شي أستخدام شخصي ادعولى عسى شي بسيط انشاء الله وتسلمون ياشباب على الفزعه والردود وبكره الوعد
قناص متقاعد
13/05/2007, 06:00 PM
اسمع اخوي

لايهمونك الوكاله

انا صرت معي المشكله ذي في موتر اخوي 99 بخاخ وغيرت البواجي والصفايه و الفلاتر وكل شي ولا ضبط الموتر

تدرش وش لقيت المشكله فيه

في طرمبه البنزين وجيت بغير وحده قالوا لي سعرها 940 ريال ورحت يم مهندس في صناعيه طريق الخرج بالرياض وقال لي تبغى النصيحه قلت له ايه

قال غير طرمبه كابرس او فرت

وغيرت طرمبه كابرس مديل 95 اصلي وكاله ب 110 ريال

وطلع بعدها الموتر احلى من الحلوا له سنه كامله الى الان ماشي زي الحلاوه

مع العلم ان الموتر اسبوع ورى اسبوع يروح لمدينه جده من الرياض لان العمل هناك

وتقريباً شبه شهري يروح للبر من الصمان وورى .

اما الوكاله انا رحت بالموتر لهم العام الماضي عام 1426هـ في رمضان وجلس الموتر عندهم يوم كامل وقالو لي من الفلاتر وغيروها ولا ضبط ثم قالوا من اصلاح الكلتش وضحكت عليهم وطلعت السيارة
عبدالله الضويان
13/05/2007, 06:21 PM
اخوي
الوكاله زينه والله ينفع بهم وانا مجربهم ومعي نفس موترك واتوقع المشكله عندك طرمبة البنزين او المنظم حق البخاخ او المنظم حق الهواء (الجهاز الصغير المربع اللي فوق البخاخ وفوق قربة الهواء)
اذا كانت طرمبة البنزين حاول تكلمني قبل تصلحها وشف رقم جوالي ابرسله لك على الخاص
a-s-i3
14/05/2007, 07:33 PM
الحمد الله ياشباب ضبط الموتر طلعت المشكله في منظم الهواء لاكن ما غيرته في الوكاله الان سعره عندهم 1082 ريال خليت اخوي يوديه لواحد يعرفه وانا شريت القطعه ب920 ريال من برى وعطيت اخوي 200 ريال لشغل يد المكانيكي يقول 100 ريال قلت تستاهل الباقي لك ياخوي مع قيمة التشييك 250 ريال يصبح المجموع 1370 ريال والحمد لله الموتر طلع نفس اول جربته على سرعة 160 كلم مضبوط واشكركم ياشباب على شوركم و الحمد لله انه شي تقدر تقول بسيط اهم شي المكينه 93من 100 نتيجة التشييك في الوكاله ولكم جزيل الشكر
ابو عاذر
14/05/2007, 07:59 PM
الحمد الله طلع الخراب بسيط ،،،،،،،،،،،،،، الله يمتعك في سيارتك ويبارك لك فيها

مع تحيات اخوك ابو عاذر
a-s-i3
15/05/2007, 01:59 PM
مشكور يابو عاذر والله لايحرمنا من ردودك
عاشق السيل
15/05/2007, 06:23 PM
يازين الأخبار الحلوة عقب ضيقة الصدر ،،

والله إنك ضيقت صدري بهالمشكلة لأنه صاري مثلك بالضبط وطلع من منظم البخاخات ولله الحمد ،، وعلى فكرة المشكلة هذي لها أسباب كثيرة ودايم الواحد على أعصابه يخاف من التوضيب ...

الحمد لله على سلامة الصقر وعقبال ثلاثين سنة بدون خرابات !!!

تقبل مروري ......



عاشـقhttp://www.mekshat.com/pix/upload/sign/images/mk49539.gifالسيل
a-s-i3
16/05/2007, 12:06 AM
مشكور يا عاشق السيل والله يعطيك العافيه وهذا والله من طيبك
غضنفر
16/05/2007, 12:27 AM
الحمد الله ياشباب ضبط الموتر طلعت المشكله في منظم الهواء

وا عجبي
حتى الباترول فيه هالمشكلة
المعروف انها موجودة في الباثفايندر
سؤال بسيط
هل تحرص على تنظيف وتغيير فلتر الهوا باستمرار
مناااوي
17/05/2007, 10:30 AM
سلام وتحيه
اذا موترك بخاخ فقط نضضضضف البخاخات ولايضحكون عليك عباااااد البقر واعذرني على هالكلام
لكن وربي ما يدروون عنه السفاري موتر تعتمد عليه
الدعوه ما تخرج عن تنظيف او اسلاك بواجي اما اخوي اللي يقول الديلكو الديلكو ما يقطع اذا فيه شيء يضضضضضعف عزمه وبس التقطيييع سهل الحل ونصيحه لا تعبووون من المحطاااات الجدد الا بعد فتره لان خزاناااتهم فيها اوسااااخ رمل و و و و و ؟؟؟؟ وسلامت راحك اخوي انت وجيبك
مناااااوي عسير
مناااوي
17/05/2007, 10:32 AM
لا انسى منظظظظظظظظظظظظظظظظم الهوا فوق الكربريتررررررررر