المساعد الشخصي الرقمي

مشاهدة النسخة كاملة : ابي حل لمشكلتي مع اليايات الاستراليه ؟؟


راعي ساموده
13/05/2007, 12:16 AM
السلام عليكم ورحمة الله وبركاته ..
ركبت يايات استراليه لسيارتي هدد ومشكلتي الصوت ( كل مطب تطلع صوت طقطقه ) رحت مره ثانيه للرمايه ولاعطوني حل .
وانا متاكد ان اللي بمكشات احسن من الرمايه ( ماشاءالله )
بناءا عليه ابي حل عاجل لو سمحتوا
غضنفر
13/05/2007, 12:32 AM
الياي ارتفاعه كم سانتي؟؟؟؟

امش بالسيارة 80 وحولها
ثمن ارفع رجلك عن البنزين ودوس ثاني مره
اذا طلع صوت فهو احتمال من عمود الكردان
هويدي
13/05/2007, 03:19 AM
وعليكم السلام ورحمه الله وبركاته


اتوقع والعلم عند الله يا انه ما طبق الياي زين او نسى يركب الربلات اللي تجي فوق بالياي

واحتمال ان فيه خلل بنفس الياي ( بعض حلقات الياي تصفق في بعض )

وذا تبي تتأكد ان الصوت من الياي هز الموتر وهو واقف

طلع عندي طقه قدام
هزيت الموتر وتحمست ودخلت تحته وهزيته واكتشفت ان الطقه من ربله المساعد !
خاشقجي
13/05/2007, 09:43 AM
أنا مع أخوي هويدي

يمكن ما ركب الربلات

أصبر لا يصير مركب كعكات ...
خادم تميم
13/05/2007, 10:57 AM
غير الحلول الي قالوا الاخوان احب اضيف .علشان تتاكد انه من اليايات رجع اليايات القديمه وجرب يروح الصوت والا باقي
رحال7
13/05/2007, 02:57 PM
غير الحلول الي قالوا الاخوان احب اضيف .علشان تتاكد انه من اليايات رجع اليايات القديمه وجرب يروح الصوت والا باقي

افضل حل وكذلك اذا السياره لاند فليس هناك ربلات؟ّ!
مريقب العيفار
13/05/2007, 05:52 PM
اخوي راعي ساموده

حل مشكلتك عندي طال عمرك

لأني واقع فيها

سبب المشكلة انك مركب يايات موديلها لا يتناسب مع سيارتك

كيف؟

لو شفت الحلقات العلوية من اليايات كان لاحظت انها قريبة من بعض

وعند المطب تضرب في بعض محدثة صوتا مزعجا

الحل:

قبل فترة واحد من الاخوان قال انه دور حل ولا حصل

انا سألت كثير

حتى اني اتصلت على الصيانة عند الرماية وكيل اليايات

وقال ما فيها حل

الا انك تحط( لي) = ( هوز ) من داخل الحلقات ويكون لي قوي

وهو يسوف يمنع احتكاك الحلقات مع بعض

لكن هل سيدوم اللي مع قوة ثقل السيارة؟

لا اعلم أني لم اجرب

فلا زال الصوت عندي يصقع صقعا

وانا ناوي اغيرها وارتاح

فكرة ( اللي) ذكرها لي ايضا بعض الأخوة في احد المنتديات طرحت عليهم المشكلة

المهم ان اصل المشكلة انك لم توفق في موديل الياي ( الرقم المناسب) لسيارتك

بالمناسبة قال لي فلبيني شغال بميزان له شهرة انك لو وديت سيارتك بهاليايات للفحص فلن تنجح



بالمناسبة هل اليايات موديلها 862

ومن وين شاري اليايات؟

وهل يقبل البائع انك تبدلها؟

وتقبل تحيات اخوك


مريقب العيفار
راعي ساموده
13/05/2007, 07:29 PM
السلام عليكم ..
الاخوه الاعزاء بلاك باث , هويدي,خاشقجي , خادم تميم , رحال 7
تسلمون على الرد

وانا تحمست مع رد اخوي مريقب العيفار لاني شكيت انه قاعد يتكلم عن سيارتي ؟؟؟ فعلا بالتفصيل الممل
وانا ونا خوك ركبته عندى ورشة الرمايه اللي بالتخصصي , يوم رجعتلهم قالو زي كلامك ( لازم تحط لي بأسفل الياي) وركبته عندهم وطلعت ونفس الصوت مازال ولاعاد رجعت لهم , ولي صديق عنده نفس السياره مركب من نفس الورشه ولا عنده صوت ماشاء الله .
والمشكله انها بتصير خساره قويه لو رجعت الياي شد البلد وحطيت بالون لاني حاط مساعدات منهم بعد
هاوي الله
13/05/2007, 08:51 PM
الحل هو إنك تحط ربله أو قطعة أستك بين كل لفه ولفه . بس يبيلها إتقان في الشغل .

أنا مثلك ياراعي ساموده نفس المقاس 862 ونفس الصوت بس مهوب قوي مره , يعني شوي وأفكر أحط ربله أو أستك .

بالنسبه لي افضل مقاس للاندكروزر هذا المقاس 862 .
الرهدن
13/05/2007, 10:47 PM
العفو على الخطمة :





لو جربتوا البالونات كان سحبتوا السيفون على اليايات الإسترالية اللي مشاكلها ماتنتهي00

حتى الوكالة يخبصون بالحلول !!



وأيضآ تشوفون كثرة الردود لحل المشكلة

يعني مافيه رد ثابت00

وهذا كله عكس البالون اللي بإمكانك تعرف المشكلة أنت وتحلها أيضآ



المشكلة !

إسمها بالون فتتصور إنها تشبه بالون الأطفال :D



.
Mr.Patrol
13/05/2007, 10:54 PM
اخي (راعي ساموده)

يوجد فوق كل ياي ربل يجي وكاله يخفف مشكلة الصوت اتوقع لو تغيره تنحل مشكلتك والله اعلم.

http://www.mekshat.com/vb/showthread.php?t=79915
http://www.mekshat.com/vb/showthread.php?t=84226
خادم تميم
14/05/2007, 02:05 AM
رحاال 7 لاهنت اللاند فيه ربلات بالياي وسلمت

راعي ساموده ربي يوفقك وتنحل مشكلتك يقولون اسال مجرب والا تسال طبيب. ممكن مريقب العيفار جاب الحل لانه عانا مثلك وفقكم ربي
رحال7
14/05/2007, 09:09 AM
اخى عطنا موديل السياره ورقم الياى الذى ركبته وارد عليك بأذن الله..بالنسبه للربلات سيارتى عندى سياره لاند 98 الشكل الجديد ولا يوجد ربلات ابدا ماشاء الله لا يوجد صوت..

وصلى الله وسلم على محمد وعلى ال محمد
خادم تميم
14/05/2007, 01:33 PM
رحال سيارتي لاند 2006 والياي فيه ربلات تجي من مصنعه لالالالالالالالالالالالاهنت